لاعفوا مو من طبعنا ( مسخره تلفزيونية )

[HeR HiGHNeSs 90]

جورجيت
عاد اقولج شي انا اكثر مسلسلات اعجبتني وتابعتهاا الي حطوها على ام بي سي مثل الساكنات في قلوبنا و اسوار
يعني التصوير سينمائي عجيب وايد حلوو
ندري انه مايمثل السعوديه ولا الممثلين سعوديين بس طريقة تقديمه اتينن صراحه تمنيت انه مسلسل كويتي بالعكس ماشوف فيه شي
وبعدين هل شغلات موجوده بالمتجمع يمكن ماتشوفونها بس في ناس هاذي قصص حياتهم والي مايعجبه شي لايطالعه

 

[انصاريه قمره]

زبااااااااااااااااااله حشاكم شقول شخلي خليني ساكته

 

[manhattan girl]

اشوه اني ما اعرف المسلسل و لا اشوفه و عبدالعزيز المسلم من يوم ما طلع و مثل و انا ما ابلعه و لا اشوف فيه ممثل ناجح بس كلامج عدل حبيبتي ما قصرتي و نتمنى ان رسالتج توصل

 

[pretty sarona]

ماشالله عليج متابعة عدل ! اول شي بخصوص المسلسل ,, فهذا اولا و اخيرا مسلسل قصه من وحي الخيال و ما قالوا ان يمثل الشعب الكويتي
و بخصوص سكوب ما فيها شي اذا كان هذا المطلوب , الحين الاعلام غير عن الاعلام قبل 20 سنه , دشي قسم الطب و شوفي البنات ما بقى عملية ما سووها ليش كل شي نبيه بالخش و الدس, يمكن تأثروا في برنامج the doctors
و بالاعلام بالذات احنا نقدر نتحكم باللي نبي نشوفه لان الرموت كنترول بيدناا

 

[الحــــياة]

والله انج صاجه بكل كلمه قلتيها بالمسلسسل ولا برنامج هالمليغه قناة البسوس

 

[om al ghaleen]

.., مااشوف انه المسلسل مبالغ فيه لانه في يمكن ناس عايشين جذيه !!
مااعتقد الفكره طلعت من خياليه

(( فكره المسلسل عن المظاهر اللي للآسف همنا حاليا )) توافقيني بالشغله هذي ؟
ع العموم اهو كله تمثيل بتمثيل ومانعتب على شي خيالي
وانا مااقول المسلسل حلو بس ع الاقل آحلى من غيره



بالنسبه لسكوب ماآتابعهآ بس اهي قناه الفتن الاولى

 

[مس دلال]

المسلسل يحكي عن الطبقه المخمليه

وهذا حاصل حتى بالطبقات الثااااااانيه

اما البرنامج نو كومنت بصراحه قويه

لو جايبه عمليه خشم براطم نبلعها لاكن هناك وي وي
وتقول بعد مانقدر نصور الا بحاجز

كان شالته بعد

الله يهدييييييييييييهم

 

[نونه111]

اكيد مايمثل الشعب الكويتي

على العموم الله يهدي الجميع

 

[brettey]

اي عادي تعودنا على مسلسلاتنا وخرابيطهم ومادري متى هالمهزله بتوقف ومستانس لان مسلسه شروه الاتراك ودبلجوه اهو سوى المسلسل عشان يستعرض بزلمسي وسويسرا والمانيه هذه السالفه

 

[نونه111]

اي صج بينعرض في تركيا

 

[أحبه موت]

وااااااي جنج حاسة فيني من زمان وانا هالمسلسل قاثني حرام انا ما أقولج مو حلو قصته وايد حلوة بس ليش دايما المساسلات ماتخلو من قصة البنت الي تكلم واحد وتطلع معاه من ورا أهلها ليش يصورون حق الدول الثانية ان البنت الكويتية عادي انها تكلم وتطلع مع أي واحد شسالفه؟!!
والله انا أستحي اطالع هالمسلسل واختي الصغيره معاي عمرها 12 سنه تشوف بنت اخو نور وولد اختها شلون يكلمون بعض وكلام حب وغرام والمشكله اهيه امبطله عينها منصدمه
والله حرام قاعدين يخربون بناتنا ليش دايما يطلعون سلبياتنا يعني واذا بليتم فا استتروا
مو نروح نجاهر بالهشي جدام الكل ونصور لهم ان الوضع عادي ومافيها شي لمن تكلم البنت واحد من ورا أهلها؟!!

 

[tooofy81]

انا معاج بكل كلمة كتبتيها واحب اضيف ان ابطال المسلسل غاثيني اولا المسلم اللي متقمص دور مهند وطالع فيها انه رومانسي حيل واهو لا شكله ولا مضمونة يساعد نهاااااااااااااااائي

حتى زينة كرم منو قص عليها وقال ان عندها موهبة التمثيل مادري ؟؟ تقول الحوار جنها قاعدة تسولف ماكو احساس !!!

لوعة جبدى خصوصا لما تبقق عيونها تبين حولتها حمدالله والشكر تغثني حيل

اما قناة الضبعه فلا عليها حرج خمة المجتمع ماسكين قناة

ومشكورة قلبي

 

[رووز q8]

يختي بنتكلم عن شنو ولا شنو

اذا الكلام من فضه فالصمت من ذذهب


خليييها ع الي ماتنام عينه

 

[ĎєνiL.ĞιRL]

انا عاجبني المسلسل .. وعاجبتني القصه ..

وانا احب عبدالعزيز المسلم لان صج مسلسلاته فيها حدود و حشمه ..

وما اشوف ان بالمسلسل صار فيه شي .. وحتى لو صار فيه شي ..!

اهو مسلسل يعني تمثيل الواحد يألف شي ويسويه قصه وفلم او مسلسل ..

يعني مو ضروري نربط كل شي بالمجتمع !!

الواحد لما يبي ايي يشوف ويتابع مسلسل يحب يشوف شي يديد علشان يضيع وقت فراغه ..

والي يبي يشوف المجتمع خل يشوفه بالواقع وماله داعي يشوف مسلسل ..

اما بالنسبه لقناة سكوب ..

اقول عنها "ان لم تستحي فافعل ما شئت " ..

 

[اموله111]

سكوب قناه فاشله

 

[شــــــــــــــوقــــه]

هلا اختي

بالنسبه للمسلسل بغض النظر حلو ولا مو حلو اهو اول و تالي تمثيل يعني محد قاعد يمثل نفسه

كل واحد يمثل الدور الي معطينه ياه

ولا تستغربين في هالسوالف بديرتنا و في بنات يهمهم المظهر و ميانه مع اهلهم

بس سكووووب لا تعليق انا ما شفته لان ما احب اشوف هالقناة بكبرها

 

[British Girl]

اول شي بتكلم عن المسلسل
ترى ما ياب هالشي من عنده ترى صج في بنااات محترمين حالهم ومستورات ويدورون الستر
بس في بنات الله بالخير صج نفس طقتها بالضبط ومو محترمين حالهم وقليلين ادب وانا شايفه وسامعه وقاعده مع هالبنات الله يستر عليهم

يعني ما ياب هالشي من برا الكويت لانه صج حاصل في هالديره والله يستر عليهم كلهم


اما القناة المنحطه هاذي حدث ولا حرج ياربي مادري متى بسكرونها
صج يلوعون الجبد وهاذي فاطمه بسم الله من متى صارت مذيعه جك بم صارت مذيعه وجك بم صارت وزيره اتوقع عادي
تبي تنشهر وبس هالحجيه .. الشرهه على ريلها الي مافيه غاريه ولا شي يبي يطلعها غصب ومسميها باربيه الكويت
وفي مذيع همن بالقناة يبي يسوي فضايح وبس الا غصب غصب يبي يفضح العالم او اي شي نفس ما استضاف ستار اكاديمي وفضح الدنيا

والله يستر عليهم ويهديهم ويسكرون القناة لانه بالاخير تلوعون الجبد

 

[al7b '7ald]

ثاني موقف ماني شايفه في شي غلط
بنت وتبي تختار شريك حياتها وشلون شكله
عادي من حقها
تسلمين علموضوع

 

[الشامخهـ]

من زمااان ماتابعت مسلسلات وسكوووب هذي القناه ماحبها الحمدلله والشكر ماعندهم شي سنع نفس العالم

بس صياااح وخرابيط عالفاااضي

احسن شي امسحي القنوات وخلي قناة الصحراء بسس خخخخخ

يسلمووو حبيبتي

 

[شهدQ]

حياكم الله حبيباتي واحترم فيكم وجهات نظركم

لانكم عبرتو عنها باسلوب راقي نفسكم

وهذا المطلوب المناقشه باسلوب حضاري وان اختلفت وجهات النظر

ارجع واقول المسلسل قمـــه بالروعه وجدا يعكس رومانسية مبدعه وغير خادشه للحياء من عبدالعزير المسلم

وانا من اشد المعجبين بالمسلسل :rerrerek:

لكن

يبقى الانتقاد وجهة نظر

وانا اجد نفسي محقه

يعني لانظلم شريحه كبيره علشتن شريحه ماتتعدى قوامها ال 10 %

العوائل الكويتية حضرها وبدوها وعجمها معروف عندهم التحفظ والستر والمحافظه ع العادات والتقاليد

وتطور الزمان غير اشياء واجد بس ماغير سلوكيات البشر

حلو الواحد يتقدم علميا

يتقدم شكليا بشكل لايخدش الحياء متماشيا مع عاداته وتقاليده

يعني مالبس تنوره فوق الركبه واقول هذا تحضر وتقدم

لا

التحضر مايكون بهالطريقة المبتذله نقدر نلبس شي محتشم وراقي بنفس الوقت شالمانع !!

وقدماء المسلمين اهم مهد الحضارات لان الغرب ماجت منهم حضارات اهما فقط طوروها واستفادو من حضارتنا

لكن تقدم وتحضر مع سلوكياتنا

يعني بنت تماشي ولد نقول عنه تحضر ليش شسالفه وين قاعدين !!

شنو وجه التحضر بهالسالفه ووين التقدم في هالسلوك !!

لايختلي رجل بامراءه الا وكان الشيطان ثالثهما

وبعدين غيرة الشباب الكويتي معروفه وحمش على اهله ومايرضى حتى واحد يطالع اخته فمابللك يصادقها

والي تقول المسلسل مايعكس سوك المجتمع الكويتي اقولها غلطانه

وانا اقولج

طاش ماطاش في حلقه له خلت الشارع السعودي يشمئز بسبب عكسه لصوره غير اخلاقية للبنت السعوديه

فيلم ( حين ميسره ) سوى ردت فعل قويه بالشارع المصري

ليش هالشكليات مو موجده عندهم وعند مجتمعات اخرى

الجواب اكيد موجوده لكن قليل جدا وسبب ردة فعل الناس طبيعية لانها تصور للناس ان هذا يمثل مجتمعهم

وانها قضيه تعالج مشكله موجوده بكثره عندهم وهذا خلاف الواقع

حلقة اليوم

ذهاب نور لمرسى المراكب لمقابلة طليقها ع اليخت وعذرها انها بتصفي حسابات شركاتها

طيب

مافي محامين مافي مكاتب يسوون فيها هالمشكله

مالقت الا اليخت !!

انا مو ض الفكره

بس ضد الهدف

يعني مثلا

تروح اليخت بسبب انهيارها وصدمتها من عبدالله بعد ماطلقها يعني سلوك شخصي بسبب موقف شخصي يمكن

لكن تصفية حسابات شركه على يخوت !! ماادري

مااتوقع اي وحده كويتية ومها كانت حريتها تنفرد مع شخص بروحهم بيخت علبنا تسوية حسابات !!

وبالأول والاخر

المسلسل جميل لايخلي من الشوائب والانتقادات

وردودكم راقيه تستاهل رفع للموضوع

منورين