[لاتمثلين احتياجج لي وانتي بحضن غيري مقزرتها ] بقلمي .,

[زهراء*]

( بيت بوهوازن )​

غرفة هوازن ​

أمشي آنآ و دربي - مآلي سوى ربّي ’
[ و آلدمع من قلبي مآ تمسحه آيدين ] ..
مثل آليتيم آجوف حآلي بلآ خلآن ~ و منك آبيك معروف :
يآ دنيآ آو آحسسآن ’​

شلت آلآلم بدري حتى آنحنى ظهري ’
[ يآ دنيآ من يدري شلي يجي بعدين ] ..
آلغربه غربه آلروح مو غربه آوطآن - و عمر آلوطن مآ يروح :
و يضيع بـ آلنسيآن ’​

و آنآ غربه شمسي ، و في دنيتي منسي ’
[ في آلغربه آنآ و يآسسي ] ..
صرنآ آعز آثنين ’​

:ggdw::ggdw:​

هوازن ( ليش ياربي يصير فيني جذي .. أختي من صوب وعيالي من صوب .. مادري شسوي .. أتزوج يعني غصبن على الكل .. بس عيالي .. ثنيان ومشاري .. أذا تزوجت من غير لايدرون يمكن مايكلموني ويمكن يكرهوني .. أم علي السبب .. السالفة كانت راح تمشي على الهداوة .. ليش تدخلت .. لهالدرجة ليلحينها مو قادرة تنسى .. بس أنا نسيت لها حركة ريلها .. سامحت ريلها يوم عرفت بلي سواه وموراضية تسامح اختها لانها حبت .. آنا الي سويتة مو جريمة .. بس الي سواه ريلها اهو الجريمة .. ماقدر أخش بقلبي لازم أدزلها مسج .. يمكن ظميرها شوي يصحى .. بطلت تلفوني ودزيت لها مسج * الله يسامحج يا أختي .. هدمتي بيتي .. ليلحينج موراضية تنسين .. ريلج لمن سوة فعلتة نسيتي .. وانا سكت مافضحتة عند عيالة .. وانتي تتعمدين تفرقيني انا وعيالي .. شنو تبين مني بعرف شنو تبين .* نطرتها ترد على المسج بس ماردت .. حطيت راسي على المخدة على أمل أني انام ولا يرن تلفوني .. جاسم .. اكيد عرف بلي صار .. اكيد قمر قالتلة .. والله فشلة .. بأي ويه برد عليه .. شقولة )



جاسم : السلام هوازن .. شلونج



هوازن وصوتها مبحوح : وعليكم السلام تمام الحمدالله



جاسم : هوازن ... أنا .... أنا آسف على الي صار .. قمر قالتلي كل شي ..



هوازن : لا أنا الي آسفة .. ماكنت أبي السالفة تكبر جذي .. بس أم علي وأنت تعرفها عدل .. ماتقدر تحط ألسانها بحلجها



جاسم : أنزين وبعدين شراح يصير .. السالفة راح تنتهي عند هالنقطة



هوازن : موبيدي يجاسم .. أنت شفت شلي صار .. مشاري طلع من البيت وموراضي يرد على تلفونة .. وثنيان مايكلمني



جاسم : اكيد هاذي بتكون ردة فعلهم .. هالشي طبيعي .. بس أنتي لازم ماتفقدين الأمل ..



هوازن : جاسم سالفتنة مو راضية تمشي من 20 سنة ..



جاسم قاطعها : هوازن أنسي الي صار قبل 20 سنة .. أنسي .. أحنا عيال اليوم .. هوازن أنا لو شنو يصير ماراح أتخلى عنج هالمرة .. سامعه



هوازن : جاسم



جاسم : عيونة



هوازن : أنا احبك .. والله أحبك



جاسم : آآآآآآآآآخ .. من زمان ماسمعت هالكلمة من حلجج .. ربي لايحرمني منج .. هوازن احنا راح نتحدى الكل عشان نتزوج .. وعيالنا أذا اليوم رفضوا أكيد باجر بيوافقون



هوازن : أنشاءالله .. جاسم أنا الحين لازم أسكر ..



جاسم : ديري بالج على روحج يانظر عيني ..



هوازن : وأنت بعد .. تصبح على خير


.................................................................................................



:eh_s(22)::eh_s(22):

( بيت أم علي )



أم علي : طاع هاذي يعني عبالها قاعد تهددني



بو علي : ليش .. شقالت بعد



أم علي : قاعد تقولي أنتي فظحتيني عند عيالي بس لمن ريلج سوى سواتة أنا ماتكلمت وفظحتج عند عيالج



بوعلي : نعم .. خير .. هلا عفية خل تفظحني عند عيالي .. هاذي أختج الظاهر ماتعلمت من الدرس الي عطيتا لها .. الظاهر تبي درس ثاني



ام علي : مالك شغل فيها .. أنسانة فاضية .. بعدين علي وينة .. الساعه جريب ال 1 وليلحين ماشرف البيت



بو علي : أكيد بالديوانية .. انتي بعد لاتقعدين له على الوحدة ..



ام علي : بوعلي مو ملاحظ تصرفاتة مو طبيعية هالجم يوم .. وايد أشوفة يسرح ويفكر ..



بوعلي : لا بالعكس عادي



ام علي : أنا خايفة بنت أبليس أشواقوا قصت عليه ..



بوعلي : أنتي ليش تتكلمين عن البنت بهالطريقة



أم علي : مادري .. ماحبيتها .. لمن أشوفها قلبي ينقمت .. ماأرتاح لها



بو علي : أستهدي بالله .. البنت ماشاءالله الي يشوفها يرتاح .. تنحط على الجرح يبري



ام علي : شنو .. أنت شدراك .. قاعد معاها .. مسولف معاها .. حط عينك بعيني وقولي الصج



بو علي : ههههه .. طلعتي تغارين أم علي ..



ام علي : أكيد بغار .. يعني اذا ماغرت على ريلي أغار على منو يعني



وبعد لحظات علي دخل البيت



علي : السلام عليكم



ام علي : أنت وينك الساعه صارت 1



بو علي : يعني ولا جني توني اتكلم



علي : كنت بالديوانية عند صاحبي حيدر .. بعدين تعالي شصاير بينج وبين خالتي أم مشاري



ام علي : وانت شدراك .. في أحد قالك شي .. خالتك كلمتك



علي : لا .. بس شفت مشاري بالديوانية عند حيدر وماخلة ولا كلمة ماقالها لي ..



ام علي : ماعليك منه .. هاذا معقد مثل أمة



علي :أنا بعرف شنو هالعداوة الي بينج وبين خالتي ..



ام علي : عليوي شوف .. من يوم ورايح مابيك تروح بيت خالتك سامعني .. وأذت قربت ولا كلمت مشاريو ولا ثنيان يويلك



علي : يما ترى ماني فطوم تقوليلي أمش مع هاذا ولاتمشي مع ذاك .. أنا أمشي مع الي أبي .. بعدين أنا راد وراسي صاك حدي تعبان .. بروح غرفتي تامروني على شي



بو علي : روح يبا الله وياك ..



علي : تصبحون على خير ..



أم علي : انت ليش أدقرني جدام ولدك ..



ابو علي : قتلج الريال كبر وعارف شنو يسوي .. بعدين وين قاعدين تقوليلة لاتمشي مع فلان وعلان



ام علي : لانة مشاريو انا أعرفة ألسانة مفتلت ..



بو علي : .... انا بعد رايح أنام تصبحين على خير



......



( بغرفة علي )



علي : شواقة أنشاءالله مو نايمة وقعدتج من النوم



أشواق : لا وين تغمض عيوني وأمي بصوب وابوي بصوب وانا مادري وين الله قاطني



علي : انشاءالله الله بيفرجها عن قريب ..



أشواق : انشاءالله



علي : أشواق أنتي ماتقوليلي شنو مسوية فيني .. قلبتي حالي فوق تحت .. خصبقتيني



أشواق : ههههه .. شدعوة عليوي عيارتك



علي :لا والله مو عيارة .. صوتج كلش ماتفارقني .. أشواق أنا والله لو يوم ماكلمج ولا أشوفج جدامي أحس أني ظايع .. أحس في شي ناقصني ..



أشواق : ساحرتك



علي : اي والله ساحرتني .. بس ساحرتني بحبج .. أشواق أبيج توعديني أنج لو شنو يصير ماتخليني



أشواق : اوعدك



علي : وأبيج توعديني أنج ماتجرحيني وتحطمين قلبي



أشواق : أوعدك .. بس شنو مناسبة هالكلام الحين



علي ( دلال .. بقيت أقولها دلال .. بقيت أقولها كل الي صار .. بس مادري ليش ماتكلمت ) : بس جذي .. الدنيا مامنها امان .. وأنتي لازم تديرين بالج على نفسج سامعتني



أشواق : اي سامعتك .. أممم أنزين علي



علي : عيون علي



أشواق : باجر محتاجتك بشغلة



علي : أنتي تامرين أمر .. بس شنو هالشغلة



أشواق : بروح بيت الناس الي أمي ذبحت أبوهم .. بحاول فيهم وبترجاهم أنهم يتنازلون عن القضية .. بسوي المستحيل عشان أمي تطلع من السجن



علي : حاضر من عيوني .. أنتي عندج العنوان ..



آشواق : اي أمي عطتة لي لمن زرتها .. بس قبل هاذا أبي أروحلها السجن وأبيك تيي معاي



علي : من عيوني



أشواق : ومابيك تنطرني بالسيارة .. أبيك تنزل وتتعرف عليها



علي : أوكي



أشواق : وبعدها نروح نتفاهم مع الناس ..


:eh_s(22)::eh_s(22):​

 

[زهراء*]

:eh_s(9)::eh_s(9):

علي : ماشي .. جم أشواق أنا عندي ..

أشواق : انزين ومحاظراتك

علي : باجر أوف ماعندي دوام .. أأممم ..

أشواق : زين .. الحمدالله على حظي

علي : أمممم .. وأبوج .. شراح تسوين

أشواق بصوت مبحوح : علي سكر موضوع أبوي .. أنا خلاص ماعندي أبو .. أنا بس عندي أم أسمها ام فيصل ..

علي بيظع الموضوع : أنزين شرايج ألحين آخذج ونروح البحر نقعد شوي

آشواق : صج .. ودي اغير جو .. بس شلون هالمرة بتنط بعد سطح البيت ..

علي : هههه .. اي شوراي بعد ..

آشواق : يلا عيل 5 دقايق وأكون عندك

علي : طاع هاذي صدقك .. يلا قعدي مكانج .. هالحزة الشرطة بكل مكان يفترون .. تبينهم يجرجرونة المخافر ..

آشواق : اي شدراني

علي : ههههههه .. خليها باجر نتريق على البحر ..

آشواق : علي مشكور على كل شي .. مشكوور .. الله لايخليني منك

علي : ماسويت شي .. أنتي عيوني شواقة وتستاهلين كل شي .. بعدين انا خلاص ماقدر أتحمل أكثر لازم أكلم أمي عشان أخطبج ونتزوج

أشواق ظحكت بأستهزاء : بتخطبوني منو منو .. من أبوي ولا من أمي ..

علي : من أمج طبعا

أشواق : وين بالسجن !!

علي : اي شفيها

أشواق : لا علي .. أمك ماتدخل مخافر .. أنشاءالله لمن تخلص قضية أم نتفرغ حق قضيتنا ..

علي : خلاص الله كريم .. يلا ألحين خل نسكرة عشان أنام ورانا قعدة من الصبح

أشواق : أوكي حياتي .. تصبح على خير

علي : شنو قلتي .. عيديها شواقة

أشواق أستحت : حياتي .. :eh_s(22)::eh_s(22):!!

علي : يما فديتاا والله :eh_s(22)::eh_s(22): .. وأنتي من أهلة يا أحلى شواقة بحياتي ..

.................................................................................................

( بيت هوازن .. غرفة ثنيان )

فاطمة : يلا روح ولها وخلني على الخط أذا ماتبي تتم بروحك

ثنيان : مادري فطوم أحس قلبي قاعد يرقع حيل

فاطمة : شدعوة ثيون .. محسسني بتقول حق وحدة أحبج .. هههههه:krkrkr:

ثنيان : والله أقول حق وحدة احبج أرحم .. مادري موقادر أحط عيني بعينها .. الي سويتة أحسة غلط .. رفعت صوتي عليها وأهي أمي ..

فاطمة : ثنيان والله يننتني .. يلا عيل أنا بروح أنام باجر وراي مدرسة

ثنيان : لا لا لا فطوم .. كاني ألحين بروح

ومشى ثنيان لين وصل غرفة أمة هوازن .. طق الباب وردت عليه هوازن

هوازن : أدخل

ثنيان ( دشيت الغرفة وانا حاط عيوني بالارض مادري من وين أبتدي .. شفت عيون أمي كانت عليها غشاوة شكلها كانت تبجي .. قربت منها وطالعتها وأهي بدورها نزلت راسها ونزلت دمعاتها .. ميكت أيدها وبستها )

ثنيان : يمأأآ أنا آسف ..

هوازن : أنا الي آسفة يما آآ أني خشيت عليكم .. أنت سامحني .. ثنيان أذا أنتوا ماتبوني أتزوج انا خلاص ما اتزوج .. المهم أنت ومشاري تكونون مستانسين .. أنا أصلن عايشة عشانكم ..

ثنيان : يما الموضوع انا فكرت فيه وايد ولقيت أن من حقج تعيشين حياتج .. أنتي كبرتينا وعلمتينا وربيتينا 20 سنة .. وعطيتينا كل شي .. ولا مرة طلبت منج شي وماوفرتيه لي .. يما أنا موافق انج تتزوجين .. وهالمرة عيشي حياتج حق نفسج مو حقي ولا حق مشاري .. مثل ماأنتي ماقصرتي معانا هالمرة لاتقصرين مع عمرج

هوازن لمت ثنيان : يما حبيبي ثنيان .. أنا شلت الموضوع من بالي .. المهم انتوا :eh_s(2)::eh_s(2):

ثنيان : أنتي خايفة من ردة فعل مشاري صح :eh_s(14):

هوازن : اذا أنت وافقت مشاري ماراح يوافق :eh_s(2):

ثنيان : لاتحاتين مشاري .. خليه عليي ..

هوازن : مشاري صعب وانا اعرفة .. من صارت السالفة مابين بالبيت .. كل ساعه أروح أطل بغرفتة .. أكيد زعلان والحين مستحيل يكلمني ..

ثنيان : مالج شغل فيه قتلج .. خليه عليي .. ترى مشاري داخلة طفل صغير على قولتهم .. وأذا ماوافق كيفة .. انا موافق ..

هوازن : لآ يما .. من حقة مشاري يبدي راية ..

.................................................................................................

( لوس آنجيلوس .. غرفة جوان )

الساعه 6 الصبح

جوان ( آآه راسي .. بطلت عيوني ولا الساعه 6 الصبح .. لقيت نفسي بفراشي .. حسيت ببرودة .. ملابسي .. وين ملابسي .. شصار .. غرفة النوم .. ملابسي .. آمبيه .. جاك .. ياربي .. لا لا .. لايكون .. قمت لبست ملابسي وأنا أرجف ... جسمي يرجف .. كل شي فيني يرجف .. مابي أصدق الي صار .. شلون صار الي صار .. ألحين شسوي .. ماني قادرة أمشي .. طحت على الارض وأنا حدي مصدمة .. طالعت العصير وشفت علبة المخدر .. سواها جاك .. الحقير .. طلعت صرختي وصارخت صرخة الي هزيت السكن الجامعي .. حقييير .. حقيير .. آآآه يماا آآ ... أنا شسويت .. شلون دخلتة عندي .. شلون ماصدقت جراح .. ألحين وين أروح شسوي .. وين أولي .. مادقر احط عيني بعين امي عقب الي صار .. جراح وينك والله محتاجك .. بس شقول حق جراح .. شقولة .. )

وقعدت جوان قرابة ال ساعه تبجي ..

جوان : آآآه آآآآه ... أه يماااا آآ .. بنتج تغربت بالغربة يايما .. ( قعدت أطق روحي مثل الهبلة واردد ) : يالهبلة ياجوان .. يالهبلة ياجوان .. يالهبلة ياجواااااااااااااااااااااااااااااااان ..,

:eh_s(2)::eh_s(2)::eh_s(2):

عدنا والعود احمد .., هالبارت عبارة عن بارتين تعويض لكم .., :eh_s(17):

هلة هلة بالردود السنعه ., :eh_s(9):

 

[آقوى شي]

أحيييييييييييييييييييييييييييييية إعتدى عليهآ الححيوآن
غبيةة غبيةة غبيةة مفروضض تكون حاسسبةة حساب لـ كل ششيء
ممممالت ع الحب اللي بيضضضيع شششرف البنت



جددددد مَ تسسستاهل جوان يَ ليتةة بـ آششلي ولا فيهآ حيوآنةة أشلى قهرتني ..
جرآح إنت أغبىىىىىىىىىى إنسسسسسان إعذرني يعني بسس ما قدرتت أمسسسك لسآني ..
علي ويسسسسلم قلبةة يَ ناسسسس قو هد ولحد يقلب مخككك إنت الوحيد اللي تبرد الجبد ..
دلول ويههههههههههههد بعدي عن علي أبرككككك لجج ..
أششوآق إممم لاآ تعليق هـ البنت ..
ثنيآن حيآتي والله مَ تسسستاهل بسس ميخالف الدنيآ صصدمآت بعد حيي ..
مشششاري ويعةة اللي تركب بالعدو إنزين هذي إمكككك مسستكثر عليها تسسستانسس بآقي عممرهآ ..
منو بآجي بعد إممممم
up
up
up
up
up
up
up
up
up
up
up
up
up
up
up
up
up
up
up
up
up
up
up
up
up
up
لـين مَا أذكككر
​

 

[3115]

اخ زهور صدمتيني

جوااااااااان حراام حراام لييش يابعد قلبي ليييش الي صار لها
بلحضا من اللحضان توقعت انا جاك بيحن قلبا بس لييش حراام راح من عندها اغلا شي اخيي عليج يابعد قلبي الله ياخذ جوان وجاك والخروف جرااح
اخخ جرااح مو كفو اسمه والله جراح مفروض يكون رياال موو خرووف ويعا قطيعاااا
كلا من جرااح وجوان وااشلي بس اكثر شي من جرااح لأنه بأساس الموضوع بدا الأجنبيه المسيحيه عن بنت ديرتاا

لي الحيني منصداا والله

يارب الي صار حق جواان يترقع ياارب ناطرينج بعد قلبي *

 

[A7laa kuwaitia]

ناطرينج بالبارت الثاني

 

[ابي قطوة ميوووو]

يااااااالهي @@
جاااااك حقيييييييييييييييير حقييييييييييييييير حقييييييييييييير واشششش ماااال بوووووكس هالشقرااا الغثييييثة ؛@
واااي ياحليييله نثيااان يالله الفااال لمشيررري
زهووور سؤال حوبي ؛$
الحين جاااااكو هذذذا ؛@ مو مسلم!!
شلون يتامل مع القاعدة باسرائيل !!!!!

 

[A7laa kuwaitia]

يااااااالهي @@
جاااااك حقيييييييييييييييير حقييييييييييييييير حقييييييييييييير واشششش ماااال بوووووكس هالشقرااا الغثييييثة ؛@
واااي ياحليييله نثيااان يالله الفااال لمشيررري
زهووور سؤال حوبي ؛$
الحين جاااااكو هذذذا ؛@ مو مسلم!!
شلون يتامل مع القاعدة باسرائيل !!!!!

ادري لقافة بس بجاوبج لوووول

جاك مجذب ع جواان المسجينه و قايلهاا انا مسلم و اهوا لا مسلم ولا يعرف طريج الاسلام وين
وناطرينج زهووور

 

[ابي قطوة ميوووو]

احلا كوويتية لا حيااتي لا لاقافة ولاشئ ؛** فديتش
بس انتي متاااكدة!!! لانه زهور ذاك اليوم قااالتلي امبلااا ترا اهوا اسسسلم !!

 

[A7laa kuwaitia]

مادري بس الي فهمته انه يجذب عليهااا

 

[❣ alZen●Kilah ❣]

ويييين التكمله

 

[A7laa kuwaitia]

يلاا ناطرينج

 

[بــ الكويت ــنت]

اب اب اب اب واي البارت عوار قلب مشاري احسه مسكين على سخيف و ثنيان مسكين وبريئ ويونس وقمر الله يهدها وثبتها وما تعر وفطوم تونس وعلي وشوق الله يعينهم ان شالله يتزوجون وام علي وبعلي سخيفين معقدين صج معقدين ماكوا تفتح مخهم مخ جاهليه وهوزان وجاسم الله يعينهم وجراح مفروض حتن اهوا يفتح مخه وجوان مسكينه على غبيه واشلي وجاك كل الحقاره فيهم الله يلعنهم ومع المشتركين معاهم فالخطه الخايسه

 

[A7laa kuwaitia]

وينج زوووز تاخرتي

 

[om sa3ad]

ناطرينج

 

[زهراء*]

يلا ثواني وبالبارت راح ينزل

 

[A7laa kuwaitia]

هيااااااا يلا ناطرينج

 

[زهراء*]

البارت التاسع والعشرون

:eh_s(22)::eh_s(22):

.....

لوس آنجيلوس .. عند جوان

جوان : التسجيل .. اييه التسجيل .. ( قعد اركض بأرجاء الشقة وأدور فوني .. عفست الغرف والصالة وحتى بالحمام دورت .. مالقيت فوني .. اتصلت على جراح تلفونة كان مفصول عن الخدمة .. غيرت ملابسي ورحت ركض عند جاك .. آآه ياقلبي .. رحت بريولي حق الحقير .. أنا الغلطانة .. كان المفروض ما أأمن بأشكالة .. جراح وايد حذرني من هالانسان وقالي الكل بالجامعه يتكلم عنه .. بس ليش ياربي ليش أتغلني .. ليش حياتي مو راضية تترقع .. وقعدت أمشي وأمشي وأمشي لين وصلت عند شقتة .. كنت أرجف كل ما أتذكرة .. وأيدي ترجف طقيت باب البيت ولا يطلع بكل حقارة ويقولي أهلا بالجميلة جوان .. درعمت الشقة وكانت شقة عربدة البنات بكل مكان .. )

جوان : ياحقير .. ياسافل .. ماذا فعلت هاا ... لماذا .. لماذا .. ماذا فعلت لك كي تعاملني بهذه الطريقة .. ماذنبي .. هل ذنبي أني وثقت بك

جاك وبيدة بطل خمر : جوان الجميلة

جوان ( كل مايقولي جوان الجميلة أشمئز من نفسي .. أكره نفسي أكثر وأكثر .. قربت منه وعطيتة كف ) : لا تنطق بأسمي .. أنت وأمثالك أناس حقيرون .. سوف تنكشف لعبتك أنت وآشلي لن أترككم أبدا .. ولماذا تدعي انك مسلم .. هل المسلم يتصرف بهذه الطريقة

جاك : ومن قال بأني لست بمسلم .. أنا مسلم ولكن ولائي لأسرائيل .. فلتحيا أسرائيل
الكل بالشقة : نخب أسرائيل

جوان ( طحت على الارض وقعدت أبجي .. قعدت أندب حظي العاثر .. قرب مني وفاحت منة ريحة الخمر .. وخرت عنه وطالبتة يطلع تلفوني ) : أين هاتفي النقال .. أين أخذته

جاك : هل تبحثين عن هاذا

جوان ( مديت أيدي باخذ التلفون ولا يدزني على الارض ماقدرت آخذ .. بطل التسجيل وقعدت أسمع المحادثة الي صارت بينة .. ولا )

جاك : تعالي ياحلوة .. هل تريدين الهاتف

جوان : أعطني الهاتف

جاك ظقط على علامة المسح : هاا .. ودعي التسجيل لقد قمت بمسح التسجيل .. لم يتبقى لديك أي دليل الآن .. ماذا ستفعلين أيتها العربية

جوان : عااااااااااااااااااااااااااااااااااااااااا .. سأقتلك .. سأقتلك

جاك : أبتعدي عني .. لقد سئمت منك ..

جوان : ستندم .. ستندم ..

( طلعت من شقتة وآمالي تحطمت .. خسرت كل شي .. التسجيل كان الدليل الوحيد الي راح يكشف آشلي على حقيقتها عند جراح .. الحين ماعندي أي دليل .. راح أرجع الكويت وانا خالية ... راح آرجع مع الذكريات المؤلمة الي عشتها .. قلت أسافر وأرد بشهادتي وارفع راس أمي وأخوي .. بس الحين برجع لهم وراسي بالأرض .. الي صار مو شوي .. الي صار حطمني .. باي باي أمريكا يادولة المآسي .. باي باي ياحظي العاثر )

.................................................................................................

( بطرف ثاني .. نيويورك )

جراح : وأخيرا وصلنا .. آآه الجو هنا بارد جدا ..

آشلي : نعم جدا .. هيا بنا

جراح : الى أين .. لنقوم بحجز فندق بالأول وتاليا نذهب

آشلي : لا سنسكن عند صديق مقرب لدي

جراح : ومن هو صديقك

آشلي : ستعرف قريبا .. هيا بنا

جراح : حسنا .. هيا

.................................................................................................

( مدرسة الرجاء الخاصة .. قاعه الأمتحان )

مشاري ( دخلت القاعه وانا مو دارس على الله وعلى المعلومات الي أتذكرها .. يعني متخيلين .. آخر أمتحان فاينال كتاب كامل مادة الرياضيات وانا مودارس شي وبالأنقليزي بعد .. قعدت على كرسي المعتاد رقمي كان 9 ورقم ثنيان 25 وقمر 40 يعني انا أول الصف وأهم آخرة .. أمتحنت وحليت أي شي عشان بس أطلع من الأمتحان .. طلعت من القاعه وحت المطار على طول .. حجزت أول تذكرة حق الأمارات ... الرحلة كانت الساعه 4 العصر .. وبعدها طلعت رحت البيت ودخلت من الباب الخلفي عشان لحد يحس فيني .. جهزت لي جنطة على قدي .. وبطلت بوك التوفير الي كنت احط فيه كل شهر 50 عساس أوفر .. خذيت 500 دينار ورديت مرة ثانية المطار .. وقبل لا أطلع من البيت مريت غرفة الوالدة وحطيت لها رسالة تحت مخدتها .. )

على أنغام أغنية توصي شي ..

توصي شي,, أنا بكرا مسافر
وابي الليله اسافر,, قبل بااكر
ولاكن قبل مآآرحل,, ودي تعرف ,, ترى موتي ولا موت المشآآعر
انا رتبت جرحي مع ثياابي,, واخذت احزاني والالامي تذاكر
يرووح العمر ماآآرحت همومي,, صحيح الي يقول الهم كافر

مشاري : ايييييه .. ايييه والله الهم كافر بس على أيدي راح أخليه يسلم ..

رن تلفون مشاري

مشاري : هلا بوحسين

حيدر : هلا بو المش

مشاري : شلونك

حيدر : الحمدالله تمام .. انت شلونك

مشاري : الحمدالله تمام .. حيدور آنا أسف على الي صار أمس والله ماكان قصدي أعلي صوتي بس كنت متظايق

حيدر : لا حصل خير ... انا داق أتطمن عليك .. شصار وياك

مشاري : اليوم طيارتي .. الساعه 4 العصر

حيدر : وين راح تروح ..

مشاري : ماقدر أقولك .. بس أبي أبلغك أني راح أسافر شهر ويمكن أكثر ..

حيدر : مشاري وايد شهر .. كل هاذا بتقعد مع نفسك تفكر

مشاري : ايييه .. انا من زمان مو مختلي بنفسي .. خلني أغير جو وبمر فندق أتلانتس ببوس الدلفين بعد وبدزلك الصورة واتساب

حيدر : هاا .. هههههه .. طحت بلسانك يعني بتروح الامارات .. عيل خلاص انا بعد بسير عليك أذا خلصت فاينال

مشاري : هههههه .. انا هالطبع مادري متى أخلص منة دايما أفضح نفسي بنفسي ..

حيدر : لانة قلبك طيب ..

مشاري : لاترفع وايد من جوي .. هالسالفة شكو بهالسالفة هاا ..

حيدر : ههههههه .. مشاري بطلبك طلب قبل لاتسافر دق على علي وتأسف منة ترى الريال طلع متظايق أمس .. مهما يصير بين الكبار

مشاري قاطعه : حيدر انا ماغلطت وعفية هالموضوع خلاص سكرة .. يلا تامرني على شي

حيدر : سلامتك حبيب بو المش .. دير بالك على روحك .. وانشاءالله لي يية عن قريب

مشاري : الله يسلمك وبستناك

حيدر : أييه ذكرتني ب أليسا .. بستناك وبتمنى أعيش العمر دة كلو يا حبيبي معاك

مشاري : ههههه .. بس أسكت الجام تكسر من سمع صوتك

حيدر : أوولة شدعوة لهالدرجة صوتي بشع

مشاري : للأسف وأكثر ..هههههه

حيدر : ههههههه .. يلا مع السلامة

.................................................................................................

قمر ( طلعت من الأمتحان وانا راسي حدا يعورني .. حاسو بدوخة مو طبيعية .. طول الليل مانمت قعدت أفكر بموضوع أبوي ومس هوازن .. وفوق كل هاذا قعدت أدرس وأفكر بعد بثنيان .. ومن الصبح ماحطيت شي بريجي .. وانا بطلع من القاعه ولا أطيح على الأرض من غير لا أحس على عمري )

ورود : قمر .. قمر قومي .. مس هوازن .. قمر طاحت

هوازن ( ركضت عندها وخذيناها غرفة الاخصائية .. ) : مس كاثرين هل يمكنك أن تجلبي القليل من العطر

مس كاثرين : حسنا ً

ورود : مس شفيها قمر

هوازن : مادري .. يمكن شوي ضغوطات ولا موماكلة شي من الصبح

ثنيان ( كنت داخل غرفة الاخصائية كاثرين ولا أشوف قمر طايحة وأمي و وورود يمها ) : قمر .. ورود شفيها قمر ..

ورود : مادري طاحت علينا فجأة

ثنيان : ليش طاحت ..

هوازن : ثنيان وخر عنها شوي خل تعرف تتنفس ..

قمر ( بطلت عيني حطيت أيدي على راسي .. آآخ راسي يعورني .. كل الناس الي زعلتهم متيمعين حواليني .. ثنيان .. ورود .. مس هوازن .. ماتحملت الوضع .. لميت ورود حييل وقعدت أبجي ) : وروود لاتقوليلي صداقتنا أنتهت .. والله مشتاقتلج .. ماتدرين شصار فيني بدونج والله ظعت ..

ورود : قمر حياتي أنسي كل الي صار .. أهم شي سلامتج .. أنشاءالله صرتي أحسن

قمر : اي الحمدالله .. بس أبي ماي .. ريجي ناشف
ثنيان ( ركضت ويبت لها قلاص ماي ) : تفضلي ( خذت قلاص الماي مني ونزلت رايها بالأرض .. ماتبي تحط عينها بعيني ) : قمر ..

قمر ( ماقدر أكلمة .. مفتشلة من الي صار .. انا السبب بالمشكلة الي صارت بين امة وخالتة ) : ورود خل نمشي

ثنيان مسك أيد قمر : قمر شفيج .. ليش ماتبين تكلميني

قمر : ثنيان خلني أروح

ورود : يلا قمر .. شوي شوي

قمر : يا الله

ومشت قمر و وورود وبقت هوازن وثنيان بالغرفة

ثنيان : شفيها قمر موراضية تكلمني .. أنا شسويت لها

هوازن : يما اكيد متظايقة من الي صار .. أنطر شوي عليها وأكيد كل شي بيرجع مثل ماكان

ثنيان : انشاءالله .. ماما ماشفتي مشاري

هوازن : لا .. أنا يوم ناوبت عليكم بالأمتحان ماكان موجود

ثنيان : اي خلص الامتحان وطلع بسرعه .. أكيد مايبي يكلم أحد

هوازن : الله كريم .. ماردة حق البيت .. وين بيروح يعني
.............................................................................................

 

[زهراء*]

( كلية الأعلام )

دانة : أنتي يعني موراضية تيوزين .. خلي الريال بحالة .. دلال أنتي الغلطانة بالموضوع كلة .. انتي الي خسرتي علي

دلال : أي ولأني خسرتة برجعه .. ما أتحمل أشوفة ماسك أيد وحدة ثانية غيري

دانة : مادري شنو هالحب الي نزل فجأة عليج من السما

دلال : هاذا موحب .. هاذا أنتقام .. راح أبلش بأختة فاطمة

دانة : دلالو .. شتبين بأختة .. حرام عليج .. البنت توها بداية عمرها .. ترى مالها ذنب

دلال : بحرق قلبة بأختة مثل ماحرق قلبي

دانة : انا مالي شغل بألاعيبج .. خليني بعيدة عنج .. ولاتدخليني بأي شي

دلال : أنتي خلج بعيدة .. بس حجزي لج مقعد بالدرجة الأولى وأستمتعي بالفلم الي بيصير

دانة : الله يشافيج .. شكلك ينيتي على آخر عمرج

دلال : علي السبب .. اهو السبب ..

دانة : ..... :eh_s(10):

.................................................................................................

( بيت أشواق )

أشواق ( الساعه 10 الصبح .. قعدت من النوم وغيرت ملابسي .. أتصلت على علي أقعدة من النوم .. )

علي بصوتة الخشن : ألوو

أشواق : هلاو عيني

علي : هلا فيج

أشواق : وين الي يبي يقعد من الساعه 7 الصبح .. يلا قوم الساعه صارت 10 ..

علي : أولة 10 ليش ماقعدتيني

آشواق : مادري قلت خل ينام شوي حرام أمس سهرتة لين الصبح .. يلا أذا خلصت عطني رنة وأنا اطلعلك

علي : اوكي ..

.....

( بيت علي )

علي ( جسمي صاير ثقيل من النوم وحدي خدران ... بالغصب شلعت عمري من لفراش .. دخلت الحمام وغسلت ويهي .. نزلت الصالة وكليت لقمة وطلعت حق أشواق .. ركبت السيارة ورحنا المركزي عشان نشوف أمها )

بهاللحظة أحمد ولد أم احمد طالع حق دوامة وشاف أشواق تطلع مع علي .. وهاذي مو أول مرة يشوفها تطلع معاه

احمد : يما آآ السالفة زادت عن حدها .. ترى أذا أنتي ماتكلمتي أنا أعرف شلون أتصرف مو عدلة

أم احمد : شنو شصاير .. شفيك يما آآ

أحمد : يما آآ آشواق

ام احمد : بعد شفيها أشواق .. شنو مسوية هالمرة

أحمد : يما جم مرة أشوفها تطلع مع واحد من شباب الفريج مادري وين تروح

أم احمد بأستغراب : أشواااااق !! أنت متأكد

أحمد : اي يما .. يعني شنو أنا بتبلى عليها .. انتي تدرين أنا أشواق مثل اختي وانا
ماأرضى بلي قاعد يصير

أم احمد : ومنو هاذا الي قاعد تركب معاه

أحمد : مادري جنة أسمة علي مادري محمد .. هاذا ولد جيرانهم .. دايما أشوفة يوقف عند باب بيتهم اهي تفتح له الباب .. يما ترى عيب هاذي بنت وبروحها بالبيت .. والشيطان شاطر .. وفوق كل هاذا أنتي نسيتي أمها موصيتنا عليها .. يعني اهي امانة برقبتنا

أم أحمد : خلاص خل الموضوع عليي أنا .. اليوم بقعد معاها أكلمها .. وأم الولد أنا بعد بمرها البيت أكلمها

أحمد : مو حالة هاذي .. أستغفر الله العظيم من كل ذنب عظيم .. يلا أمشي تأخرنا

.................................................................................................

( سيارة هوازن .. على انغام أغنية ملكة الأحساس نوال )

أنا مليت .. من قهري , طولت " بالي " والأحزان ..
انا مليييييت , من [ صبري ] .. ادور .. في هو1ك : إنسان!
ولا باقي معااك " ايام " ولا ( حتىّ ) بقايا أحلام!
جرحك كبير .. وهانت | ليلة غيابك : بانت !
خلاص اليوم .. انا مليت , تعبت [ أشتاق ] تعبت [ فراق ] !
تعبت " أصرخ " انادي لكِ .. خسارة راح اللي راح ..
بقى لي منك : ألم وجراح .. ألم وجراح..

ثنيان : أأخ عليج يا نوال على الوتر الحساس ..

هوازن : اي والله صح ألسانك .. ماكو على نوال

رن تلفون هوازن مسج من جاسم

: اليوم بشوفج .. مثل أيام قبل ..

هوازن : مادري على حسب الظروف

جاسم : أذا ظروفك سمحتلج أشوفج شوكليت بار البدع

هوازن : أوكي ماشي على خير

................................................................................................

( سيارة قمر )

ورود : قمر أنتي فيج شي ... من زمان مو مسولفين مع بعض قوليلي شصار وياج

قمر : ويييه يا ورود صارتلي أشياء تشيب الراس .. الكويت صج صغيرة ..

ورود : شلون يعني

قمر : مس هوازن موطلعت أم ثنيان ومشاري

ورود : اي

قمر : مس هوازن طلعت حبيبة أبوي من 20 سنة وماتزوجوا لانة أهلها مازافقوا على أبوي

ورود شرعت حلجها : شنوو .. من صجج .. قوليلي السالفة كلها وشلون عرفتي ..

قمر : أقولج .......... :eh_s(10):....... :eh_s(10):........ :eh_s(10):....... ( وقعدت تقولها السالفة من أولها لي اخيرها )

................................................................................................

مطار الكويت الدولي

جوان ( رجعت لديرتي ديرة الأحباب .. آآخ ياكويت .. والله مامثلج ديرة .. هواج غير .. ناسج غير .. ترابج غير .. واخيرا انتهت أيام الغربة بأمريكا .. مستحيل أرجع مرة ثانية هناك .. انا شلي خلاني أسافر .. لو دارسة بالكويت مو أحسن .. ياني مشتاقة لج يا يما .. ياني مشتاقة لك ياخوي .. وانتي يا أشواق .. شالدنيا فيج .. ليلحينج تعانين من أبوج ياترى .. عندي وايد سوالف .. عندي وايد همووم أبيج تشاركيني فيها .. ركبت سيارة التكسي وعطيتة عنوان بيتنا .. وبعد لحظات راح أشف الوالدة .. بطيح بحظنها وأبي أشم ريحتها .. أبي أنام اليوم كلة بحظنها .. بحس بالامان .. بحس بالحنان الي فقدتة طول هال 4 سنين .. )

 

[زهراء*]

وعلى طاري جاك .. ,

اهو صج مسلم بس أسلامة ضعيف ..,

يعني في وايد ناس يدشون الاسلام عشان يشوهون صورتة

 

[A7laa kuwaitia]

اهاا يعني مثل ابو اشلي لووول صح