[لاتمثلين احتياجج لي وانتي بحضن غيري مقزرتها ] بقلمي .,

[3115]

اوووخ زوز يا ام الاكشنات انتي

طلعت فضايح بو علي جبح وام علي صايره خرووفه والله وييييييييع ووييييييييع

ياحياتي ياهوزان ومشاري حياااتي والله تخلا عن قمر عسان اخوه الي قبل كان يمصخرا يابعد عمري هل وفا اخييه بس اخيه

وجروح وجوان ماطلعو وايد بهل بارت


دلاال لااا يرحم امج زفته لا تسوي لهم شي حراام علاو مايستاهل والله

ووووام هوزان هاذي ام ولا عدوه انا اتوقع مو امه جبح ليش تدعي ع بنتها حراام

وووووو بس ناطرينج حياتي

وامنه خلي النهايه اتفرح نبيه ونيسه مو حزينه نفس اذرف دمعي

 

[mich79]

حبيبتي جم بارت باجي ع الروايه ؟؟

 

[زهراء*]

خخخخ من ناحية النهاية أنا اموت على النهايات الحزينة أنووانوو ..,

حبيبتي جم بارت باجي ع الروايه ؟؟


مادري واله حياتي لاني أنا أكتب وأنزل فمادري متى راح تخلص

 

[زهراء*]

البارت الثامن والثلاثون​

:$:$...​

.............​

ديوانية حيدر ​

علي : السلام عليكم ​

الشباب : وعليكم السلام​

علي : هلا عيني بوصقر .. ​

مشاري : ههههه .. هلا فيك .. أووه أوووه متأكد أنك عليوي البريعصي​

علي : هههه .. انا بريعصي ..​

مشاري : صاير مجسم أشوف .. لايكون تاخذ أبر من ورانا وهرمونات​

علي : لا أفا عليك .. صارلي ألحين شهر مشترك في نادي بلاتينيوم .. توك تلاحظ ​

مشاري : أرفع الفنيلة بس خل أشوف التقاسيم​

علي رفع فنيلتة .. جسمة صاير حلو مقسم / مشاري : يخسي الزلم .. بعد تقاسيم .. ​

علي : ههههه أظبطك .. عبالك بس أنت الي تستعرض بجسمك​

مشاري : ههههههه .. الفال حق بعض الناس ​

حيدر : لاتطالعوني .. أنا مامني رجى .. الجماعه ماخذة كل وكتي مالي خلق أجابل شي ثاني غيرها ​

مشاري : انتوا لي متى بتطحسون متى بتخلصون ​

حيدر : باقي أسبوع .. بس عندنا تسليم مشروع ​

علي : أووووه على طاري المشروع شصار وين وصلتوا ​

حيدر : لاتحاتي دلال ودانة وحنان تكفلوا بالشغل .. دقت علي دلال وقالت أنها راح تصير المخرجة وتصور الفيديو .. ويوم الخميس بتسلم المشروع​

مشاري : والله بلشة عساني مادشيت الجامعه​

علي : اي والله أحسلك .. والله طقها أي معهد أو أي كلية وافتك ..​

مشاري : اي أفا عليك .. ​

علي : عيل أنا أستأذن قلت أمر أسلم ​

حيدر : ليش شعندك وين رايج ​

علي : بروح أنام هاذي قعدتي من الساعه 6 الصبح​

حيدر : ماشي عيل أشوفك باجر بالجامعه ​

علي : ماشي .. تصبحون على خير ...​

حيدر ومشاري : وانت من أهلة​

علي ( بعد ماطلعت من الديوانية رحت البيت وطول الطريج وانا أتصل على أشواق بس مامن مجيب .. وصلت عند باب بيتهم طقيت الجرس محد يرد .. خفت عليها عسى ماصار فيها شي .. رديت البيت وحاولت أتصل أكثر من مرة بس الجهاز بعدها صار مغلق .. قعدت أوسوس .. وانا طالع من غرفتي ولا أشوف خدامتنا .. عطتني جيس وقالتلي أنا في وحدة عطتها هالجيس حقي .. ركبت السيارة وشغلتها .. قطيت الجيس بالمقعد الخلفي .. أكيد هاذي دلال الرقلة دازتلي بطاقة عرسها .. حدا مو وكتها هالخبلة .. خل اروح ادور أشواق بالفريج .. يمكن أحصلها مني مناك .. قعدت أفتر بالفريج كلة .. ورحت الجمعية والفرع بي مالقيتها .. رحت عند بيت أم أحمد .. طليت بالحديقة .. شفت بنتين قاعدين .. أكيد هاذي أشواق عيل قاعدة عند أم أحمد .. قلبي تطمن .. الحين أقدر أرد البيت وأنام .. رديت البيت وصعدت غرفتي .. قفلت باب الغرفة وطليت على بيت أشواق .. تذكرتها يوم كانت تغني .. صوتها موطبيعي .. عذب بمعنى الكلمة .. قعدت أسترجع الذكريات .. وعلى الذكريات غفت عيني ​

............................................................................................................................​

( بيت جوان )​

أم أحمد : خلاص يعني بتملجون باجر وبعد اسبوع بتسافرون​

جوان مستحية : اي ​

أم احمد تيبب : كلوووووولوووووش ​

أحمد : ههههههه .. كبرتي يالنزقة .. ( قرب وباسها على راسها ) : الله يوفقج أنشاءالله​

.....​

( بيت جاسم )​

جراح : أنا اتفقت مع أخوها أنا نملج ونسافر على طول ​

جاسم : يعني ماراح تحضر ملجتي أنا ..​

قمر : ههههه .. بابا بتسوون حفلة وطقطقة وهيك سوالف ​

جاسم : اي شي أكيد .. راح أسوي عرس لا صار ولا أستوى​

جراح : حسافة بيطوفني العرس .. عاد خليني معاج أون لاين قمر .. اول بأول .. ​

قمر : أفاا عليك ..​

جراح : أنزين يبا أنا الحين أستأذن ​

جاسم : أذنك معاك يبا ​

رن تلفون قمر ​

 

[زهراء*]

قمر : هاذا ثنيان داق ​

جاسم : أنزين عيل أنا طالع بروح أدور مطعم أتعشى فيه​

قمر : اي مطعم فاتح هالحزة ​

جاسم : شارع المطاعم .. أطقها شاورما وفلافل وبطاط تبين أييبلج معاي شي ​

قمر : لا مشكور ​

بعد ماطلع جاسم من البيت​

ثنيان : ألوووو​

قمر : هلا والله .. هلا ثنيان​

ثنيان : هلا فيج حياتي أشتقت لج​

قمر بالغصب الكلمة تطلع : وانا أكثر ​

ثنيان : شفتي أمي وأبوج اليوم بيشترون الدبل ​

قمر : ههههه اي الوالد الظاهر قام يغار من جراح أخوي ...​

ثنيان : متى أيي اليوم الي نشتري فيه أنا وانتي الدبل ​

قمر من غير نفس : ههههه ... تو الناس عاد​

ثنيان : والله الود ودي الحين أنا وانتي بعد نتزوج​

قمر بتظبع الموضوع : ثنيان خط ثاني .. الظاهر ورود ​

ثنيان : أوك بس تخلصين دقي علي ​

^^​

قمر : وااي نقذتيني ورود​

ورود : من شنوو ​

قمر : هاا .. لا وحدة من رفيجاتي قاعد تسولف وياي وانا حدي مالي مزاج قلت لها عندي خط ثاني .. زين دقيتي ​

ورود : ههههه .. بالخدمة .. أممم .. شعندج باجر ​

قمر : ولا شي بالبيت​

ورود : عيل بمرج عندي لج خبر يفرح ويظايق بنفس الوكت​

قمر : صار لغز هاذا .. المهم ناطرتج .. الساعه جم بتمرين​

ورود : مادري جي على المغرب ​

قمر : أوكي ناطرتج حياتي ​

.....​

^^​

............................................................................................................................​

( بعد مرور يوم )​

بيت جوان ​

جوان ( اليوم .. اي اليوم ملجتي أنا وجراح .. بس في شخص فاقدتة.. أي هالشخص أهو أشواق .. مادري وين أختفت هالبنت فجأة .. شكثر طقينة باب بيتهم بس مامن مجيب .. راح أحمد أخوي وحاول يشقح بيتهم .. دور بالغرف وبالمطبخ ماكان في أحد بالبيت .. يوم طلع من البيت ولا في هندي واقف .. سألة أحمد عن أشواق .. ولا الهندي يقول حق احمد انا أشواق يركب مع تكسي وياخذ كلو ملابس ويروح مع صديق بنية .. احمد ركض البيت وقالنا هالخبر الي كان مثل الصاعقة .. وين راحت .. بنت بروحها وين ممكن تروح .. قعدنا نسأل بالفريج .. كل بيت نييب فيه طاري أشواق يستغفرون الأوادم ويسكرون الباب بويهنا .. بس منو هالصديقة مخبري أشواق عندنها رفيجات .. أجلنا موضوع أشواق ورحت الصالون مع أمي .. جهزتني الصالونة وطلعتني عروس .. المكياج كان خفيف .. والتسريحة ناعمة .. وصلنا بعدها البيت وكنا مسوين حفلة صغيرة على قدنا .. دشيت صالتنا وكانت الأضواء كلها مسلطة عليي .. كنت حيل متوترة .. الكل يطالعني .. امي دمعتها بعينها .. قعدت على الكوشة وبدت المصورة تاخذ الصور لي .. ماكان بالي مع العرس وأجواءة ... كل تفكيري كان بأشواق ومنو هالصديقة الي راحت عندها .. وبعد ساعات سمعت امي تقول أنا الرياييل ملجوا .. دخلتني الغرفة على مايدخل المعرس الصالة .. قلبي قاعد يرقع .. ط طب ط طب .. وبعد ماسمعت التبريكات صار لحظة هدوء ... بطلت أمي الباب لي .. طلعت من باب الغرفة وأنا حدي منحرجة .. شعور غريب كنت أحس فيه .. وقفت يم جراح وشكلة كان يظحك .. متسمت بمكانة مثل التمثال .. جنة أحد معاقبة .. امي تساسرة تقولة صارت حلالك .. صارت مرتك طالعها مثل ماتبي .. بعدها طاحت عيني بعينة .. حسيت بحب الكون كلة بعيونة .. يابت أمي الدبل ولبسني دبلتي ولبستة دبلتة .. وبعد مراسيم العرس المعتادة التصوير .. وقص الكيك وهالسوالف ركبنا الليموزين وتوجهنا الفندق .. وبالسيارة )​

جراح ( مسكت أيد جوان وبستها ) : وأخيرا صرنا بروحنا​

جوان منزلة راسها : ....​

جراح : آآخ جوان .. والله أني غبي يوم ماشفتج جدام عيوني .. ​

جوان : محشوم ..​

جراح : فديتج والله .. صايرة حلوة .. وين خاشة هالجمال كلة ​

جوان : انا من زمان حلوة ​

جراح : اي والله من زمان حلوة .. أنزين ليش منزلة راسج .. لهالدرجة مستحية مني ​

جوان رفعت راسها : جراح​

جراح : عيونة .. قلبة .. كلة ​

جوان : ههههه .. قاعد أجرب صوتي ​

 

[زهراء*]

جراح : هههههههههه .. عيارة .. ​

جوان : هههههه .. ​

( طبعا السيارات كانت حوالين الليموزين .. قاعد يزفونة لين الفندق .. وهرنات .. وأغاني .. والأهل كلهم فرحانين .. وصلنا الفندق بسلام ... نزلت من السيارة وجراح ماسك أيدي .. أستقبلتنا أمي وخالة جراح فضة وقمر .. )​

قمر : مبرووك أخوي .. مبروك جوان​

جراح : الله يبارك فيج ​

جوان : الله يبارك فيج والفال لج حياتي .. أنشاءالله نفرح فيج​

قمر :أنشاءالله​

جوان ( أمي قربت مني وقعدت توصيني .. وبعدها صعدنا الغرفة .. كنا بروحنا .. انا وجراح بس .. قعدت على الفراش وقرب مني جراح .. باسني على خدي وبدى يقولي عن مشاعرة .. وبعدها ................... )​

^^​

قمر : وااي بابا .. مومتخيلة أنا جراح تزوج​

جاسم : ههههه .. اي والله وكبر ..​

قمر : يالله الفال لك .. أنزين انتوا وين بتملجون ​

جاسم : بالمحكمة ..​

قمر : يعني ماراح تسوي حفلة ​

جاسم : هههههههههه من صجج حفلة .. كنت أتغشمر وياج مادري أنج بسرعه تصدقين ..​

قمر : وانا شادة حيلي ومابقى وحدة من رفيجاتي ماعزمتها ​

جاسم : عشان تبطلين من لقافتج ​

قمر : اي بابا ثنيان توة دزلي مسج قالي أنا بيبارك لك .. اهو شوي وياي الفندق ​

جاسم : حياه الله ​

قمر ( وصل ثنيان الفندق وكان لابس دشداشة .. شكلة حيل ذرب كيوت .. ولابس بعد قترة وعقال .. وبالسيارة لمحت مشاري .. بس لمحتة فز قلبي له .. قاط القترى على جتفة والعقال حاطة على راسة .. ماسك الزقارة ومزج .. يشفط ويطلع الدخان من حلجة .. يبووووي والله انا جذي ماتحمل أذوب .. لف ويها علي طالعني بنظرة مافهمتها .. نظرتة كانت نظرة كبرياء .. حسيت ودة يقثني .. ودة يقتلني .. انا بعد أبي أقتلة مثل ماقاعد يقتلي .. قربت من ثنيان ومسكتة من أيدة .. وطقيناها سوالف مع أبوي .. وبعد ساعه ركب ثنيان سيارتة ومشوا .. شفت فوني ولا واصلي مسج .. المرسل مشاري .. : خفي على الولد .. هههههه .. خفي على الولد .. عيار مشاري .. أخف على الولد ولا أخف على قلبك يالعيار .. المهم بعدها ركبنا أحنا بعد السيارة ورحنا البيت .. )​

^^​

بسيارة مشاري ​

مشاري : أنت صير ثقيل أنشاءالله مو اول ماتمسك ايدك ماتصدق على الله تعطيها ويه ... أرفع خشمك عليها شوي .. أنشاءالله موجذي ​

ثنيان : هههههه .. شكو الحين الثقل بالموضوع​

مشاري توهق : يعني .. مادري .. صير ثقيل لاتعطيها ويه زيادة​

ثنيان : مشاري أنا جذي مرتاح .. مشكور وفر نصايحك حق نفسك ...​

مشاري مسك فونة ولا يدز مسج حق قمر ​

(الأماكن كلها مشتاقة لك
والعيون اللي انرسم فيها خيالك
والحنين سرى بروحي وجالك
ما هو بس أنا حبيبي
الأماكن كلها مشتاقة لك
كل شيء حولي يذكرني بشي
حتى صوتي وضحكتي
لك فيها شي
لو تغيب الدنيا عمرك ما تغيب
شوف حالي من تطري علي
المشاعر في غيابك
ذاب فيها ألف صوت
والليالي من عذابك
عذبت فيني السكوت
وصرت خايف لا تجيني
لحظة يذبل فيها قلبي
وكل اوراقي تموت
آه لو تدري حبيبي
كيف ايامي بدونك
تسرق العمر وتفوت
)​

ردت عليه ​

(ويني .. شوفو من يسألني ويني
اللي حب دموع عيني
اللي غنى في انيني
اللي قال البعد اريح
ماسأل وشصار فيني
ويني ..
)​

رد عليها ​

(أنا من غبت عن عيني وخياك مايفارقني
تصدق حالتي صعبه وعمري ضاع بأسبابك

ياأجمل من سكن قلبي وعمَّرني ودمَّرني
تعال وشوف إش سوَّى حنين الشوق بغيابك

أنا وين أبتعد عنِّك وعيونك تحاصرني
أنا وين أهجرك وآروح وأنا سجني أهدابك

ياكل إحساس هالدنيا والله الشوق غيِّرني
أحبك ليه لاتسأل وأنا آموت بترابك
)​

ردت عليه​

(وينه عني لما عشت عمري يمه
وكان همي همه وشوق الدنيا فيني
وينه يوم جيته كل حب رجيته
وقال ما يبينــــــــي

توني صرت خله وشمسه ويا ظله
قربي صار احلى وناوي يحتويني
توه بس ذكرني وتوه بس عرفني
وقلبه مشترينــــــــي
ويني .. شوفو من يسألني ويني

)​

 

[زهراء*]

مشاري رد عليها : أقول لاتصدقين عمرج وايد .. بس خوش دويتو ​

قمر ردت : عياار .. أعترف أنك ماقدرت تفارقني​

مشاري رد عليها : ترى الثقة الزايدة مو زينة .. يلا فرصة سعيدة ومبروك حق أخوج الفال لج ..​

قمر ردت : أنا عارفة أنا شنو .. وعارفة أنت شنو .. والله يبارك فيك .. وأنت بتكون المعرس​

مشاري طنش مسجها وظحك ​

ثنيان : أقوول بو المث .. شفيك مستانس ... منو قاعد تكلم​

مشاري : هاا .. صاحبي ​

ثنيان : اي صااحبك .. واضح .. لهالدرجة صاحبك يونس يعني ..​

مشاري : أقول اذا كان الكلام من فضة فالسكوت من ذهب ​

ثنيان : كااااااااااااااك .. وبعد تقط امثال .. والله وعرفتلك .. بس منو هاذي تعيسة الحظ​

مشاري: أقول ماتقلب ويهك أحسن​

............................................................................................................................​

( شقة أشواق )​

أشواق ( آآآآه بطلت عيني ولا أفز مخترعه .. ليلحيني ماتعودت على الوضع بالشقة .. أنام وأقعد .. شفت الساعه ولا الساعه 1 الفجر .. أوولة أنا شكثر نمت .. يوووووه حتى نسيت أدز مسج حق جوان أطمنها .. ألحين أكيد قاعد تحاتيني .. خذيت التلفون الي عادل عطاه لي ودزيت مسج حق جوان .. : جوان حياتي انا أشواق .. ترى أنا طلعت من البيت لفترة وقاعدة عن وحدة من رفيجاتي لاتحاتيني أوكي قلبي ويلا أشوفج على خير .. / عقب مادزيت المسج كسرت الخط لاني مابي أحد يسأل عني ولا يعرف مكاني .. آآآه يا علي مادري أذا قريت الرسالة ولا ليلحينك .. سامحني يا نظر عيني .. أنشاءالله كل شي بيتعدل .. بس كل شي بيدك راح يتعدل .. رحت الصالة وشغلت التلفزيون .. قعدت أشوف أفلام هندية لين طلعت الشمس .. )​

......​

^^​

الساعه 8 الصبح .. هولداي أن​

جوان ( بطلت عيني ولا أشوف جراح نايم مثل اليهال .. ماحبيت أقعدة .. طلعت ولا أدق على الروم سيرفس وطلبت الأفطار .. نطرتة يعد من النوم ونتفطر مع بعض .. بطلت تلفون ولا واصلي مسج من رقم غريب .. فتحت المسج ولا أشواق تطمني عليها .. حاولت أدق عليها بس الجهاز كان مغلق .. سكرت تلفوني وسمعت صوت جراح يناديني )​

جراح بصوت خشن : حبيبي وينج​

جوان : أنا هني حياتي .. انت قعدت​

جراح : صباح النور يا نور قلبي أنتي ​

جوان : صباحر الخير .. ههههه .. شحلاتك وانت نايم مثل اليهال ​

جراح : هههههه .. ماسمعتي صوت شخير .. ترى انا شخيري يوصل لسابع جار ​

جوان تطقة بدلع : جوجو حياتي ​

جراح : يما يما آآ .. عيون جوجو أنتي .. فديت الي يتدلعون والله .. شوي شوي ترى انا جذي ماأقدر ​

جوان : بعدك ماشفت شي .. بعدين أذا ماتدلعت لك وانت ريلي وحبيبي .. حق منو بتدلع ​

جراح : حقي هههههه .. يلا خل اروح الحمام أغسل ويهي ..​

جوان : يلا وانا بروح أعدل السفرة عشان نتريق​

جراح : أوكي ..​

بعد ماغسل جراح ويها ولبس ملابسة راح الصالة عند جوان ​

جوان : طبعا جبن أبيض وطماط ​

جراح : اي شي أكيد​

جوان : أي صج ماقتلي جراح الحين شنو راح نسوي لمن نسافر نيويورك ​

جراح : أنا ماقتلج شنو أكتشفت .. سمعي .. جاك أنقتل ​

جوان شهقت : شنوو .. شلون .. ومنو قتلة​

جراح : شلون مادري .. بس أنا أقولج ألحين شلون عرفت الخبر .. ​

جوان : شلون​

جراح : انا حاط كاميرات مراقبة في بيت آشلي وأبوها .. وحاط كاشف يسجل المكالمات.. وقاعد أسجل كل شي يدور بينهم .. وبجذي راح يكون عندنا دليل قوي عشان نثبت أنهم ألي قاعد يقومون بالعمليات الأرهابية .. وألي قالي عن الخبر بنت خالة .. قالت أنهم لقوا جثة بالبحر مقتول .. بس ماعندهم أي ادلة وليلحين قاعد يحققون بالقضية .. وأكيد جون وآشلي تكلموا بهالموضوع والكاميرا سجلت​

جوان : يما آآ فديت العبقري ريلي ​

جراح : ههههه أظبطج .. بس ليلحين الخطة ماأكتملت .. انا لازم أسايس آشلي عشان تتكلم .. والحين لمن نرجع هناك راح يكون عذرنا الشهادة .. ماراح تعرف أنا تزوجنا ..​

جوان : أنزين انا أخاف عليك من هالسوسة تلعب براسك​

جراح : ههههههه لاتحاتين يبا .. انا عارف لها ..​

جوان : أوكي صار .. ​

جراح : بس أنشاءالله الكاميرات لقطت لقطات أحنا نحتاجها .. مو على الفاضي​

جوان : أنشاءالله .. انزين متى بنسافر ​

جراح : أنا حجزت قبل فترة ومظبط كل شي .. سفرتنا بتكون عقب يومين أنشاءالله​

جوان : اوكي ​

جراح : انزين يلا الحين خل ناكل لأني حدي يوعان .. سمي بالله​

جوان : بسم لله اوله وآخرة ​

............................................................................................................................​

 

[زهراء*]

( نيويورك )​

الرئيس : لقد تمعنت جيدا بالمخططات وتبدو الخطة مدروسة وممتازة .. ولكن هناك تعديل بسيط في مجريات الخطة ..​

جون : كيف ​

الرئيس : لا تقوموا بوضع أقلام متفجرة .. ولكن بدلا من ذلك سوف نقوم بفبركة صوت العربيان وهم يعترفان بأنهم أرهابيان وسيقومان بتفجير المبنى .. ​

جون : حسنا ً سوف نقوم بتعديل هاذا الجزء من المخطط ​

الرئيس : وهناك أمر آخر .. لاتقوموا بوضع المتفجرات في مركبتهم .. على العكس .. أطلبوا من الخبير أن يعبث بمكابح السيارة.. و قوموا بتنظيم الأحتفال في اعلى الجبال .. وعندما يقوم الأمن بتهريب العربيان سيركبان المركبة .. وبذلك ستخل السيارة من توازنها وتسقط من اعلى الجبل وتنفجر لوحدها .. والأخبار ستذيع بأن العربيان بعد أعترافهما بجريمتهم البشعه قاما بالأنتحار بسبب ملاحقة الشرطة لهم​

جون : نعم .. أنت محق .. مخططك أكثر دقة من مخطط آشلي ​

الرئيس : اني انتظر التنفيذ ​

وسكر الخط​

آشلي : ماذا يريد الآن​

جون : لقد تم تغيير المخطط ​

آشلي : أوووه وكيف ..​

جون : أنا سأخبرك كيف ..​

وبدى يقولها عن الخطة اليديدة​

آشلي : أمممم .. حسنأ .. الآن سأتصل بجراح لأعرف متى سيصل الى هنا حتى أبدأ بتنظيم الحفلة وأرسال الدعوات ..​

جون : حسنا ً​

دقت آشلي على جراح​

^^​

عند جراح وجوان بالسيارة ​

جراح معلي المسجل على أغنية راشد هلي لاتحرموني منة ولا يرن تلفونة ​

جوان : منو داق عليك​

جراح قصر على المسجل : أوووش ويت هاذي آشلي ​

..​

آشلي : مرحبا .. ألم تشتاق الي أيها الخائن .. لقد رجعت الى منزلك ونسيت أمري​

جراح : ههههه .. بلى أشتقت لك كثيرا​

جوان قرصت جراح .. : آآي​

آشلي : مابك ​

جراح : ههههههههههه . . لا شي .. ​

آشلي : أمممم .. أتصلت لأستفسر عن موعد قدومك أنت وجوان .. متى ستصلون الى نيويورك​

جراح : بعد يومين بأذن الله​

آشلي : حسنا ً انا بأنتظاركم .. الى اللقاء ماي لوف​

جراح : الى اللقاء ​

جوان : شكو تقولها أشتقت لج .. المرة الياية بعظك ماني قارصتك وبعظك حيل بعد​

جراح : هههههههههههههه كل شي منج حلو يا حلو ​

جوان مدت بوزها : اي قص عليي بهالكلام الحلو .. مايندرة عنك .. شكلك حاط عينك عليها ​

جراح : تخسي .. جوان محد في قلبي غيرج .. انتي مرتي وحبيبتي وأم عيالي ​

جوان أستحت ونزلت راسها .. ​

............................................................................................................................​

( بيت بوعلي .. )​

أم علي : بوعلي آنا رايحة بيت أمي تامرني على شي​

بو علي : شنوو .. عقب الي صار وبتروحين بيتهم بعد .. ​

أم علي : وانا شكو فيها بروح حق أمي .. ​

بو علي : لا تروحين​

أم علي : انزين بس ليش ​

بو علي : قتلج هذاك البيت مابيج توطوطين عندة .. ( نبرة صوتة صارت أعلى ) : سامعتني ولا لآ .. هاذا الي ناقص ​

ام علي نزلت راسها وبكل خضوع : سامعه .. وحاظر من عيوني ​

..​

^^​

غرفة فاطمة ​

 

[زهراء*]

فاطمة : قوة أسراء شعندج اليوم​

أسراء : والله ماكو قاعدة بالبيت كالعادة​

فاطمة : أنزين دام أنج رفيجتي وشاطرة بسوالف التسريحات والمكياج وانا بصراحه حدي مالي مزاج أروح صالون وأنطر دور وعلى ماأخلص .. المهم الزبدة .. بيي عندج​

أسراء : هههههه .. ظيعتيني .. ليش شنو المناسبة ..​

فاطمة : معزومة على عرس وحدة من البنات ..​

أسراء :أهاا .. خلاص أوكي .. انا أجهز الأغراض وناطرتج ​

فاطمة : ماشي حوبي .. يلا عن أذنج خل أروح أقول حق أمي ​

أسراء : أوكي ماشي .. باي ​

..​

^^​

بالصالة ​

فاطمة ( نزلت من الدري وانا أركض .. وأنادي أمي .. قاعد أقولها يما يما بروح عرس رفيجتي د... ولا أوقف ... علي كان قاعد بالصالة وأدري أذا قتلة بروح عرس دلال ماراح يوافق )​

أم علي : اي رفيجة ​

فاطمة : يما آآ هاذي دانة رفيجتي الي معاي بلسكول .. خطبها ولد عمها وعازمتني على عرسي​

علي : من بنتة​

فاطمة : شنو تحقيق يعني ​

علي : لا مو تحقيق .. بس شنو كل وحدة بتعزمج على عرسها بتطقين شلالتج وتروحين .. ​

فاطمة : يما طالعي علي ​

بو علي : بابا مالج شغل فيه .. جم تبين فلوس ​

فاطمة : مابي فلوس .. بس ابي السايق يوصلني بيت رفيجتي أسراء وأهيا بتحطلي الميك آب وبتسويلي التسريحة .. ​

علي : والله بنات آخر زمن .. هالدلع أهو الي بيخربج .. ​

فاطمة تطلع ألسانها : مووت حرة زين ..​

علي : مالت عليج على شنو عاد ​

أم علي : خلاص عن النجرة .. يلا روحي لاتتأخرين على البنت .. وشوفي الساعه 10 تكونين بالبيت فاهمة ​

فاطمة : أنشاءالله .. ​

علي : خليني انا أوصلج ​

فاطمة توهقت : لا لا .. مالة داعي .. خل شامان يوصلني ​

علي شك بالموضوع : لا أنا أوصلج أحسن​

فاطمة : خلاص عليوي قتلك أبي شامان​

بو علي : أنت شفيك اليوم .. خل البنت على راحتها ..​

علي : الشرها علي أنا الي خايف عليها .. صج خير تعمل .. شر تلقى .. يلا أنا طالع تبون شي ​

أم علي : سلامتك ​

............................................................................................................................​

بطرف ثاني ​

أشواق ( نزلت من الشقة أتمشى بشوارع الكويت .. الله على شوارع الكويت .. الهوى الطلق ... المناظر الحلوة .. الناس الطيبة .. وانا أتمشى وصلت الجمعية .. قلت أشتريلي جم شغلة البيت محتاج .. قعدت آخذ طماط وخيار .. وشريت دياي وهالسوالف .. أنا عندي جم دينار قلت أقزرها فيهم .. وصلت عند المحاسب وأنا أحط الاغراض أحاسب ولا صوت واحد من وراي ينادي الكاشير .. )​

علي : محمد عطني واحد زقاير مارليمورو أحمر ​

أشواق ( آآآه على هالصوووت .. من سمعت هالصوت ردتلي روحي .. غمضت عيوني ونزلت دمعتي .. طاحت لفتي من على راسي ولا أرفعها .. كان ودي ألف ويهي عليه وأطيح بحضنة وأقولة شلونك بدوني .. بس ماقدرت .. حاسبت الاغراض وتم واقف وراي .. فاح عطرة الي كالعادة يترس روحه منة .. بعد ماخلصت وحاسبة الاغراض عطيت الكاشير لفلوس .. نزلت راسي وانا أمشي عشان لا يلمحني علي .. وطلعت من الجمعية .. الحين انا مافكرت فيها .. شلون برد البيت مع كل هالأغراض .. أدري أني مصختها .. بس شسوي مالي غير عادل .. اتصلت عليه ومرني الجمعية وحطيت الاغراض بالسيارة ومشينا .. وطول الدرب وانا أحمد الله أنا علي ماشافني .. وصلنا الشقة وساعدني عادل ونزلت الأغراض .. )​

أشواق : مشكور عادل على كل شي والله أذيتك معاي ​

عادل : لا شدعوة .. بس جان قتيلي انا أييبلج الي ناقصج .. لا تتعبين عمرج​

أشواق : لا عادي .. أنا حبيت أتمشى لي الجمعية ​

عادل : أي صج ترى اليوم ملجتي وانتي معزومة​

أشواق : صج الف مبروك وين بتسوون الملجة .. ​

عادل : بصالة قبازرد الحريم .. والرياييل مراد بهبهاني ​

أشواق : يلا على البركة .. بس سامحني ماقدر ​

عادل : لا عاد جذي صج بزعل منج ..​

أشواق : خلاص اوكي راح أيي .. بس انا ماأعرف المكان الي قلت عنة​

عادل : أفا عليج أنا بحطلج سايق خاص يوصلج .. ​

أشواق : بس عادل هاذا وايد .. ​

عادل : شنو وايد .. أنتي مو قلتي بتدفعيلي لمن تشتغلين .. خلاص عيل ​

أشواق : مشكور مرة ثانية .. يلا عيل عن أذنك​

عادل : اذنج معاج​

^^​

أشواق ( الي قاعد يسويه لي عادل وايد .. ماني قادرة أقبل كل هالمساعدات منة .. لازم بسرعه أشتغل وأسدد ديني له بأسرع وكت ... اووه أنا نسيت .. اليوم لازم أفتر مرة ثانية بالفريج .. كل يوم يمر عليي أتهنى فيه يمر على أمي مثل السم الي يمشي بدمها .. لازم أطلعها ... لازم )​

............................................................................................................................​

​

​

​

​

 

[ابي قطوة ميوووو]

woooooooow
caaaaant waaait
امببببي الله يسسستر على جوااان وجراااح ان شاااء الله مايصير لهم شئ

 

[A7laa kuwaitia]

بااك

زوووز اشتقتلج واايد

يلاااا كملي والله يستر جرووح و جوني يعني دلع جواان لووووول المهم لا يصير فيهم شي

 

[ابي قطوة ميوووو]

اب اب

 

[Doza karoza]

واحشني مووووت ثانكس. لوؤؤووول لا الحين في توقعات اتوقعها يديده. الرواية مو عن اشواق علي الرواية تتكلم عن قمر مشاري وثنيان. شكله. مشاري. يقول حق قمر لاتمثلين احتياجج لي وانتي بحضن غيري مقزرتها. عن ثنيان. لؤوؤووووول. لانه قمر كله تقزرها. على ثنياان. هذا. اول توقعاتي. للعنوان


او. انه. ثنيان. يقول حق قمر. كلام عنوان الرواية. لانه يصيدها. مع مشاري يحبون بعض ويلمون حضن بعض لووؤووووووووول فا هني ثيان. يعصب. على قمر انها مجذبه عليه بالحب. ويمكن يمووووووت. بعد ما يطلع معضب. لؤوؤؤؤؤول. هدا.ثاني توقعاتي للعنوان

كملللللييييئئئي زوز. كملللللللي.

 

[A7laa kuwaitia]

اي صح ليش ما فكرت بمشاري و ثنيان و قمر
انا مثل توقعات دوزا كروزا ^^^^
يلااا ناطرتج الخميس الياااي

 

[Doza karoza]

جوان. وجراح. يربوحون المعركة. بس اتوقع جراح ينضر بس يرد عادي من بعد المعركة اما جون واشلي يموتون مقتولين نفس جاك من المخططين. والاتحاد الاسرائيلي ينصادون ويمكن حكمهم بالاعدام او يموتون لؤؤؤؤوؤؤوووووؤل. اما الباجي حياتهم للحين ماشفنا شيء منهك قوي بعدين اتوقع لؤؤووووول. كمللللللليي

 

[كلي أحزان وهموم]

البــــــــــــــارت روووعــــــة والله تسلم أيدج زهــوور
أكيـد أشتقتي لـي صح ؟؟ :eh_s(22): سوري أنشغلت شوي بس كنت اقرا البارتات وماأعلق أطلع بسرعة ومبروك تزوجو جراح وجوان ما بغو الله يهنيهم أنشاءالله وأشواق والله كاسرة خاطري بس شكو تتخلى عن علي بهسولة هذي ؟؟
مشاريو يحب قمر بس يكابر وهوازن وجاسم من قدكم واخيرا بتاخذون بعض كللوووييش
كمممممممممملي نــــاطريييييييينج :eh_s(9):

 

[3115]

لااا زوز بليز ما اتفقنا علا جي مو انتي اتموتين النهايات الحزينه واحنا انموت بجي لووول
ترا انا ما اتحمل والله ادش بكآبه قلبي علا طريف حتا سألي شيوم النزغه اشكثر انا اتعقد من الروايات خخخخخ فقوليلي من الحين شنو النهايه سعيده ولا حزينه عشان ادير بالي لوووول

ثاني شي ابدا تعليقات

مشااري السبع اهوا وقمر احلا شي صارلهم بالبارت حبهم الي بالنغزات خخخخخ والله عجييب هل الحب
غنيه بغنيه هههههههه الله يوفقهم حق بعض انشالله لووول وثنيان خل يحب بنت خالته احسن له

جواان فطستني ضحك اهم شي اجرب صوتي حد امه كانه غلط الموقف ما يساعد

ودلااال ااخ من هدلاال الله يستر منها يارب

وجراااااح يبووي منه الله يستر عليها وما تموتينه انشالله شكلها اهوا الي راح يخسر واذا غلبهم يمكن راح يصير له شي جاايد

علي غبيييييييييي شينو هاذا ماكو مخ مخ مييييح شكو شكو بأي اسااس يحذف الجيس ورا ومايدري عنه الله ياخذه عصبت عليييه والله

عادل شكله بيحب اشواق ويتزوجه ودلال بتعفس العرس اذا شافتها

وفاطمه راح اتشوف اشواق بالعرس وتصير سالفه الله يستر

وماادري والله مخي انشل مافي توقعات غير اني

خااااااااااااااااااااااايفه

 

[آقوى شي]

تفكييييري متعطططططططططططططل كل اللي بقولةةةةةةةةةةةةة
حمممممممممممممممممممممممماسس
و
آب
آب
آب
آب
آب
آب
آب
آب
آب
آب
آب
آب
آب
آب
آب
آب
آب
​

 

[Doza karoza]

لااأأأااإااااء كمللللللللللللي زوووز لاتتأخرين.

 

[Doza karoza]

جك جك جك جك جك جك جك جك جك جك لايوقف لا يوقف لا يوقف لا يوقف لا يوقف لايوقف جك جك جك جك جك جك جك جك جك جك جك جك جك جك جك جك جك