لاصفي تعزيز كلمة << عهود نقذيني

[dr-MamLoOo7a]

مرحبا مساء الخير اشلونكم يا حلوين يله هانت ما بقا شي عالكورس و نفتك و انسافر نصرف فلوسنا <<<<خخخخ و فرحانه أوييي
المهم بنات طلبتكم لا تردوني باجر عندي درس نموذجي تعزيز كلمة عربه و ما ابي منبه وااااو بس ابي خطوات عزيز الكلمة لانه مو عارفتها و جم مسابقه احط و بعض من افكاركم الحلوة و المشرقه يا ابلات بليز اتمنى في احد يعبرني هالمره و يرد علي بشي و مشكورين كلكم :eh_s(15)::eh_s(15):
عهوووووود حبيبتي تعودنا منج الكرم و الجوووود لا تبخلين علي طلبتج يا عمري ويعطيج الف عافية وكل البنات لا هنتوا يا ابلات و يعطيكم العافية ​

 

[dr-MamLoOo7a]

ابلاتي نبي تفاعل شوي الموضوع مو صعب عليكم بليز عطونا الخطوات يله يله عاشو ابلاتنا يله يله ترا هالموضوع انكتب من قبل و مافي احد رد يله ابلات عن النحاسه اشدعوه ​

يله عاشو عاشو :eh_s(9):

 

[> شمس^^الكويت<]

أول شي أبدي بمنبه بسيط ... له علاقه بالكلمة مثل مجسم عربه .. أين نشاهدها ..الجمعية .. وبعدين تكلمي عن السلوكي والديني بشكل سريع ثم أخراج الكلمة بطريقة ملفته للنظر مثل اطفاء الانوار بالفصل ووضع الليت الملون على مكان معين تكون الكلمة موجودة فيه ويبحث عنها الاطفال .. ثم قراءة الكلمة جماعي وفردي .. وكتابتها على السبورة بحجم كبير وصغير ... ثم المسابقات ويفضل تقسيم الاطفال للفريقين والفريق الفائز يحصل على الكأس من خلال جمع النقاط والذي يجمع اكثر نقاط هو الفائز ... ومن المسابقات اللي ممكن تستخدمينه لعبة البولينغ ( كلمة عربه تكون مختلفه ويقوم بضربها بالكره)و مسابقة بالبوربوينت على جهاز الداتا شو ... وهي لعبة التذكر وضع كلمة عربه أكثر من مره وكلمات اخرى .. وتعدين لخمسه ويعدين تسكرين الصفحه او تضعين صورة شخص يفكر بالبوربوينت .. وبعدبن تعدين من الاطفال كم كلمة عربه موجود ... ومسابقة ربط الصورة بالكلمة ... تضعين صورة عربه ويبحث الطفل عن الكلمة بالسله ... ومسابقه بالاخير كتابة الكلمة لجميع الاطفال ... في مسابقات وايد تقدرين تستخدمينهم بس هذا اللي متذكرته واذا اتذكرت شي كتبت لج يا قلبي وانشاء الله تستفدين من المسابقات وسوري اذا كان في بدليات لاني كتبت بسرعه

 

[عهود الحب]

ياقلبي اعذريني انا ما اشبك هالكثر هاليومين
عندي حوسة شوي بالبيت وترتيب وتنقل عرفتي
فسامحيني اول شي


ثاني شي احب اقولج انه الفرق بين الكلمة الجديدة لما يتعرفون عليها وبين لما نعزز الكلمة
هو فرق بسييييييييييييييييييييط جدا


اول شي لما يتعرفون عليها انتي تعرضينها عليهم ككلمة جديدة
ويقرأها الأطفال طفل طفل فرديا وجماعيا
ثم تكتب الكلمة بأحجام والوان متنوعة

اما لما نعزز الكلمة
فاحنا مانطلعها
الطفل يطلعها لنا من بين مجموعة كلمات سابقة
ثانيا
ما نقرأها فردي وجماعي < اذا ودكم تقرونها تقرونها جماعي فقط
لاتكتب نهاااااااائيا ً

لأنها سبق تعلموها

عرفتي حبيبتي


+ فرق ثاني
انه تعزيز الكلمة وتعزيز العدد عبارة عن نشاط ملياااااااااان العاب ومسابقات
و المسابقات بسيطة ابسط منها مافي
اهم نقطة انه المسابقة هادفة وممتعة ومتنوعة وفيها حركة


تبين مسابقات والعاب
اطلعي على موضوعي مال العاب الحلقة
مليااااااااااااااااااااااااان العاب
اعتقد فوق السبعين لعبة
وانا مطبقتهم اغلبيتهم والحمدلله
كل من يدخل حلقاتي او انشطتي اللاصفية يستمتع


بودي انزل العابي الجديدة بس مشاغل الحياة تشغلنا والوضع احيانا يخلينا مانتشجع للتجديد


موفقة و راح ادعي لج

 

[Miss M]

يعطيييج الع عافيه يا عهود انا استفدت منج

رفيجتي تربيه عمليه سوت لعبة حق تعزيز كلمة و استانست عليه الموجه و اللعبه بسيطه
عباره عن مجموعه كلمات مختلفه توزعينها على الارض و تغطين الكلمة بالمكعبات الكبار يرفع الطفل المكعب و يبحث عن الكلمة المطلوبه