شهدQ
Active member
- إنضم
- 7 ديسمبر 2005
- المشاركات
- 11,974
- مستوى التفاعل
- 0
- النقاط
- 36
قاعد اشوف مسلسل نور عيني
وبصراحه المسلسل حلو والقصه روعه
بس لما يحاول يقنع الناس بان هذا شعب الكويت اقوله عفوا استوب
مثل نفسك لاتمثل اهل ديرتك رجاء
الموقف الأول
بنت اخو نور بالمسلسل عايشه بالغرب
تكلم عمتها نور وزوجها عبدالعزير المسلم وتقولهم
ممكن اعزم ربعي بنات ووشباب في البيت عندنا هني
رد عليها المسلم قال البنيات حياهم الله الشباب لا
للحين الرد اوكي ويطيب الخاطر
ردت البنت وقالت يعني مو عادي اعزمهم
ردت نور ( زينه كرم ) : لا عادي بس لازم تكونين عارفتهم وان اخلاقهم زينه وخوش شباب عشان تقدرين تعزمينهم
ع البيت:gr4uu:
رد المسلم : اي نعم اذا عمايل حمايل وشباب يخافون الله واخلاقهم زينه حياهم الله
يعني هل انتي تقبلين ان بنتج تصادق شباب اصلا !! فمابلج انها تعزمهم ع البيت!!!
ليش يشوه اخلاق البنت الكويتية وحاط نفسه بهالمسلسل
مثال للاخلاق الحميده ومحافظ من الدرجه الأولى ( خوش اخلاق )
ثاني موقف
حوار بين نور وابوها احمد الصالح
ابوها يقول تزوجي تقوله لا يبا انا ابي واحد على مزاجي يفتح النفس جميل والي تقدمولي يلوعون الجبد بصراحه
وانا بختار واحد بمزاجي بصراحه ( قاعدين بسيلان مو بالكويت حشى المره الي تتنقى الريال ) مع ابتسامه
عريضه من الابو بالله عليكم منو تتجرأ تقول لابوها هالحجي !!
الموقف الثالث
عبالعزيز المسلم
شك بزوجته نور بعد يقينه انها راح تواعد واحد اخر البيت بفيلتها لانه شاف مسج من موبايلها محتواه
( ريلج بالبيت ؟؟ انا بييلج بالليل )
واهو ملاحظ تغير عليها بعد مافتحت ( بعد ماكانت عميه ) ورفضها ان يقعد معاها بفيلتها وقالتله روح بيتكم وانا بقعد بفيلتي
يعني بالعربي مو طايقتك ( بتاخذ جو الاخت )
قعد عند الباب
شاف واحد يدخل البيت بالليل طبعا واخلاقه الحميده رفضت وابت انه يتصور انها تخونه
وخايف يدخل الفيله لاينصدم ( اشدعوه عليك لو انك رجل شرقي جان دخلت الفيلا وانتقمت لشرفك
وقطعت الشك باليقين ) يعني انت بتطلع من شرقيتك وعربيتك وعاداتك وتقاليدك وهم يتجرد الكويتي
من غيرته على اهله وزوجته اسمحلي انت تمثل نفسك ماتمثل الشاب الكويتي
روح شوف السورين شلون يطلعون محاسن شعبهم وانهم رياجيل وحمشين وعندهم غيره على اهلهم
لابارك الله فيكم ولا بفجر السعيد على هالمسلسلات الي ماتمثل الشعب الكويتي ولاتمد له بصله
خليتو الكل ينظر للبنت الكويتية انها مستهتره وماتحترم العادات والتقاليد ولاتحترم دينها وعاداتها وتقاليدها
وماخفي اعظم للحين ماخلص المسلسل
خلصنا من المسلسل
انروح لقناة سكوب
المذيعه فاطمه العبدالله
مسويه مقابله مع دكتورة تجميل
المشكله مو بالمقابله المشكله بمحتوى المقابله
خلت كل انواع التجميل راحت لتجميل البتاعه الخلفيه ( الارداف )
وجايبه وحده معطتنا قفاها وتشرح عليها انها تبي تذيب دهون المؤخره
وشرح شرح وتقول المذيعه للبنت ليش ماتبين مؤخرتج البنات الحين يحقنونها يبونها كبيره
طيب مو مشكله ليما الحين هذ سلوكيات تنعكس من شخص لي اخر
لكن
ان حقن ماده لاذابة الدهون مباشره ع الكاميره والحاجز شرشف والتصوير شغال والمذيعه تطل ع البنت وتشرح
طريقة حقن المؤخره والدكتور شغاله قمـــة المسخره لا وتعلق وتقول عادتنا ماتسمحلنا نحط الطريقه من غير حاجز
ياحليلها الحين تعرفين العادات ماشاء الله عليج
اترك لكم الميكرفون للتعليق تعبت بس لازم اتكلم انغثيت على بنات ديرتي
وياليت هالموضوع ماينحذف لان فيه توضيح للي قاعد يصير بتلفزيونتنا وتعبير واستنكار
عن الي يصير من غير رقابه :tongue22:
التعديل الأخير:
![][ الميـــــــار ][](/data/avatars/m/50/50208.jpg?1621060575){kind=avatar}
