[لاتمثلين احتياجج لي وانتي بحضن غيري مقزرتها ] بقلمي .,

[Doza karoza]

جك جك جك جك جك جك جك جك جك جك جك جك جك جك جك لا يوقف لايوقف لايوقف لايوقف لايوقف لايوقف لايوقف لايوقف لايوقف جك جك جك جك جك جك جك جك جك جك جك جك لايوقف لايوقف لايوقف لايوقف لايوقف لايوقف لايوقف لايوقف جك جك جك جك جك جك جك جك جك جك. جك جك جك جك جك جك جك جك

 

[Doza karoza]

عادل. شكله بيتزوج اربعه اول شيء يتزوج دلال واشواق. بعدها مغربية بعدها فلبينية وعندها اربع عيال من كل. امايعرف يقعد على وحده. فيتزوج. اربعه وانه حلال عليه لوووووووووووؤوووووؤول هذا توقعاتي عن عادل ههههههههههههههههههههههههههههههههههههههههههههههههه

 

[Doza karoza]

من كل. اام* لووؤوووووللللللللززززززززززز

 

[Dashtawya]

كملي حبي ناطرينج

 

[3115]

زووز ناطرينج حبي

 

[آقوى شي]

waiting your Novel​

 

[برنسس أوراق]

بااااك
إشتقتلج زوززززززو
رديت وقريت كل البارتأت من أول
حدهاااااااااااا رؤوووووووعه

أمممم تعليقي

جاك اللي سواه بجوان قهرررررررررررررررني وهي حماره ما صدقت جراح
واشلي طلعت من تحت لتحت يما منهاااااااااااااااااااااااا بويهين

أما جراح ونااااسه استانست لما تزووووووووووج

يالله ألفال لهوزان وجاسم وثنيان وما أدري منووو خخخخخخ

بس قمرررر تغث يعني تحاجي الإخوان اثنينم ايه خلاص ما تحبين الولد لا تعلقينه وياج
مسكين تغير عشانها وغير ستايله بس أهي ما تستأهله يعني أهو حبوب وطيب وهي خبيثه ولعوبه

وأمممممم بعد شنوووووو

ايه سعدددد ابو مشاري خيرررررررررر تو الناس تتذكر ولدك ومرتك رؤوووح بابا رؤوووح الحين فيه جاسم خخخخخخخ

وبسسسسسس ناطره البارت الياي

وعلى فكرررررره زوزو انتي حدج مبددددددددعه وروايتج رؤوووووووووووعه
لا توقفين استمري لأن أفكارج وطرحج وأسلوبج حيل حلوووووووو

فديتج أحلى اب لعيونج


اب اب اب اب اب
اب اب اب اب اب
اب اب أب اب اب
اب اب اب اب اب
اب اب اب اب اب
اب اب اب اب اب

 

[زهراء*]

:eh_s(9)::eh_s(9):

البارت التاسع والثالاثون​

:$:$ ​

.,​

^^​

( بيت أم أحمد )​

أم أحمد : يما أحمد لاتطلع اليوم أختك بتمر تسلم عليك لانها بتسافر اليوم الفجر مع ريلها ​

أحمد : أنشاءلله .. انا قاعد بالبيت .. بس متى بيمرون​

أم أحمد : بيتعشون عندنا أنشاءالله ​

أحمد : تبيني أشتري عشى ولا بتطبخين​

أم أحمد : بعد هاذا سؤال .. يعني اكيد بطبخ .. خل نذوق نسيبنا طباخ أيدي ​

أحمد : هههههه .. يحليلج يما .. نسيبنا .. اي ذوقي طباخ أيدج .. واتحداج راح ياكل أصابع ايدة ورى طباخج​

أم أحمد : تطنز ​

أحمد : لا والله صج .. ماكو على طباخج أم أحمد .. يلا أنا بس بمر الجمعية بشتري زقاير وأرد​

أم أحمد : ولييه .. انت متى راح تبطل من هالسم .. يما أحمد جم مرة أقولك مو زين لك الزقاير .. ​

أحمد : أووه يما .. عبالج بهالسهولة أقدر أقطع الزقاير .. قتلج شوي شوي علينا يماآآ وانشاءالله الله كريم​

ام أحمد : الله كريم أنشاءالله .. ​

............................................................................................................................​

( بيت أسراء رفيجة فاطمة )​

أسراء : تعالي فطوم هاذا عرس منو .. اي رفيجة ​

فاطمة : ولييه .. أسراء يعني ماتعرفين تبطلين من طلع اللقافة الي فيج​

أسراء : لا للأسف ماقدر .. يلا قولي .. ولا شنو بتخشين على رفيجتج حبيبتج ..​

فاطمة : يما منج .. بقولج بي لاتقعدين تنافقين .. تدرين ماحب النفاق​

أسراء : أنزين .. يلا قولي عاد شلعتي قلبي​

فاطمة : تعرفين خطيبة علي اخوي القديمة دلال ..​

أسراء : ذكريني فيها أكثر​

فاطمة : الي قتلج أنا علي كان خاطبها وطلعت مو زينة وتركها والحين هب لنا بهاذي أشواق الدعلة​

أسراء : اييه اييه تذكرتها ... الي شافها مع الشباب بالشارع ​

فاطمة : وصلنا خير .. المهم خطبها ولد عمها الحين وعازمتني على عرسها .. أنا بموت وبشوف منو بياخذها .. يقولون ولد فلوس .. بس علي مايدري ​

أسراء : شنو .. يعني علي مايدري أنج بتروحين عرسها​

فاطمة : اي .. وبعد أصلن مايدري أني رديت أكلمها .. لو يدري أصلن جان فرك قمة راسي بالقاع​

أسراء : أنتي خبلة .. وليش تردين تكلمينها .. ماتخافين أخج يدري عنج​

فاطمة : انا اقولج ليش .. لانها الوحيدة الي تقدر تفرق أشواق الدعلة عن علي أخوي ..​

أسراء : والله طلعتي مو هينة مخططة بعد​

فاطمة : اي شعبالج​

أسراء : أنزين الحين خلينا .. تبين المكياج ناعم ولا شنو​

فاطمة : اي أبيه حيل ناعم .. ​

أسراء : وشعرج تبين تسريحة ولا أسوي لج تكسير وبف صغير ​

فاطمة : أمممم لا سوي لي ستريت وبس .. مابي أخب عمري اصلن ماراح أطول ببارك لها وبعدها بطلع من البيت​

أسراء : أوكي ماشي ​

..​

^^​

بدت أسراء تشتغل بويه فاطمة وتحطلها مكياج .. وبعد ماخلصت مكياجها بدت تسوي شعرها .. وبهاللحظة ​

علي ( بعد ماطلعت من الفرع لحقت السايق ومشيت ورى فطوم .. ماقولكم كنت شاك فيها ... بس لاني كنت خايف عليها .. ويوم أصرت اني ماأوصلها راح فكري بعيد شوي .. بعد ماتطمنت وعرفت انها في بيت رفيجتها قلت أرد البيت .. لفيت ويهي ولا أشوف الجيس .. مادري شلي كان يمنعني أني أبطل الجيس .. بعدها رحت بيت أشواق .. البيت كان مظلم .. صارلة جم يوم مظلم .. معقولة اشواق ليلحينها عند بيت أم احمد .. ماتوقع .. خايف صار لها شي .. لازم أسأل أم أحمد عنها .. لازم .. اكيد عندها خبر .. على الأقل قلبي يتطمن .. دقيت على أم أحمد ورحبت فيني .. قتلها أبيج بموضوع بس كانت مشغولة .. قالتلي بعدين تتصل فيني .. رديت البيت وانا متظايق .. مادري ليش قلبي كان يعورني .. حاس بيصير شي مو زين .. بس شنو مادري .. )​

............................................................................................................................​

( صالون شارمل جمعية القادسية .. )​

أشواق ( رحت الصالون عشان أزهب نفسي حق عرس عادل .. وبعد ماأخلص شغلي برو أمر أمي أسلم عليها .. صارلي فترة قاطعه عنها .. المهم .. خلصت شغلي من الصالون والله يعطيه العافية عادل .. حطلي هالسايق وحيل ريحني .. وصلت السجن عند أمي ونزلت الغرفة المعتادة .. قعدنا نسولف انا وأمي )​

​

برب لحد يرد :eh_s(7):​

 

[زهراء*]

أم فيصل : ماشاءالله يما صايرة تهبلين تطيحين الطير من السمى ​

أشواق : يما آآ لاتبالغين ترى أحرجتيني ​

أم فيصل : هههههه .. فديت الي يستحون والله .. شافج علي ​

أشواق : يما أأ لاتعكرين مزاجي .. قتلج أنا وعلي أنتهينا ​

أم فيصل : ماعاش من يعكر مزاج بنتي .. عيل ماقتيلي عرس منو بتروحين​

أشواق : هاا .. اي هاذا عرس وحدة من البنات الي اعرفهم ( ماقدرت أقول حق أمي اني بروح عرس عادل .. اكيد بتتظايق .. خاصة انا عادل أهو الي ساعد أبوي بقضية أخوي فيصل )​

أم فيصل : الله يهنيها ويسعدها أنشاءالله .. أنزين أنتي شلونج شخبارج .. ​

أشواق : والله الحمدالله عايشة بالدنيا .. بس ماراح تكتمل فرحتي ألا لمن أطلعج من هالمكان​

أم فيصل : خلاص يما .. أنا راحت عليي .. انتي الحين عيشي حياتج ولا تفكرين فيني .. انا الحمدالله مرتاحة ​

أشواق : يما آآ .. أنتي اذا جذبتي على نفسج ماراح تقدرين تجذبين علي .. أنا أدري انج تتمنين تطلعين اليوم قبل باجر من هالقفص الي محكورة فيه .. بس لاتحاتين ... انا وعدتج أني ماراح أخليج ولا راح أتركج .. كلها جم يوم وبطلعج وبتعيشين معاي وبنعوض هالأيام الي راحت علينا ​

ام فيصل دمعت عيونها : آآآه الحمدالله أني عرفتج وشفتج يا يما آآ قبل لا أموت ..​

أشواق : أسم الله عليج يما من الموت .. لا تقولين جذي .. يعل يومي قبل يومج ​

أم فيصل : لا يما .. مابي أنفجع فيج .. ​

أشواق : الله كريم يما .. أممم .. يلا انا ألحين تأخرت على العرس الساعه صارت 7 أشوفج على خير ماما ​

أم فيصل : الله وياج .. بحفظ الرحمن يما ​

^^​

أشواق ( طلعت من السجن وركبت السيارة .. قلت حق السايق يوصلني صالة الحفلة .. وصلت الصالة .. كان قلبي يرقع حيل مادري ليش .. أول مرة أحظر حفلة عرس .. الأجواء كانت صاخبة .. صوت الاغاني مكتسح المكان .. والبنات والحريم يتمايلون بأجسامهم ويرقصون .. مادري ليش حبيت أني أرقص بين البنات .. بس كنت أحس أنا في شي ناقصني .. انا مو مثل باجي هالبنات .. وتمت الأجواء صاخبة لين دشت العروس .. ماشاءالله العروس كانت قمة الجمال .. مكياجها خفيف ونفنوف عرسها يلفت حيل .. وبعد ماقعدت العروس المعازيم قاموا يسلمون عليها .. حبيت أبارك لها بس هم أستحيت .. المهم رحت الحمام أعدل حمرتي .. وانا اعدل حمرتي ولا أصادف فاطمة اخت علي .. صرت مثل الهبلة .. حاولت ألف ويهي يمين يسار عشان ماتشوفني وتقول حق علي بس ماقدرت أغطي ويهي عنها مثل ماغطيتة عن علي .. حطت عينها بعيني وحسيت شرار حقد يتطاير من عيونها .. ولا تقولي بنفسية )​

فاطمة : هاذي أنتي ​

أشواق : هلا فاطمة شلونج​

فاطمة بنفسية : زينة ... أنتي شيايبج مني​

أشواق : انا .. أنا ( ستوب .. مابي أقط كلمة وأتحسف واندم عليها .. سكت ومارديت عليها .. أكتفيت باني عدلت حمرتي وطلعت من الحمام .. وانا طالعه ولا فاطمة لاحقتني .. فجأة ولا تمسكني من أيدي وتدزني على الطوفة .. )​

فاطمة وأهيا مشرعه عيونها على الآخر : أهيا كلمة وحدة .. طلعي من حياه علي أخوي .. فاهمة ولا لآ​

أشواق : فاطمة شفيج ​

فاطمة : شفيني .. لج عين تقولين شفيني .. من دخلتي حياه أخوي ووانتي عافسة بيتنا فوق تحت .. بعدين على فكرة علي اخوي يحب وحده ثانية وراح يتزوجها عن قريب .. وانتي كنتي مجرد نزوة له ​

أشواق ( ماصدق .. أكيد قاعد تجذب علي .. اكيد .. نزلت دمعي على خدي ولا أمسحها وأقولها بكل كبرياء ) : علي يحبني ومستحيل يحب وحدة ثانية غيري ..​

فاطمة : أنتي هييي .. شنو هالثقة هاا .. ( تذكرت أنا عندي صورة حق علي ودلال .. قلت أحرق قلبها وعشان تصدق الجذبة .. طلعت الصورة وحطيتها جدام عيونها ) : تمقلي عدل .. شوفي عدل .. هاذي الأنسانة الي أخوي راح يتزوجها ..​

أشواق ( مادققت بالصورة عدل .. بس شفت علي ماسك أيد وحدة ثانية غيري .. معقولة أكون نزوة بالنسبة حق علي .. معقولة علي مايحبني ... معقولة كان يقزرها عليي وانا مادري .. وخرت التلفون من جدامي .. وركضت برا الحمام وانا أبجي .. ركبت السيارة وانا أبجي وأبجي وأبجي .. وصلت الشقة ودشيت بجالة هستيرية .. قعدت أصارخ بأعلى صوتي )​

ليييش .. ليش تسوي فيني جذي .. حرام عليك الي سويتة فيني .. انا حبيتك .. آآه ... لأ .. لأ .. أنت حطمتني علي .. اكرهك .. أكرهكم كلكم .. كلكم انذال .. حالك حال كل ريال يشوفني .. مهزومة مذلولة .. أكيد قلت هاذي تنفع أقزرها عليها .. لاعندها سند ولا ظهر .. بس أنا أراويك .. والله لحرق قلبك مثل ماحرقت قلبي .. آآخ يماا آآ .. أنا عمري ماراح أترقع .. الله ينتقم منك ياعلي .. الله ينتقم منك أننشاءاله .. ​

^^​

( بالعرس )​

فاطمة ( آآخ الحين حسيت براحة مو طبيعية .. اكيد بعد الي شافتة مستحيل تقرب من علي مرة ثانية .. أووف مابقيت أفتك منها .. خل اروح أبارك حق دلال .. اممم .. الحين انا ماحتاج دلال .. خل أغير خطي عشان ماتوصلي .. مالي خلقها بعد الحين تجلب فيني .. أهم شي .. أنا غبية .. البنت تزوجت شتبي بعلي .. هههههه .. تشوشت افكاري ... ^^ رحت سلمت على دلال وقتلها عن الي صار .. أستانست .. وبعدها ركبت السيارة مع السايق ورحت البيت عشان لا أتأخر .. )​

............................................................................................................................​

( بيت أم أحمد )​

طق جرس البيت ​

أم أحمد : يما روح بطل الباب هاذي أكيد أختك وريلها ​

أحمد : حاظر يما .. ​

راح احمد وبطل الباب .. سلم على جوان وجراح : حياكم الله ..​

​

برب لحد يرد ​

 

[زهراء*]

:eh_s(9)::eh_s(9):

جوان : واااي ماما أشتقلت لج ​

أم أحمد : يما يالعيارة .. ​

جوان : ماما والله أشتقت لج ..​

أم أحمد : حبيبتي والله وانا أشتقت لج بعد​

جراح : شلونج خالتي شخبارج ..​

أم أحمد : الحمدالله تمام .. وانت شلونك يما .. شلون الوالد واختك ..​

جراح : والله الحمدالله كلهم يسلمون عليكم ..​

أم أحمد : الله يسلمهم ​

أحمد : شلونك انت يالنسيب .. ​

جراح : الحمدالله تمام ..​

أحمد : ههههه .. ليلحيني مو مستوعب انا جوان أختي تزوجت .. هههههه​

جوان : ههههه .. وانا بعد .. الفال لك أنشاءالله .. بنشوف عيالك ​

أحمد : هههههه .. أنتي بتصيرين ماما عودة وانا ليلحيني ماتزوجت​

جراح : مالكم شغل فيه .. أنا راح أخربة وأخليه يتزوج بس خلوه عليي .. ​

جوان : ههههههههههههه​

( بعد ماسولفنة حطت أمي العشى .. ياني مشتاقة حق اكل أمي .. ههههه .. كلها يوم واحد وفقدت اكل أمي شلون باجر لي سافرت .. الطاولة كانت متروسة أكل من مختلف الأصناف .. دبيتها بالعشر زين ماكليت الصحن والقفشة .. جراح كان يشوفني ويظحك .. احسة يقول بقلبة شلي بلشني بهاذي .. المهم بعد العشى يابت أمي الجاي والحلو .. قعدنا نسولف ونسولف ونسولف لين صارت الساعه 12 .. مابقة شي على طيارتنا .. الطيارة تطير الساعه 2 .. أستأذنا من أمي وسلمنا عليها قبل لانروح .. احمد وصلنا المطار وودعنا هناك .. حدي متحمسة حق شهر العسل .. والي متحمسة له أكثر أنها بتكون الضربة القاضية حق أشلي وأبوها .. وصلنا المطار وصعدنا الطيارة .. وطارت فينا حق نيويورك .. )​

............................................................................................................................​

( بيت هوازن )​

هوازن قاعدة بالصالة تشوف تلفزيون ولا مشاري يقعد يمها​

مشاري ( أتكلم ولا ماأتكلم .. أممم .. اخاف أتكلم وتظحك عليي بعد أهيا .. أممم أنا أقول مااتكلم أحسن .. لا لا خل تتكلم .. أنا أبي حل سريع ومحد راح يقدر يساعدني غير أمي .. )​

هوازن : مشاري شفيك قاعد تطالعني .. قول الي عندك ادري عندك كلام بس خايف تقولة ..​

مشاري : هاا .. انا .. لا لا ماعندي شي ..​

هوازن :تكلم لاتخاف ترى مابي اعظك​

مشاري ( بسرعه غيرت الموضوع .. ) : انا بشتغل ​

هوازن : تشتغل .. وين بتشتغل .. ومنو بيشغلك وأنت ماعندك شهادة​

مشاري : أنتي بس قوليلي موافقة أني اشتغل وأنا بدبرها ​

هوازن : كيفك يما سو الي تبيه .. بس ماقتلي وين بتشتغل ​

مشاري : أنا أعرف واحد يشتغل بالبورصة وعندهم شركات تتبنى المبتدئين مثلي .. والي يشوفون عنده خبرة فطرية مثلي يشغلونة عندهم .. أنا خلاص زهقت من شي أسمة دراسة .. لاتقوليلي صير جامعي ... عندج ثنيان .. سوي فيه الي تبين .. خليه جامعي خليه دكتور خليه مهندس بس انا رجاءا بعدي عني ​

هوازن : ههههههه .. خلاص يبا .. سو الي تبي .. أمممم بس مو هاذا الي كنت تبيه .. تكلم بكل صراحه .. شنو مشكلتك​

مشاري : خلاص بتكلم .. بس المشكلة مو مشكلتي .. مشكلة رفيجي حيدر ​

هوازن ( سكرت التلفزيون عشا ن أقدر أسمع مشاري وأتفاعل مع موضوعه ) : يلا قول انا أسمعك​

مشاري : والله مادري من وين أبتدي ​

هوازن : ليش شصاير ​

مشاري : حيدر قاعد يمر بحالة صعبة جدا .. وحالة حرجة بعد وتحتاج تدخل من القوات الخاصة .. ​

هوازن : مشاري تكلم عدل من غير مطنزة​

مشاري : اوكي اوكي .. المشكلة أهيا انا حيدر يحب وحدة .. ​

هوازن : أنزين ​

مشاري : وأخو حيدر يحب وحدة ​

هوزان : وبعدين​

مشاري : يعني حيدر يحب نفس الوحدة الي يحبها أخوه .. بس أهو كان يحبها قبل لا أخوه يحبها .. بس كان يكابر ومايعنرف بهالشي حق أحد لانة كان يخاف يطيح بهالتجربة وتكون فاشلة .. ولانة كان يحس انا هالشي راح ينزل من قدرة ومن مكانتة الأجتماعية .. وهالبنت الي يحبها حيدر كان يطالعها بنظرة مو زينة .. كان يظن أنها لعوبية وتبي تكسر راسة بس .. بس مع الايام لمن أبتعدت عن عيونة حس بقيمتها وقلبة بدى ينبض لها .. وحس انا يحبها .. وحيدر أول مرة يجب .. يعني ولا عمرة كلم بنت ولا عمرة حب .. ويوم طاح بقفص الغرام طاح بالقفص الخطأ .. والخطأ انا أخوه يحبها ويفدي التراب الي تمشي عليه .. وتغير وغير نفسة بس عشانها .. ( تنهدت وماقدرت أكمل .. حسيت أني مخنوق .. )​

هوازن : قمر .. ​

مشاري ( رفعت راسي وانا مصدوم .. سكت ماعرفت ارد على أمي )​

هوازن : تحب قمر .. ​

مشاري ( آآخ ماقدرت أعترف بهالشي حتى حق أمي تميت ساكت .. )​

​

​

​

برب​

 

[زهراء*]

:eh_s(9)::eh_s(9):​

​

هوازن : شوف يما الواحد لمن يحب ويكبت في قلبة راح يتعذب واحد وهالشي موزين .. وانا ماأقدر أقولك أترك حبك حق قمر عشان ثنيان .. ومثل ما ثنيان ولدي أنت بعد ولدي .. بس هالشي يتوقف على قمر .. قمر الي لازم تختار مع منو تبي تكون .. وأذا قمر أختارتك أنت ثنيان راح يزعل يوم .. يومين .. وبعدها راح يتقبل الواقع .. بس أنت لازم بالأول تحدد مشاعرك اتجاه قمر .. لازم تعرف أذا كنت صج تحبها ولا هاذا مجرد أعجاب فيها ..​

مشاري ( بدون تعليق .. حطيت راسي بحضن امي وغمضت عيوني .. قعدت أمي تمسح على راسي مثل ماكانت تمسح على راسي وانا صغير .. وبصوت هادي .. )​

أحبها يما .. أحبها بجنون .. بس ماقدر .. ماقدر أحبها .. مابي أحبها .. أنا قتلها اذا تحبيني وتعزيني لاتكسرين قلب ثنيان .. يما ثنيان قلبة راح ينكسر أذا عرف أني احبها ​

هوزان : لا تقدر وكل شي بيدك .. ​

قاطعها مشاري يما آآ .. أنا وايد قسيت على ثنيان .. وهالمرة بس حسيت اني سويت له شي .. هالمرة بس حسيت اني راضي عن نفسي ​

هوازن : بس بهالطريقة أنت قاعد تظلم أخوك مو قاعد تساعده وتسعدة .. اذا قلب قمر معاك وأهيا مع ثنيان هالشي بيظايق ثنيان​

مشاري : أنا لازم أبتعد عن حياه ثنيان وعن قمر .. وبهالطريقة ماراح أكسر قلب أحد وراح ترتاح نفسيتي ​

هوازن : لو تروح لآخر الدنيا ماراح يتغير شي .. فكر عدل بالموضوع وقرر .. ودام قمر تحبك لاتخسرها .. وبعدين تندم ​

مشاري ( برتاح من هالهم والعذاب .. أبي أنام ومابي أقعد .. يارب ساعدني .. ساعدني .. )​

..​

^^​

( غرفة ثنيان )​

ثنيان : شلونج حبيبي ​

قمر من غير نفس : زينة ​

ثنيان : طافج لاخر الأخبار ​

قمر : شنو​

ثنيان : مشاري طلع يحب ​

قمر : ومنو ​

ثنيان : مادري .. بس اليوم جكيتة أنا يحب قاعد يدز مسجات حب حق وحدة​

قمر : أنزين​

ثنيان : شفيج مريضة .. احسج مو على بعضج​

قمر : لا ولاشي ​

ثنيان : مشتاقلج حدي ​

قمر : أمممم​

ثنيان : متى أبوج وأمي يتزوجون عشان كل يوم أشوفج جدام ويهي ​

قمر بتصنع : هههههه .. اي ​

ثنيان : أمممم .. جنج تعبانة .. اخليج أحسن وبعدين أكلمج​

قمر : اي عفية ثنيان .. سوري بس حدي تعبانة .. ​

ثنيان : أسم الله عليج من التعب .. يلا عيل حوبي تصبحين على خير ​

قمر : وانت من هلة ​

.. ^^​

بعد ماسكرت اللتفون ​

قمر ( رحت عند المنظرة وشفت أنعكاسي عليها .. قعدت أكلم روحي مثل الهبلة .. : وبعدين .. لين متى بتجذبين .. اليوم .. باجر .. الي عقبة .. بعد شهر .. بعد سنة .. أصحي ... أصحي على دمج يابنت .. ثنيان لازم يعرف أنج ماتحبينة بأي طريقة .. بصوب ثاني مشاري ووعدي له .. أذا عرف أني احب مشاري .. مشاري راح يكرهني ويعصب عليي .. أنا لازم ألقالي طريقة اتخلص فيها من هالهم الي شايلتة على ظهري .. ماكو ألا حل واحد .. اي لقيت الحل .. )​

............................................................................................................................​

حيدر : خلاص ترى دقت حنان وقالت انها سلمت المشروع حق الدكتورة حنان وألحين أرقد وآمن​

علي بظيقة : انشاءاله .. يعطيهم العافية البنات والله كلفنا عليهم ​

حيدر : لا شدعوة .. أممم .. شفيه صوتك جذي​

علي : والله متظايق بوعلي .. الحين هاذا 3 يوم لاحس ولا خبر من البنت .. مادري شصار لها فجأة أختفت .. الجهاز مغلق والبيت مظلم .. ماني قادر أحس اني بصير مينون​

حيدر : يمكن نايمة عند الجيران .. انت موتقول أنها متربية عندهم​

علي : مو هاذا اهو .. دقيت على أم احمد أبي أتطمن عليها بس قالتلي انا مشغولة ... مادري أدق عليها الحين .. بس موجنة فشلة أدق هالحزة فيها احراج​

حيدر : لا لا .. من صجك تدق .. حدا فشلة .. الساعه 1 وين تدق على المرة ..​

رن تلفون علي خط ثاني​

علي مثل الأهبل : حيدور يلا هاذي اهيا شوي وأكلمك ​

سكر حيدر التلفون​

​

​

​

برب​

 

[زهراء*]

:eh_s(9)::eh_s(22):

علي : ام أحمد عفية قوليلي أنا أواق عندكم صارلي جم يوم اطق باب البيت وأتصل عليها الجهاز كلة مغلق​

أم أحمد : هااو .. ماقالت لك .. دزت رسالة حق جوان قالت انها عند وحدة من رفيجتها ​

علي : لا ماقالت لي .. منو هالرفيجة تعرفينها​

ام أحمد : لا والله يما .. ​

علي : أنا خايف صار لها شي لاسمح الله​

أم أحمد : لا لا تحاتي .. أشواق تربية أيدي شقردية ماينخاف عليها .. يمكن حبت تغير جو .. بعد لاتلومها .. الأم بصوب والأبو بصوب وامك ب .. ( وقطعت كلامها )​

علي : أمي شفيها ​

أم أحمد : أمك .. آآخ يما أشواق نظر عيني .. امك ياتني البيت وقعدت تهدد فيني وتقولي خل بنت الشوارع تبعد عن ولدي .. وراحت كسرت باب البيت على البنت وعطتها كف .. ​

علي : اي أدري صار وانا أعتذرت لها عن امي ..​

أم أحمد : يما علي .. انا مابي أسبب المشاكل في بيتكم .. بس أشواق هجت بسبب أمك .. ماحبت تسوي مشاكل بينك وبين أمك .. أنت أقنع أهلك على أشواق وأخطبها .. ترى حرام البنت تعتبر يتيمة وحرام عليها الوالدة الي قاعد تسويه بالبنت .. ​

علي : أنا بس لو اعرف اهيا وين .. ​

أم أحمد : لاتحاتي يما .. انت الحين أرقد وآمن .. وين بتروح يعني أكيد باجر ولا ألي عقبة بترجع البيت​

علي : أنشاءالله .. آسف على الآزعاج أم أحمد بس أي شي تعرفينة قوليلي ​

أم أحمد : من عيوني يما .. يلا تصبح على خير ​

علي : وانتي من هلة​

^^​

بعد ماسكت اللتفون من أم أحمد .. نزلت من السيارة ونزلت كتبي معاي .. وتليت الجيس مال دلال .. من الظيقة الي فيني بقيت أقط الجيس بزبالة الشارع .. بس قلت خل اطل وأشوف شنو فيه بالأول ​

فتحت الجيس شفت تلفون أشواق .. و رسالة ... قريت الرسالة وكان المضمون كالتالي .. : ​

علي مادري من وين أبتدي ولا من وين أنتهي .. كلام وايد بقلبي مادري شلون أصففة بالرسالة .. بس قبل كل شي أبيك تقرى كلامي لي الأخير .. علي انا عمري ماعرفت الحب ولا ذقت طعم الحب الا معاك .. انت أول أنسان بحياتي وبتكون آخر أنسان بحياتي .. احبك كلمة قليلة بحقك .. بس مرات يا علي الظروف تجبر الواحد يتخذ قرارات غصب عنة .. .. أنا قررت أني أبتعد عن حياتك .. وهالشي بيكون حق مصلحتك وحق مصلحتي .. من دخلت حياتك وانت مو قادر توفق بيني وبين أهلك .. وانا مابيك تختارني على حساب أهلك .. الكف الي أمك عطتة لي علمني وايد أشياء .. علمني أني ماكون أنانية .. علمني أني أظحي عشان الأنسان الي أحبة .. أنا بهاللحظة الي قاعد تقرى فيها الرسالة راح أكون قاعدة في مكان أمين .. لاتحاتيني .. بكون بخير ... بس دير بالك على نفسك يانظر عيني .. علي والله أني ماذقت طعم السعادة ألا معاك .. دايما كنت واقف يمي .. كنت لي الأخو والصديق والأبو .. عوضتني عن الحنان الي فقدتة .. من هاليوم راح أبتدي حياة يديدة .. بس هالحياه راح تكون بعيدة عن هالفريج وبعيدة عنك .. راح يكون أول هدف بحياتي اني أعتمد على نفسي .. أبي أشتغل وأعيل نفسي .. وهدفي الثاني أني أطلع أمي من السجن .. انا حاسة أني راح ألقى خيط يدلي على اهل الضحية .. خلك من هالكلام كلة .. أدري اني زعلتك مرات .. وخليتك تتظايق مني مرات بس سامحني .. علي كلمة أخيرة .. لاتنساني لاني مستحيل أنساك .. وأبيك تحط في بالك انا قلبي ماراح ينبض لغيرك .. وبختان رسالتي حبيت أقولك لاتوقف حياكة .. ههههه تذكرت فوق السطح يوم قعدت أعلمك تحييك الصوف .. فصلت عليك .. ابيك تحيك قد ماتقدر .. عشان كل ماتحييك تتذكرني .. علي أتمنى لك السعادة بحياتك .. واتمنى تلقى شريكة حياتك الي بتسعدك .. مع السلامة يا حب حياتي .. علي .. )​

علي ( لا لا .. أشواق ماراحت .. ماراحت .. وانا أقرى الرسالة أيدي قامت ترجف ..و بكل كلمة دقات قلبي تزيد .. مو مصدق انا أشواق راحت وخلتني .. لا ماراحت وخلتني ... ليش أشواق .. اهون عليج .. يهون عليج حبنا يظيع .. حرام عليج الي سويتيه فيني .. نزلت من السيارة وأنا مو حاس بروحي .. كنت بس أحس بدموعي الحارة .. شفت أمي قاعد بالصالة .. قربت منها وصارخت بأعلى صوتي .. أشواااق .. أشواق راحت وأنتي السبب .. أشواق خلتني وراحت .. أشواق راحت وماراح ترجع .. أستانسي ألحين يا يما آآ أستانسي .. حسيت هالصرخة ماكفت أنها تبرد الغليل المشتعل بقلبي .. طلعت وركبت سيارتي .. قعدت أسوق السيارة بسرعه جنونية وانا موحاس بعمري .. مو حاس بالسرعه الي وصلت لها .. وقعدت أسوق واسوق السيارة .. وصوت أشواق وصورتها الشي الوحيد الي مافارقتني .. سرعتي عدت ال 200 .. لساني مانطق غير بكلمة وحدة أشوااااااااق .. أشواااااااااااق .. ماقدر أتحمل صدمة ثانية .. ليش لييش .. تميت دايس ودايس ودايس .. )​

فاطمة وأهيا تبجي : يماا آآ علي طلع وأهو متظايق وأنا أعرفة عدل الحين راح يدوس بالسيارة أنا خايفة يصير فيه شي ​

أم علي : مالج شغل فيه .. ولدي أعرفة بيزعل يوم يومين وبعدها بيرجع حق حالتة الطبيعية .. نسيتي الي صار مع دلال ​

فاطمة : يما دلال غير .. وأشواق غير .. أشواق كل شي بالنسبة حق علي .. أنتي ماتشوفينة شلون يطالعها .. أنتي عمرج ماراح تفهمين هالشعور .. يما أنتي ماعندج أحساس .. أذا صار بعلي شي أنتي السبب​

أم علي : فكيني زين .. يعني شنو تبيني أسوي ألحين أروح أبوس ريولها وأترجاها أنها تردلة​

فاطمة : أنتي السبب يماآآ .. دايما كنتي تخلينة نطالع الناس من فوق .. كنت ألوم علي لانة حب أشواق .. بس الحين أنا عرفت ليش علي أختار أشواق .. دلال كانت من أختيارج .. انتي الي جبرتي علي انا يتعلق فيها .. ويوم تعلق فيها صار الي صار .. وكل هاذا ليش .. لانج تعرفين بسوالف بنت رفيجتج وتبين تسترين عليها .. ومنو كان الظحية أخوي علي .. بس أشواق على الظروف الي كانت تعيشها كان قلبها أبيض ونظيف .. هالشي الي خلى علي يحبها .. بس انتي ماتهتمين الا حق المناظر حرام عليج يما آآ تقيمين الناس عشان مستواهم المادي والأجتماعي .. كلنا عيال آدم وآدم من تراب .. وبعدها ترستي راسي بأفكار عن البنت وصدقتج .. وخليتني أظن أنها بنت شوارع مثل ماكنتي تقولين .. بس طلع العكس .. انا الغبية ألي طعتج .. المفروض كنت أوقف مع علي وأحترم قرارة .. .. ​

ام علي من غير اهتمام ماسكة الريموت كنترول وتغير بالقنوات : تعالي بس قعدي شوفي معاي هالتمثيلية وايد حلوة .. وخليج من هالكلام وهالخرابيط​

فاطمة : واااي .. قلبج بارد .. (صعدت غرفتي وسكرت الباب .. قعدت اتصل على علي بس جهازة كان مغلق )​

​

:eh_s(22)::eh_s(22):​

 

[3115]

اااااح يابعد عيني علي اروحله فدوا بس يستاهل واللله اعصاابه باارده لو شايف الجيس من اول جان تتغيرت السالفه ااخ يقلبي عليك

وني حق السبع مشااااري
وااي وااي يومه كلاامه يقطع القلب وربي سبع والله رجل والرجال قليل يابعد روحي

وجوان وااشلي الله يستر منهم

فطووم مال عض هاذي تلعب ع الحبلين بنت اللذينه والله بنت امها الخايسه راحت اقهرت اشواق المسكينه وااخر شي تقول حراام خنت حيلي يا اشواق ما تستاهل والله

وعلي شكلا رااح يدور اشوااق وااخر شي راح يروح السجن حق امها ينطرها مناك

 

[smile mori]

وااااااااااي روعة حدها القصة عجييييييييبة

استمري بنتظارها كاملة

وياريت تكون بصيغة txt

 

[Dashtawya]

روعه كملي اب اب اب

 

[كلي أحزان وهموم]

عجييييييييييب الباااارت زهووور تسلم اييدج عليه
كسر خاطري علي حرام يحب اشواق من قلب حرام يضيع حبهم
واااي صج عواار قلب وبالنسبة حق مشاري طلع توقعي صح انا قلت اهو يحب قمر *_*
كمممممممملي نااااطرييينج

 

[Ms.MrMr]

اخيييه جد جد عورتي قلبي الله يستر على علي مادري شنو راح يصير فيه

وام علي مو من صجها اكييد راح يصدمها وتندم على الي سوته

بو علي شكو بهوازن احس هم له سر بالموضوع اهوا شكو كيفها

وقمر لا تصير جذي خل تقول تبي مشاري وماتعلق ثنيان يوم يومين وينسى ان شاءالله

خاصه ثنيان وايد طيب ومتفهم

الله يخليييييييييييييج لا اطووووووووووووولين

اب اب اب
اب اب
اب

 

[دلعي انا نادر]

اب اب اب اب اب اب
اب اب اب اب اب اب
اب اب اب اب اب اب
اب اب اب اب اب اب
اب اب اب اب اب اب
اب اب اب اب اب اب
اب اب اب اب اب اب
اب اب اب اب اب اب

 

[ام ناصر 80]

وينج حبيبتي طولتي وايد. اب لعيونج*

 

[حضريه وااايد]

This is something that I can't forget



very nice


Thanks​