لاتبخلون علي بخبرتكم ((الصدفية))

[..ام فهودي..]

مشكوووووورة على هالموضووووووووع

خليتينا واااايد نستفيد والله يعين ونتخلص منها والحمدلله على كل حال ومثل ما قالوا الخوات اهم شي النفسية

 

[وفأ ألاحسأسـ]

حيأأأأأأأأأأااج الله حبوبه ..
وعسى الله يشأأفيج ويشأفينا ويشافي الجميع يأأأرب ..
لاتحرمينا من مرورج ..

تحيأأتي لجـ * . *

 

[al_gardenia]

انا كنت نفس حالتج صارلي الحين 12 سنه و انا ما بقى طبيب بالكويت ما رحتله و المشكله كلماله و يزيد و نفسيتي تعبت حيل و هم عقب ما تزوجت و ولدت زاد وايد بشكل مو طبيعي .. لين سمعت عن ابر ياخذونها من مستشفى الصباح اسمها (امبريل) خاصه للصدفيه و مو كرتزون و ترى ما يعطونها اي احد لازم (واسطه) او على حسب حالتج الدكتور لازم يشوفج و اهوا يقرر اذا حالتج تستاهل هالابر ولا لأ بس انا من خذيتهم ماشاءالله تبارك الرحمن ماجنه فيني صدفيه ولالها اثر
اهيا طريقتها على كورسات 12 اسبوع كل اسبوع ابرتين و على حسب استجابة جسمج لها و النتيجه اتبين بعد 5 اسابيع اهيا ما تصلح حق الحامل عشان جذي سالتج
انا رحت الصباح الي في الضاحيه يم الصحه المدرسيه في دكتورين وايد زينين دكتور محمود (مصري) و دكتور محمد العنزي روحيلهم و شوفي شقولولج .. اسفه طولت عليج
وعسى الله يشافيج و موفقه انشاءالله

سمعي كلامها

ووايد ناس ترى ماتمدح الوريد ديري بالج

 

[parakeet]

السلام عليكم

اسال الله العظيم رب العرش العظيم ان يشفيج وكل الي يعhنون من الصدفيه

شوفي حبيبتي انا اعاني من هالمرض صارلي 20 سنه مابقى مكان مارحت له رحت لندن رحت دول الخليج

ورحت اخر شي مركز الحمد هولو فيني الله يسامحهم سوني احتاج طبيب نفسي ولا زم اعالج بالكورتيزون ومادري شنو

وبعدين قالوا لا خل انجرب فيج العلاج الضوئي انا شفتهم مطافيق مادري شلون انحشت منهم

رحت تخصصي منطقتنا عند دكتوره اسمها عيده وااااااااااااايد زينه لصدفيه وقلت لها اني استخدمت كريم الوريد قالت موزيد مع انها مصريه

والكريم منتج مصريه طبعا الكريم الله لا يرايج اسوووووووووووووود ومايروح بالماي والصابون تعالي فركي لمن ينشلع الطبقه الاولى من

الجلد ولا الهدوم مايروح منه البقع عاد كنت لابسه بجامه غاليه وحطيت هالكريم التعيس مسكينه امي الله يعافيها ماخلت صابون ونقعته

وفركته جم يوم يالله راح عاد قالت خل احط الكريم والفه بالباندج ولا سوه شي بعدين روايته الدكتور قالت قطيه بالزباله وانتي بكرامه

ليييييييييييييي حطيت موضوع بهالقسم وانصحتني عضوه اسمها فطومه عسى الله يراويها كل خير وامي كل يوم تدعي لها بالخير

قالت لي عن مركز البريطاني الي بالنقف ورحت له والدكتوره قالت لي احسن شي الابر بس قالت الابر ماينباعون بالصيدليه ولا موجودين

بالخاص لازم اشتريهم من المندوب الي يبيعهم للمستشيفات الحكوميه ادري بتقولين ليش ماخذيتهم من الحكومه شفتي من البدايه شسووا فيني

وانا من 20 سنه اراجع عندهم ليش ماعطوني هذا السؤال ماعندي اجابته المهم العلاج ترى حدهههههههههههه مكلف يمكن الكورس الواحد

400 دينار ومادري انتي اشكثر تحتاجين كل جسم وعلى حسب حالته يمكن تحتاجين 10 كورسات او اكثر راح ترتاحين منه 5 سنين ويمكن

مايرد خير شر طبعا مابقى واسطه مابقى دكتور مارحت له بالخاص كلههههههههههههم يبون يجربون كل الي عندهم ولا عطوني امل ان راح يعطوني الابر

والحين بشتريهم واخذهم وارتاح واي استسفار انا بالخدمه

 

[BsKoOoOoTa]

حبيبتي اهم شئ النفسبة لا تحاتين ولا تفكرين لأن كل ما تعبت نفسيتج تزيد وبعدين اهيا تزيد بالشتا اكثر لان الجلد ينشف ويتشقق

واي جرح يطلع مكانه الصدفيه فديري بالج وبصراحه اقولج شئ خليها على الله لأن بصراحه لا ادويه ولا بطيخ اهيا الي بوخر الصدفيه اهيا تخففها وبعدين اهم شئ باعلاج اهو ماء البحر وبعدين تدهنين بمرطب او فازلين وانا الي عرفته انه اذا بتقضين على الصدفيه اول شئ تبتدين بتنقيه الدم ففي اكلات تزيدها فديري بالج

وبعدين في علاج بمصر بمنطقة سفاجا وكل سنه الحكومه تودي الكويتيين هناك يكون احسن موسم شهر 7.8 روحي على حساب الحكومه العلاج يكون انج كل يوم تنزلين البحر تتنقعين وبعدين تتشمسين لأن اشعة الشمس بهالوقت تكون عاموديه وبعدين تدهنيين بمرهم الدكتور هناك يمشيه لج..... شهر تشوفينها راحت وتسيرين سمممممممممممممره وجلدج ناعم بس شنو اللي يسير انه بعد جم شهر يعني ست اشهر يرد يطلع

وديري بالج تروحين حق بوحمره النصاب لأن يعطي ابر الكروتوزون بالهبل وهذا مضر جدا للعظام وللأسنان ممكن تروجين اسعد الحمد يدخلونج داخل جهاز وتتعرضين لاشعة وبعدين دهان .

 

[وفأ ألاحسأسـ]

القاردنيه ..
أنا أصلن أتعايز عالعلاج السطحي إللي بس يخفف موجذري ..
أبي شي مضمون ..
وهم أنا أساسا أتعالج عند الدكتور محمود من أول صدفية إطلعت لي ..
بس مادري الحين ناطره أصيله تقولي عن الإبره ..


-------


parakeeet ...

عليكم السلأأأأأأأأأمـ والرحمه والغفرأأن ..
يأأهلأأ والله وربي جد جد ريحتيني حييييييييييييييييييييييييييييييييييييييييييييل لو يمي جان بستج :$ .. هههههههههههههه
ألحين شسوي عشان هالإبر ؟ .. يمكن إهي نفسها إللي قالت عنها أصيله ( أمبريل )
وشسمها هالإبر و وين أروح بالضبط .. قوليلي تكفين شسوي بالضبط
أخاف أروح وأتوهق ..
ومشكووووووووووووووووووره وربي مشكوره مره ثانيه جد جد مشكوره
وعسى الله يشافيج ومايردها لج يأأأأأأرب ويشأأأفي الجميع آآمين ..

حيأأأج حبوبه .. وموفقه يأأرب * . *


--------


بسكوته ..
انا رحت له مره وحده قبل عشر ايام تقريبا
وعطاني الابره مره وحده
ومن بعدها شفت كلام البنات ومارحت
وكله اييني عوار بالقفص الصدري عوااااااااااااااااار قوي احس بموت والله من العوار كنت شاكه انها من الابره
المهم ماطول عليج
تسلمين حبيبتي عالنصأأيح جد جد يكفيني ردودكم تريحني :*
بس هم أرد أقول النفسيه مو بيدي ..

حيأأأأاج حبوبه .. وموفقه يأأرب ..

 

[وفأ ألاحسأسـ]

أصيلة قوليلي تكفين عن إبرة الأمبريل ..
وين أروح وشسوي بالضبط ..
وعلاجها جذري ولا ردتلج مره ثانيه ؟؟
وأروح حق أي دكتور بالضبط ؟؟

تكفييييييييييييين قوليلي :'(

نأأأأأأأأأأأأأأأطرتج


parakeet

تكفين حتى إنتي قوليلي شسوي و وين اروح ..
وعلاجها جذري ولاردتلج ؟؟

حدها نفسيتي تعبانه طالعتلي صدفيه بويهي :'(


ناطرتكم

 

[أصيلة85]

الله يعينج و الله اني حاسه فيج لان نفس الي مريت فيه بالضبط
انا الحين اراجع عن الدكتور محمد العنزي بالصباح (الضاحيه) ..(طيعيني لاتروحين حق العيادات الخاصه اغلبهم جذابين ولاراح ينفعونج و اغلب العلاج الي يعطونج اياه موجود بالصباح)
الابر الي اخذهم يعالجون كل ومنطقه بالجسم لان الدوا يمشي بالدم وخصوصا الراس بسرعه يعالجه .. بس انا قتلج ترى احتمال ما يعطونج ايها بس انتي حاولي.. راح اكتبلج اسم كريم واااااااااايد زين تحطينه بليل بس لازم وصفه طبيه (daivobet) مرهم ابيض فيه خطين احمر جربيه و شوفيي و ترى الاشعه الي بالصباح وايد راح يفيدج بس المفروض ما تهدينه
يالله مالج الا الصبر و احتسبي الاجر

 

[وفأ ألاحسأسـ]

أصيله ..
ترا أنا أعالج عند الدكتور محمود صارلي 3 او 4 اشهر
بس مقزر علي بالكريم الأزرق اسمه diprosone
والكريم الأحمر هم مره عطاني ياه إللي يكون نفس الفازلين وعطاني أثنينه واحد أحمر بليل و واحد أخضر الصبح
وإللي لونه أخضر هم نفس الفازلين واسمه نفس اسم الأزرق جنه أو يشبه إسمه والأحمر إللي قلتي عنه هذا إللي ماركته ليو صح ؟
بس هم رد عطاني الأزرق بعده وردتلي الصدفيه أخس وأخس ..
أنا شكلي بحول حق العنزي نفسج
ترا كان موعدي قبل أمس مارحت أنا كشت بدكتور محمودو المصري باط جبدي صاير ماعنده ضمير ..
بس شلون الضاحيه والصباح ؟؟
يعني أروح الضاحيه وأحول من الدكتور محمود لي الدكتور محمد العنزي ؟
ومشكوره حبيبتي وربي ماقصرتي معأأأي ... وعسى الله يشفيييييييييييييييييييييييييييييييييييييييييييييج من كل مرض وربي تستأأأأأهلين أبوسج
عسأأج عالــــــــــــــــــــــــــــــقوه ..
موفقـــــــــــــــه حبوبه ,,
تحيأأأأأتي لج .. * . *

 

[وفأ ألاحسأسـ]

أصيله ..
ترا أنا أعالج عند الدكتور محمود صارلي 3 او 4 اشهر
بس مقزر علي بالكريم الأزرق اسمه diprosone
والمرهم الأحمر هم مره عطاني أثنينه واحد أحمر بليل و واحد أخضر الصبح
وإللي لونه أخضر هم مرهم واسمه نفس اسم الكريم الأزرق جنه أو يشبه إسمه والأحمر إللي قلتي عنه هذا إللي ماركته ليو صح ؟
بس هم رد عطاني الأزرق بعده وردتلي الصدفيه ألعن معنها خفت في البدايه ..
أنا شكلي بحول حق العنزي نفسج ,,
ترا كان موعدي قبل أمس مارحت أنا كشت بدكتور محمودو المصري باط جبدي صاير ماعنده ضمير ..
بس شلون الصباح ( الضاحيه ) ..
قصدج اهي تابعه لمستشفى الصباح بس بالضاحية ؟
ويعني أروح الضاحيه وأحول من الدكتور محمود لي الدكتور محمد العنزي ؟؟
عالعموم ,,
مشكوره حبيبتي وربي ماقصرتي معأأأي ..
وعسى الله يشفيييييييييييييييييييييييييييييييييييييييييييييج من كل مرض وربي تستأأأأأهلين :*
عسأأج عالــــــــــــــــــــــــــــــقوه ..
موفقـــــــــــــــه حبوبه ,,
تحيأأأأأتي لج .. * . *

 

[q8star-1]

سلام عليكم
حبيبتي ابو جمره اقصد ابو حمره لاتروحيله مسكين اخوي كانت بس باصابعه راح ولا ابرتين كروتيزون مع كم ادوى ارتاح اسبوعين

وبعدها انتشر بكل جسمه حتى وجه وراسه وحواجبه واغلبية جسمه يعني ابو حمره حده تجاري اخوي يقولي حاطله كم وحده يضحك على الشباب ولا من وين بنا هالمجمع
بعدين راح حق زين الاتات كورس دويات 6 شهور بعدها ريح 8 شهور وردة على الخفيف تجي وتروح لان شوي نفسيته تعبانه واذا تبو صور ايده عطوني اسم موقع ارفعها لكم

 

[وفأ ألاحسأسـ]

هههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههههههههه
ضحكتيني وربي
إي والله ماجذبتي بو جمره ..
..
والله مسكين أخوج عسى الله يشافيه يأأأرب .. أشوه إني دريت قبل لا أكمل الإبر عنده ..
حده حقير ماعنده ضمير وربي ..
إذا تبين مواقع رفع صور .. دخلي قوقل كتبي رفع صور يطلعلج مواقع وايد ..


عالعمومـ ...
تسلمين عالطله الخفيفـــــــــــه يألحـــــــــــــــــــــــــــــــلوه * . *
تحيأأأتي لجـ ,, :eh_s(17):

 

[وفأ ألاحسأسـ]

أختي .. كويت ستأأأأأأأأأأر ,,
هذأ موقع رفع صور ..
::
||
||
||||||||||||
|||||||
|||
.




المــوقعـ..!
,,
إن شاء الله مأأ ثقلت عليج حبؤبةة :eh_s(17): * . *

 

[أصيلة85]

انتي روحي الضاحيه (الجلديه ) و اهوا تابع للصباح و كلمي الكاتبه و قوليلها انا عندي موعد عند دكتور محمود و دخلي عليه و قوليله ان العلاج اي تعطيني اياه مو قاعد يسوي اي نتيجه انا ابي الابر (امبريل) .. راح اقولج قصيتي و انتي شوفي شلون عطوني هالابر
انا كنت اعالج عند دكتور بالخاص و اهوا حولني على دكتور محمود عشان يعطيني الابر و اول ما رحتله شافني و قال لا انتي ما تصلحلج الابر مع ان والله كان يخرع و منتشر بجسمي كله و عطاني علاج كريمات و قالي بعد اسبوعين تعاليلي انا يوم قالي انها ما تصلح فجأه جان ادمع عيوني و اصيح (انصدمت) لان كنت يايه و املي بالابر و كنت مستخيره قبلها فقلت اكيد خيره و انها ما تصلحلي و قعت اقنع روحي و رحتله بعد اسبوعين على انه خلاص ماراح اخذ الابر يوم شافي جان يقولي انا راح اكتبلج الابر و قالي انا احنا انراعي انج بنت صغيره و متزوجه(الظاهر كسرت خاطره) و راح احولج على دكتور محمد يتابع حالتج ..
انا اتوقع اهوا رئيس القسم و اهوا يقرر اذا تصلحلج الابر و لا ما تصلح عشن جذيه انا اقول خليج عنده (انا اخاف انتي قصدج واحد ثاني .. شكله ابيض و شعره كله شيب و ضعيف و غرفته رقم 2 ؟؟)
انا اخاف اقولج تروحين عند الدكتور محمد العنزي و هو لازم ياخذ راي الدكتور محمود احس مو حلوه مادري .. اول شي كلمي د.محمود شوفي شقولج .. وحتى البجي ابجي جدامه يمكن تكسرين خاطره و قوليله ان نفسيتج تعبانه ..
راح اكلمج عن الابر .. اول شي الاعراض الجانبيه تقلل المناعه باجسم و لازم كل فتره تسوين تحاليل دم و طريقتها تاخذينها مرتين بالاسبوع لمده اتوقع 3 اشهر و لما اتخلصين الكورس الاول و تبدين الكورس الثاني تصير ابرة كل اسبوع .. و النتيجه اتبين بعد 5 اسابيع
ادري طولت عليج اسمحيلي و قوليلي شصير معاااااااااااااج و الله قلبي وياج

 

[وفأ ألاحسأسـ]

أصيلة فديـــــــــــــــــــــــــــــــتجـــ .. وربي ماقصرتي معأأأأأأأأأأأي وعسى الله يعطيج على النية ..
إي أهو إمبلا نفسه محمود المصري مافيه ولا شعره سوده براسه وملامحه دقيقه مع ان عود ..
وغرفته رقم أثنين .. عاليمين ,,
بس أنا أخاف أروحله ومايعطيني لأن أهو باط جبدي الصدفيه كل ماله وتزيد بجسمي وأهو يشوف شكلها بس إن خف يعني مو وايد مرتفعه عن سطح الجلد يقول ماشي معاج العلأأج .. أي ماشي الله يهداه يخف بس قاعده تنتشر أكثر وأكثر وأكثر أنا أول مارحتله ماكان بفخذي ولا نقطة صدفية بس من تحت ألحين صار فوق وتحت وماكان بكوعي اليسار ولا بسيقاني وركبي ألحين كله طلع فيهم ,, وبطني وظهري وايدي ( الكف ) وريولي ( القدم ) كله كله من غير استئذان ..
لا وأبشرج بعد .. طالعتلي صدفيه ثانيه بويهي ,, لا بالله ماشي معأأي العلااج .!
أنا بسوي نفس طريقتج .. بس والله ترأأ إذا قال لأأ وبجيت ما أسكت :'( .. جذي نوعيتي تلقيني أمسك نفسي لي آخر لحظه أقدر عليها .. بس إذا بطيتها أبطها على أصول ما أسكت وكل ما أتذكر أبجي زياده وماقدر أسكت تلقيني ساعه ساعتين 3 يومين أسبوع << قويه .. وايد إندمجت


عألعمومـ .. أنا بروح ألحين أخذلي موعد ثأأني وأشوف شصير ..
موفقه حبيبتي وربي ماقصرتي وربي ,,
وعسأأأأأأج عألقوهـ ..
رأأح أقولج شصير معأأي ,,
تحيأأتي لج ,,

 

[وفأ ألاحسأسـ]

أصيلة .. شسم الدكتور إللي طرشج حق الدكتور محمود ؟ .. إللي عنده عياده خاصه ؟؟
عشان أقول حق الدكتور محمود إن هذاك الدكتور طرشني لك عشان تعطيني الإبر

 

[ذره في المجره]

اختي كان فيها صدفيه كلتها اكال

لا شعر و الجسم مصلخ لكن الحمدلله راح طبعا الدكاتره تعجبوا شلون راح لانه علميا الصدفيه تخف بس ما تروح

و الحمدلله امي سوت لها دوا و كانت تحطه لها كل يوم لمده 3 اسابيع لي شهر و الحين صار لها اكثر من 5 سنين ما فيها شي الحمد لله

امي طبها تقرا وايد عن الطب البديل و جربت لها شغلات وايد لين اوصلت للعلاج وهو شوي مكلف لانه في نبته تيبها من السعوديه

و ما تسوي الدوا و بس لا تقرا عليه قران ورقيه و تعطي وياه دعاء طبعا من عقب اختي طلبوا منها وايد من معارفنا و اهلنا والحمدلله تشافوا

و الحين في بالكويت 2 تحت العلاج اول ما اشوفهم يتحسنون ببلغكم عشان تاخذون منه بس اقسم بالله ان اختي كل شعرها حت و كانت تلبس كاب حق المدرسه ةالحين ربي سبحانه شافاها ورد شعرها

ما ابخل عليكم بالتجربه اللي شفتها جدام عيني بس بشوف هالاثنين اللي الحين قاعدين يستخدمونه

واحد منهم ايقول انه كل الادويه اللي يستخدمها ما اثرت فيه بس دوا امي بدا يحره لما بحطه و بدا يتغير لون الجلد الى الاحمر يقول اول مره يتفاعل شي بجسمي حق الصدفيه

 

[وفأ ألاحسأسـ]

أختي ..
يمكن مو صدفيه .. لأن الصدفيه عمرهأأ ماتطيح الشعر ..
أنأ شعري عادي .. وبالعكس كثف عن أول ..

بس مادري يمكن يختلف من جسم لي ثاني ,,
والله يوفقج .. إذا إطلعت النتأأيج زينه قوليلي .. والله حدي متأزمه :'(
قوأأأج الله ..
تسلميييييييييييييين عالمرور ولأعدمنأأأأأج

 

[المنظره العجيبه]

السلام عليكم اختي انا زوجي يعاني من الصدفيه له اكثر من عشر اسنين وما بقى طبيب ما راح له بالكويت وخارج الكويت في الفتره الاخيره زادت عليه حيل لدرجة انها قاعده تنزف وتبقع على دشداشته بالدوام وغيره والفراش يكون مليان دم لما يقوم منه كان اكثر مكان في ضهره المهم لما زادت عليه حولوه اهني على مستشفى اسعد الحمد اخذ العلاج الضوئي اكثر من 6 شهور ومافي اي تحسن دزوه على احساب الحكومه مصر عند دكتور ناسيه اسمه قبل سنتين وعطاه ابره اسمها enbrel 25ملي كان ياخذ ابرتين مرتين بالاسبوع والحمد لله شهرين بالضبط راحت عنه نهائيا بس طبعا لازم يكون مستمر على الابر لين يسمح له الطبيب انه يقطعها وشرا كميه من اهناك وخلصت لما خلصت اطلبوهم له اهني في مستشفى اسعد الحمد وخففو له الابر صار ياخذ ابرتين مره بالاسبوع على فكره الابره ما لها اي اثار سلبيه وسهل استعمالها في البيت لانها ابر تنعطى بالجلد سطحيه والابر لو تظر ما عطوها زوجي وخاصه انه يعاني من ثلاث امراض مزمنه اولها الصدفيه والثاني روماتيزم بالقلب وارتخاء بالصمام

 

[وفأ ألاحسأسـ]

المنظره العجيبه ..
الله يعينج حبوبه ويعين ريلج .. والله إني حاسه فيج فريلج ..
أسألـ الله العظيمـ إن يشافيه ريلج بإذن الله يأأأأأأأأأرب ويرحمه ..
بس أمبيه سالفة الدم عورت قلبي وربي ..
أنا كنت جذي .. بالثانويه كانت الصدفية إللي بإيدي تنشق ويطلع منها دم والقميصـ كله كله يدمر :'(
والله كانت أي طقة خفيفة تحوشهأأ تنشق ويطلع دم ..
معاناة وربي .. حتى راسي كله دمـ من الصدفية ,,
ولمه أعصب ولا أنقهر وأتنرفز وجذي .. لاتشوفينها .. تصير حمرااااااااااااااااااااااااااااااا حمرا حمرا مع إن ماتحكني ,,
بس يــــــــالله ..
الحمدلله على كل حأأل ..
و صح كلأأمج أنا أدري إن ماينفع مع الصدفيه غير الإبر ..
أجر وعأأأفيه إن شاء الله ..
وتسلمين حبيبتي يعطيج ألف عأأأأأأفيه عالمرور وعلى إهتمأأمجـ ,,
قوأأج الله يأأقلبي .. ولأأأأأأأأأأأأعدمنأأأأأأج ,, :tek:
تحيأأتي لج .!