[لاتمثلين احتياجج لي وانتي بحضن غيري مقزرتها ] بقلمي .,

[Doza karoza]

ههههههههههههههههههه. الحين فهمت منو عمر ماشفت البارت. ههههههههههههههههههه @@ من وين طلع عمر. هذا بعد هههههههههههه بس زين تسوي قمر خل تفلها توخر عن مشاري وثنيان احسن لها عشان لاتصير بينهم الاخوان عداوة عشان بنت. قمر دقي على عمر ناطر اتضالج حرام ههههههههههههههههههههههههههههههههههههههههههههههههههههههههههههههههه. بنسبة حق بوعلي الطاهر اشترى بيته القديم مرة ثانية يوم انسجت امها واشواق بعد. التعب انها حضلت العنوان عشان امها اانصدمت من ابو علي. لؤؤل جراح مات. للاسف الله يعينها قمر. كمللللللللي زوؤؤز

 

[واحشني مووووت]

بسم الله الرحمن الرحيم
​

قمر:أمبيه هالبنت مو من صجها بدعت نسره نسره/قطيعه أم الرياييل بس تدور الجمال.
عمر:أخ من هالعمر أحس سالفته طوييييييله الله يستر.
دلال:قطيعه تقطعها بنت الفقر شنو هذا!!!!!!!!.:rgewrg:
عادل:صج صج سبحان مغير الأحوال الله يتمم عليه.
جوان:مسكينه الله يفك عوقها.
علي:مسكين بس أحس راح يحصل أشواق متأكده.
فاطمة:عيشي بتأنيب الضمير تستاهلين انتي ويا امج بعد مو بس امج.:rgewrg:
ثنيان:امبييييييييييييييييه بدع بدع فقير ما الومه محروم.
أشواق:فقيرة هالبنت صج صج الله يعينها.:eh_s(16)::eh_s(16):​

 

[فاطمتي]

لا يوقف لا يوفق..الاحداث مشوقة حيييل....لا تخلينا ننطر واايد

 

[mss.86oo6a]

up up up up up up up up up up up

 

[retaaaj]

واااااو البارت روعه

اشواق راح تنصدم اذا درت ان ابو علي ورا كل هالسوالف

قمر شكلها راح تشوف عمر مره ثانيه وشكلها راح يصير فيها شي لما تدري عن اخوها

مشاري اتوقع ما يرضا ان يصارح اخوه عشان ما يخسره

فاطمه اتوقع راح تقول حق علي عن اللي سوته ب اشواق

وبسسس

 

[كلي أحزان وهموم]

واااي زهوور ماوقفتي ألا عند اللحظة الحاسمة على قولتهم *_*
يالله بعد شنسوي بننطر لوول جراح صج صج مات مو مستوعبة خاف بغيبوبة وقاصة علينا @@ وجوان مسكييينة اللله يعينها والله وعلي وأشواق انشاللله يردون لبعض ويتزوجوون والله أحداث البارتات تعووووور القلب بليييز لاطوليييييييين نبييي بااااارت بعدين امتحانات زهور الكل بينشغل

 

[miss 3yara]

waiting

 

[أغلى حبيبه]

وينج يا زهوووور

 

[retaaaj]

..... Waiting

 

[MiSs^^3OoBa]

الووووووووووووووو^__^
انا متابعه جديده لروااايتج بالاول كنت اشوفها واحسسه عاديه ماجذبتني ولما قريتها. شنوو عليج خياااااااال والله قصتتج. رووووووعه. ماشاءالله عليج شلون تربطين لاحداث وانا ااقراه من البدايه كل. ششوي منصصدمه. صصدمتيني. صج كلهااااا القصه مفا جأت عمري ماقريت قصه نفسسسه اكثر شي صدمني انه بوعلي طلع يحب هوازن ووحااااقد عليهاايبوووووووووووووي مخيي فترررررررررررررررررر. تكففففففففين لاتصميني وتقولين جرااااااح مات اذا جذي حطي لي بااارت خااص فيني انه عاايش. لووولممبببببببدعــه زهراء. نااطرتج. تكفيييييييييبن لاطولين متحمسه اعرف شصار بجراح وجوان. قولي انه جراح انشششل بس لايموووت

 

[Engineer A]

Waiting

 

[واحشني مووووت]

up
up
up
up​

 

[om sa3ad]

ناطرينج

 

[زهراء*]

البارت الخامس و الاربعون​

:$:$​

.,​

^^​

​

أشواق ( وأخيرا .. وأخيرا .. حسيت أنها راح تفرج عن أمي أنشاءالله .. بس يارب لاتصدمني ويطلعون بعد بايعين البيت .. كافي صدمات اليوم .. والله راح أطيح طيحة شكلي ماراح أقوم منها .. تبطل باب البيت ولا صج أنصدم ................... )​

: عمممم .. عممم .. عمييي بوعلي​

بوعلي بصدمة أكبر : أشواق ​

أشواق تأشر على البيت ودموعها أربع أربع : هاذا بيتك .. بييييتكم .. ههااا .. هااذا .. بيتك أنتت .. ييععع .. يعني أنت ساكن هنيييي​

بو علي : اي يبا ها1ا بيني .. البيت القديم بعتة وسكنت بهالبيت .. قلت أغير جو بعد عقب الي صار حق علي البيت أعتفس وصار البيت ماينطاق .. يبا ليش تخليتي عن علي .. شفتي شصار فيه بدونج​

أشواق ( ليلحيني متشوشة .. اطلعه وأبجي .. شصار على علي بدوني .. والله أنا حتى انا ماقدرت أعيش من غيرة .. بس الحين ماني قادرة أصدق عيوني .. بيت علي .. معقولة أمي تكون ذابحة أبو علي وهاذا مو أبو علي زوج ام علي وقالوا له أنا بو علي .. ايييه والولد الأشقر والي عيونة ملونة أكيد أكيد علي .. أكيد علي .. وينة علي .. وينة ) ​

عمي وينة علي وينة علي ​

بو علي منزل راسة : بالصالة .. روحي يبا يمكن لمن يشوفج تتحسن حالتة ​

علي : يبا منو عند الباب .. ​

أشواق ( أخيييييه .. أخيييييه ياعلي .. منو عند الباب .. انا أشواق الي عند الباب .. والله كلي لهفة وشووف أبي أشوفك بقط روحي بحظنك وأبجي ياعلي .. ماتدري أنا شنو ذقت من بعد فرقاك .. ركضت أدور مصدر الصوت .. ركضت أدور علي .. ركضت ولا أتعثر بعتبة الدري الي ماشفتها .. ورديت قمت على حيلي أدور مصدر الصوت .. لفيت يميني ويساري مالقيت أحد بالصالة .. )​

علي ( أشواق .. آخ ياقلبي آآخ .. سمعت صوت خطواتها .. سمعت صوت نفسها .. سمعت صوت دمعاتها .. أييه أهي أشواق .. بسرعه حركت الكرسي وطلعت من الصالة .. تعثرت وطاحت على الأرض وتعثر قلبي معاها .. حز بخاطري أني ماقدرت أقوم على ريولي وأظمها لصدري وأقولها أسم الله عليج تعورتي يابعد هلي .. تعورتي يانظر عيني .. بس ماقدرت .. حسيت أني عاجز ومنكسر .. مابيها تشوفني بهالحالة .. بس ليلحين مومصدق أنا بحلم ولا بعلم .. أشواق .. شلون .. ومتى .. وليش .. رحت المطبخ أتخبى عن عيونها .. كنت أناظر الحديقة والورود الحمرة والحشيش الأخضر .. وأتذكر عيون أشواق الخضر وخدودها الحمرة .. ولا فجأة أرد وأسمع صوت نفسها المتقطع .. ودقات قلبها ونبضاتة .. لفيت ويهي ولا أشوفها واقفة جدامي .. )​

(لقيت نفسي تمنعني, عن الروحات والجيات والجيات
لقيت الخطوة تسبقني لدروبك يا غالي
ولقيت اني في نفسي كلام بحور و بقوله

ما تكفي نظرة من عينك فيها غرام
ولا بسمة تجرح فيني الاحلام
مابي اسمع من قلبك كفايه كلام

مريت على بابكم مرة,وخذني الشوق,باديني وبادينك
لقيت نفسي تمنعني, عن الروحات والجيات والجيات
لقيت الخطوة تسبقني لدروبك يا غالي
ولقيت اني في نفسي كلام بحور و بقوله

بعد مده, في صدفه, تلاقينا, صارت ايديني بايدينك
ما دريت, ان حبنا, مع الايام بيجمعنا........

مريت على بابكم مرة,وخذني الشوق,باديني وبادينك
لقيت نفسي تمنعني, عن الروحات والجيات والجيات
لقيت الخطوة تسبقني لدروبك يا غالي
ولقيت اني في نفسي كلام بحور و بقوله.
)​

أشواق ( ركضت وطحت على ريولة وقعد أبجي .... شلي وصلك حق هالحالة ياعلي .. آآخ ياقلبي آآآخ .. ليش سويت بروحك جذي .. حرام والله حرام .. توك صغير .. علي ياريتني أنا الي قاعدة على الكرسي مو أنت .. ) : علييي ... عليييي آآه ليش .. ليش ..​

علي : لاتكسرين قلبي أكثر .. لاتنزلين دمعتج جدامي .. تدرين أني أموت ولا تنزل دمعتج .. قومي عن الارض .. أخاف على ريولج .. قومي أخاف تبردين .. قعدي على المساند .. ​

أشواق : عقب كل الي سويتة لك وليلحينك تحاتيني .. خايف عليي .. أنا ماأستاهل .. ماأستاهل .. انا غبية .. انا ثورة .. ماأستاهلك علي .. أنت تستاهل وحدة أحسن مني .. انا السبب بلي صار لك .. انا السبب .. صح .. قولي اني السبب ( وقعدت تطق روحها )​

علي مسك أيدها : بس لاتسوين بروحج جذي .. من قال أنتي السبب .. الي الله كاتبة صار .. وهاذا قضاء وقدر مانقدر نغير فيه شي .. آآخ والله لوتدرين شصار فيني من بعدج .. أشواق طالبج لاتعيدينها .. عطيني الحين وعد أنج ماراح تتخلين عني مرة ثانية​

أشواق طاحت على ريولة / وعد .. مستحيل اخليك والله مستحيل أخليك يانظر عيني .. مستحيل .. مستحيل​

علي : آآآه يارب .. ماتوقعت أني راح ألقاج مرة ثانية .. بس ليش بعدتي .. ليش رحتي .. أنا قصرت معاج بشي .. ظايقتج بشي ​

أشواق / غبية .. والله غبية .. ​

علي / لاتقولين جذي .. ​

أشواق : انت شلي صار لك .. أنت الحين​

علي طق على ريولة : أنا الحين ماأمشي .. ماأمشي ( ونزلت دمعته )​

 

[زهراء*]

أشواق : آآخ يعل فيني ولا فيك يانظر عيني .. يع فيني ولا فيك ​

بوعلي بصوت مبحوح : أشواق .. علي شاف الويل وذاق المر من فراقج .. لاتخلينة يرد حق الحالة الي مر فيها .. أرجووج .. لاتعشمين ولدي وبعدين تتخلين عنة .. ترى يبوج علي أنشان وعنده قلب ومايستاهل الي صار له .. وعديني أنج ماتجرحينة بعد اليوم​

أشواق : عمي علي بعيوني .. وربي بسماه أني مستحيل اتخلى عنه مرة ثانية .. مستحيل أتركة ​

بوعلي / شدي حيلج وخليه يرد يقوم على ريولة .. ​

أشواق : مالك شغل فيه عني عياار ..​

علي : بس الي محيرني .. أنتي شلون عرفتي العنوان .. رحتي عند أمي ​

أشواق / العنوان .. العنوان قصتة ثانية .. أنا ياية عساس أشوف ناس .. نااس عانوا بسببنا .. بس الله أراد أني ألتقي فيك .. يمكن اكفر عن الخطأ الي خطيتة بحقك ​

علي / أشواق لاتزعليني منج ..​

بوعلي / أنزين من وين خذيتي العنوان ​

أشواق : عمي أنا مادري شقولك والله .. مادري من وين أبتدي ولا من وين أنتهي .. أنا .. أنا من ناحية خجلانة منك ومن ناحية عتبانة عليك .. بس بهذاك الوكت ماكنت موجودة وماكنت مولودة .. ابيك تقولي كل شي وبالتفاصيل .. والي راح راح عمي وأدري أنا خسارتكم مو قليلة مهما يكون أكيد كان عزيز عليكم الي راح وأنت صرت بحسبة أبو علي .. ​

بو علي : أشواق يبا .. أنتي شقاعد تخربطين .. ​

أشواق : قبل 20 سنة .. حميد ال .. شنو يذكرك هالأسم ​

بو علي وقف على حيلة وفتح عيونة على الآخر ​

أشواق والدمعه بطر عينها : شنو يعني لك هالأسم​

بو علي : أنتي .. أنتي .. ​

أشواق : علي أهو الي كان بالغرفة صح .. بس ماقدرت .. ماقدرت تقتلة ​

علي : منو وشنو الموضوع .. وانا شدخلني بالقصة .. أشواق شصاير ​

بوعلي خنقتة العبرة .. خارت قوتة .. طاح على الارض وقعد يبجي مثل اليهال : آآه يا محمد ياخوووي .. ماهقيت أحد بيذكر سالفتك .. رحت بغمضة عين وانا السبب .. سامحني ياخوي .. سامحني .. انا السبب ​

علي : أشواق .. شصاير .. يبا شفيك .. ومنو محمد أخوك .. انت عندك اخوو ​

بو علي : أيييييه .. هالشي الي كنت خاشة عليك أنت وأختك قبل 20 سنة .. ​

علي يحاول بصدمة : محمد ... محمد .. .. الي شهادة تخرجة بالصالة .. أخوووك .. @@ .. يبا أنا عندي عم وانا مادري ..​

بو علي : اييه يايبا .. هاذا عمك بس مو من أبوي .. اخوي من أمي .. أنا ظيعته من أيدي أنا السبب ​

علي : شلون يبا .. مافهمت .. ​

أشواق : عمي شصار بالظبط بهذيك الليلة .. قولي شصار ​

بوعلي : قبل عشرين سنة ​

^^ ..... !!​

حميد : الحين شلون .. الولد مات بسبتي .. فيصل ولدي راح بسبتي .. الشرطة أكيد راح تفتح تحقيق وتعرف أني انا السبب .. وأذا سألوني من وين أييب الممنوعات .. انت لازم تلاقيلي حل بو علي ولا ترى أنا راح أجركم معاي .. ​

بو علي : هد أعصابك بو فيصل .. شنو هالكلام .. أنت السبب .. يعني شلون تقط هالأشياء في بيتكم بدون ماتنتبه .. وعظم الله أجرك .. بس ماشوفك متأثر على موت ولدك​

حميد : أوووه .. انا الحين ماهمني الولد .. انا كل همي اني أرتاح .. ​

بو علي : ماقدر أسويلك شي ​

حميد : شلون ماتقدر تسويلي شي .. شلون .. يعني أدش السجن وينحكم علي بالاعدام​

بو علي : هاذا قضاء الله وقدرة ​

حميد : أنا ماراح أسكت .. راح أفظحكم .. راح أفظحكم ​

محمد توة داش البيت وسمع حميد يهدد بو علي ​

محمد : أخوي شفيه هاذا .. منو هالريال .. وليش يهدد يقول بفظحكم .. ​

بو علي : مالك شغل فيه .. المهم قدمت أوراقك عشان تتوظف​

محمد : اي وناطر يردون خبر ​

بو علي : قتلك خلني أمسكك وحدة من شركاتي بس أنت ماتبي .. أحسلك من القطاع الحكومي​

محمد : تسلم أخوي وماقصرت بس انا أبي أعتمد على نفسي ​

بو علي : الله كريم .. ​

محمد : يلا أنا بدش الصالة بلعب مع علي .. فديت ولد أخوي طالع على عمة أشقاراني وعيونة ملونة​

بو علي : هههههه لاتصدق عمرك​

محمد : وانا طالع على أبوي الله يرحمة ​

بو علي : الله يرحمك يا عمي .. اي والله طالع عليه خلقا وخلقا .. ​

محمد : هههههههههه .. يلا عيل عن أذنك​

بعد مادخل محمد البيت ​

بو علي أتصل على عادل ​

 

[زهراء*]

عادل : هلا بالحبييب .. هلا طال عمرك​

بوعلي : هلا فيك عادل .. أقول ياصبي دور لنا صرفة مع هاذا صاحبك حميد .. يبي يفظحنا على قولتة .. ​

عادل : مالك شغل فيه .. هاذا بس كلام .. لا قول ولا فعل .. ألحين أعطيه جم أبرة أسكر حلجة فيها وماراح يقدر يتكلم .. بعدين محد يقدر يمسك علينا شي أنت نسيت أحنا شغلنا كلة برا الكويت .. ماعندنا شي منييه .. بعدين عندنا ربع مع الشرطة بيشيلون الشبهات عنه ولا أنت ناسي ​

بو علي : ايي موناسي ​

بو علي حس بحركة بالحديقة ​

بو علي : أنطر شوي عادل .. جني أشوف حركة بالحديقة ​

( بهاللحظة أم فيصل كانت قاعد تراقب بيتنا .. تقريبا فترة وانا أشوف وحدة تمر جدام البيت .. بس كنت أظن أنها طرارة أو شي )​

بو علي : المهم ياصبي .. انت توك بداية عمرك شتبي مشي مع هالأشكال .. ​

عادل : مستفيدين منه .. مستفيدين منه طالع عمرك​

بو علي : هههههههه .. مو هين طلعت .. صج ذكرني جم عمرك يا صبي ​

عادل : شفيك طال عمرك نسيت .. توني داش بال 25​

بو علي : وراك طريج طويل .. أنت أستمر معاي جذي وأنا راح أخليك تعيش مثل الملوووك .. راح أخليك تلعب بلفلوس لعب .. وراح أخلي أهلك يدعولك ليل ونهار .. بعدين أنا وايد مستفيد منك .. بس بسألك أنت شلون طاوعك قلبك تخون ربعك الشرطة ​

عادل : والله ياريت طال عمرك بدال عيشة الفقر الي أحنا عايشينها .. وعلى طاري قلبي .. لفلوووووس .. لفلووووس تغير النفوووس .. وانا ظبطت جم واحد من الربع عساس يتسترون على عملياتنا من غير لا أحد يحس ​

بو علي كفوو كفوو والله .. يلا عن أذنك ألحين ​

عادل : أذنك معاك​

بو علي ( ومرت الأيام ومرت الاسابيع .. وانا أصدر وأروج بهالمخدرات .. وبهاليوم الي مستحيل أنساه .. كنت متزاعل مع أم علي .. أنا بغرفة وأهيا بغرفة .. وأخوي محمد معاي بنفس الغرفة .. وعلي بغرفتة .. طول الليل ماياني النوم كنت أفكر وأفكر بحياتي شلون بتستمر مع أم علي .. ولا أسمع صوت خطوات بتجاه غرفة علي .. قلت يمكن أمة رايحة تطل عليه .. وبعد دقايق محمد قالي بيطل يتطمن على علي .. ويوم راح يتطمن عليه ولا يصير الي صار .. قتلتة .. ذبحتة وانا السبب .. ذبحت أخوي مثل ماذبحت ولدها .. انا السبب .. لو اني ماسلكت هالطريج جان ولدها مامات .. ظنت محمد أخوي أنا .. ويوم شافت علي ماقدرت تقتلة لانة علي يذكرها بولدها .. بالعكس لمتة وشمت ريحتة وبجت .. الشرطة حققت بالقضية بس الأم ماعترفت بشي .. ماكانت تتكلم .. وحميد وعادل زوروا الأوراق بسبب موت ولدها فيصل عشان تطلع أهيا الغلطانة والحق يظيع معاها .. ولهاليوم وانا مادري شنو حال هالحرمة الي ظيعت ظناها من بين أيدها .. أم فيصل .. مرت حميد .. حية .. ميتة .. بالسجن .. جم مرة حاولت أتنازل عن القضية بس في شي كان يردني .. كل مااحاول أتنازل أحقد عليها أكثر وأكثر .. )​

علي ماتكلم ولا نطق بأي كلمة .. أما اشواق أنهارت​

أشواق : أم فيصل موجودة .. وناطرة أنك تتنازل عن القضية وتخليها تعيش مع بنتها .. حطت أمل عشرين سنة أنها تطلع من الحبس .. دافعت عن ولدها بس ذبحت الأنسان الخطأ .. كان المفروض تكون أنت الضحية مو محمد .. ​

بو علي أستوعب الموضوع : أم فيصل .. حميد .. وأنتي بنتهم .. اييي .. أنتي بنتهم .. أنتي بنت أم فيصل ​

أشواق : اييه أنا بنت أم فيصل .. انا بنت الحرمة الي ظيعت عمرها بالسجن 20 سنة وحرمت بنتها وحرمتها من طعم السعادة .. ( طحت على ريولة وترجيتة ) : أنا مسامحتك عمي .. مابي منك شي .. مابي منك شي .. بس أبيك تتنازل عن القضية وتطلع أمي من السجن .. أنا محتاجتها .. والله محتاجتها .. عشت حياتي كلها بخوف من باجر .. كنت أغص كل يوم بسبب أبوي ومحد درى عني .. كل بنت تحتاج أمها بفترة من حياتها بس انا .. أمي ماكانت يمي .. وحيدة .. ظلمني أبووي وأنت ظلمت أمي .. كلكم لعبتوا على أمي ودشت السجن بسببكم .. أنا سامحتكم كلكم .. بس الي أبيه أنك تطلع أمي من السجن .. وأبيك تثبت أنا الأوراق كانت مزورة .. أبيك تثبت أنا أبوي زور الأوراق و عادل ساعدة .. أنت راح تطلع برا الموضوع .. ماعندهم أي دليل ظدك .. الأوراق الأصلية عندي .. والأوراق المزورة بعد عندي .. ناقص الشهوود .. أكيد في أحد غيرك كان شاهد وحاضر هالموقف .. اترجاك عمي .. أترجاك .. )​

بو علي : الي سوتة أمج مو قليل ​

أشواق : وأنت الي سويتة بعد مو قليل .. موقليل .. ​

علي بنبرة صوت حادة : يبا طلع أمها من السجن .. ​

بو علي : ماقدر .. ودم اخوي ​

علي رفع صوتة : أنت السبب .. كفر عن ذنوبك يايبا .. العمر يروح .. أعمل حق آخرتك .. شنو فايدة لفلوس الي يمعتها بالحرام .. شوف شصار فينا بسبب فلوسك الحرام .. آآه يبا .. لامنك ولا من أمي .. حرام عليكم الي سويتوه فيني أنا وفاطمة .. آخر كلمة بقولها لك يا يبا .. طلع أم أشواق من السجن ولا أنسى أنا عندك ولط أسمة علي .. لاتخسرني مثل ماخسرتني أمي .. بالأحرى أنت بعد خسرتني .. انا مايشرفني أكون ولد واحد ماتوا على أيدة ألاف الناس .. انا ماعندي لا أم ولا أبوو .. أنا ماعندي لا أم ولا أبوو .. ( ونزلت دمعته الحارة على خدة .. ) : الله يسامحكم .. الله يسامحكم ​

أشواق : علي أنا آسفة ماكان قصدي .. والله موقصدي .. ​

علي : ليش تتأسفين .. أنت فتحتي عيوني على وايد أشياء كنت غافل عنها .. كنت أظن اني عايش بسعاده وسط أمي وأبوي .. كنت أظن انا حياتي كاملة وموناقصني شي .. وعندي أهل ينشد الظهر فيهم .. بس تبين أني ماعندي لاسند ولاظهر .. أبوي ذبح ناس بريئة وامي طيحتني هالطيحة .. وين أروح آنا الحين وين أولي .. أنا ماعندي ألا أبو واحد الي أهو بابا عود .. وعندي ام وحدة الي أهيا خالتي هوازن .. تعلموا الوفى من خالتي وتلعموا الأخلاص من بابا عود .. أنا رايح عند أهلي الي صج يحبوني ويحترموني .. وفطوم ماراح تعرف بلي صار .. دير بالك على بنتك لاتظيع من بين أيدك مثل ماظيعتني انت ومرتك .. أشواق أذا ماعليج أمر وصليني بيت خالتي .. ​

أشواق : من عيوني ​

علي ( آآخ يالدنيا .. دنيا مافيها أمان .. صج ليش كل مايلمع ذهب .. دايما كنت أتكبر على مشاري وثنيان وأقول أني أحسن منهم وحياتي أحسن من حياتهم بس لا أنا الغلطان .. أنا الغلطان .. عاشوا في بيت كلة حب وأخلاص .. شنو تنفع لفلوس .. كلها فلوس حرام .. يارب .. يارب سامحني .. يارب عيني وصبرني على هالبلاء .. لا أهل .. لا عزوة .. مابقالي بهالدنيا غير أشواق .. )​

 

[زهراء*]

: لاتخليني .. ( حطيت راسي بحظنها وبصوت مبحوح ) : أنتي الوحيدة الي بقيتي بحياتي .. انتي الوحيدة الجوهرة الصافية بحياتي .. لاتخليني .. لاتخليني .. ​

أشواق : ماراح أخليك مستحيل أخليك .. ماراح أظيعك من أيدي مرة ثانية بعد مالقيتك .. راح ننسى كل شي ونقط كل شي ورى ظهرنا .. احنا عيال اليوم .. ​

علي : آآه آآه .. صدمني موقف أبووي .. يعني أبوي السبب بدخلة أمج السجن .. والله أني خجلان منج .. والله عيب عليه .. عيب ​

أشواق : الله كريم علي .. عقب الكلام الي أبوك سمعه أكيد راح يفرجها عن أمي .. ​

............................................................................................................................​

( نينو البحر )​

قمر : أووف شنو هاذا شنو هالأزدحام .. ويع ويع .. مالي خلق أنطر دور​

ثنيان : شفيج أنتي كلة تتحلطمين .. خو نطري حالج من حل خلق الله ​

قمر : لا انا قمر بنت جاسم مو مثل باجي الناس ​

هوازن : هههههههه .. على أبوج .. ماشاءالله طبايع أبوج .. كلة مستعيل ومطيور .. ​

قمر : ههههه .. اي والله ورثت هالشغلة منة .. ​

ثنيان : الله يعين الي بياخذج ​

قمر : نعم نعم .. خير .. أقول حاصلة أصلن الي بياخذني .. ​

هوازن : ههههه .. يلا أمشوا وصل دورنا ​

قمر : أوكي أي طاولة​

هوازن : هذيك الي بالزاوية .. ​

قمر : أوكي انا بس دقيقة خالتي بروح الحمام ورادة .. ​

هوازن : اوكي بس مو تتأخرين ولا ترى بنطلب وبناكل عنج ​

قمر : هههه بالعافية .. ​

قمر ( أوووف وييع .. حدي مليت من هالعيشة .. ماني قادرة أجاري ثنيان أكثر .. اليوم لازم أحطة جدام الامر الواقع بسوي أجتماع مع مشاري .. ولازم نعترف جدام ثنيان عن كل شي .. لازم يرضى بالواقع .. ^^ دشيت الحمام أعدل الروج مالي والآي لاينر .. وانا طالعه من الحمام كنت منزلة راسي بحط فوني بالجنطة ولا يطق راسي بجتف واحد مجسم )​

قمر : آآآي .. سوري أخوي ماشفتك​

عمر لف ويها : لا عادي أختي ماعليه ​

قمر شرعت حلجها : هاذا أنت .. ​

عمر : تكلميني ​

قمر : ايي أنت ​

عمر : عفوا أختي اعرفج تعرفيني .. ​

قمر وأهيا متخصرة : أووولة مسرع مانسيتني .. تمقل فيني عدل .. ​

عمر : هههههههههه .. اييه أنتي الي ماتعرفين تسوقين .. زين مادشيتي بخشمي .. ماشاءالله سبحان الله .. شنو هالصدفة .. ليش مادقيتي نطرتج طول اليوم .. بس شفتي شلون الله يبينا نلتقي .. ​

قمر : وييع شنو هالثقة الزايدة .. المهم شصار صلحت سيارتك​

عمر : شلي يهمج ​

قمر : أمبيييه أهم شي أنا أصلن شكو واقفة أسولف معاك .. خل أروح أقعد على الطاولة أحسن لي ​

عمر : هههههه .. حمدالله والشكر .. بس آآخ على الكيكة .. مال عظ والله​

قمر ( أمبيه شفيج يابنية ثقلي شوي .. مشاري .. مشاري .. مشاري .. اييه أنتي حق مشاري وبس .. قعدت على الطاولة .. امبيييه شنو هاذذا اليوم .. هاذا شيبي قاعد جدامي .. الحين شلون آكل .. وييع )​

ثنيان : شفيج طولتي بالحمام ​

قمر : هاا . لا ولاشي .. شفت وحدة من البنات وقلت أسولف وياها ..​

هوازن : ها يما .. شنو تبين تطلبين​

قمر : أبي شوربة فطر بالكريمة .. وسلطة سيزر ​

هوازن : والطبق الرئيسي ​

قمر : لا مومشتهية شي ​

ثنيان : نظام دايت هاا ​

قمر : شكوو .. بس مو مشتيهة .. اي خالتي وأبي عصير ليمون بالنعناع​

ثنيان : أنا بعد ليمون بالنعناع ​

..​

عمر : صااااروووخ .. ​

حمد : منوو ​

عمر : لف ويهك على يمينك.. الي لابسة نفنوف أسود ورافعه شعرها .. ​

حمد : أخيييه .. شنو هالجمال الي ماخلق ربي مثلة ..​

عمر : تدري هاذي منو ​

حمد : منو ​

 

[زهراء*]

عمر : اي قتلك دعمت سيارتي اليوم ​

حمد : هههههههه .. ام راس يابس ​

عمر : مالك شغل فيها .. والله مردها لي بتشووف ​

...​

قمر ( طول ما أحنا قاعدين وماشال عينة عني .. ماحب آكل وواحد مجابل ويهي )​

: ثنيان عفية غير مكانك معاي ​

ثنيان : ليش ​

قمر : بس جذي .. بجابل ويه خالتي ولا حرام .. ​

ثنيان : عيارة ​

هوازن : ههههههه .. ( تساسرها ) : مأذينج .. تبين أشلع عيونة من مكانها ​

قمر : جان زين خالتي .. شوفيه عدل .. ترى هاذا الي دعمت سيارتة اليوم​

هوازن تمقلت فيه عدل : اييه تذكرتة بس وينة اليوم مسوي روحه ذرب وحالتة حالة وتكانة .. عشان جدامي يعني .. صج رياييل ​

قمر : ههههه .. اي والله حركات يعني ​

رن تلفون هوازن ​

علي : السلام عليكم خالتي ​

هوازن : وعليكم يما .. شلونك شخبارك .. أنشاءالله تمام​

علي : الحمدالله رب العالمين .. ​

هوازن : وينك يما .. من زمان مامريت البيت .. أشتقنالك ترى .. ليش حابس روحك بالغرفة .. أطلع شوف الناس .. ترى مو زين لك​

علي :انشاءالله بطلع وبرد أهيت مثل الأول ​

هوازن : ههههه .. بس ها حدك لي الساعه 1 بليل ​

علي : حاظرين للطيبين .. اممم خالتي بقيت أطلب منج طلب ​

هوازن : أمرني ​

علي : عادي أنام عندج هالجم يوم أذا مافيها احراج يعني .. أنا بقيت أروح بيت بابا عود بس تدرين أمي مناك وماقدر ​

هوازن : اي يما آآ حياك .. العين لك أوسع من الحاجب .. وأذا ماشالك البيت تشيلك عيوني ​

علي : أنزين وبنت ريلج مو فشلة ​

هوازن : لا لاتحاتي .. الشباب قاعدين بالملحق مالهم شغل فينا ولا لنا شغل فيهم .. مسوين لهم جناح كامل وأصلن مشاري بس يرد بوجراح من السفر راح يرد بيت أبوي بس الحين قاعد احتياط .. ​

علي : اهاا فهمت .. خلاص عيل أنا أروح بيت يدي ​

هوازن : لا لا ليش يما آآ .. أنا مو قصدي ترى لاتفهمني غلط .. حياك يما آآ البيت بيتك​

علي : مشكورة خالتي .. تحمليني بس هالجم يوم .. أنشاءالله قعدتي ماراح تطول عندكم ​

هوازن : أخذ راحتك يما آآ .. كثر ماتبي ​

...​

^^​

بطرف ثاني طاولة عمر وحمد ​

عمر : بالها طوييل .. ​

حمد : غيرت مكانها ههههه .. وتقول مردها لك .. أنا أقول اغسل أيدك منها .. شكلها مرتبطة ​

عمر : لا مرتبطة ولا شي .. وانا بالي أطول منها .. بس أنت أصبر عليي وشووف ​

حمد : ننظر شنو ورانا ​

............................................................................................................................​

( ديوانية حيدر )​

رن تلفون مشاري ​

مشاري : ألوووو ​

السكرتيرة : أستاذ مشاري ​

مشاري : اي نعم .. منو معاي ​

السكرتيرة : انا أمل من شركة المستقبل العقارية .. الاستاذ محمد الي قابلتة بالامارات تذكرة​

مشاري : اي نعم ​

السكرتيرة : الاستاذ محمد رشحك أنت تنظم لنا بالشركة و راح نرتب لك مقابلة مع المدير أنشاءالله وبس نبي أوراقك الأصلية وشهادتك وصورتين شخصية لك .. ​

مشاري : أمممم بس أنا ترى شهادتي ثانوي .. يعني لامتخرج من جامعه ولا شي ..​

السكرتيرة : اي عندنا علم .. الأستاذ محمد عطانا خبر .. بس وايد مدحك وحب المدير يقابلك .. ومبين أنك عندك خلفية بمجال البورصة الشركة راح تستفيد من خبراتك وايد بهالمجال ​

مشاري : مشكورة وماقصرتي على هالأطراء .. أنشاءالله متى المقابلة بتكون​

السكرتيرة : باجر على الساعه 8 الصبح أنشاءالله​

 

[زهراء*]

مشاري : حاظر .. بس سؤال .. أنتي دوامج شلون شفتات ​

السكرتيرة : هههههه لا أخوي ​

مشاري : أنا أقول شالسالفة يعني الساعه 10 شعندج ليلحين قاعدة بالمكتب ​

السكرتيرة : اليوم حالة خاصة لاني الشغل وايد​

مشاري : أهاا . يعطيج العافية ​

السكرتيرة : الله يعافيك .. تامرني على شي ثاني ​

مشاري : واحد فلافل واحد فول لاهنتي ​

السكرتيرة : هههههههه .. كتير مهزووم ​

مشاري : بين الأصل .. يبا لاتتصنعين وتسوين روحج كويتية .. ترى عارفلكم أنا ​

السكرتيرة : ههههه .ز أوكي .. هلأ مع السلامة ​

مشاري : الله وياج ​

حيدر : هههههههههه أنشاءالله موجذي مشيري ماتيوز من سوالفك .. منو هاذي سكرتيرة شنو​

مشاري : الي قتلك عنهم الشركة مالت العقارات والبورصة .. الريال الي شافني هناك وقدمت طلب عندهم بالشركة .. كلش ماتوقعت يطلعون على أوراقي يعني انا صج قوات عين حاط شهادة ثانوي وأدور وظيفة .. ​

حيدر : نيتك صافية ​

مشاري : اييي حيل حييييييل .. ​

............................................................................................................................(لوس آنجيلوس .. المستشفى )​

أم أحمد : يماا آآ لازم نخليها تشوفة .. خل يتطمن قلبها ​

أحمد : أنا خايف عليها أذا شافتة بهالحالة .. أخاف يصير فيها شي .. الاجهزة مركبة عليه بكل مكان .. وماكو أمل أنا يقوم ... ​

أم أحمد : أحمد يما آآ انا شقلت لك .. خل أملك بالله قوي .. مثل ماقامت أختك أكيد ريلها بيقوم .. الله قادر على كل شي ​

أحمد : ونعم بالله ​

جاسم توة داش الغرفة ​

: السلام عليكم​

أم أحمد : وعليكم السلام والرحمة ​

جاسم : قلتوا لها ولا ليلحين ​

أحمد : ناطرنها تقعد عقب المخدر .. حاشتها صدمة قوية من درت أنا الجنين طاح .. الحين بتنصدم بعد أذا شافت جراح أمدد على السرير وكلة أجهزة .. الله يقومة بالسلامة​

جاسم : الله كريم .. والله يصبر قلبها أنشاءالله .. وايد تحملت وصبرت .. الله ينتقم من الي كان السبب .. ​

أحمد : اي والله الله ينتقم منهم ..​

جاسم : آآخ .. ليش دخلوا روحهم بهالسالفة .. لو بعدوا عن المشاكل جان ماصار الي صار ​

أم أحمد : بو جراح .. أذا احنا المسلمين ماوقفنا وصححنا نظرة الأسلام بعيون الناس منو بيشيل هالمسؤلية .. لهم اجر أنشاءالله عند الله .. وهاذا قضاء وقدر ..​

جاسم : أعوذ منك يا أبليس .. ​

جوان بطلت عيونها وبصعوبة تتكلم : يما آآ . يما آآ​

أم أحمد : كاني يما .. هلا بعيون أمج .. ​

جوان : يماا آآ ودوني حق جراح ​

أم أحمد : بنوديج يما آآ .. بس أبيج توعديني بشغلة .. أذا رحتي وشفتيه لازم تكونين قوية عشان الدكتور يخليج تشوفينة مرة ثانية .. ​

جوان ودموعها على خدها : أنا قوية وجراح قوي وراح يقوم .. بو جاسم راح يقوم .. ( وقعدت تبجي )​

أم أحمد تمسح دموعها : خلاص يما آ لاتبجين .. خل أنادي السستر عشان نحطج بالكرسي ونوديج تشوفين جراح​

جوان : ....​

جوان ( حطوني بالكرسي المتحرك والدرب مركب على ايدي .. غمضت عيوني وحسيت بعصرة بقلبي .. أذا صار بجراح شي والله ماراح أخليج تعيشين لا أنتي ولا أبوج .. نهايتكم على ايدي .. وصلنا غرفة العناية المركزة .. الزجاج كان يفصل بيني وبين جراح .. حطيت ايدي على الزجاج وحاولت أقوم من على الكرسي بس ماقدرت .. مافيني قوى ولا فيني حيل ... منظر عور قلبي .. الأجهزة مركبة على كل جسمة .. كل الي صار بسببي .. لو مانعته .. قلبي كان حاس .. طلبت من أمي تخليني أدش عند جراح .. أبي أكلمة .. أدي أنا يسمعني .. دشيت الغرفة وخلوني برحي معاه .. حاولت أقوم مرة ثانية من على الكرسي وهالمرة قدرت .. حطيت راسي يم راسة وقعدت أناظر عيونة .. ومسكت أيدة وحطيتها على قلبي )​

: جراح حبيبي .. يلا عاد قووم .. أنا أدري أنك قاعد تسمعني بس أنت تتغلى عليي .. شوف .. شوف قلبي شلون قاعد يرقع .. تبي يرقع لين يوقف وأموووت .. والله ماأتحمل أشوفك بهالحالة وماقدر أسويلك شي .. بس الي أقدر أسويه أني أكلمك لين ماتقوم .. ( حطيت أيدة على بطني وقعدت أبجي ) : شوووف حتى ولدنا جاسم زعل عليك وطااح .. جراح جاسم راح .. جاسم ولدنا راح .. لاتروح أنت بعد وتخليني برووحي .. قوم .. فتح عيونك .. والله ماقدر أعيش بدونك .. أذا أنت رحت راح أروح وراك .. بو جاسم بطل عيونك .. ( قعدت أصارخ بشكل هستيري ) : جراح حبيبي قوووم .. لاتعذبني أكثر قوم ( بعدها دخلت السسترات وتلوني من حضن جراح .. جلبت بفراشة وماهديت لفراش وقعدت أصارخ خلووني معااه خلووني .. شالوني من على لفراش وطلعوني برا الغرفة وعطوني أبرة مهدئة غفت عيني عليها .. )​

جاسم : قطعت قلبي .. يارب يارب قوم ولدي بالسلامة .. يارب .. ​

أم أحمد : آآآه على بنتي .. يارب أحفظها وقوم ريلها بالسلامة ​

أحمد : شفتي يما قتلج لاتدخلونها علييه راح تدش بحالة هستيرية محد صدقني ..​

أم احمد : كافي أحمد .. فينا الي مكفينا .. تبي أختك تجن من كثر التفكير .. أذا ماعرفت اليوم تعرف باجر .. بعدين جذي أحسن شافتة وتطمنت .. ​

جاسم : احمد أدري أنك تحب أختك وخايف عليها ..بس كلام أمك صح .. البنت كانت عايشة بحالة صدمة وظنت انا جراح مات .. لازم تشوفة عشان تصدق انا عايش .. ​

أحمد : الله كريم .. الله كريم أنشاءالله ​

​

​

​

​

​

​

 

[أغلى حبيبه]

مشكوووره ع البارت

بس عندي ملاحظه

شلون عادل الحين عمره بالثلاثين وقبل عشرين سنه ٢٥ كان عمره

غلطه مطبعيه يمكن