هاآآآآآي ياآحلا بنات :hjy5jewf:
اليوم موضوعنا غير ... كلنا تقريبا عرفنا طريقة نحت الويه .
بس موضوعنا اليوم نحت الجسم بالمكياج ... <
للتوضيــح
( اقصد بالموضوع >>
انحتي جسمج بالمكياج ليوحي وبانه أنحفــ )
و كأنهـ .. مو عملية إنقاص وزن حقيقية ..
بل باستعمال خدع الميك اب .. (( اكيد قلتو هذي شفيهااآآ علبالها احنا اغبيه لوووول ))
انشالله ... فهمتوني
يالله نبدي الموضوع وانشالله اقدر اوصلكم المعلومه ...
اولا : اذا كان ودج اتضعفين ايدج وله ريلج او شكل صدرج يعني جنج تافختهم "
او شكل الظهر المقسم طبعا حتا الضعاف مو شرط انه ظهرها مقسم او الرقبه الطويله او اي شي مو عاجبج بجسمج
ماعليج الا النحت بالمكياج ... (( كل شي بالمكياج يصير لووووول ))
و دايمآ التجربة خير برهان ... لتقتنعي بأي شئ يديد ,’,
( أنصحكـ بالتجربة اولآ بالتطبيق عمليآ ) معاي خطوة بخطوة :: علشان تستوعبين وتفهمين عدل
1- اخذي الكونسيلر الفاتح و لوني ايدج بالنص بالطول ,,
بعدين دمجي أطراف اللون مع جلدك لتمويه الأطرافــ ..
( شنو تلاحضين ؟جنه ايدج مساحتها صارت اوسع واكبر ..
2- اخذي الكونسيلر الغامج " البني " , وحطيه علا اطراف الايد
" بالطول خطين متوازيين يفصلهم الكونسيلر الفاتح اللي اول شي حطيتيه "
بعدين دمجي الأطراف للون و موهيها مع جلدكـ ..
( شنو تلاحضين ؟ جنه صارت ايدج اضيج واضعف )
لأن اللون الغامق دايمآ يوحي بأن المساحة ضيجة
و اللون الفاتح دايمآ يوحي بأن المساحة كبيرة .. حتى لو كانت المساحتين متساوين ..
مادري وضحت الفكرة و لا لاء ؟؟ :yaaaaaarb:
بنات اللي مو مستوعبه تحاول تقرا مرا ثانيه لان الطريقه حدها سهله وعجيبه يعني
النحت حق المتزوجات شي عجيييييب يخلي جسمج ابداع وحق العروس لما يكون ملابسج مفصخه
وهالسوالف فالموضوع حده مفييييييييييد
يالله نكمل ...
طبعااا من وين وله شنو الكريمات ... روحي محلات المكياج قوليلهم ابي كريم جسم في بعضهم حق الويه والجسم
احس احسن وفي اللي رش طبعا الكل عارفه بكل محلات قمصان النوم صار موجود
الحين :: اي الوان نستخدم ؟
حسب لون جسمج + حسب اللوك اللي تبينه .
>> لوكـ برونز بتفرعاتهـ ( ذهبي - محمر - بنكي - بني ) ..
حطي البرونز + الدرجة المختارة من التفرعات
الحين للبنات السمر + البرونزيات
:: هالبشره بالذات + اللوك البرونز " نحتاج لون ثالث
( يوزع بفرشاة كبيرة بطريقة دمج دائرية على المساحات )؟
:: علشان لا يكون المظهر باهتـــ على السمر و البرونزيات
نحتاج الى ( البودرة السائبة اللامعة للإضاءة - او سبراي للرش:: لنفس الغرض )
لأنه هالبشرتان ماراح يكون حلو عليهم المات :: المطفي
لأن اللونين أصلآ باهتين و يحتاجون لون يبرزهم و يلفت النظر لجمالهم ..
بعكس البشرة الفاتحة مضيئة بالأساس و ما تحتاج إظهار
بل العكس >> أحيانآ تحتاجين الى كسر الشحوب فيها
بوضع البودرة السائبة اللون الناتورال
كــ خطوة نهائية >> لإعطاء اللوكـ المخملي
او البودرة السائبة اللماعة اللون الناتورالــ او البنكي او البيج
لإعطاء حيوية على اصفرار و شحوب هذه البشرة ..
وانشالله فهمتووو يا برونزيااات (( اخخخخ ياقلبي متا انتمي لهاللون )) :yaaaaaarb:
يالله الحين ندش بالعميييييييييييق :
* للبشرة الفاتحة + نحت الصدر + الرقبة ::
>> شخصيآ " ممكن استغنى عن نحت كل المناطق إلا هالمنطقه وااااااااااااااي والله صج شي عجيب =)) "
لأنه يعطي جمال خيالي .. لوووووووووول ,’,
مثل مانتو شايفين بالصوره ـ اللون الغامج على القوس التحتي + الجانبي للصدر
و أيضآ على تجويف عظمة الترقوة
اما التفتيح و الإضاءة ستركز على >> وسط الصدر عشان يعطينا مظهر الإمتلاء
و سطح عظمة الترقوة . بنات ... جربووو علشان تثبت عندكم وماتنسون
* لتقسيم الظهر ::
نحط اللون الغامج على ( كامل العمود الفقري >> لتقسيم الظهر نصفين )
+ التجويف المائل لــ القفص الصدري من الخلف
( نلاحظ اختفاء هذه المنطقة للي يعانون من الوزن الزايد )
اما التفتيح فعلى وجه الظهر و الجلد ..
الحين يه دور الشقر والبيض ... ... <<
نلاحظ هني استعمالــ اللوكـ اللامع فوق النحت
( مثل ماقتلكم فوق بنات ) للتخفيف من الشحوب .. :yaaaaaarb:
.
.
.
.
.
.
( نصايح لإكمالــ اللوكـ النهائي مع شوي رتوش )
* بنات نصيحه قبل لاتسوين نحت لان ماراح يضبط ويكون شغلج مضبوط وجسمج كله خلايا ميته
علشان مايتقشر جسمج مع النحت ..
( لأن المكياج يجفف البشرة احيانا)
فلازم تقشرين جسمج قبلها تقشير خفيف بالسكراب الخاص بالجسم او تسوين حمام مغربي قبله بسبوع اقل شي
* راعي ان تكون بشرتكج حيوية + غير جافة ,
حطي المرطب الخاص بالجسم قبل لا تنحتي ..
* مو علا انج بتنحتين تترسيت جسمج مكياج وماتدمجين عدل (( ديربالج خلج علا جسمج وايد ابرك )) >> ومو علا طول تلبسين ملابسج خل ينشف شوي وخصوصا اذا كان ابيض لبسج
>>
* لاحظي ان الإضاءات تلعب دورآ كبيييييييييييييييير لإبراز جمالــ الجسم
.
* و أخيرآ لا تنسين ان نحت الجسم يرتبط تلقائيآ بنحت الوجهـ
( على الأقل انحتي الخد - الأنف - الرقبة ) بشكل سريع .. وسلامتكم
وانشالله يااحلا كويتيات اني فدتكم ... لان من تجربتي ... صار شي اساااااااااااسي نحت الجسم لان قمت احس بفرق
كبير والله حتا لما اروح صالون ويحطون لي كريم جسم لازم بعدهااا انحت جسمي لان يطلع شكلي وااااو
واي سؤال انا حاااااااااااضر
ويالله دعواتكم ياحلوين اني اولد ب20 -10 ((لووول))
اهم شي اولد ويكون البيبي زيييين قولو اميييين . ترا والله تعبت وانا ارتب بالموضوع
وبجذي نكون خلصناااا ... واقدر اقولكم بآآآآآآآآآآآآآآآآآآآآآي . ياعسل :RoadRunner:
