لابسه هاللبس ؟ اذا اهيا ......!!!!! ابي وجهة نظركم

[بقلبي انت]

البنات يعطيهم العافيه قالوا إلي بقوله

الله يستر عليج ويستر علي بناتنا

 

[بحرانيـه]

انتي لو واثقة من لبسج ماييتي هني تحطين موضوع تسالينهم عن رايهم في الي انتي تسوينه صح دام امج وابوج عاطينج حرية وزوجج ؟!
الشي الصح الي انتي تسوينه بوجهة نظرج ماتسوين له موضوع الا اذا حاسة في شي لووووول

 

[q8iia]

سلام

فتاة سألت والدها يا أبتي ما أكشف من جسدي وما أذر*
فأجابها : اكشفي من جسدك بقدر ما تتحملين من النار*

^ هالرد كافي*

بس بقول لج شغله*
بما اني مسلمة وقاعده ببلد مسلم*
فطبيعي راح أحكم على الناس على أساس تطبيق أحكام ديني*
وإلي تلبس لبس مو محتشم راح أحكم عليها بعدم احترام أوامر الله*

عادي إذا قاعده بمكان كله حريم لبسي الي تبينه محد له حق يقول لج شي ولا يشوفج بنظره مو حلوة دامج ماشيه ع الطريج الصح*


ولو خلينا الدين على صوب*
انتي بمجتمع له عادته ونظرته وتقاليده*
لازم تحترمين قوانينه يالغاليه*

( ماحكم على إنسان من لبسه إذا كنا بمكان كله حريم ومثلاً وحده لبسها مو كشخه او مو ماركة ما احتقرها من لبسها .. بس هني ماحكم على إنسان من لبسه )*



اريج الجوري*
الحياء خلق من الأخلاق حبيبتي*



جنا الشغلة صارت محاضرة شطولها لول

 

[لذه السكر]

البنات ما قصروو واغلب الردود اعجبتني من الناحيه الدينية

وازيد ....

طبعا نحكم على الشخص من لبسه مهما كان

ليش بمقابلات العمل يطلبون لبس رسمي ؟؟ ليش بالحفلات نلبس بدل سهره ؟ لكل مكان لبسه

يعني مو معقوله اروح الدوام ببجامة والا البس بدله سهره فخمه بتسيوره عاديه

الحين انتي لما تشوفين واحد مبهدل ماراح تحكمين عليه ؟؟؟
والا لما تشوفين وحده مهلقه وما تعرف تلبس ما تكسر خاطرج ؟؟

نفس الشي اللي تلبس لبس فاضح والا ملفت وتقول ليش تخزوني ؟؟ والله انتي شكلج ولبسج شووووو تقولين تعالو شوفو واللي يشوف لازم يعلق

 

[لذه السكر]

احترم وجهة نظركم
واختي الي تقول قلة حيا يا ليت لو تتلفظين بالفاظ ارقى
بس انا عندي الوحده تتدخل بلبس بنتها اختها اوكي ! بس مو وحدا ماتعرفها
يعني مايصير وحده بالسوق يايه ساحبتني من زندي تقولي لبسج كيت وكيت !!
وشدراكم اني انا مثلا امتثل لدينكم او اؤمن بعتقاداتكم وتقاليدكم الي بنظري متخلفه
اذا جذي ترا مجتمعنا سلبي درجة اولى الي يحكم علا شخص من لبسه
ولاتنسون ان وايد بنات البسوا لبس محتشم علا قولتكم امتثال لامر ريلها او ابوها مو لله!!!!! او للعادات مو للدين مثل النقاب
علا العموم اختلاف الراي لايفسد من الود قضيه دمتم سالمين

:eh_s(10):

 

[دلال و غلا]

؟؟؟

المجتمع اللي عايشين فيه يتمنونه غيرنا

مجتمع يحافظ ع البنت من كل ناحيه
وجسمج مو ملكج من قال هالسالفه ؟ انتي مو مثقفه بالدين
الجسم ملگ ( الله جل جلاله ) عطاج جسمج امانه تحافظين عليه و فيه يوم بياخذ امانته
و يوم القيامه كل شي فجسمج راح يشهد ع كل شي سويتيه // بيقول ماحافظت علي و لا استرتني
شنو بتقولين وشنو ردج

اتقي ربج و احفظي الامانه

*

 

[M!sS_ShaDow]

شوفي حبيبتي أنا ما احكم علي اللبس ياما أشوف بنات مؤ متحجبات بس قمه بالادب للعلم انا مو متحجبه بس شنو اللي يفرق لما تكون وحده مؤ محجبه و لابسه لا هو قصير و لا هو ضيج وسيع و حلو شكلها يطلع ارتب من اللي لابسه ضيج و قصير و لو أشوفها وانا ما اعرفها بحترمها أكيد لانها محترمه نفسها و جسمها و المكان اللي أهي في بعكس لما أشوف وحده لابسه ضيج و نص فخذ وصدر و رايحه عياده او شغلها او سوق غلط لان هذا مؤ لبس و كل مكان يفرض عليج اسلوب لبس معين يعني مؤ معقوله اروح عزا بعيد شر و حاطه فول ميك اب و اكسسورات خير عسى ماشر و مؤ معقوله اروح عرس وانا مؤ حاطه ميك اب و قاعده بعبايه و مؤ معقوله أشوف وحده لابسه قصير و ضيج بمكان عام و اقول لا والله هذي خوش وحده و حبيبتي لبسج يبين شخصيتج فلا تخلين احد يأخذ عليج فكره عشان بدله قصيره و بقولون هذي وين اهلها وعلي كلامج انتي متزوجه بقولون خلف الله علي ريلها وبس و اتمنى ما اكون ضايقتج :eh_s(7):

 

[pinkoosha]

انا ماراح اتكلم واقرق وايد نفس باجي الخوات،، بقولج شغله صغيرونه

شفايدتج تصومين وتصلين محترمه وماتكلمين ولبسج فاضح؟؟؟؟؟
حسناتج الي قاعده تاخذينهم كلهم تمسحينهم من خلال لبسج


باجر تكبرين وتعقلين الا اذا انتي كبيره ومقتنعه بكلامج ف وا على الدنيا السلام

 

[Ǥoldɛn ʝɛωɛL]

اي اكيد احكم عليها من اللبس

 

[نبض شرياني]

شدراكم اني امتثل لدينكم>>>>>>كلامج

ليش حبي شنو ديانتج؟؟

دينا بالكويت الاسلام الحمدلله

وبعدين

البنت سواء كانت سفور او محجبه لكن لبسها فاضح

ما احترمها لانها ما احترمت ربها قبل كل شي

واللبس هو واجهه الشخص جدام الناس

وع النصيحه

ترا وايد شباب وبنات تغيرو من نصيحه شخص غريب وهالشخص ما نصح الا من خوفه وحبه وحرصه وغيرته ع دينه

يعني النصيحه مو مرتبطه بامج او ابوج او اخوج او اختج

قال رسول الله عليه الصلاه والسلام(من رأى منكم منكراً فليغيره بيده، فإن لم يستطع فبلسانه ، فإن لم يستطع فبقلبه، وذلك أضعف الإيمان)

اللي صار انهم طبقو سنه الحبيب المصطفى لوجه الله تعالى

ما ادري اشلون جسمج مايكش

والجسد ملكج صح لكن قبلها كل شي فينا ملك لله تعالى

الجسد ملكج وملك لزوجج (واشلون اهو راضي انج تطلعين جذي؟؟؟؟شنو مافي غيره عليج؟؟؟؟)الله يهديه

واجزاء من جسدج لمحارمج>>>تحت الركبه الشعر الرقبه ...

يعني مو تستعرضين فيه للناس

يعني انا لو اشوف وحده جذي اقول الله يهديها

تخيلي الله ياخذ امانتج وانتي بهاللبس؟؟؟؟

شنو بتقولين له لما يسالج بيوم الحساب؟؟

شنو بتردين عليه؟؟

لما تنطق اعضائج وتقول كشفتنا للغرب

الله يهديج ان شاءالله ترا ما تكلمت الا من غيرتي لان البنت في الاسلام مثل الالماس اللي تحطينها بكيس مخمل وتسكرين عليها علشان لا تتلزغ ولا يحوشها شي ويخربها وتحافظين عليها

 

[om.aboodi]

والله انا عندي مومتحجبه ولامنقبه والكحل لي الاذون ومخصره العباة هذي اغراء اكثر حتي اخوني ومن رياييل يقولون هذي تغري اكثر ولامصدقه انها متحجبه هالفئة حبيبتي اللي متحجبه غصب على قولتج عشن الاهل فيعتمد لى لبسج وفر او لا يعني في بنات برضا اهلهم للاسف بكيني اطل والا الاخو والابو مادري شنو هالرياييل اللي مفيهم غيره ويطلق عليه سوري عالكلمة ديوث فمحد يرضاها لاهله وللاسف قمت اشوف هالايام من طقه نقاب واغراء مع رياييلهم هذي مصيبه ويطالعونج على بالها نتي محتره منها انا ناقده عليج وعلى الثور اللي يمج مادري من هالوجبات السريعه عيالنا صارو ديوثين يحطوملهم شي لاتحجبين بس لبسي لبس حلو رااااااااقي تري حتي الاجانب يكشون ويحكمون على اللي تتعري انها تشيب والله بره ماشوف اللي نشوفه اهني الله يصلح الحال

 

[نبض شرياني]

اي والله صاجه

هذول ينقال عنهم اشباه رجال

ذكووور

وبالاسلام ينقال ديووث ماعنده غيره ع حلاله

 

[مُخملْ]

ماراح أقولج اللي تسوينه حلال ولا حرام
بس أتمنى تقرين اللي اكتبه لج :

احنا في مجتمع قبل لاتحكمنا عادات وتقاليد يحكمنا
دين ، يحكمنا رب . قبل لانشوف هل مجتمعنا يتقبّل
تصرف معين نرجع لشريعتنا ولديننا ، هالشيئين اللي يحكمون
تصرفاتنا لا مجتمعنا ولااللي حولنا يقدرون يضيقون حدود تصرفاتنا .

أنتي ساخطة على المجتمع ؟ أنا معاج في أشياء وايد تمشي
بالعكس والناس تعودت عليها على أنها تحت مسمى " العادات"
لكن هذا أبداً مايعطينا الحق نتمرّد على شريعة ودين ورب !

ليش لا أحياناً الشخص يحكم على اللي أمامه باللبس ،
معَ إحترامي الشديد لكن إنسانة لابسة لبس فاضح وبحضرة زوجها
أو أحد محارمها كيف تبين نظرتي لها تكون ؟
إنسانة متحضرة ومثقفة ومنفتحة ومتحررة ؟ لا طبعاً !
عمر التحضّر ماكان بالتعرّي ، واللي ما احترمت تعاليم ربها
برغم علمها بحُرمة اللي تسويه لاتنتظر من الناس تحترمها .

أبداً لاتتصورين أن جسدج ملك لج ، جسدج ملك ربج في يوم
من الأيام راح يرجع له ويشهد عليج بكل صغيرة وكبيرة .
كلل هالدنيا باللي فيها مهما تكبر فيها الإنسان واستعلى
مرده لقبر يلمّه وماراح ينفعه تكبره ولااستعلاءه . كل شي
ملك لله سبحانه ، جسدنا بيدنا الحين عشان نحقق الغاية من خلقنا
ونعمّر هالأرض وبيرجع لمالكه عاجلاً أم آجِلاً .


أنتي إنسانة فاهمة ووصلتي لهالعمر يعني تميزين الصح من
الخطأ بدون لا أحد يقولج ، حتى لو أمج وأبوج ربوج بانفتاح
ماتحسين بشي غلط ؟ أنتي ماييتي هني وكتبتي هالموضوع إلا لأنج
تحسين بوجود خلل ما ماتعرفين مصدره .
راجعي نفسج وحاسبيها على كل يوم مر في حياتج
تذكري الآثام اللي بميزانج كل هالسنين وأنتي تعرضين
جسمج لكل ريّال بالشارع وتبررين هالشي بالحرية والانفتاح .
حكمي عقلج بتعرفين الصح وين .

وتذكري حَديث من لاينطق عن الهَوى :
"من أرضى الله بسخط الناس ، كفاه الله الناس ،
و من أسخط الله برضى الناس ، وكله الله إلى الناس "

ربّ يفتحها عليج ويسهّل أمرج ويهديج ويوفقج لكل خير

في حفظ الله

 

[ŦSЩД3УФИУ]

احترم وجهة نظركم
واختي الي تقول قلة حيا يا ليت لو تتلفظين بالفاظ ارقى
بس انا عندي الوحده تتدخل بلبس بنتها اختها اوكي ! بس مو وحدا ماتعرفها
يعني مايصير وحده بالسوق يايه ساحبتني من زندي تقولي لبسج كيت وكيت !!
وشدراكم اني انا مثلا امتثل لدينكم او اؤمن بعتقاداتكم وتقاليدكم الي بنظري متخلفه
سؤال الاخت مسلمـةة ؟!
اذا جذي ترا مجتمعنا سلبي درجة اولى الي يحكم علا شخص من لبسه
ولاتنسون ان وايد بنات البسوا لبس محتشم علا قولتكم امتثال لامر ريلها او ابوها مو لله!!!!! او للعادات مو للدين مثل النقاب
علا العموم اختلاف الراي لايفسد من الود قضيه دمتم سالمين

يعني انتي نقدتي على اللي تلبس اللبس المحتشم خوفاً من اهلها و مو خوفاً من الله
طيب هذي نفسج ترى بالضبط اهي ماتبي تحتشم بلبسها وانتي ماتبين
الفرق بس هو انج طبقتي كلامج وهي ظلت هالشغلة رغبة بقلبها
و ترى الناس ليش تنظر للي مو محتشمة بلبسها بنظرة مزدرئة لأن الله سبحانه
امرنا باللبس المحتشم .. اذا هي لا تطبق كلام الله اذا هي انسانة مابي اقول موزينة
بس بقول مقصرة بدينها وانتي فهميها على كيفج عاد / عجباً لك ي ابن ادم !!!







..

 

[ღ كحلاء العين ღ]

،*


أنا ماحكم عالبنت من لبسها أو حجابها

لكن بنت متحجبة عن متحجبة تفرق

وسفور عن سفور تفرق

ومنقبة عن منقبة تفرق

و أنا من نوعيتي ألاحظ هالفروق مو من اللبس لكن من خلال ملاحظتي للبنت ككل

مثلاً بالسوق وحدة سفور لابسة نفنوف يهببل ومطلعها كيوت والبنت من تصرفاتها مبين عليها محترمة
تفرق عن البنت اللي هم سفور لكن الضحك عالي واللبس نفنوف بعد بس قصييييير وفاضح جداً

وقيسي هالشي عالمحجبات والمنقبات بعد

وعموماً البنت اللي تشوفينها بالسوق أو بالمستشفی ماتهمج كثر اللي تكون معاج بالدوام أو الكلية

فالبنت اللي تعرفينها مدة أطول تقدرين تعرفينها عدل وتعرفين أخلاقها وشخصيتها

أما اللي بالاماكن العابرة نحكم عليهم من نظرتنا الكلية أو انطباعنا الاولي ... الخ


إنتي اللي عليج سواء كنتي سفور / منقبة / محجبة تلبسين اللبس المناسب للمكان المناسب

وبس تكونين أديتي إللي عليج

​

 

[حلآ الدنيآ]

الاحترام يكون لله و لِ الدين اولآ
و ثانيا العادات والتقاليد احنا مسلمين ونخاف ربنا قبل عاداتنا
يعني اذا بالدنيا بِ يكون هذا لبسج اذا حاسبج ربج يوم القيامه شنو بتردين ؟؟؟؟
بتقولين حريه شخصيه !!!!
والله وقتها ب تتمنين ترجعين للدنيا و تتمنين الخير

الله يعينج و يهديج ❤
وجهةة نظر لا اكثر ولا اقل

 

[Miss Basma ..}]

اللبس المحتشم لا يوجب الأخلاق الحسنة
و لكن الحياء و الأخلاق الحسنة توجب اللبس المحتشم

 

[manoooram]

حبيبتي الناس عليها من الظاهر
ولبسج انعكاس لذوقج واحترامج لنفسج واحتشامج
ولا ننسى كل مكان له لبسه اللي يناسبه
يعني مو معقولة بقول هذي انسانه محترمه اذا كانت لابست لي لي نص الفخذ أو أقصر وطالعتلي بره جدام الله وخلقه

 

[رمانة خضرا]

اكل على كيفك .. والبس على كيف الناس

لابد من احترام الذوق العام واحترام كونج في بلد محافظ ولله الحمد
انا اصلاً يكسرون خاطري البنات الاي يتفصخون حفر وقصير وعافسه روحها
افكر اقول واااي لهالدرجه لحمها رخيص .. عند الرياجيل مطلعه الزنود والسيقان
عيل عند رجلها اشتلبس؟

الحمدلله على نعمة الستر والاسلام والهدايه .. الله يتمم علينا سترنا وحجابنا والله يهديج

 

[عضوا]

أنســـــانه ما اعرفه و تمشي بالشارع اكيد بحكم من لبسها
و يعتمد على طريقه لبسج
ترا مو كل وحدة سفور صايعه و لاكل متحجبه متدينه مع احترامي للجميع
في بنات مو متحجبات و لبسهم ساتر
و في بنات متحجبات و لبسهم اللهم كافي

لبسج اهو يعكس شخيصتج و حتى لو اهلج عادي و هذي حريه شخصيه

اذا لبستي قصييييير و مخصصصر
فتوقعي الك بيخزج و بيعطج النظرة

و العكس صحيح

الناس ما تعرف منو انتي
انتي تبين نفسج بلبسج

اللي تلبس مفصخ و تزعل لأحد قال او فكر فيها انها صايعه

اسمحي لي الناس عليهم بالظاهر

محد يعرف النواياه