[لاتمثلين احتياجج لي وانتي بحضن غيري مقزرتها ] بقلمي .,

[ابي قطوة ميوووو]

وااااي حلاااته مشااري قلتلكمم ذاح يتغير ؛$
وااااه فكااا جراااح افتتتك منههههم

 

[Shasawi]

انا ماحب اشواق دمها ثقيل على قلبي:\\
اهم شيييييييييي بوعلي طلع اهو تاجر المخدرااااااااااااااااااااات ماتوقعت التويست هذااااااا

 

[دلعي انا نادر]

يلا ناااطرين البااارت

 

[3115]

سؤال زهوور دلالو ليش ما تموتينه وع باطه جبدي احسها اهيا الي راح تسوي البلاوي حق علاو واشواق
كنت مستانسه وشاقه الضحكه يوم اقرا سوالفهم بس من تذكرت دلالو قلبي عورني

وجاك وااشلي خل اشوفهم احسابهم عندي تقول الرب يعاقبنا تقول ايا بنت اللذينا باطه جبدي

وااااي يومه مشوري اخييه مو صج هل انسان حده مده شي عجييب والله

وجرااحو الحمدالله علا السلاامه وي فدوا مابغينا تنور الكويت



اي شسما زووز بقيت اطلبج طلب عنوني
اذا ماعليج امر حوبي ليش ماتنزلين البارتات بالويك اند احسن
كوز امتحانات وقاعد اطوفني البارتات وشسمه انتي بعد جامعه واذيه والأمتحانات ياايتج
فأريح حقج وحقنا << البنات راح يوكلوني طق عدل مدل خخ
واهم شيي علا راحتج حياتي
+ موفقا انشالله *

 

[كلي أحزان وهموم]

ثانكس على البارت زهووور
علي وأشواق كسرو خاطري مايستاهلون الي راح يصيرلهم لاتفرقينهم عن بعض:eh_s(2):
دلال الله ياخذها ونفتك منها ومن مصايبها :eh_s(4):
جون واشلي كــــااااااك يايتكم مصيبة راح تروحون فيها:krkrkr:
مشاري زين أنه رجع الكويت ووافق على زواج أمه وأمه مستانسة ياحليلها
كمممممملي نــاطريييييييييينج والله يوفقنا كلنا بالامتحانات أنشاءالله :yaaaaaarb:

 

[زهراء*]

بنات صح أنا عندي أحسن انزل البارتات بالويك أند وبعد الأمتحانات ..

أنشاءالله بعوضكم حبايبي .,

اي وموفقين يااارب ..,

شدوا حيلكم وهلة هلة بالدرجات

 

[Ms.MrMr]

موووووفقة حبيبتي ووو Good Luck for all

*؛ ) وميخالف ناطرينج اب اب

 

[3115]

نااطرينج حووبي تيك يور تاايم



الله يوفقج انشالله ويوفق االكل ياارب << وانا اولهم خخ<< برا برا اقووول

 

[om sa3ad]

ناطرينج

 

[DF.JB]

ناطرينج ..

 

[Doza karoza]

كملي بلييز نبي النهاية اخئئييه اتوقع ثنيان يحب ورووود ويكون بارد مع قمر مادري ليش لوووووول

 

[أغلى حبيبه]

اب
اب اب
اب اب اب

 

[غلاهأآإ غير]

ويييييييييييييييييينج نااااااااااااااطررررررررررررررررررررررررررررررررررررررررررررررررررينج
حدي متشوووووووووووووووقه
اب اب اب اب اب

 

[زهراء*]

البارت الخامس والثلاثون​

:$:$...​

..............​

( بيت جاسم )​

بالتحديد على طاولة الطعام​

قمر وأهيا تاكل : ماقتلي شنو الموضوع جراح ..​

جراح : أنا بتزوج .. ​

قمر فتحت عيونها على الآخر : من صجك .. ​

جراح : اي والله من صجي .. ​

قمر : كلوووولووووش .. راح يصير عندنا عرسين يعني .. ​

جراح : ههههه .. لا أنا مابي أسوي عرس .. بملج وبسافر ​

قمر : نعم .. على طول بتروح شهر العسل​

جراح : اي ملجة صغيرة بين الأهل وبسافر .. العرس بعدين .. ​

قمر : جراحو هاذا وأنت أخوي الوحيد وجي .. ماتبيني أفرح فيك .. برقص بعرسك .. ​

جراح : أنشاءالله بترقصين بس مو الحين بعدين .. ترى انا حدي مستعيل على الزواج .. أبي أملج وبعدها على طول بسافر​

قمر : واي حبيبي أخوي والله وصار ريال ​

جراح : نعم .. آنا ريال من زمان .. مالت عليج ماتعرفين تسولفين​

قمر : خخخخخ .. ( وصلها مسج ) ​

قمر تصارخ : ونااااااااااااااااااااااااااااااااااسة .. هيااااااااااااااااااااااا هيااااااااااااااااااااااااااااااااااااا​

جراح : بسم الله الرحمن الرحيم .. شفيج خرعتيني .. شصاير​

قمر : ورود رفيجتي دازتلي بي سي تقولي طلعت نسبنا .. وأنا من يايبة 94.5 وااااي مومصدقة .. ​

جراح : مبرووووك .. الف مبرووك .. أنشاءالله نشوفج دكتورة​

قمر : واااي مومصدقة .. الحمدالله رب العالمين .. أنا من الأوائل على دفعتنا ..​

جراح : الحين صج وين بتدشين ​

قمر : مادري والله جراح .. محتارة بين الحقوق والطب .. ​

جراح : أذا قلبج قوي دشي طب .. بس أذا قلبج رهيف خلج على الحقوق أحسن​

قمر : الله كريم .. أي صج خذتنا السوالف ماقتلي منو العروس .. ​

جراح : العروس .. ( ويها صار أحمر ) : اييه العروس​

قمر : ههههه .. اي العروس منو أهيا ..​

جراح : جوان .. ​

قمر : جوان الي كانت تدرس معاك .. بنت م أحمد ..​

جراح : اي عليج نور ​

قمر : وااي ونااسة جراح .. خوش بنت ماشاءالله عليها .. عاد لو أمي موجودة .. ( نزلت دمعتها ) : ...​

جراح قرب ولمها : خلاص لاتبجين .. الله يرحمها أنشاءاله​

قمر : جراح حيل أشتقت حق أمي .. فاقدة وجودها معانا .. ​

جراح : آآآخ .. بس لاتخليني أبجي معاج .. ​

قمر مسحت دموعها : خلاص كل شي ولا دمعه الغالي .. انزين تبيني أدق على خالتي فضة تخطبها لك .. خو أنا ماعرف أخطب ..​

جراح : هههههه .. خلاص ماشي .. كلميها اليوم .. قتلج حدي مستعيل ..​

قمر : أنشاءالله من عيوني .. بس ماقتلي جم رقم أمها .. ​

جراح : سجلي عندج .. 999..... أم أحمد​

قمر : أوكي .. يلا بعد شوي أتصل عليها .. اكيد ألحين اهي بالدوام​

............................................................................................................................​

( مطار دبي الدولي )​

مشاري : خلاص .. حجزت تذاكر اليوم راح نسافر أنشاءالله ..​

هوازن : متى السفرة راح تكون ​

ثنيان : لاتقول الفجر ​

مشاري : اي الساعه 2 الفجر ..​

ثنيان : ولييه .. يعني الواحد ماينام شوية .. ​

هوزان : ههههه .. انت كلة بتنام الله يهداك .. شنو فيك فقر نوم​

مشاري : اي والله الظاهر .. ذكرني بأبوه .. كان 24 ساعه نايم​

ثنيان : عاد ألحين تبدون تظقطوني .. خلوها على الله بس ..​

مشاري : الهم أنا اليوم بتسوق دامها آخر ليلة لنا مني .. تبون تيون معاي ولا شنو مشروعكم اليوم​

​

​

​

​

 

[زهراء*]

هوازن : لا أنا برد الفندق أجهز الجناط .. أخذ أنت ثنيان ولمن تخلصون مروني الفندق ..​

مشاري : خلاص صار ​

هوازن : يما مشاري تفضل هاذي لفلوس ​

مشاري : مشكورة يما آآ عشاج على القوة ... الله لايخلينا منج ..​

هوازن : ولا يخليني منكم​

..​

( مجمع دبي مول )​

مشاري وثنيان قاعد يتسوقون بالمجمع .. ومن محل لي محل .. وصلوا عن مجمع مجوهرات​

ثنيان : ودي أشتري سلسلة ​

مشاري : حق منو أنشاءالله .. لايكون قلبت وصرت بنت من وراي أعترف يلا​

ثنيان : ياثقل دمك .. ​

مشاري : عيل حق منو بتشتريها​

ثنيان ويها صار أحمر : حق قمر ​

مشاري عفس ويها : قمر !! من صجك .. والله هاذي قاعد تلعب عليك وأنت موحاس .. قتلك مستحيل قمر تفكر فيك .. أستوعب​

ثنيان صارخ : شنو الي تبيني أستوعبة .. أنت الي مو راضي تستوعب .. انا أحبها .. بس أنت الي واقف بطريجنا .. قمر موراضية تشيلك من بالها .. اطلع من حياتها وخلني أتقرب منها .. ( بنبرة صوت حنونة ) : مشاري أنا أحبها .. أفهم أحبها ​

مشاري ( ثنيان حطمني بكلامة .. ماعرفت ارد عليه .. اطلع من حياتها .. وأذا طلعت من حياتها .. راح يتغير شي .. ماعتقد .. المشكلة .. المشكلة .. آآآخ ياقلبي .. )​

(هي:
آلجزء آلأكبر من ذكريآتي ؛
آلتي لآتنسسى !
لذآلـك ،
لآ آستطـييع آخرآجـها مني
مهمـآ فعـلت !
آحبـها كمآ هي وكمآ ستكون !
فقط آحبـها !​

)​

ثنيان : مشاري أنا آسف لاني رفعت صوتي عليك ..​

مشاري : لا عادي .. معذور .. مالومك .. الحب يخلي الواحد مرات يقط كلام عن غير قصد ​

ثنيان : أنا تعبان .. تعبان .. موقادر أشيلها من بالي .. شلت تفكيري هالقمر ..​

مشاري : أنا راح أكلمها .. خلاص لاتحاتي .. ​

ثنيان : بتسمعلك .. !! ماعتقد .. !! .. جم مرة كلمتها .. والوضع نفسة ماتغير​

مشار ي : هالمرة غير .. لاتحاتي ​

ثنيان : مشاري أنا أدري أنها ماكانت تطيقني عشان شكلي وعشان أسلوبي .. بس ألحين أنا تغيرت .. كنت أجذب على نفسي أقول تغيرت حق نفسي .. بس كل يوم قبل لا أنام أكتشف أني تغيرت عشان قمر .. قمر اهيا الي خلتني أتغير .. ​

مشاري ( كل كلمة تطلع من حلج ثنيان عن قمر تسمم قلبي .. قاعد أسمعلة وأجاملة وانا بداخلي شي ثاني .. ) : ثنيان .. خلاص دريت أنك تحبها .. يلا وفر هالكلام الحين وأدخل المحل أشتر لها السلسلة .. ​

ثنيان : أوكي يلا سرينا ..​

دخل ثنيان المحل ومشاري ناطرة عند باب المحل .. نزل راسة بالأرض وتنهد .. رفع راسة ولا سعد بويها .. ​

مشاري : سبحان الله .. هاذا من وين طالع .. كل مالفيت ويهي أشوفة جدامي .. ​

ثنيان ( وانا أفتر بالمحل لقيت سلسلة على قلب الحب مرصعة بالشوارافسكي .. حيل عجبتني .. كانت ناعمة وبسيطة .. قلت حق البياع يحسابها .. وأنا أدفع ولا أشوف أبو مشاري .. سعد .. واقف يمي يطالع السلاسل .. بس ماكان منتبه على وجودي .. حاولت أغطي ويهي عشان لايشوفني .. وأنا بطلع من المحل ولا يجكني )​

سعد : اوووه .. ولد هوزان هني .. بابا امك موجودة ​

ثنيان ( شخطت ومارديت عليه .. تليت مشاري بسرعه ونحشت .. مابي سعد يلتقي بمشاري .. هاذي آخر ليلة أبيها تعدي على خير )​

سعد : حمدالله والشكر شفيه هاذا .. ​

مشاري : ثنيان شفيك .. ليش ويهك قاعد يقلب ألوان لايكون بقت السلسلة وأنحشت​

ثنيان يبلع ريجة : اي بقتها أي بطيخ .. مافيني شي .. بس شفت واحد من ربعي وألحين أن طاح عليي بقرق على راسي ​

مشاري : منو هاذا أعرفة ​

ثنيان : لا .. من العباقرة .. مو نوعك .. ​

مشاري : يلا عيل سرينا .. خل نرجع الفندق مزاجي تعكر .. ولانخلي الوالدة بروحها ​

ثنيان : على راحتك ..​

مشاري : خل اشوف السلسلة الي أخترتها ​

ثنيان يطلع السلسلة : تفضل​

مشاري : والله وعندك ذوق .. وحش أخوي ..​

 

[زهراء*]

............................................................................................................................​

( بيت أم أحمد )​

أم أحمد تتكلم باللفون : خير أنشاءالله .. الموعد مناسب بعد صلاه المغرب .. بأنتظاركم .. وأنشاءالله بخليها مفاجأة لها ..و أحمد ولدنا وعارفين أخلاقة .. الله يتمم الي فيه الخير​

وسكرت التلفون​

جوان : آآه .. ​

أم أحمد : مشاء النور ​

جوان : مساء الورد يا وردة البيت​

أم أحمد : ههههههه .. أموت أنا على لسانج الي ينقط عسل ..​

جوان : وانا أموت عليج يا أحلى ام بالدنيا .. ( حكت راسها ) : أووه ماشفت الأيميل .. قاعد انطر خبر من الجامعه​

أم أحمد : خبر شنو ​

جوان : بشوف طلعت النتايج .. عشان بستلم شهادتي ​

أم أحمد : شنو .. أنتي ماأستلمتي شهادتج ليلحين ..​

جوان : لا .. رجعت الكويت وقلت لمن تطلع النتايج أستلمها بعدين​

أم أحمد : يما جان نطرتي وعلى طول خذيتيها .. الحين لازم ترجعين تسافرين مرة ثانية عشان الشهادة .. ​

جوان : باخذج أنتي واحمد .. نسوي سياحة بأمريكا .. ​

أم أحمد : لا أنا ماقدر أسافر .. أخذي أخوج ​

جوان : على راحتج .. أممم .. يما شفيج تطالعيني وتظحكين​

أم احمد : توني سادة التلفون .. ياييلج خطاب ​

جوان بققت عيونها : شنوو .. !! خطاب .. !!​

أم أحمد : ايي .. شفيج أخترعتي ​

جوان : مابي أتزوج ألحين .. ​

أم أحمد : ليش يما .. دراسة وخلصتيها .. شلي يمنعج تتزوجين​

جوان : يما آآ تو الناس .. خليني أشتغل وبعدين يصير خير ..​

أم أحمد : أنزين على الأقل أنتي عدي مع الريال يمكن تغيرين رايج​

جوان : مابي .. يما رجاءا سكري الموضوع​

أم أحمد : أنا عطيت الناس كلمة .. وباجر أنشاءالله بيمرون .. أنتي قعدي مع الريال وأنشاءالله الله بيكتب الي فيه الخير .. ​

جوان : يما ليش تسوين شي بدون لاتستشيريني ​

أم أحمد : لاني أدري هاذي بتكون ردة فعلج .. ​

جوان : وااااي .. أنا صاعدة غرفتي .. تامريني على شي​

أم أحمد : لا سلامتج ..​

جوان ( صعدت غرفتي وحطيت راسي على المخدة وقعدت أبجي .. حسيت قلبي قاعد يحترق .. وبكل دمعه تنزل أتذكر جراح .. الحين شسوي .. أنا ماقدر أخون حبي حق جراح وأتزوج غيرة .. وينك جراح .. متى ترجع الكويت ..)​

(ماكل عين تذرف الدمع بأحزان = وماكل من يضحك يعيش بسعاده
كم واحد دمعه على الخد هتان = من زود حزنه يذرف الدمع عاده
يحاول انه يبتسم قدر الامكان = يضحك ونار الحزن تقتل فؤاده

) ​

حامد زيد​

............................................................................................................................​

( بيت دلال )​

دلال : قوة دانو .. عندي لج خبر حلو وخبر مو حلو .. ​

دانة : شنو .. أبدي بالخبر الحلو ..​

دلال : الخبر الحلو أني أنخطبت​

دانة : علي خطبج .. !!​

دلال : لاتظحكيني ولي يرحم والديج ... أي علي أي بطيخ​

دانة : عيل منو ..!​

دلال : ولد عمي .. ​

دانة : وأنتي موافقة​

دلال : أكيد بوافق .. أول شي بوافق عشان يصير عندي شي يلهيني عن علي .. وبعدين هالريال ماينعاف .. عندة فلوس بترقني من صجج .. انتي تدرين شكثر انا احب لفلووس .. يعني موبعيدة باجر تشوفيني ياية الجامعه بمرسيدس موديل السنة .. وبعد غير هاذا .. علي أذا شافني تزوجت أكيد بينفهر وبيغار ​

دانة : اهاا .. صح جايز .. بس زين سويتي .. أنزين وشنو الخبر المو حلو​

دلال : اني خلاص شلت علي من بالي​

 

[زهراء*]

دانة : صج .. كلووولووووووش .. يلا زين زين .. عيل من الحين أقولج الف مبروك حياتي .. منة المال ومنج لعيال ..


دلال : الله يبارك فيج .. أدعيلي بس الله يوفقني ..


دانة : الله يوفقج أنشاءالله ويسعدج .. أنزين ماقتيلي شنو أسم المعرس


دلال : أسمة عادل


دانة : يلا عاشت الأسامي .. أنشاءالله نشوف عيالج ..


دلال : تو الناس .. بس الله كريم ​

(
إنت : (من مدة ) ‘و حآلك للأسف ~> صآير غريب !
وصآر عآدي عندك ≈ أبقى :وعآدي عن "عينك [أ غ يب ] !
وردتك نست عبيري . . . & صرت مآ أعرف وش مصيري ..
بسمتك دآيم لـ \غيري وقسوتك . . . دآيم عليّ

)


............................................................................................................................


( زنزانة أم فيصل )


أشواق : شلونج يما أنشاءالله تمام


ام فيصل : الحمدالله .. توة ماهدة قلبي .. قعدت أحاتيج صارلج جم يوم مومارتني .. خفت عليج ..


أشواق : لاتحاتيني يما آآ .. أنا عايشة بالدنيا .. والله فوقي ويحرسني ..


أم فيصل: الحمدالله يما آآ .. أنزين وين علي .. ليش مو ياي معاج


أشواق : علي .. !! خلاص يما أنا وعلي ماراح نكمل طريجنا مع بعض


ام فيصل : ليش يما آآ شصاير


أشواق : أمه ياتني البيت وهزأتني .. وعطتني ( أنقمت صوتها ماقدرت تكمل .. ) وعطتني كف على ويهي .. ( نزلت دمعتها ) وماأكتفت بكل هاذا .. !! قالتلي أنتي تلعبين على ولدي ومن هالكلام الي يسم القلب


أم فيصل : آآخ يما آآ أشواق .. وايد قاعد تعانين .. الله يعيم قلبج يا يما ..


أشواق : يما أنا تعودت .. ألي مثلي يعيشون طول عمرهم جذي .. محد يحترمنا .. ومحد يقدرنا .. والكل يدوس على راسنا .. أنتي تدرين أنا ليش حبيت علي من بد كل هالبشر .. ! لانة علي الوحيد الي كان يشوفني انا .. أشواق .. ماكان يشوف وضعي ولا بيتي ولا طريقة حياتي .. كان يشوفني أنا أشواق وبس


ام فيصل : تعالي يما .. تعالي قربي .. يما آآ حطي في بالج أنا محد يقدر يدوس على كرامتج لو شنو .. أنتي لاتسمحين حق أحد يدوس عليها .. أنتي ماسويتي غلط ولا منكر .. أمشي وراسج دايما مرفوع دامج على حق .. والي يدوس على راسج دوسي على راسة .. محد أحسن من الثاني .. الاخلاق أهي الي تزين الواحد .. وأنتي ماشااءالله عليج أخلاق وسنع .. وألي يقول عكس هالكلام غلطان .. ولاتستسلمين حق أم علي بهالسهولة .. لاتتخلين عن حبج بهالسهولة


قاطعتها أشواق بأبتسامة


أم فيصل : ليش تبتسمين


أشواق : جني قاعدة جدام جوان .. نفس الكلام قالتة لي


أم فيصل : جوان .. أي جوان


أشواق : بنت أم أجمد


أم فيصل : هههههه .. يحليلها .. خبري فيها كان عمرها 3 سنين ..


أشواق : أووولا ... ماشاءالله الحين عمرها 23 سنة .. صايرةعروسة.. تهبل .. لو عندي أخو جان خطبتها له


ام فيصل : الله يوفقها أنشاءالله


أشواق : يلا يما آنا الحين لازم أروح عن اذنج ..


أم فيصل : الله وياج يما آآ .. ديري بالج على روحج


أشواق : أنشاءالله من عيوني


أشواق ( طلعت من الغرفة الي جمعتي مع أمي وانا كلي هموم وأحزان .. المشكلة يايما أنا بنتج قلبها مو قوي .. بنت الي خلت الناس تدوس على راسها .. لو كان عندي ظهر أسند عمري عليه ماكانت هاذي حالتي .. لا أخو .. لا أبو .. ماقول ألا الله يسامح الجميع .. والله كريم .. الحمدالله على كل حال .. وبعد ماطلعت من السجن مريت الجمعية أشتري جم شغلة .. وانا بالجمعية شفت وحدة وجني مشبها عليها .. وهالوحدة بعد ماشالت عينها عني .. وأنا عند المحاسب توني طالعه من الجمعية لحقتني البنت وقاعد تناديني .. )


دلال : أشواق .. آشواق ..


أشواق : هلا أختي .. انتي من وين تعرفين أسمي


دلال : يعني أنتي أشواق صج ... أشوة ماغلطت


أشواق : لا ماغلطتي .. بس عفوا ماعرفتج


دلال : أنا دلال ..


أشواق : اي دلال


دلال : مو أنتي بنت عم علي الي مرة ييتي المحاضرة معاه


أشواق : ههههه .. أي انا أهيا .. بس انا مو بنت عمة .. اهو قال بنت عمة عشان تمشي الموضوع الدكتورة


دلال : عيل أنتي منو


أشواق : أنا بنت جيرانهم ..


دلال : و ..


أشواق : و .. وشنو​

 

[زهراء*]

دلال : يعني حبيبتة .. رفيجتة ..​

أشواق توهقت ويها قام يقلب ألوان : لا لا .. لايروح فكرج بعيد .. أنا بس كنت بكمل دراستي وعلي قالي تعالي معاي الجامعه وشوفي طبيعة الدراسة شلون وجي​

دلال : أنزين ليش شكلج صاير جذي .. بالجماعه متكشخة .. وفالة الشعر .. والحين لابسة عباية وقاطة اللفة على راسج .. بعدين أنتي متحجبة ولا لآ​

أشواق : أممم .. موجنج وايد تعمقتي بخصوصياتي​

دلال : هاا .. ماعليه أنا جذي أحب أحقق مع الناس ... أنزين شرايج تعطيني رقم تلفونج​

أشواق : هاا .. أنتي عطيني رقم فونج لاني بغير خطي .. وأنشاءالله انا بدز لج مسج أذا غيرت خطي ​

دلال : أوكي .. عندج أيميل ​

أشواق بأتغراب : أيميل .. !! لا لا ​

دلال : انزين شنو البن مالج​

أشواق : البن مال شنو ..​

دلال : ال بي بي ​

أشواق : مادري .. ​

دلال : أنتي شنو تلفونج ​

أشواق : مادري .. ​

دلال : انتي تستهبلين​

أشواق : لا والله صج مو فاهمتج .. ​

دلال : المهم هاذا رقمي .. ودزيلي مسج ولا أتصلي علي أوكي ناطرتج ..​

أشواق : أوكي .. ​

دلال : مع السلامة .. اي .. سلميلي على علي ​

أشواق : يوصل ​

( بعد ماوصلت البيت قطيت لفتي على فراشي وفصخت عباتي ورحت المطبخ أسويلي شغلة خفيفة آكلها .. طق جرس البيت .. الظاهر هاذا علي .. قلبي ماطاوعني احقرة .. بس حقرتة .. عشان مصلحتة .. وتم يطق الباب وأنا ماأرد .. لين يأس .. )​

علي : الظاهر موموجودة بالبيت .. خل أرد بيتنا أتعشى حدي يوعان وصلت حدي ..​

.........​

( بيت علي )​

على بصوتة الخشن قرب من أمة وقاعد يلقي شعر حامد زيد التمثال : (انا جيت اعشقك نبض و مشاعر ما اعشقك ( تمثال )
انا جيت اسكنك واحياك , و ابقى فيك وابقى لك
انا جيت بظما عاشق نعب يطرد سراب اللال
انا جيت استفز رضاك من فرقاك والجا لك
انا ما همت بك عاقل .. انا كنت اعشقك بخبااال
انا ما كنت احبك حي .. انا كنت اعشقك هالك ....

)​

أم علي : شطاري عليك قاعد تقط أشعار .. ​

علي : من الظيقة الي فيني .. مقموت ومحد راضي يحس فيني ..​

أم علي : أنت الي قاعد تسوي بروحك جذي ..​

علي : أنتي مادري متى بتفهميني يما آآ .. أذا أنتي أمي وموراضية تفهميني عيل منو بيفهمي ..​

أم علي : روح حق بنت أبليس أهي الي فاهمتك​

علي : ولييه ردينا على الطير يلي ..​

أم علي : أقول قوم بطل الكبت وطلعلي حبة بندول راسي صدع من شفتك ..​

علي : شقصدج يعني .. ​

أم علي : أفهم الي تبي تفهمة .. بس عفية ييبلي حبة بندول ​

علي ( فتحت الكبت وطلعت قوطي البندول .. وبالكبت لفت أنتباهي ورقة مسفطة .. بطلت الورقة ولا شهادة تخرج من جامعه الكويت كلية الهندسة مكتوب عليها محمد الساعد .. تنحت باأسم مار عليي بس ماأتذكر وين .. المهم عطيت أمي البندول وسألتها عن الأسم .. )​

علي : تفضلي يما .. ​

أم علي : دام فضلك ..​

علي : يما منو محمد الساعد​

أم علي قصت : كح كح .. أنت من وين يايب هالأسم .. !!​

علي : شفيج يما آآ شوي شوي .. لقيت شهادة تخرج مكتوب عليها محمد الساعد​

أم علي : ايي .. هاذا .. هاذا رفيج أبوك .. أيام التخرج .. وناسي شهادتة عندنا من زمان .. ​

علي : أهم شي .. وشلون أشتغل واهو ماعندة شهادة .. هاذي الشهادة الاصلية ومصدقة بعد​

أم علي : اووه انا شدراني .. ترى وايد تسأل .. قوم بس سولي قلاص عصير ليمون .. بلاعيمي شابة عليي ​

 

[زهراء*]

علي : انشاءالله ..​

............................................................................................................................​

بعد مرور يوم ​

( بيت أم أحمد )​

الساعه 5:30​

أم احمد : يما أحمد نظفت الديوانية ..​

أحمد : اي نظفتها .. وأنتوا جهزتوا العصير والبخور ​

أم أحمد : اي جهزنا ..​

أحمد : وين جوان عيل​

أم أحمد : ليلحين ماردت من الصالون .. غصب أقنعتها تروح الصالون .. حتى لصبي ماتبي تشوفة​

أحمد : ههههه .. عاد حتصلها تاخذ واحد مثل جراح .. ريال ونعم التربية .. الكل يمدح أخلاقة .. وتوة متخرج من أمريكا بعد شتبي .. وأهي بعد تعرفة .. معاها بنفس الجامعه​

أم أحمد : ههههه .. مالك شغل فيها هاذا دلع بنات .​

أحمد : الله يعينا على دلع هالبنات .. أنشاءالله توافق ويمشي نصيبها .. والله يكتب الي فيه الخير أنشاءالله ..​

نهاية البارت ..,​

أتمنى نال أعجابكم ..,​

​

​

​

​

سوري صارت البارتات على ردود وايد بس لانة المنتدى معلق مايصير الا بهالطريقة .,

برب عشان أنزل البارت الي بعدة ..,

 

[زهراء*]

البارت الخامس والثلاثون​

:$:$...​

.............​

بعد مرور يوم ​

( بيت أم أحمد )​

الساعه 5:30​

أم احمد : يما أحمد نظفت الديوانية ..​

أحمد : اي نظفتها .. وأنتوا جهزتوا العصير والبخور ​

أم أحمد : اي جهزنا ..​

أحمد : وين جوان عيل​

أم أحمد : ليلحين ماردت من الصالون .. غصب أقنعتها تروح الصالون .. حتى لصبي ماتبي تشوفة​

أحمد : ههههه .. عاد حتصلها تاخذ واحد مثل جراح .. ريال ونعم التربية .. الكل يمدح أخلاقة .. وتوة متخرج من أمريكا بعد شتبي .. وأهي بعد تعرفة .. معاها بنفس الجامعه​

أم أحمد : ههههه .. مالك شغل فيها هاذا دلع بنات .​

أحمد : الله يعينا على دلع هالبنات .. أنشاءالله توافق ويمشي نصيبها .. والله يكتب الي فيه الخير أنشاءالله ..​

بطرف ثاني عند جوان​

جوان ( رحت الصالون أسوي شعري .. حدي مالي خلق أجابل ويه الريال وأجاملة .. ماقدر .. ماقدر أجامل .. الله يهداها أمي أتفقت مع الناس بدون لاتاخذ راييي .. انا حاسة أني قاعد أخون جراح بغربتة .. يارب صبر قلبي وعد اليوم على خير .. بعد ماخلصت من الصالون رديت البيت وصعدت غرفتي .. لبست نفنوف طويل لونة أبيض ومنقش بالبيج والذهبي .. وبريولي لبست كعب ذهبي .. وشعري رفعته باف .. حطيت مكياج خفيف .. فاونديشن برونز وحطيت بلشر أفتح .. وعلى شفايفي حطيت روج لحمي .. والكحل خطيت فيه عيوني .. شكلي كان يشوق حيل .. حسيت أني قطوة .. خخخخخ .. بس ماأكتملت فرحتي .. كان ودي هاللحظة تكون حق جراح .. لحظة خاصة بيني وبينة .. يخطبني ويشوف كشختي .. بس وين .. الله كريم .. وتميت قاعدة بغرفتي أنطر الشارة من أمي )​

بالصالة ..​

أم أحمد : حيا الله من يانا .. توة مانور البيت ​

فضة : بوجود أهلة .. ​

أم أحمد : شلونكم شخباركم .. شلون الاهل ​

فضة : الحمدالله تمام كلنا زينين .. وأنتوا شلونكم​

أم أحمد : الحمدالله ​

فضة : الا ماقلتيلي العروس شنو تدرس​

أم أحمد : خريجة الجامعه الأمريكية تخصص أدب أنجليزي ​

فضة : ماشاءالله ربي يحفظها​

أم احمد : وانتي يما قمر .. جم عمرج ماقتيلي ​

قمر : أنا توني عنونة 18 سنة .. وداشة بال 19 توني متخرجة من الثانوية​

أم أحمد : ماشاءالله .. وين ناوية تدشين​

قمر : أنشاءالله يا حقوق أو طب ​

فضة : شقردية بنت أخوي ​

قمر : ههههههه​

فضة : الأ وين العروس ​

أم أحمد : أنشاءالله ألحين تنزل ..​

...​

أم أحمد : يلا يما جوان .. تعالي نزلي وقدمي العصير​

جوان : يما يعني لازم .. خو مو لازم​

أم أحمد : جوان بنقعد لي باجر نتناقش بالموضوع ​

جوان : أهأ أهأ أهأ .. راح أستسلم للأمر الواقع ..​

( نزلت من الدري وانا منزلة راسي بالأرض من الحيى .. قعدت يم أمي على المطرح وكانت أم المعرس قاعدة يمي .. قعدت تسولف معاي وتسألني جم سؤال .. وبعد مادردشنا ولا أشوف وحدة مجبلة من الحمام .. هاا .. قمر .. لا لا لا .. موصج .. معقولة .. جراح .. أمبييه مومصدقة .. حسيت أني ودي أصرخ بأعلى صوتي من الوناسة .. قمر أبتسمت لي ورحبت فيني .. بس انا بالي ليلحين ماكان معاهم .. يعني المعرس .. )​

بالديوانية​

أحمد : يا حيا الله من يانا .. زارتنا البركة ..​

جراح : الله يحييك أحمد ..​

جاسم : شلونك يباأحمد .. ماشاءالله كبرت حيل وتغيرت .. ​

أحمد : ههههه .. شفت شلون .. الدنيا الي كبرتني ..​

جاسم : وييه أنا خبري فيك 20 سنة .. جم صار عمرك ألحين​

أحمد : هههههه .. ألحين وصلت ال 30​