[لاتمثلين احتياجج لي وانتي بحضن غيري مقزرتها ] بقلمي .,

[ام رينـاد]

اااااب

 

[Aen adare]

انا كنت متابعه خلف الكواليس وسجلت عشانج صراحه قصتج فوق الرووووعه كملي حبي

 

[.الطيب.]

Up
Up
Up
Up
Up

 

[ام ناصر 80]

ناطرينج حبيبتي

 

[زهراء*]

بنات مشكورين على هالردود الحلوة ويا مرحبة الساع بكل المتابعين الجدد

سوري تأخرت بالبارت لانة النت كان خالص أشتراكة .. انشاءالله الحين أكمل باجي البارت وأنزلة

 

[زهراء*]

البارت الخمسون ​

:$:$​

..​

( بيت جاسم )​

قمر : بابا قول لقيت حجز ​

جاسم : اي لقيت حجزت لي أنا وأنتي وخالة هوازن​

هوازن : متى الطيارة أنشاءالله ​

جاسم : باجر الظهر​

قمر : ماقدر أصبر لي باجر .. ماقدر .. بشوف أخوي ​

جاسم : خلاص لقيت حجز اليوم الساعه 1 الفجر​

هوازن : لاتخافين يما آآ أنشاءالله بتشوفين أخوج .​

قمر : يبا شلون حالتة أوصفلي وضعه​

جاسم خنقتة العبرة : شقولج يبا .. ولا شخلي .. ​

قمر ( ماتحملت الكلام الي قاعد أسمعه .. خذتني خالتي وحطتني بفراشي وغطتني بالكمبل .. وبعدها طلعت وسكرت باب الغرفة .. بهاللحظة كنت حيل محتاجة مشاري يكون يمي .. دقيت على تلفونة سكرة بويهي .. دزيتلة مسج .. * مشاري محتاجتك يمي أحس أني بموت مو قادرة تعال بسرعه * أول ماوصل المسج ولا يتصل .. شلتة على طول وانا أبجي ومشاري يسألني شفيج وماكنت أرد عليه .. كنت بس أقولة تعبانة مشاري تعبانة .. وبعد ربع ساعه وصل مشاري البيت سمعت صوتة وأهو يسلم )​

مشاري : السلام عليكم ​

هوازن : وعليكم السلام​

مشاري مصدوم : عمي ! حمدالله على السلامة .. متى الوصول ​

جاسم : الله يسلمك يبا .. قبل شوي ​

مشاري : ليش ماقتلي جان مريتك المطار ​

جاسم : لا ماحبيت أكلف عليك​

مشاري : أفاا عمي .. مافيها أي كلافة ​

هوازن : مشاري يما آآ تعال شوي أبيك​

مشاري : حاضر يما آآ​

..​

بالمطبخ​

مشاري : يما آ شصاير .. عمي راد الكويت بدون لايقول .. وقمر توها داقة عليي تبجي تقولي حاسة بموت .. خرعتوني ياجماعه شعر أيدي أخترع ووقف ​

هوازن : جراح أخو قمر سوى حادث والحين أهو بالعناية المركزة وحالتة خطرة بين الحياة والموت ​

مشاري حط أيدة على راسة :اووف أوووف .. شلون صار الحادث ​

هوازن : السالفة طويلة .. قمر بغرفتها .. روح لها يمكن شوي لمن تشوفك تهدي أعصابها ​

مشاري : الحين أروح لها .. عن أذنج​

..​

انا وانت طيرين والسما حبنا
انا وانت شوقين والزمن ضدنا
نشق يوف الصبر ونطير
ننثر في الهوى همنا
مطر السنين يروي ورود
زرعناها بشقا هالليل
بعد ما جف بحر العين
انا وانت على صدر الزمن قصه
تعال نمحي هموم الايام
ونسافر مع الاحلام
ونكتب في العمر جرحين
انا وانت طيرين والسما حبنا
انا وانت شوقين والزمن ضدنا

​

قمر ( بس شفت مشاري طق باب الغرفة ولا أركض أبطل الباب وألمة حيل .. وقعدت أبجي )​

جراح اخوي راح يموت .. راح يخليني مثل ماخلتني أمي ومثل ماخليتني أنت ... محد بقالي بهالدنيا .. حتى أبوي راح ينشغل عني .. من أول ماوعيت على هالدنيا وانا وحيدة .. محد يبيني محد يحبني .. الكل يمثل عليي انا يحبني .. بس بداخلهم شي ثاني .. ​

مشاري (مسحت دموعها الي قطعت قلبي .. ) : أوووش قمر شنو هالكلام​

قمر : اييه هاذا الصج .. أمي قالت تحبني وخلتني .. جراح قالي يحبني وبيخلني .. وانت .. ( قعدت أطقة على صدرة بدون لا أحس ) وانت .. انت قتلي أحبج وألحين تخليت عني .. كلكم تخليتوا عني .. ​

مشاري : خلاص أنا هنيي قمر ماراح اخليج .. والله أني ماراح أخليج من يوم ورايح على طول راح أكون يمج ​

قمر ( أنهد حيلي من البجي طحت على الأرض وقعدت أبجي .. لمني حيل مشاري حسيت بدفى قلبة .. حنان من زمان ماذقتة .. ماتمنيت هاللحظة انها تخلص .. تمنيت أنا الحياة تقف على هاللحظة .. غمضت عيوني ونمت على صدرة وانا أقولة لاتخليني لاتخليني )​

مشاري : ماراح أخليج .. أنتي كل شي .. انتي حياتي وعمري وقلبي .. نامي أرتاحي .. لاتفكرين بشي .. جراج راح يقوم ماراح يخليج .. وأمج تحبج بعد ماخلتج بس الموت حق وكلنا راح نموت بيوم من الأيام​

قاطعته قمر :وانت​

مشاري : أنا غبي .. أنا أهبل يوم خليتج ​

قمر بصوت واطي من التعب : وثنيان​

مشاري بغصة : ثنيان راح يفهم .. راح يفهم كل شي مع الوكت​

قمر بصوت نعسان : أحبك .. والله أحبك​

( رجيتك لاتخليني )​

مشاري باسها على راسها : وانا أحبج بعد .. أمووت فيج ​

رن تلفون قمر ​

66…..56…3​

مشاري ( رقم منو هاذا .. مادري أرد ولا لآ .. لا لا فلشة يمكن وحدة من رفيجاتها .. خل أحط التلفون سايلانت لا ألحين يزعجها وأهيا نايمة .. حطيت التلفون سايلانت .. وحطيتها بالسرير .. غطيتها بالكمبل وطلعت برا الغرفة .. ولا أمي بويهي )​

: بسم الله الرحمن الرحيم خرعتيني يما آآ​

هوازن : تعال بكلمك​

مشاري : يلا سرينا ​

..​

هوازن : شصار ​

مشاري : ولا شي بس كلمتها ونامت ​

هوازن : أمممم ​

مشاري : يما خلصي شنو بتقولين​

هوزان : انا دريت بلي صار مع ثنيان ​

مشاري : ماشاءالله مسرع ما تشكالج​

هوازن : ماتشكالي ولا شي .. أنا شفتكم وانا طالعه أشرب ماي .. مشاري يما آآ لاتهدم سعادتك بيدك .. ثنيان بينسى ... وحبة حق قمر من البداية غلط .. انت كلمة وفهمة الموضوع .. وبالعكس انت يوم خليت قمر تمثل انها تحبة جرحتة أكثر .. وهالجرح الي مو بسرعه يطيب .. لو من الأول ملكمة بعين العقل جان سمعك وماصار الي صار .. ​

مشاري : ماقدر يما آ شنو تبين أقولة .. ​

هوازن : خلاص أنا راح أكلمة عنك .. ​

مشاري : يكون أحسن .. بس يما آآ والله أنا موقصدي أجرح أحد .. ماقدر أختار بين أخوي وبين قمر .. وأنتي شايفة شصار ​

هوازن : ماعليه خل ثنيان علي انا .. بس أبيك توعدني وعد .. أنك ماتأذي قمر وتكون صادق بحبك لها .. مو تلف وتدور ​

مشاري : أفا يما آآ ان مشاري ولدج وانتي تعرفيني عدل ​

هوازن : اي أعرفك .. يما آ فديتا ولد أمة تعال خل أبوسك​

مشاري أستحى : يما آ خلاص .. ​

هوازن : ههههههه خلاص يبا مانبي نبوسك دام ويهك بيصير أحمر جذي لا يبا كنسلنا مشروع البوسة​

مشاري : لاتحرجيني عاد أكثر .. يلا أنا نازل عند الشباب تامريني على شي ​

هوازن : لا سلامتك ​

مشاري : في امان الله​

............................................................................................................................​

عمر : هاذي وينها ... مال الحين أظربها على راسها .. تواعدني وتطنش .. شنو الدنيا فوضة .. أراويج يا بنت اللذينة​

دز لها مسج​

( شنو هالحركة البايخة .. مرة ثانية لمن بتواعدين أحد تقيدي بمواعيدج .. وبعرف أنتي على شنو شايفة نفسج .. عبالج بتلعبين على أفاي لا غلطانة .. بس لا اعرف أنج قاعد تلعبين على الحبلين والله ثم والله لعلمج شغل الله عدل .. أمثالج وايد مروا علي .. واهم الي تندموا بالنهاية )​

............................................................................................................................​

( بيت يو هوازن )​

أم هوازن : أم علي أنتي وينج من الصبح طالعه وتوج تردين البيت .. أشوفج هياتة صايرة​

أم علي ركضت وباست راس أمها : قولي الي بتقولين يما آآ ​

أم هوازن : شفيج حمدالله والشكر أول مرة ماتمدين لسانج ​

ام علي : يما آآ انا من اليوم أنسانة ثانية .. وراح تشوفيني أنسانة ثانية ​

ام هوازن : لا انتي فيج شي صح من وين نازلة هالذراية​

أم علي : من الله .. المهم متى هوازن أختي بتمركم​

أم هوازن : مادري .. بس قبل شوي دقت قالت أنها بتمر تسلم لانها بتسافر مع ريلها .. مادري من وين طلعت هالسفرة المفاجئة​

أم علي : اي زين خل تغير جو اهيا بعد .. عليها بالعافية​

 

[زهراء*]

​

ام هوازن مصدومة : شنو قلتي .. عليها بالعافية .. من وين طالعه الشمس اليوم​

أم علي : بتشوفين بعد يما .. هاذا ولا شي .. تعودي على الكلام الحلو من يوم ورايح ..​

ام هوازن :لا أنجنيتي أنتي .. الله يقومج بالسلامة من الي أنتي فيه​

أم علي : ههههه .. انا رايحة غرفتي بس توصل هوازن عطيني خبر ​

أم هوازن : أنشاءالله ​

..​

بعد نص ساعه طق جري البيت​

أم هوازن : ميري أفتح باب​

هوازن ومشاري : سلام عليكم​

أم هوازن : وعليكم السلام​

بو هوازن : وصلوا الحبايب وصلت شمعه البيت​

هوازن : هههه .. حبيبي أنت يبا .. أنت شمعة البيت​

مشاري : شدعوة وانا حجي .. ماني عمود البيت​

أم هوازن : أنت ليش ترز ويهك حتى من هاذي بتغار ​

أم علي تركض على الدري ​

هوازن : ولييه عاد الحين راح نبدي ​

مشاري : يما أنا رايح الصالة الثانية مالي خلق أتهاوش ​

ام علي طبت على هوازن وقعدت تبوسها : توة مانور البيت .. وين رايح يما آآ مشاري تعال خل أبوسك ( جان تتل مشاري وتبوسة )​

مشاري : !!​

هوازن : !!​

أم هوازن : اليوم نازل عليها الوحي مادري شنو سالفتها ​

هوازن : شلونج أم علي شخبارج .. ( بختربها العادة لسانها تمدة مترين )​

أم علي : والله الحمدالله .. اليوم طليت على فطوم ومرتاحة عند أبوها ​

هوازن تطالع مشاري ومشاري يطالع هوازن مصدومين​

مشاري : أنزين خالتي وعلي ​

أم علي : مشاري يما آآ لاتعور قلبي .. هالموضوع الي مومخليني انام الليل .. والله قاعد أحاتيه أهو مو عندكم بالبيت​

مشاري مصدوم : اييه​

أم علي : قولة أمك مشتاقة لك .. مشتاقة لريحتك والله أنا ماغفت لي عين ووانا أفكر فيه .. انا السبب ( ونزلت دمعتها )​

هوازن : خلاص أم علي أستهدي بالله​

أم علي : أنا أدري كلكم مستغربين ليش أنا قاعد آخذ وأعطي وياكم وأكلمكم بأسلوب حلو .. لا عبالكم هاذي فترة وتعدي .. أول مثل ماتطنزت امي وقالت نزل الوحي علييي .. لا أنا وعيت من أنانيتي وتكبري عليكم .. طول الوكت كنت عايشة بين ناس يحبوني ويقدروني ولا عمري حاولت أني أقدرهم ولو بكلمة .. هوازن .. من وعيتي على الدنيا وانا ماسمعتج كلمة حلوة .. من كنا صغار وانا أغار منج .. دايما اقول عنج الأحلى والأذكى ودايما متفاءلة ... عمري ماحسستج أني أحبج ولا أخاف عليج وانا أختج الكبيرة .. سامحيني هوازن ​

هوازن قربت منها ولمتها : لاتقولين جذي أم علي أنتي أختي الكبيرة وتمونين وأدري طبعج جذي وانا مو زعلانة منج ..​

أم علي : حبيبتي هوازن .. دايما ترددين لي نفس الكلمة على كل الي سويتة فيج كنتي تحاولين تتقربين مني وأنا أصدج .. أنشاءاله من يوم ورايح ماراح تصير حواجز بيني وبينج .. وانت مشاري يماآآ أدري وايد اناجرك واسمعك كلام مايعجبك وتحترمني لاني خالتك .. سامحني يمآآ ​

مشاري : لا خالتي عيب شنو هالكلام ​

بو هوازن : سبحان مغير الأحوال .. الله يتمم عليج يبا .. ​

هوازن : أنشاءالله ياارب​

أم هوازن : اي صج يما آآ انشاءالله خير .. حق شنو بتسافرين​

هوازن : والله مادري شقولج .. جراج ولد جاسم بالعناية المركزة وبنروح ناخذ اختة له .. وحالتة خطرة​

بو هوازن : الله يقومة بالسلامة .. بس شلون​

هوازن : حادث سيارة .. ​

بو هوازن : الله يصبر قلب أبوه وأختة .. الله كريم .. الله ماينسى عبادة ​

............................................................................................................................​

بعد مرور 5 ساعاتن ​

( بيت جاسم )​

قمر ( بطلت عيوني ولا أشوف فوق 20 مس كول من عمر .. ودازلي مسج مافهمت قصدة .. انا خلاص ماقدر أكمل هالطريج مع عمر .. مشاري لازم ماأخونة حتى لو ماكان يحبني ولا يبيني .. اهم شي أني أنا أحبة .. رفعت السماعه بصوت مبحوح دقيت على عمر وأول مارد عليي كان قاعد يصارخ )​

عمر :أنتي من صجج لطعتيني ساعتين على البحر صج مو كفو الواحد يعطيج ويه ​

قمر بالغصب تتكلم : أنت شفيك معصب ​

عمر : بعد لج عين تقولين شفيك .. أقول أنتي هيي ترى غيرج كان أشطر .. عبالج بتلعبين على أفاي بحركاتج هاذي عشان تقعدين مع ربعج وتقولين كسرت خشمة ومقزرتها على أفاا لا يعيوني حلمي ​

قمر : أقول ممكن تهدي أعصابك​

عمر : انتي خليتي فيني أعصاب​

قمر : أقول أنا بعد جم ساعه وراي سفرة مالي خلق نقاشات مالها معنة ​

عمر : الحين صارت نقاشاتنا مالها معنى​

قمر : أصلن أنا متى كلمتك وصارت بينة نقاشات .. أقولك شغلة .. أنا لمن كلمتك كنت محتاجة أحد أسولف وياه .. الحين خلاص هالحاجة ماعادت موجودة في من يسد هالفراغ الحين مع السلامة ​

عمر : خير .. أنزين ياقمر .. مع السلامة بس ترى أنتي الي بتندمين مو انا وحطي هالكلمة في بالك .. انتي الي راح تندمين وانا عمر مو وحدة من أمثالج ياية تقص عليي ​

قمر : يلا يلا .. ​

عمر : ماشي يابنت ال​

قمر : بنت شنو كملها ​

عمر : مع السلامة لا افقد أعصابي عليج ​

بعد ماسكر التلفون ​

قمر : شنو هالبلشة أنسان فاضي بمعنى الكلمة .. أنا خل أغير خطي لا ألحين هاذا يشقني بأتصالاتة مالي خلقة بعد .. بعدين خل أقوم أجهز باقي أغراضي آآخ راسي .. يارب يارب ماأنصدم من الي بشوفة .. يارب قوم أخوي بالسلامة يارب ( وقعدت أبجي لاشعوريا )​

بطرف ثاني بغرفة ثنيان ​

ثنيان : يما أنا خلاص طلعت قمر من حياتي .. وعليه بالعافية مشاري .. بعدين الحب مو بالغصب .. وانا أصلن كانت في وحده جدامي طول الوكت وانا غافل عنها .. بس أنتي ادعيلي أنها تكون مثل ما أنا متخيلها تحبني وتصوني ماتطلع قاعد تلعب عليي لاني صج مو ناقص صدمات​

هوازن : أنشاءالله يا يما آآ تكون هالبنت اهيا المناسبة لك .. والحمدالله أنك تفهمت الموضوع .. بس سلم على قمر قبل لاتسافر لاتخليها تسافر وأنت زعلان عليها وعلى مشاري أخوك​

ثنيان : أنشاءالله يما أأ لاتحاتين ​

..​

غرفة قمر ​

طق طق طق ​

قمر بصوت خفيف : منو​

ثنيان بتردد : أنا ثنيان ​

قمر ركضت بطلت الباب ​

ثنيان منزل راسة ​

قمر : خير ثنيان​

ثنيان : أنا سمعت بالخبر .. الله يقوم أخوج بالسلامة ​

قمر ( لميت ثنيان بدون لاحس .. لميتة وقعدت أبجي .. موقصدي شي من هالحركة .. بس كنت محتاجة هالشي .. كنت محتاجة احد يوقف معاي ويواسيني )​

ثنيان : بس قمر لاتبجين​

قمر : ثنيان سامحني والله ماأقصد الي صار .. والله ماكان قصدي أحطك بهالموقف .. بس مرات الانسان يغلط .. والانسان مو معصوم​

ثنيان : خلاص قمر .. أنا مو زعلان أصلن ماصار شي يزعل .. أنتي سافري حق اخوج وأنتي مرتاحة والله يوفقج مع مشاري ​

قمر : ثنيان بقولك شغلة ​

ثنيان : أمري قولي ​

قمر : دير بالك عليها .. وحطها بعيونك .. تراها من شافتك تعشقك وتموت فيك .. وأن سمعت انك مأذيها ياويلك مني ​

ثنيان : هههه .. بعيوني لاتحاتين​

قمر : تسلملي عيونك .. ​

ثنيان :انا أستأذنج تروحين وتردين بالسلامة يارب وأنشاالله ماتطولون ترجعون كلكم مع جراح ​

قمر : أنشاءالله .. لاتنساه بصلاتك أدعيلة ​

ثنيان : حاظر من عيوني ​

..​

بالملحق ​

مشاري : أقول علي ​

علي : خير بوصقر قول ​

مشاري : الشباب راحوا الخيران شرايك نحدر باجر عندهم​

علي : أي شباب ​

مشاري : حيدور .. خلود .. حمود .. جسوم و حمد و​

علي : و منو​

​

 

[زهراء*]

مشاري : وعمر ​

علي : عمر الع...​

مشاري : اي ​

علي : دام هالنجس وياهم ماني محدر ​

مشاري : انا بعد قلت جذي بس حيدر مصر انا نروح نغير جو .. قالي أنتوا تعالوا ومالكم شغل فيه وجودة وعدمة واحد ​

علي : ماقدر مشاري تدري اني ماطيق أشوف ظلة​

مشاري :أخاف يعني أنا ​

علي : خلاص عيل المرة الياية​

مشاري : أمممم .. تصدق جني أنا بروح .. حيل محتاج أغير جو أحس اني مقموت وانت بعد غير جو مالك شغل فيه​

علي : والله مادري .. خلني أفكر بالموضوع ويصير خير ​

ثنيان توة داش ​

ثنيان : السلام عليكم​

مشاري : أنا طالع لمن تقرر عطني خبر​

ثنيان : وين مشاري شدعوة تطلع لاني موجود .. أقعد يبا .. علي يعرف كل شي .. وانا مو شايل بقلبي عليك .. ​

مشاري : ...​

علي : اييه هاذا الريال السنع​

مشاري : ثنيان أبيك تسامحني على الي صار مو بيدي والله​

ثنيان : ادري مو بيدك وانا فاهمك .. ولاتعتذر ياخوي .. الدنيا ماتسوى ...​

مشاري : اي والله ماتسوى ..​

ميري : بابا علي ماما مال أنت في صالة​

علي أنصدم : ماما مال آانا ​

ميري : ايي ​

علي : أمي شنو يايبها هنييه .. وشون عرفت اني عندكم​

مشاري : علي روح حق خالتي ياية تعتذر منك​

علي : تعتذر عقب الي سوتة فيني .. ​

مشاري : علي هاذي أمك عيب عليك .. واليوم في بيت بابا عود والله كسرت قلبي .. مكسورة من غبت عن عينها لاتصير أنت والزمن عليها .. فيها الي مكفيها عاد​

علي : وأهيا مافكرت فيني , ليش قست عليي ووقفت بويهي .. , اهيا السبب بحالتي هاذي​

مشاري : بوحسين أنت العاقل .. انت المثقف الي دايما توقف معانا وتحل مشاكلنا .. والأهم أنك تسامح كل واحد غلط بحقك .. هالدور أمك .. ترى خالتي حيل تغيرت أنا أنصدمت منها قبل شوي .. مو اهيا خالتي الي صارلي أعرفها 20 سنة .. روحلها ولاتعاتبها .. بوس راسها وأيدها .. هاذي جنتك ونارك​

علي ( جنقتني العبرة .. ورنت بأذوني كلمة مشاري .. تسامح الكل .. اي والله أنا سامحت كل من غلط عليي وسلب حقي .. هالدور أمي ماأسامحها .. كافي الي صار .. انا تعبت من المشاكل .. دزني ثنيان لي الصالة .. أمي كانت معطيتني ظهرها .. سمعت صوت وناتها وأهيا تبجي .. لفت ويها ولا تشوفني واقف وراها .. طاحت على ريولي تبوسني وتمسح على راسي وتتأسف مني .. كسرت قلبي .. بس مادري ليش ماقدرت ماقدرت)​

أم علي : يما آآ علي سامحني .. سامحني يايمأأ .. أنا مستعدة أسوي كل شي لك .. مستعده الحين اخطب أشواق لك .. بس أبيك ترجع معاي بيت أمي .. والله البيت ظلم بدونك .. ​

علي ( نزلت راسي بالأرض وانا أبجي .. أبي أنطق وأقولها يما سامحتج .. بس لساني مانطق فيها ... كل ماحطيتي أيدي على ريولي وتذكرت الحادث يهتز كياني وأرد اعاتبها .. تمت تتسامح مني وانا كنت ساكت وعيوني الي كانت تجاوب .. بعدها سحبت نفسي من الصالة ماتحملت أكثر ورجعت الملحق .. )​

مشاري : علي شفيها عيونك .. شصار ​

علي : ماقدرت مشاري ماقدرت .. والله ماقدرت​

مشاري : أفاا علييي خالتي ماتستاهل ​

علي : أدري ماتستاهل بس ماقدرت لاتلومني ماقدرت .. الأيام مو راضية ترحمني ولا انا راضي أرحم نفسي ​

ثنيان : الله يلعن الشيطان الي دخل بينك وبين أمك ​

علي : كل ماحاولت أقرب أبوس راسها في شي يردني .. مادري شنو ..​

............................................................................................................................​

بعد مرور ساعات .. ​

مطار الكويت الدولي​

قمر ( وصلنا المطار ومشاري وثنيان الي وصلونا .. الساعه كانت 12 الفجر .. طالعت مشاري بنظرة كنت أقصد فيها نظرة وداع .. مادري شراح يصير وانا مناك .. مادري راح أرجع ولا لأ .. وايد أفكار كانت تدور في بالي .. سلمت عليهم وركبنا الطيارة .. طارت الطيارة ومن التعب والتفكير غفت عيني ونمت .. حلمت بجراح ماسك بيدة ياهل .. والياهل كان يبجي .. جوان على يمينة تحاول تسكت الياهل بس ماكان يسكت ... ولمن خذيت الياهل بحظني ناغيتة ولا ينام .. كان مثل الملاك المرسوم .. أبتسمت وآنا نايمة )​

بطرف ثاني هوازن حاطة راسها على جاسم وبصوت مخنوق ​

: جاسم في امل ​

جاسم : الامل بالله قوي .. انشاءالله مانوصل الا وأهو مبطل عيونة ​

هوازن : أنزين وجوان .. شلونها ​

جاسم : مسكينة متحطمة على الآخر .. من قامت من طيحتها وأهيا مافارقت جراح ولا دقيقة .. وكل ساع تفز من نومها تنادي أسمة وتبجي على ولدها الي خسرتة .. الله يعوضها خير ​

هوازن: خيرة من الله .. شوف قمر حياتي نامت من التعب ​

جاسم : محد كاسر ظهري غير قمر .. ​

هوازن : الله كريم حبيبي .. الله كريم​

...........................................................................................................................​

( الشاليه .. الخيران )​

على البحر ​

عمر يدخن زقارة ورة زقارة ​

حمد : أرحم حالك ​

عمر : أسكت عني حمد وااصلة هنيي لاتكلمني ​

حمد : شفيك يبا .. ترى الي خلقها خلق مليون وحده غيرها​

عمر : انت عبالك أنا ميت عليها تخسي .. بس برجع لها الحركة وانت تعرف أنا أذا حطيت وحده في بالي شسوي فيها .. العب فيها لعب ​

حمد : يبا خل تولي هد اعصابك أهم شي لايرتفع ظقطك ​

عمر : تطنز أنت بعد .. ​

حمد : لا أتطنز ولا شي​

عمر : اييه صج تعال تذكرت شغلة​

حمد : شنوو​

عمر : يوم شفتها على البحر كانت راكبة كورفت حمرة .. والكورفت أنا مشبه عليها .. جنها سيارة مشيري ​

حمد : اي مشيري​

عمر : مشيري الي ​

حمد : اهاا .. ولد خالة عليوي العتوي ​

عمر : اييه ماغيرة ​

حمد : أووف أوووف وهاذا شيابة على هاذي .. ماخبري عنده خوات ​

عمر : والله مادري .. بس عبالك أنا خليتها .. سجلت رقم السيارة بس الي بعرفة أذا كانت صج السيارة سيارتة ​

حمد : وليش يعني ​

عمر : بعدين راح تعرف ليش .. كل شي بوكتة حلو​

حمد : أخ منك ذييب .. والذيب مايهرول عبث .. أنا أقول أترك بنت الناس ترى وراك خوات أنت لاتشوفها بعدين بخواتك​

عمر : أقول لاتطلعلي فيها ​

حمد : أممم .. ماتيوز أنت .. عقب الي سويتة بعد بتتحرش فيهم زين ماذبحوك والله لاتخليني أذكرك بالي صار قبل 3 سنين​

عمر : هذاك أول .. هالمرة أذا طلعت صج تصير له بعد أحلى وأحلى راح يكتمل أنتقامي منهم ​

حمد : من منو​

عمر : منها أهيا و مشيري .. ماأنسى شلون طعني بالسجين بجتفي .. آخ بس لو يرجع الزمن .. ذاك الوكت ماكان عندي جسم .. بس الحين اذا شافني مشيري يطيح من طولة​

حمد : شخباري مشيري ​

عمر : اليوم شايفة بديوانية حيدر ..​

حمد : هههههه .. وطاح من طولة ​

عمر عصب : تطنز​

حمد : شدراني عنك أنت متناقظ .. توك تقول يطيح من طولة لاشافك والجين تقول شفتة وماطاح من طولة ​

عمر : أقول يعني صايدها .. انا أقول حق ندش الشاليه بس أحسن ​

داخل الشاليه​

حيدر : تتحدى على 5 دنانير ​

خالد : حيدر لاتهايط أول أمس غالبك سوني ​

حيدر : أنا الحين مجهز لك ​

خالد : خلاص مانشستر ​

حيدر : برشلونة ​

خالد : الي يفوز يشتري يروح مركز سلطان يطلب حق الربع من ماك ​

حيدر : صار ​

عمر : أووه الظاهر السالفة حامية اليوم بين البرشا والمانشستر ​

حمد : انا شي طبيعي مع البرشا .. بس تكفة بيض الويه بو حسين​

حيدر :أفاا عليك​

عمر : ألا أقول حيدر مشاري راح يسر الشاليه​

 

[زهراء*]

حيدر : والله مادري عنه​

ولا مشاري داش الصالة​

: السلام عليكم ​

حيدر : اهلا أهلا .. هلا بوصقر ​

خالد : هلا بالحبيب عاش بوصقر عاش​

مشاري : عاش من قال ​

عمر : توني أسأل الشباب عنك ​

مشاري سوة روحة مايسمع​

: هلا حمد شلونك .. من طول الغيبات جاب الغنايم .. ​

حمد : ههههه .. أنت الغايب والله .. ماتمر الديوانية ولا شي ​

مشاري : انا ماأطب ديوانية متروسة كلاب حشاك​

عمر : بدينة عاد​

مشاري : شاك بعمرك​

خالد : خلاص عاد شباب .. ترى منتو يهال ​

عمر : أنا طالع ادخن زقارة أحسلي ​

( أنا مو طالع أدخن زقارة .. بالأص طالع اجيك على رقم السيارة .. وظني ماخاب .. السييارة نفسها سيارة قمر .. وهاذي الخظوة الأولى.. وتوها البداية ياقمر يابنت اللذينة . أروايج شغل الله عدل )​

بالديوانية .. بعد ساعات ​

حيدر : وصل الطلب وصل​

حمد : وانا شاد الظهر فيك الله يهداك بوحسين فشلتنا ​

حيدر : ههه أنا مخليه يستانس .. خو تدري ماقدر يغلبنا على أرض الواقع قلت أخليه يغلبنا بعالم الخيال ​

الكل : هههههههه​

حيدر : عمر بسم الله​

عمر : بالعافية أنا طالع شوي براا .. ​

مشاري بصوت واطي : توفر ​

حيدر : بسك مشيري أعقل عاد ​

مشاري : كلمة الحق ماينزعل منها​

حيدر : أنت ياي تستانس مو تهاوش .. بعدين وين علي ​

مشاري : تعبان ماقدر أيي ​

حيدر : ماقدر ولا مايبي في فرق ​

مشاري : ماقدر ومايبي ​

حيدر : لازم أطلعه من هالقوقعه​

مشاري : الله كريم​

​

 

[زهراء*]

up

up

up

bnooooOOoooootaat

 

[سـونـي "q8"]

امبييييييييييه الله يسستر من عمرر

و اتوقع مششآآري رآح يخخلي قمرر

وراح يتزووج فطوووم

والله يدييم ع ام علي السلووب الححلو

و ان شاء الله جراااح يعيش

يسلموو زهـوور |~

 

[princess-m]

الله يستر من هال/عمر
ودووم ام علي ع جذي
وان شاءالله جراح يقووم بالسلامه
ومشكووره ع البارت
وناطرينج ...​

 

[MiSs^^3OoBa]

الله يستر من هالعمرر مبين من البدايه شكله اقشششر

ناطررررررينچچٓـچ

 

[فتوشآ]

. أمبيئ لا يقص عليهاا عممر
وأم علي الحمدلله عقلتيي
ومششاري حبيئيته :$

 

[3115]

نعنه ع عمر الزفت والله قلته ذيييييب ماقاعد يهرول عبث ابن اللذينه قهرني
وصراحتاً والصراح راحه خخخخخ قمر احبه وخوش وحدا بروايه بس تبون الصج من بدايت الروايه ماكانت ماشيه سيده
يعني صج صج كانت خربوطيه حييييييل
فتستاهل الي راح يصير لها من عمر
بس الي مايستاهل اهوا مشاري لأن راح يتضرر اذا قمر تضررت والله يستر

وثنيان اشكره يحب وروود

وانشالله الله يقوم جراح ابو جسوم حراام كسر خاطري

وزوز انا غاسله ايدي منج ادري بتموتين واحد من الشخصيات الي نحبهم خو لازم تبجينه
ولازم في احد من الي نحبهم راح يتأذا فالله يعينه خفي علينه زووز عفيه

اي شسمه عسى عسى دووم ام علي جي ذربه يزينه زييناه حلوت البن لووووول
بس كسر خاطري علااو حياتي وشين شوافه ليش ما بينت

 

[آقوى شي]

​

[/

آححح عممر شاف السيارةة
حماسسسس حماسسسس
بسسرعةة زوز

​

​

 

[3115]

ناطرينج زووز

 

[غسق الليل*_*]

السلام. عليكم انا متابعه يديدة حبيت اهنيج عا هالرواية الاكثر من روعة

اسلوبج راقي ومشوق بشكل موطبيعي

واكثر الشخصيات جذبتني مشاري غامض وبنفس الوكت جامد

علي حنوون ومتفايل وحبووب بس حيل عور قلبي

قمر امم موحيل حبيتها

واشواق قلبها طيب

اما جوان وجراح بعد عناإ طويل لمن حبوا بعض طلعت لهم هالآشلي الله يلعنها مالت علا ويها وعليها جلبة

اممم هوازن وجاسم احلا ثنائي الله يديم المحبة

اما ام علي دوووووم

ناطرينج بالبارت الياي زوووز حياتي لاتطولييين

 

[غسق الليل*_*]

ااااااب اااب ااااااب

 

[شروق شمسي!]

.
















تعقيب :-


كيف بيت ابو اشواق عربي وجارهم ابو علي غني !