لاتبخلون علي بخبرتكم ((الصدفية))

[وفأ ألاحسأسـ]

السلامـ عليكمـ والرحمه ..
:68_asmilies-com:

بنات شلونكم , شخبأركم ؟
انشالله كلكم بخير ..؟
من الآخر .. انا فيني صدفية ,, في البدايه اطلعت بمكان معين بجسمي وبعدها انتشرت حيل ورحت حق كذا
طبيب ومافادوني وجربت جم طريقه يخف بمكان ويطلعه مكان ثاني الا اماكن ثانيه

نفسيتي بالقاع من هالمرض .. استغفر الله ..

ساعدوني تكفون ابي شي اكيد تعبت وانا اجرب :krkrkr:

حدي فاقده الامل :eh_s(11):

امانه اللي عنده خبره عن تجربه خل يساعدني

الله يوفقكمـ...............​

 

[وفأ ألاحسأسـ]

رد: لاتبخلون علي بخبرتكم

شدعوااااااااااااااااا 8 شافو الموضوع ولا وحده ردت ...؟ :eh_s(1):
مو طالبين فلوس احنا p ..! _03BA:
انزين بلاها من صدفيه بس قولو انتو بخير مو بخير ...؟ :eh_s(8):
اخاف صار فيكم شي من موضوعي بعيد الشر
المهم
انا ناطره .. :tomato2:

 

[ii DareeN ii]

اول شي تم تعديل العنوان لان مخالف لقوانين القسم


ثاني شي منو الاطبة الي جربتيهم اذا ماجربتي بو حمرة ومال الله جربيهم شطار ومو تجاريين


اذا تعبتج ومالقيتي حل يمدحون علاج مصر حق الصدفية عندهم اماكن علاج طبيعي حق الصدفية


وسلامتج اجر وعافية

 

[وفأ ألاحسأسـ]

يسلمج ربي ويخليجـ ويعاقيج
..
تسلمين عالطله
وشاكرتلج مرورج
..
لأتحرمينا من ردودج

 

[وفأ ألاحسأسـ]

بنات اللي تعرف احد نفس حالتي وتعالج ختقولي بليييييز

 

[prestige]

ما تشوفين شر حبيبتي

 

[وفأ ألاحسأسـ]

تسلمين حبيبتي على مرورج
ورفع المعنويات

موفقه حبوبه ,,

 

[بارونه الكويت]

ماتشووووفين شر ياقلبي وعسي الله يصبرج
بغيت اقولج علي مرهم اسمه اللوريد صناعته مصري مادري ووصل للكويت والا لا بس هو علاج خاص للصدفيه وهو مكون من مواد طبيعيه صبار وعسل واتمني انى قدرت اساعدج وماتشوفين شر مره ثانيه

 

[سياسية]

بوحمرة لا تروحين له يعطيج أبر كرتيزون على ابو يخففها و ما تطلع ومن هالكلام التجاري.. بس ما تتمين عليها اسبوعين ثلاثة..الا ترجع تطلع

راجعت قنال الصايغ..طقت على راسها يوم درت بكمية الأبر اللي خذيتها.. تقولي ببتدي معاج من الصفر وعلى كلمتها قالت لي..(أبي افطمج من الكورتيزون اللي خذيتيه) !!

تميت فترة على علاجها.. و ما استمريت لأن عيادتها بعيدة عن بيتنا..وثاني شي مواعيدها من سبق لبق..وتطولين وايد عندها..

اللوريد زين انا كنت اراجع الدكتورة اللي صنعت هالدواء.. إسمها أغاريد الجمّال في مصر.. علاجها زين و خفف لي اياها..بس ما انتظمت فيه ..لأنه يغث على ما تسبحين..تحسين لون نفط يطلع بالليفة من الفراك ! وحتى بالشاور تحسينه يبين اللون

حبيبتي تفاءلي.. والحمدلله حالج أفضل من حال مليون غيرج..

والعلاج ترى يعتمد على النفسية بالدرجة الأولى متى ما كنتي مرتاحة و مريحة بالج ولا تشيلين هم.. تروح منج و في ناس سبحان الله راحت منهم على طول..

وكله يعتمد على النفسية.. لا تضيقين خلقج على أتفه الأمور..و لا تتكدرين.. شوفي الجانب المضيء بالمرض نفسه..

كافي إن ربج إبتلاج بهالمرض من بد غيرج.. يبي يشوف فيج مدى احتمالج و قوة صبرج.. و ربج ما يبتلي الواحد إلا إذا حبّه

وتقبلي مروري

 

[أصيلة85]

انشاء الله اني اقدر افيدج بس ودي تجاوبيني على جم سؤال ؟
جم عمرج ؟
متزوجه او حامل ؟
منتشر بجسمج كله و اماكن معينه ؟

 

[ريمه الكويت]

اللوريد موجود بالكويت تلقينه بالصيدليات اللي بحولي جربيه انشالله ينفعج
ومثل ماقالت سياسيه د بوحمره تجاري وعلى طول يعطي ابر كرتزون

فيه منطقه بمصر اسمها سفاجا عالبحر الاحمر اهناك فيه علاج بالبحر واشعه الشمس والدكتور اللي يشرف عليهم اسمه دكتور هاني الناظر وايد ناس استفادو
وعندج العلاج بالاشعه موجود بمستشفى الصباح وفيه منتدى خاص بالصدفيه اذا تبينه

 

[€€ ريم €€]

هلا حبيبتي أنا فيني مرض الصدفية بس أعالج عند( أبو حمرة )بس علي فكرة علي حسب النفسية
إذا كانت نفسيتك مرتاحة يخف وغسلي بماء البحر وإنشاللة تشافين ..............................

 

[(طيبه)]

حبيبتي انا معاي المرض من عشر سنين والحد لله المهم ترضين بالقضاء والقدر وتتقبلين حالتج وابو حمره لا تفكرين تروحين له لان السبب في سوء حالتي ومثل ما قالوالبنات ما عنده الا ابر الكورتيزون يطلع روحج فيهم وحسب تجربتي في اشياء تخفف الصدفية واشياء تساعد على انها تزيد

 

[وفأ ألاحسأسـ]

بارونة الكويت ..
الشر مايجيج حبيبتي ,, ومشكوووووووووووووووووووووووره
هذا المرهم يعني يوخرها نهائياً
ولا بس يخفف ؟
وتسلمين حبيبتي ماقصرتي ..

------

سياسة الله يأأأأأأأأأأأأأأأأأابج من السما
.. باين انج حدج منقهره من بوحمرو حسيت فيج ..
المهم ,, لو يايتني قبل 4 ايام على الاقل جان مارحت له ..
بس حسافه رحتله وخذيت الابره ,, بس مره وعطاني معاها كريم احمر وحبوب عشان الحكه وشامبو ..
بس خلاص ماني رايحتله وقالي بعد تاخذينها كل اسبوع مره ..
وانا عبالي ان زين يعني ومستانسه وخذيتها ..
انزين قوليلي شسوي ابي علاج جذري .. المرهم اللي قالت عنه بارونة الكويت .. علاجه جذري ؟
ترا مليت من كلمة يخفف :""""""(
وترا انا نفسج ماتحمل اشياء جذي تغث ولا زيوت تدمر بسرعه اكشت بالعلاج اللي جذي
.. وصج بسئلج .. هالابره تتعب النفسيه ؟ .. ولها اثار يعني مثلا عوار ايي بالعظام خاصه بالقفص الصدري
وتحسين بضيقة بصدرج وجذي ؟؟
انا بديت اوسوس من هالابره
وتنصحيني يعني اروح عند قنال الصايغ ؟؟
بليييييز قوليلي
..
وتسلمييين حبيبتي ماقصرتي عالنصابح
وعسى الله يشفيج ويحميج من كل مرض ويشفي الجميع إن شاء الله
يشرفني مرورج ,,

------

أصيلة ..
أول شي تسلمين على اهتمامج ..
أنا مو متزوجه عمري 19
الصدفيه الحين انتشرت
بس اول مابدت تقريبا قبل سنتين
اطلعت بكوعي
كانت حبه صغنطوطه وانا معطتها طاف عبالي حبه عاديه وبتروح
المهم كبرت كبرت كبرت لين صارت كبر غطا بطل الماي
عاد رحت الجلديه
وعطاني كريم ازرق ماعرف اسمه
عاد مشى معاي العلاج
وخف
بس عالنهايه خقيت وكشت بالعلاج
كنت حدي مستهزئه
و الله وكيلج قامت تنتشر شوي شوي
اطلعت بريلي و فخذي وبطني وظهري وراسي وحتى بالاماكن اللي ماتنقال
بس كلهم نقط .. سواء صغار ولا كبار
والكبار , اللي اهي بكوعي اول وحده اطلعت فيني , وبراسي وبالمكان اللي خبري خبرج بس هالمكان حدها حدها خافه فيه
..
تكفين اذا عندج علاج جذري قوليلي الله يوفقج


------

ريمه الكويت ..
وااي لاتخرعوني ترا انا خذيتها مره
عبالي زين أمبيــــه
انزين هم نفس الشي
هذيل اللي قلتيلي عنهم علاجهم جذري ؟
والاشعه اللي بمستشفى الصباح يعني هم علاجها جذري ,, مابي شي يخفف تكفووووون
وبليز عطيني رابط المنتدى ..
وتسلمين عالطله الحلوه يالحلوه ..

------

ريم ..
حبوبه خلاص قطعيه
شوفي البنات شقولون لج
مايفيد بوحمره مو مال صدفيه
وشاكرتلج مرورج ,, ^ . ^


-------

طيبه ..
اي خلاص اصلن توبه من بعد كلام البنات
على قولتهم اسمع المجرب ولاتسمع الطبيب
شنو الأشياء إللي تخفف وشنو الأشياء اللي تزيدها .. خأصه إللي تزيدها بليز قوليلي

تحيأأتي لجـ ^ . ^

 

[أصيلة85]

انا كنت نفس حالتج صارلي الحين 12 سنه و انا ما بقى طبيب بالكويت ما رحتله و المشكله كلماله و يزيد و نفسيتي تعبت حيل و هم عقب ما تزوجت و ولدت زاد وايد بشكل مو طبيعي .. لين سمعت عن ابر ياخذونها من مستشفى الصباح اسمها (امبريل) خاصه للصدفيه و مو كرتزون و ترى ما يعطونها اي احد لازم (واسطه) او على حسب حالتج الدكتور لازم يشوفج و اهوا يقرر اذا حالتج تستاهل هالابر ولا لأ بس انا من خذيتهم ماشاءالله تبارك الرحمن ماجنه فيني صدفيه ولالها اثر
اهيا طريقتها على كورسات 12 اسبوع كل اسبوع ابرتين و على حسب استجابة جسمج لها و النتيجه اتبين بعد 5 اسابيع اهيا ما تصلح حق الحامل عشان جذي سالتج
انا رحت الصباح الي في الضاحيه يم الصحه المدرسيه في دكتورين وايد زينين دكتور محمود (مصري) و دكتور محمد العنزي روحيلهم و شوفي شقولولج .. اسفه طولت عليج
وعسى الله يشافيج و موفقه انشاءالله

 

[(طيبه)]

حبيبتي انا والله حاسة فيج والله يشافيج بس انتي بعدج اصغيرة وانشاء الله بتتزوجين فوايد علاجات بتاثر عليج لي بعدين لما تييبين عيال ولها وايد آثار سلبية انا الدكتور قال لي اذا مفكرة تييبين عيال ما ينفع لج الاشعاعات كانو بسوونها لي والاشياء اللي تزيد الصدفيةالفلفل والكاكاووالعسل والحليب واي حلويات تحسين فيها وايد الوان صناعية الكريمات المعطرة واللي تخفف الشاي الخضر شرب الماء لان احنا ننسى الماء السلطة مع الليمون وزيت الزيتون والفاكهه وعصير الليمون والبرتقال الفرش اذا تحصلين ماء زمزم شربي كثر ما تقدرين هذي اشياء آنا مجربتها وااااايد خففت الصدفية ودايما توكلي على الله ولا تزعلين خلي توكلج على الله سبحانة قادر على كل شي وسلامتج:blueSmCLR:

 

[لوزة_الحلوه]

أولا ماتشوفين شر
ثانية زميلتي بالدوام فيها صدفية من زمان واكثر شي تجي من عين أعوذ بالله
وصفو لها دوا من مصر وأنا الحين بمصر لمدة أسبوعين
بشتري لها الدوا يمدحونه وبقول لها عن الابره اللي تكلمو عنها البنات
واهيه بلشت معاها من عرس أختها وحده قالت شنو هالبياض المخشوش
وكل مايجي وقت العرس من كل سنه تزيد الحكة عندها والاحمرار

 

[طعزة]

الحمدلله على كل حال وصدقيني احتسبي الأجر انشالله .سمعت عن مرهم اللوريد انشالله ودي اجربه ..بس الصدفية مرض مزمن الله يعينا ويشافينا وجميع المرضى..

 

[amoOoNA Al_mazyoNa]

حبييبتي علاج الصدفية أوووووووووول شي( النفسية) الصدفية تزييد إذا كانت نفسيتج موووزينه وتقل إذا نفسيتج أوكي وأساسا" الصدفية تيي من التفكير السلبي وضيقة الخلق والزعل والحره فحااااااااولي على قد ماااتقدرين ياقلبي إنج لاتفكري فيها وإذا عندج مشااكل وهموم لاتعطينها أكبر من حجمهاا وتفكرين فيها واايد لأن هالشي يزيد الصدفية بعد هذا فكري بالعلاج الأدوية وهالسوالف أما بالنسبة لأدوية والدكاترة ماعندي معلومات إن شاء الله البنات يفيدونج.. وماتشوفين شر حبيبتي

 

[وفأ ألاحسأسـ]

أوووووووف ثالث مره اكتب وينمسح كل شي

----------

أصيله ..
اهم يقولون الصدفيه تيي من النفسيه
وانا الصدفيه لاعبه بنفسيتي لعب .. يعني استغفر الله رضينا بالهم والهم مارضا فينا
اهي تطلع من النفسيه وفوق هذا اتعب النفسيه زياده ..
الله يشافيج ياقلبي ويشافييني يارب وعسى ان شاء الله ماتردلج قولي امين ..
انا توني صارلي 3 سنين تقريبا بس والله انتشرت حيل
ومأذيتني من الحكه
أول كانت بالمكان اللي خبري خبرج كنت استخف وربي كل يوم ابجي من الحكه
اللي كل ماحكيتي يحرقج ويحكج زياده ..
رحت انا حق دكتور محمود المصري اللي بالضاحيه
مافادني مع ان امدحوه
بس والله يخف مكان ويطلع بمكان ثاني والمشكله حتى الاماكان اللي راحو او خفو ردو الحين مره ثانيه وانا ترا ملتزمه بموىاعيد الكريمات وقلت لج رحت حق بوحمره قبل اسبوع وعطاني ابره وكريم احمر وشامبو وامس المفروض اروح اقز الابره مره ثانيه مارحت لان على كلام البنات بوحمرو تجاري
عادي عندي اخذ الابر اللي قلتيلي عنها (امبريل)
وتكفين قوليلي منو الدكتور اللي تروحين عنده ..
وصدفية الراس تروح بسرعه ولا صعبه
لاني تعبانه منها وايد


----------


طيبه ..
تسلمين حبيبتي .. ومشكووووووووره حيل حيل حييييييل مشكوره عالمعلووووومات
والله يشافيج ويشافي الجميع يأأرب
حيأأج الله


----------



لوزه الحلوه ..

الشر ماييج حبوبه ,,
إي والله أدري إنها من العين وعسى الله يشافيها يأأرب
خل تقرا قرآن وخأأصه المعوذات على طول ,,
بليز ممكن تقوليلي شسم الدوا اللي بتييبينه حق رفيجتج ؟
.. وتسلمين ياقلبي على مرورج ,,


-------



طعزة ..

إي والله الحمدلله على كل حال وللأسف إن مزمن بس يقولون في ناس تشافو ,,
ألمهم جربيه وهم أنا بجربه وأقولج النتايج ..
حيأأج يأأحلوةة ,,

-----------

أمونه ..
النفسيه موبيدي حبيبتي لوبيدي جأأن وأأأيد أشيأأء بخييييييييييييييييييير
يأحيأأتي يشرفني ويكفيني مرورج وطلتج الخفيفه ..
مأأقصرتي حبوبه ’ . ’