لايطوفكم لافام الخالدبه ولافام الجديد للاطفال

[شكيرا]

:hjy5jewf::33_1185028183::33_1185028183:يابعد عمري والله لاشيلج بعيوني يالغالبه انتي وخواتي كلهم

 

[atosha]

انا مشتركه بالنادي ..

للمره الثانيه وصج شهادتي فيه مجروحه .. بس ياربي استحي ادش كلاس الرقص.. ادش الايروبيك والكلاسات العاديه

بس انتي مشالله عليج حبوووبه وكذا مره علمتيني جم شغله فديتج و بشووشه الله يديم عليج يارب و الله يوفقج..

وربي على ما اقوووله شهيييد .. واللي تقوول عن البنت اللي بالاستقبال .. ترى الحين حطو فلبينيه يديده صاروا 3 بالاستقبال لووول

اي صج البنت نفسيه .. بس ترى انا مع التعود والمواقف اللي تصير اكتشفت ان اهيا جذي .. حتى شفتها تسولف ويا صاحبته النادي ..

بس لان كذا مره انسى الرقم السري مال لوكري واروحلها تبطلي اياااه وتساعدني عاد حبيتها لوووول < قلبتها قصه حب ككك

 

[pretty sarona]

النادي حلو وانا مجربته بس اللي ما حبيته صوت الموسيقى , اي كلاس يشتغل على اغاني والحان وانا هالشي ما حبيته , انشالله تقللون من الموسيقى , لان الوحده إذا بتروح النادي تبي تريح بدون ازعاج

 

[تــوتــه]

ياهلا والله بشاكيرة نادي لافام

بصراحه بنات انا ادش الكلاس معاها مرات .. انسانه حبوبه وايد ورقصها حلو وخصوصا الهندي _03ba:
انصحكم فيه

وان شاءالله لي عوده للنادي هالاسبوع

 

[بنت بابا جابر]

:tomato2:

ياهلا والله بشاكيرة نادي لافام

بصراحه بنات انا ادش الكلاس معاها مرات .. انسانه حبوبه وايد ورقصها حلو وخصوصا الهندي _03ba:
انصحكم فيه

وان شاءالله لي عوده للنادي هالاسبوع

مااااااااااانبي هندي ... :eh_s(14): نبي شررررقي :eh_s(6):​

 

[حنون المزيون]

مشكوره شكيرا عالإفاده والدعوه لنا بلافام وبصراحه فرحتيني بإفتتاح ناجي للأطفال لكن عندي جم سؤال بليز ..

1 - الأطفال بيكون ناديهم معزول عن الكبار وإلا معاهم ؟
2 - عندهم حمام سباحه وإلا لا ؟
3 - عندهم بالنادي ناس للإسعافات الأوليه الله لا يقدر لو صار شيء للطفل ؟
4 - جم اشتراكهم ؟

ومشكورا يا شكيرا والفال لنا نصير شكيرات بأجسامنا

 

[on line]

رقم تلفون النادي بليز
وفي حمام سباحه؟؟

 

[مخروووشة]

عاد انا بيتنا بالخالدية

ودي اتعلم الرقص لان بحياتي كلها ما رقصت الصراحة انحرج لما يحنون علي وانا والله ما اعرف شي

بس اخاف اهناك يضحكون لانة مكشوف وانا كلش ميح

 

[^عنقود عنب^]

شااااااااااااااكييييييييييييييرا ويييييييييييييينج .................

في حمااااااام سباااحه ولا لأ ؟؟؟

وين صااير مكاانه بالضبط أنا مادل بالخاالديه إلا الجمعيه وبيت رفيجتي لووووول

 

[تــوتــه]

بنت بابا جابر :
في مدربتي شاكيرا ووحده ثانيه
والحلو هناك يعلمونج خطوات ارص الشرقيخطوه بخطوه
ولاتحرجون من الباقي لان كلنا الله بالخير .. مبتدآت وقاعدين نتعلم

ومكنهم يم نادي الفتاة لونه ازرق وعليه لوحه من فوق مكتوب lafame fitness اذا مو مخربطهب الاسم
وهذا رقمهم للي تبيه 24925666

 

[HASSOS]

قوة حبوبة ابسألج الله يعافيج ايصير ادش كلاساتج او اني ادش ويارة يوم واحد وادفع علية مثل نظام فلكس واتمنى ماتنسيني

 

[تــوتــه]

بعد اذنج شكيرا برد على البنات
الظاهر الحلوه عندها كلاسات وماكو وقت ترد على استفساراتكم

ايه حصوصه .. يصير تجين زياره باليوم اللي تبينه وسعر اليوم ب 10 دنانير
انا اشوفه وايد !!

 

[شكيرا]

اسفه خواتي اني ماقدرت ارد عليكم والله انشغلت بدوامي لان بعد رمضان رجع دوامي شفتين الصبح والمغرب , ومشكوره اختي توته واختي بنت بابا جابر على ردودكم لإستفسارات خواتنا , باجر انشالله راح يبدا نادي الاطفال , والاشتراك 65 بالشهر وبس بنات , من سن 5 الى 12 سنه طبعا فيه حمام سباحه موعميق لاتحاتون وفيه تسلق وصالة إيروبيك واجهزة مشي وغيرها من الاجهزة اللي تهبل وعلى حجم اليهال , اما إن كنتو تسئلون عن حمام السباحه للكبار , نعم , في عندنا حمام سباحه للكبار , انا اعطي كلاسات إيروبيك ماي (اكوا إيروبيك) والله ياخواتي مفيدة وايد ومايشترط تعرفون سباحة , وخصوصا لامهاتنا ياخواتي , تكفون لاتنسونهم هذول الغالين , لانفكر بعيالنا وننسا من كانوا سبب لوجودنا إحنا وعيالنا من بعد الله سبحانه , عندي مشتركات من امهاتنا الكبار والله يابنات احبهم حب ماتتخيلونه , وحتى اهم يحبوني مثل بنتهم , اراعي كل وحده وحالتها واللي فيها دسك او خشونه اعطيها تمرين خاص لها , وطبعا هذا مافيه طيب , هذا واجبي ياخواتي , اقنعوهم , ادوي انهم يستحون بس والله مافيها شي , هذي صحتهم وعسى الله يخليهم لنا , ييبوهم للتادي فترة الصبح بيشوفون الحريم الكبار بالخوض وراح يتشجعون, وسامحوني ياغالين لاني تاخرت عالرد على استفساراتكم حقكم علي :ssssso:

 

[شكيرا]

اختي حنون المزيون بالنسبه لنادي الاطفال مابينه وبين نادينا الا باب مبناه لاصق تماما بمبنانا لاتحاتين حبيبتي , انا فاهمه قصدج , ودج تطلين عاليهال كل شوي وانتي بملابس الرياضه :ada:, تطمني على حبايبج يابعدعمري بيكونون يمج رقدي وامني :ch12:

 

[شكيرا]

يارب تشافي ناصر , يارب تشافي ناصر يارب تشافي ناصر , يارب يطمن قلبكم عليه اللهم امين , والله ادعي له دعوه صادقه من كل قلبي يارب يخليه لكم ويمتعه بالصحه والعافيه ولايحرمكم منه ياااااااااااااااااااااااااااارب , اللهم امييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييين :n2006107:

 

[akadenia]

ممممممممممممممممممم

شجعتيني

باجر يمكن امر النادي

انزين اذا اشتركت يصير العب بنفس اليوم ؟؟؟؟؟؟؟؟

 

[Fatima]

حسافة ما تستقبلون سنتين

 

[هنـــد]

يعطيج العافيه عالمعلومات الطيبه

وان شاء الله احاول اشترك معاكم

 

[sarass]

انا انشالله راح اشترك بالنادي بس بسأل عندكم اشتراك للسباحه بس ولا كله يشمل ال 100

ويعطييييييج العافية

 

[جناش]

حبيتي ولدي عمرة سنتين ودي اشترك بس مادري وين احطة مايصير ادخلة مع الناني مالته