[لاتمثلين احتياجج لي وانتي بحضن غيري مقزرتها ] بقلمي .,

[Doza karoza]

7raaaAm 3liiiiiiiij kamli

 

[DF.JB]

ناططرينج

 

[mss.86oo6a]

واخيييييييييييييييييييييييييييرا انفضحت هالاشلي الخاااااااااايسه
بس انشااالله انشاااااالله مايصير فيهم شي ياااااااااااااااااااارب
زوزووو عفيه كافي علاوي ماراح يمشي يعد حراااااااااااااااااااااااااااااااااام
ناطرينيج

 

[Doza karoza]

KAAaaaamliiiii

 

[Engineer A]

Waiting : (

 

[Doza karoza]

زوزو حرام عليج كملي لاتتااحرين على الاقل بنشوف بس جوان وجراح شيء يصير فيهم. اتوقع. مايصير فيهم. شيء بأعجوبة كمللللي

 

[3115]

زووز وقفتي قلبي
جراح شينو راح يسير فيه

 

[بنوتة رياضية]

جراح راح يموت

 

[بــ الكويت ــنت]

واي لا جراح يمكن يموت الله ينتقم من اعداء المسلمين يارب القصه تعور القلب بسرعة كمليها بنعرف شنو يصير معاهم

 

[بــ الكويت ــنت]

تكفين بسرعة كمليها وقفتي بنقطة حاسمه و مصيرية جداً

 

[retaaaj]

هاي انا توني اطيح على القصه اللي اكثر من روعه يعطيييج الف عافيه عليها

وتعليقي على الشخصيات :

اشواق : مسكينه الله يعينها على اللي قاعد يصير فيها ما تستاهل

علي : الله يقومه بالسلامه ويشافيه مسكين ما يستاهل

مشاري : يكسر الخاطر بس المفروض ان يقول حق ثنيان وما يخش بقلبه

هوازن وجاسم : ياحليلهم واخيييرا تزوجو الله يوفقهم مع بعض سبحان الله مكتوبين حق بعض بعد كل هالسنين

ثنيان : حرااام بس انشالله يلقى البنت اللي تسعده غير قمر

ام علي ، وام هوازن : الله يسامحهم وهذي بداية اللي كانو يسوونه بهوازن الله ما يطق بعصا كما تدين تدان ههههههه شفيني صرت عيوز

ووووومنو باقي ام اشواق : اتوقع ان راح تطلع براءه بس متى الله اعلم وشكله بو علي اهو اللي راح يعترف

واتوقع بعد ان احمد راح يتزوج اشواق

ادري شكلي قرقت وايد لووووووووول

ناطرين البارت الياي على احر من الجمر

 

[retaaaj]

اي. صح نسيت جراح وجوان :bbbiu:

مساكين شكله جراح مااات :eh_s(11): الله يصبر قلوبهم على اللي صار لهم بس انشالله ما مات :eh_s(2):

لان وايد عجبتني شخصيته تقفه لا تقولين ان مات :eh_s(4): :yaaaaaarb:

وبس يعطيج العافيه

 

[ابي قطوة ميوووو]

لاااااا بلييييييييز زهووور بأييييدج تغيريييييين الاحداااااث
بعدييين عنواان القصة ماله شغل بقصة جوان وجرااح
انا الي فسرته انه هالكلام نثيان يقوووله للقمر مبببين من اول الرواية!
بلييييز زهووووووور
خل يدش بغيبووبة بس لا يمووووووووت

 

[Doza karoza]

زهؤؤور يرحم امج كمللللي لاتحريييننا لمن نقولج كملي بليز كملي على الاقل عن جوان وجراح. @@

 

[زهراء*]

سوري والله كنت بالنادي مامداني أنزل البارت دقايق بس آكتب آخر سطرين وبكون البارت عندكم

 

[زهراء*]

البارت الثالث و الاربعون​

:$:$​

.,​

^^​

بعد مرور 3 أشهر ​

جوان ( ماوعيت وانا مبطلة عيوني .. جسمي يرجف ..وحاسة في برودة مو طبيعية .. موقادرة أحرك أيدي من الوايرات المركبة فيني والأجهزة .. .. والسسترات حواليني.. الدكتور فرحان ويقولي حمدالله على السلامة .. وانا ماكانت غير كلمة جراح على لساني : جراااح ... جراااااح .. جرااااااح .. )​

..​

بطرف ثاني ​

أحمد : يما آآ لين متى بتظلين بالمستشفى .. صارج ألحين 3 شهور على هالحالة .. رايحة المسشتفى ورادة من المستشفى .. كل يوم طابخة والأكل ينقط .. قالج الدكتور الامل ظعيف .. وهاذا قضاء الله وقدرة​

أم أحمد عصبت : لاتتكلم عن أختك بهالطريقة .. أختك راح تقوم بالسلامة .. اي راح تقوم بالسلامة .. ونعم بالله .. ونعم بالله .. جوان بنتي وأنا أعرفها قوية .. راح تقوم .. راح تقوم .. ( وطاحت بحضن أحمد ) : جوان يما آآ ​

ولا يقاطعها صوت الدكتور وأهيا يركض من الفرح يبي يبشرها ​

أم أحمد .. أم أحمد ..​

أم أحمد بلهفة : طمني دكتوور طمني ..​

الدكتور : جوان قامت بالسلامة .. صحت من الغيبوبة ​

أم أحمد وأهيا تبجي : الحمدالله لك ياارب .. الحمدالله .. سمعت يما أحمد .. أختك قامت من الغيبوبة .. سمعت .. أي هاذي بنتي جوان .. ​

أحمد : الحمدالله رب العالمين .. الحمدالله لك يارب .. الحمدالله​

ام أحمد : دكتور الحين أخذني لها .. ألحين بشوف بنتي ألحين ..​

الدكتور : أنشااءله .. بس مايصير تطولين بالزيارة .. ولازم مايدش أكثر من شخص عندها الغرفة​

أحمد : خلاص يما أنتي روحي تطمني عليها واأنا بدق على بوجراح أبلغه .. ​

ام أحمد : أنشاءالله .. ​

...​

أم أحمد ( دشيت الغرفة حق بنتي .. حشاشة يوفي .. كسرت قلبي طيحتج ياجوان .. بكل خطوة أجدم فيها غرفتها أتحير أكثر وأكثر .. الحين شقولها أذا سألت عن ريلها.. شقولها.. آآخ يما آآ .. الله يصبر قلبي ويصبرج .. دخلت الغرفة ولا أركض عند راسها وألمها .. )​

جوان : يما آآ .. شصار .. أنا ليش منيييه .. ليش هالأجهزة مركبة على جسمي .. شصار .. أحنا وين .. ​

أم احمد : يما آآ ألحين انتي أرتاحي .. لاتفكرين بشي ​

جوان : يما آآ .. يما آآ .. وين جراح .. وين ريلي جراح .. بقولة .. بقولة ..​

أم أحمد وخانقتها العبرة ​

جوان : آآآه .. ظهري يعورني يما آآ .. ليش ريلي مجبسة .. شصار يما آآ .. وين جراح .. نادولي جراح .. تكفة يما آآ أبي جراح .. بكلمة .. ​

أم أحمد : جوان .. لا تظقطين على نفسد وايد .. أرتاحي غمضي عيونج ​

جوان ( غمضت عيوني .. ولا أشوفة .. شفت كل شي جدامي .. تذكرت كل شي .. صارخت بداخلي بس ماقدرت أطلع صوت صرختي .. أنتفض جسمي وتشنجت .. ويهي صار أزرق موقادرة أتنفس .. )​

أم أحمد وأهيا تنادي الدكتور : دكتووور .. دكتوور لحق على بنتي ... يما آآ جوان شفيج ..لاتسوين بروحج جذي .. يما آآ ( وصوتها على بالبكاء .. )​

الدكتور : أم أحمد ممكن تفضلين براا .. صارت لها مضاعفات .. ​

أم أحمد ( طلعت برا الغرفة وانا أدعي انا الله يقومها .. )​

أحمد وأهو مخترع : شصار ..​

أم أحمد ودموعها سابقة لسانها : مممم .. مااا ... مادري ​

أحمد : شنو قال الدكتور ​

أم أحمد : سألتني عن جراح .. ووووبعددد .. وبعدها غمممضت عيونها ولا تثرخ جراح .. وتشنجت ويها صار أزرق وقعدت تنتفض .. آآه يارب .. يارب مايصير حق بنتي شي .. ​

....​

بعد ماطلع الدكتور ​

: الحمدالله قدرنا نسيطر على الوضع .. الظاهر انا المريضة بدت تتذكر الي صار معاها .. الله يصبرها أنشاءالله مو سهل الي صار .. ​

أحمد : دكتور يعطيك العافية .. مادري شنو كنا بنسوي بدونك بهالغربة .. يعطيك العافية ​

الدكتور : ولو يا أستاذ أحمد .. هاذا من واجبي .. بس الحين انا أفضل أنكم تقللون الزيارة .. أحنا عطيناها أبرة مهدئة عشان تنام .. أنتوا رجعوا البيت أرتاحوا شوي .. ​

أحمد : أنزين دكتور ( ................................. )​

الدكتور : لا .. ليلحين ( .............. ).. الجسم قاعد يحارب كل الادوية ( ................... ).. بس لاتفقدون الأمل .. خلوا أملكم بالله قوي ​

............................................................................................................................​

( بيت أم هوازن )​

 

[زهراء*]

أم علي : يما آ أنا زهقت من هالعيشة .. برد بيتي حق ريلي وعيالي ..​

أم هوازن : اي ريل وأي عيال .. الكل عافج .. لابنتج تبيج ولا ولدج المسكين يبيج .. يعني لو مخلية الولد يتزوج البنت الي يبيها جان ماصار الي صار ​

أم علي : خلاص يماآآ .. لاتصيرين أنتي والزمن عليي .. فيني ألي مكفيني .. بس أنا مو باط جبدي الى بيعه البيت .. ليش باع البيت .. يعني بيحرق قلبي أكثر من ماأهو محترق .. هاد البيت الي بالضاحية ورايح ساكن بالروضة .. ​

بو هوازن : شفتي يايبا الطمع وين وصلج .. ​

أم علي : يبا رجاءا .. موناقصة مواعظ .. ليش ماتقول لو بنتك ماتزوجت جان ماصار الي صار ​

بو هوازن : أنتي ليش تروحين وتردين على أختج .. أختي شكو .. أنتي الي ماعرفتي تحافظين على بيتج وعلى عيالج .. ​

أم علي : أوووف .. قعدتكم تييب النكد .. بروح انام أحسن لي .. تصبحون على خير ​

بو هوازن : الله .. الحين قعدتنا صارت تييب النكد .. وينك يمشيري ويا ثيوني .. صج البيت مالة طعم بدونهم ............................................................................................................................​

( شاطىء المرينا .. )​

مشاري : وليييه هاذي ماتيوز يعني من هالحركات .. ​

قمر بدلع : مشاري يلا عاد قوم ألعب معاي أنا وثيوني كوورة قدم .. ولا خايف أنمصخرك​

مشاري يطالعها من طرف عينة : نعنه عليج يابنت اللذينة .. ( بصوت عالي ) : خير أنتوا تمصخروني ... انزين كاني ياي مع شري ​

قمر تساسر عمرها : هيااا .. نجحت الخطة ​

ثنيان : قمر لاتتحدين مشاري ترى أهو الي بيمصخرنا ​

قمر قربت من ثنيان وساسرتة بذونة : لاتخاف ​

ثنيان ويها صار أحمر من قرب قمر منة ليلحين ماتعود ​

مشاري : يلا الكرة لي .. بس أقول حجية قمر لاتتدلعين وتقولي كسرني .. وعورني وتركضين عند أبوج تبجين .. ​

قمر : لا لاتخاف .. أصلن ماراح تقدر تقرب مني .. ( وحطت ايدها على ايد ثنيان ) : ثنيان حبيبي بيحميني ​

هوازن من بعيد : يما مشاري شوي شوي على البنت .. ​

مشاري : أقول يما .. بوجراح معطيني الصلاحية ​

هوازن : حتى لو معطيك الصلاحية هاذي بنت شوي شوي عليها ​

قمر : يما فديتها خالتي هزوونة والله ماكو مثلج .. خايفة عليي ​

هوازن : حبيبي جاسم والله فقدتك .. خل أروح أتصل عليه أتطمن ​

دقت على جاسم​

هوازن : جاسم عيوني .. شلونك حبيبي .. قمت احاتيك .. ​

جاسم مخنووق : سامحيني يانظر عيني .. بس أنشغلت شوي .. تدرين بعد أجتماعات وهالسوالف ماخذة كل وكتي .. ​

هوازن : تسلملي عيونك .. يلا خير أنشاءالله .. متى بتخلص شغلك .. ترى البيت ظلم بدونك .. وقمر مشتاقة لك بعد​

جاسم : انشاءالله برطع عن قريب ​

هوازن : أنزين شلون المعاريس .. شفتهم ولا لآ​

جاسم بصوت مبحووح موقادر يتكلم : المعاريس .. ( سكت شوي .. أستجمع قواه ) : اي شفتهم .. يسلمون عليكم ..​

هوازن : متى بيرجعون أنشاءالله​

جاسم : عن قريب أنشاالله ​

هوازن : انزين وأنت ماخلص شغلك .. صارلك 3 شهور تروح أمريكا وترد الكويت .. من وين كلع هالشغل فجأة .. أخاف ناويلك على نية .. يلا أعترف​

جاسم بالغصب يضحك : ههههه .. الي عنده وحدة مثلج شلون يشوف غيرها .. ​

هوازن : ههههه .. عيل أنا أخليك شكلك حيل تعبان .. بس حاول تخلص شغلك بسرعه ترى البيت ظلم بدونك​

جاسم : انشاءالله أحجز تذكرة على الاسبوع الياي .. ​

هوازن : أنشاءالله .. ناطرينك .. يلا تصبح على خير سلم على المعاريس أذا شفتهم ​

جاسم : انشاءالله .. من عيوني ​

...​

قمر ومشاري وثنيان قاعد يلعبون كرة .. النتيجة 6 صفر حق مشاري .. محطهم الزلم .. ​

قمر : مايصير شنو هاذا .. صارلنا ساعه نلعب وكل الأقوال يابهم مشاري ​

ثنيان : قتلج لاتتحدينة مانقدر عليه​

قمر : مالي شغل .. أبي أفوز ​

مشاري : ليلحينج مايأستي ​

قمر : لا ولا راح أيأس ​

مشاري ( كملنا اللعب .. ويعني طالعه فيها قمر ماخذة دور الدفاع .. طبتلي سلايت ولا تكرفسني .. قلت لازم أرد لها الحركة .. ولا أطب لها سلايت ولا تطيح على ويها .. كاااااااااك طاحت على الطين .. شعرها وويها كلة صار طين .. فصلت عليها .. قامت وأهيا معصبة .. ركضت عند أمي وتتدلع عندها )​

 

[زهراء*]

: أهأ اهأ .. شفتي ولدج شنو سوى .. مستقصد الحركة .. طبلي سلايت وطيحني على الطين .. خرب شعري .. الحين أنا شسوي .. أحس أني وصخة ​

هوازن عصبت : مشاريوو .. انا شقلت لك .. مو قتلك يوز عن البنت ​

مشاري : يما آآ قاعد تتدلع مالج شغل فيها .. ​

هوازن : أنت تبي تنطق .. مالج شغل فيه يما آآ .. روحي الحمام وغسلي ويهج .. خل يولي ​

ثنيان : كاااااااااااك .. حرام عليك .. ليش تسوي فيها جذي​

مشاري : عشان ماتتحداني .. يلا أنا ماشي .. بلغ الحجية سلامي وقولها أطالبها كرت أيزي 10 مو تنسى .. ترى حدي مقحط ماعندي رصيد ناطرها ​

ثنيان : وين بتروح ​

مشاري : بمر حيدر الديوانية .. اليوم متيمعين مع الشباب من زمان مامريتهم​

ثنيان : أهااا .. ماشي .. انزين اليوم وين بتنام .. عند الحجي ولا بتيي البيت​

مشاري : والله من زمان ماسيرت عند الحجي ... تصدق شكلي بطقها نومة وشخري عند باب غرفة الحجية .. ولا أقولك عند باب غرفة خالتك .. ​

ثنيان : فيها الي مكفيها لاتزودها ​

مشاري : والله حدي مقهور منها على الي سوتة بعلي .. مسكين الريال تحرول بسبتها .. الله يكون بعونة​

ثنيان : اي والله .. الله يعينة .. من زمان ماشفتة .. الحين قريب الشهرين مازار بيت ماما عودة .. لا أهو ولا فطووم ​

مشاري : من صجك .. والله لو أنا مكانهم أكيد ماراح أزورها .. خلها .. تستاهل .. عشان تعرف أنا الله قوي .. أستغفر الله .. اللهم لا شماتة .. ​

ثنيان : أستغفر الله .. يلا توكل على الله لانفصل الحين ​

مشاري : في امان الله .. ​

............................................................................................................................​

( بيت بوعلي .. منطقة الروضة )​

فاطمة ( أحس الجو صاير حيل كئيب من طيحة علي اخوي وطلاق أمي وأبوي .. انتقلنا حق بيتنا بالروضة .. أدري ألحين بتقولون شلون بيتكم بعتوه ومن هالكلام .. أحنا صج بعناه بس أبوي عنده بيت ثاني بالروضة .. أصغر من البيت الأول .. ورثة عن يدتي الله يرحمها .. الحين صارلنا 3 شهور روتينا ماتغير أنا وعلي .. علي كلة حابس روحة بغرفتة ومايطلع منها .. وأذا طلع منها يروح البحر .. وأنا حابسة روحي بعد بغرفتي بس آكل ومجابلة النت والبي بي .. وأبوي حالتة حالة .. صاير كئيب .. ومن ديوانية لي ديوانية .. ماجذب عليكم وأقولكم البيت حلو من غير أمي .. لا والله .. البيت صاير مالة طعم من غير أمي .. ودي أروح أعيش عند أمي بس ماقدر أخلي علي بروحة .. بعد الي صار علي مايبي يطل بويه أمي .. )​

علي ( كل يوم أطل من الدريشة على أمل أني أشوفها جدامي .. كل يوم أجابل القمر وأتذكر أبتسامتها .. وكل يوم يزيد حبها بقلبي وشوقي لها .. بس آآخ .. آآخ على اللي صار .. كل ماحط ايدي على ريولي تنزل دمعتي .. صرت عاجز عن وايد أشياء .. ربعي ماقمت أشوفهم .. طلعات ماقمت أطلع .. حياتي الأجتماعية صارت معدومة .. احس الناس تتشمت فيني .. لمن أطلع الكل يطالعني بنظرات أنكسار .. نظراتهم بدت تقتلني .. ومايمر علييي يوم ماأكتب فيه أسم أشواق بدفتري .. حطيتلي دفتر بس عشان أكتب فيه أسمها .. محد حاس بالمعاناه الي قاعد أعانيها .. أنزين هاذا قضاء الله وقدرة .. بس وينها .. أنا راضي أني أكون .. أحس أني مقموت موقادر أنطق فيها .. بس .. بس أنا راضي أني أكون معاق بس أبي أشواق تكون يمي .. دوروها لي .. أبي أشوفها .. وينج يا أشواق تشوفين حالتي .. معقولة محد قالج عن الي صار فيني .. ولا سمعتي بهالخبر وطنشتي ولا همج .. )​

.....................................​

عند أشواق ​

أشواق ( وأخيرا .. وأخيرا لقيت خيط يوصلني حق أهل محمد .. طلع عندهم بيت ثاني بمنطقة الروضة .. الحين باقي آخر خطوة أني أعطي عادل العنوان ويدليني الطريج .. بس أنشاءالله ماتصير فيني الحركة الي صارت من قبل .. أخاف أروح لهم ويطلعون بعد بايعين البيت عاد أذا صارت فيني هالحركة راح أفجر البيت واصحابة .. اووه تأخرت على الدوام .. أنشاءالله ماأقزرها على أبو أنا عادل مديري .. خل أروح الدوام لا يتسكر الطريج الحين ويصير أزدحام .. طلعت من البيت ورحت الدوام .. وصلت الدوام وكالعادة .. اتصل على المطبخ يحضرون القهوة حق الأستاذ عادل وبعدها أدخل القهوة حق مكتبة .. )​

طق طق طق ​

عادل : تفضل ​

أشواق : القهوة ​

عادل : تسلم أيدج ​

أشواق : ههههه .. الله يسلمك .. بس جم مرة أقولك راجو الي مسوي القهوة مو آنا ​

عادل : بس انتي الي وصلتيها ​

أشواق : ماعليه .. أمممم .. عادل بقيت أطلب منك طلب ​

عادل : أنا عيوني المركبة لج​

أشواق : تسلملي عيونك .. لاتحرجني أكثر .. اممم .. أنا لقيت عنوان الناس الي أمي ذبحت ولدهم .. طلع عندهم بيت ثاني بالروضة ​

عادل : لحظة لحظة .. حبة حبة .. اي ناس .. واي بيت​

أشواق : عادل انت فاهم قصدي .. لاتخلينا نبطل صفحات قديمة ​

عادل : أهاا .. اوكي .. سامحيني موقصدي .. أنزين وانا بشنو أقدر أخدمج​

أشواق : أبيك توصلني لهم .. اخاف السايق مايدل البيت .. ​

عادل : حاظر من عيوني .. متى تبين نروح​

أشواق : خلها باجر العصر .. ​

عادل : من عيوني​

 

[زهراء*]

أشواق : أمممم .. ولا أقولك .. أتصل على السواق قولة وين العنوان بالضبط .. أحسن أروح بروحي .. ​

عادل : الي يريحج .. تامريني على شي ثاني ​

أشواق : لا سلامتك ماتقصر .. أيييه نسيت .. معاش هالشهر أخصم منة أجار الشقة ..​

عادل : هههههه .. ليلحينج على سالفة الأجار ​

أشواق : ولي باجر .. لين أطلع من الشقة لي بيت ريلي ​

عادل : ههههههههههه .. انشاءالله مايصير خاطرج الا طيب ​

أشواق : يلا عيل عن أذنك ​

عادل : أذنج معاج يبا ​

أشواق ( واااي عادل أنشاءالله موجذي .. والله لو مرتة تدري بالكلام الي يقولة لي تقصب رقبتي وتعلقني عند باب مكتبة .. الا صج مرتة ليلحين ماشفتها .. أممم .. انا شكو أصلن أشوفها .. أشواقو ركدي شوي .. تدورين ربع .. * قعدت على الكرسي ولا أغمض عيوني .. آآخ من غمضت عيوني .. كل ماغمض عيوني أتذكر علي )​

^^​

علي : أشواق غمضي عيونج​

أشواق : كاني غمضت ​

علي : شنو تشوفين ​

أشواق : أشوف سواد .. ​

علي :شفتي هالسواد .. هاذي حياتي بدونج .. ​

( آآآخ والله ياعلي وهاذي حياتي بعد بدونك .. ياريت الصدفة تجمعنا مرة ثانية .. ياريت .. أنا لازم أنسى كل الي صار .. بحط أحتمال أنا فطوم أختة مركبة الصورة .. بحط احتمال انا أختة تبي تفرقنا .. يمكن صج أختة تبي تفرقنا .. أنا غبية .. والله غبية .. شلون صدقتها بكل هالبساطة شلووون .. يعني لو أني ماعرف علي جان صدقت .. بس هاذا علي ياأشواق .. تعرفين شنو يعني علي .. طقيت الطاولة حيل ودموعي نزلت على خدي وانا أردد .. هاذي علي يا اشواق .. هاذا علي .. اييه علي ياغبية .. انا غبية .. الحين .. الحين لازم أدق عليه .. لازم اشوفة.. لازم اشوفة وأطيح بحضنة .. لازم أقولة أني أحبة .. وهالمرة مستحيل أتخلى عنه لو شنو يصير .. )​

علي حبيبي أتصال # الرقم المطلوب غير متوفر حاليا .. يرجى معاودة الأتصال في وقت لاحق ​

( لاا علي .. لاتسويها فيني .. رد عفية رد .. ودقيت مرة ومرتين وثلاث .. وعشر .. وعشرين .. وبكل مرة تتردد نفس الجملة .. )​

الرقم المطلوب غير متوفر حاليا .. يرجى معاودة الأتصال في وقت لاحق​

( بيتهم .. ماكو الا أروح بيتهم وأسأل عنة .. ماهمتني أمة ولا أختة .. ويييه أنا ليش قطعت فجأة .. لاسألت لاعن أم احمد ولا عن جوان قطعت الفريج فجأة من غير لا أسأل عن أحد .. بعدين ويت .. انا شلون نسيت .. موقلت بزورهم .. أيييه صج دنيا .. الدنيا شغلتني عن كل الناس الي احبهم .. )​

............................................................................................................................​

( بيت أم هوازن . )​

أم علي : يما اآآ قوليلي شسوي .. أروحلهم البيت .. أطيح على ريولة وأترجاه يردني على ذمتة ​

أم هوازن : شنو أنتي ماعندج كرامة .. الي باعج بيعيه .. والي مايبانة مانباه .. ​

أم علي : حسي فيني .. هاذا ريلي وهذول عيالي .. مابي أكابر أكثر والله موقادرة أعيش بدونهم موقادرة​

طق باب جرس البيت​

أم هوازن : ميري بطل باب ​

ميري : أوكي مدام​

هوازن : السلام عليكم​

أم علي : ولييه يات الحين المراهقة في الاربعين وبتتفلسف على راسنا .. ​

أم هوازن : والله موباط جبدي غير هاذي بنت ريلها الي مجرجرتها وين ماتروح صدقت أنها بنتها ​

أم علي بصوت عالي تنقز على هوازن : أنا صاعدة انام​

أم هوازن : شدعوة أم علي .. أنا ياية أزوركم من زمان ماشفتكم ​

أم علي من غير نفس : وأنا شكو .. بعدين تعالي أنتي أصلن شلون تحطين عينج بعيني وتكلميني عقب الي صار ​

أم هوازن : ولييه .. يما آآ وين أبوي ..​

أم هوازن بنفسية : بالسرداب​

هوازن : يلا قمر خل ننزل تحت احسن ​

قمر : يلا ماشي ​

نزلوا السرداب ​

بوهوازن : هلا هلا بالطش والرش .. مابغيتي تمرين تسلمين على أبوج ​

هوازن تبوس راس أبوها : محشوم يبا .. والله أنشغلت مع لعيال ​

قمر : شلونك عمي ​

بوهوازن : هلا عمي .. ماشاءالله هاذي قمر بنت جاسم​

هوازن : اي يبا .. شفت شحلاتها ​

بوهوازن : اي والله ماشاءالله صج أسم على مسمى ​

قمر : مشكور عمي كلك نظر .. ​

هوازن : يبا شفيها أم علي .. لين متى يعني بنتم على هالحالة .. والله أحس أني عدوتها مو اختها ​

 

[زهراء*]

قمر : خالتي مالج شغل باحد .. والله طنشي وريحي قلبج .. حجي الناس لايهمج .. خلج مثلي طاقة الناس وحجيهم بالطوفة . اعور قلبي حق شنو​

بوهوازن : هههههه .. صح كلام الحلوة .. طقي حجيهم بالطوفة ..​

هوازن : ههههه .. بنت أبوج .. ​

بو هوازن : الا ريلج متى راح يرجع من السفر ​

هوازن : والله مادري يبا .. الحين قريب ال 3 أشهر أهو رايح وراد من أمريكا .. مادري متى بيخلص شغلة ​

قمر : اي والله حتى جراح .. شدعوة ليلحين شهر عسل ماصارت ..​

هوازن : جراح ومرتة خليهم على صوب .. تلقينهم قاعدين مع ربعهم .. نسيتي أنهم يدرسون مناك فشي طبيعي يقعدون شوي بس أبوج انا قاعد أحاتيه .. صوتة صاير موطبيعي حاسة صاير شي لا سمح الله بس موراضي يتكلم .. ​

بو هوازن : لا يبا أنشاءالله كل خير موصاير شي ​

قمر : أنشاءالله .. أممم .. انزين خالتي ممكن سويج سيارتج بمر الجمعية شوي أشتريلي رصيد​

هوازن : أي حبيبتي تفضلي بس ديري بالج​

بو هوازن : يبا أنتي خذيتي الليسن ولا بعدج .. وجم عمرج أسم الله عليج​

قمر : لا ليلحين عمي .. بس اعرف أسوق السيارة متعودة لاتحاتي .. وانا كبر ثنيان توني داشة ال 18 ناطرة أبوي يرجع ويطلعلي أستمارة .. ​

بو هوازن : حافظج الله .. شوي شوي بالدرب ​

قمر : أنشاءالله .. ​

هوازن : تصدق يبا هالبنت شنو احبها .. أحسها مثل بنتي وأكثر .. معني ماتوقعتها راح تحبني لاني بصير مرت أبوها .. وأول مادشيت صفها وعرفت انها بنت جاسم ظنيت انها متكبرة ورافعه خشمها .. اهيا صج بالبداية كانت جذي بس سبحان مغير الأحوال .. بين بوم وليلة تغيرت .. ​

بوهوزان : الحمدالله الله رزقج على قد نيتج عقب كل هالسنين المرة الي عشتيها .. زين ماطلعت نسرة وعفست عليج حياتج بعد​

هوازن : الحمدالله .. ​

...........​

قمر ( وانا صاعدة الصالة ولا أم خالتي هوازن تطالعني من طرف عين .. حسيت نار وشرار طالع من عيونها .. خزتني خزة الي خلتني أفز من مكاني .. صعدت السيارة وشخطت من جدام باب بيتهم .. نزلت الجمعية وشريت رصيد .. رحت صوب الحلاو والكاكاو حدي بدبها اليوم .. نزلت آخذ حلاو من الرف التحتي وأنا مصعدة راسي ولا واحد يرجع عليي بدون لايشوفني .. عصبت حدي )​

قمر : هيي أنت ماتشوف طيرت راسي الله يهداك​

مشاري لف ويها بعصبية : أنتي الي ​

قمر : كااااااااااك مشاري :p​

مشاري : وليييه .. أنتي من وين تطلعين لي هاا .. كل مالفيت ويهي شفتج جدامي ​

قمر : امممم .. شتسوي بالجمعية​

مشاري : العب كرة قدم .. يعني شنو شايفتني أسوي .. قاعد أتشري .. أووه صايرة نظيفة عقب مساع .. كااااااااااااك كنتي جنج كاكاو فليك والطين على ويهج​

قمر ويها صار أحمر : ليش طيحتني .. عناد صح .. تبي تفشلني ​

مشاري : تستاهلين يزاج وأقل من يزاج​

قمر : أهم شي .. من قلبك​

مشاري : صج تعالي انتي منو يايبج الجمعية ​

قمر : ماخذة سيارة خالتي هوازن ..​

مشاري : اهم شي أنها عطتج المرسيدس صج بايعتها الوالدة .. شوي شوي على عروستنا ​

قمر : تخاف على السيارة وماتخاف عليي ​

مشاري ( ماقدرت أمسك نفسي ) : أخسي أذا ماخفت عليج ( حسيت بجسمي أرتفعت حرارتة أول مرة أنحرج :$ )​

قمر : من قلبك​

مشاري رافع حاجبة ويسوي روحه معصب : يلا عاد عن الطوالة .. رجعي البيت كلة مصبنة هنيي .. وأن شفت عيونج راحت يمين ويسار أكسرج سامعه ( فيني ظحكة مو قادر أقمتها ) ​

قمر : سحاظر عمي .. يلا أشوفك بالبيت ​

مشاري : اليوم بنام عند يدي ​

قمر : صج .. أممم .. راح أشتاقلك والله​

مشاري : ولييه .. قمر روحي لا أهفج بقوطي الزقاير ​

قمر : هههههههه أنزين أنزين​

( طلعت من الجمعية وانا حدي متشققة لدجة اني موقاعد أشوف السيارات الي حواليني .. عند الدوار طقيت بريك فجأة ولا .... )​

............................................................................................................................​