لا تكشخين حق زوجج ولا شي

[نـعـومـه]

اهم شي يكرن شكلها مرتب

وثاني شي الريال يحتاج الكشخه بعدين يقول اهيه ماكشخت وماسوت

 

[aṕriliå]

الوحدة تكشخ لنفسها قبل تكشخ لزوجهاا

هو اذا فكر بالزواج مايرده شي

 

[PuPa^^SWeeT]

مبين محترة وايد

بس معاج حق


الكشخة لج مو لزوجج


انا لمل اكشخ لنفسي مو لزوجي

 

[קTυŁi]

انا اتفق معاج ان الكشخه والاهتمام مو حق الزوج حق الزوجه نفسها يعني لاتسوين شي الا لنفسج حبي نفسج بالدرجه الاولى..وبعدين اهتمي فيه ولاتهملين نفسج

 

[ورده عنابيه]

الله يعين الجميع

 

[دلــــــــــع!]

الله المستعآآآآن
والله شي يحير، ويبط الجبد بعد
بس لازم تعرف ليش تزوج؟
يمكن مل منها وحب يغير
الله يعينها،،
بس ما تدرين يمكن لما يعيش مع الثانيه
يكتشف الفرق بينهم وتطلع زوجته الاولئ
احسن،،الله يعينها

 

[بولندية]

صح لسانج و الله لا يكتب نصيب لرياييلنا غيرنا يارب =)

الريال صج لي حط براسه شي يسويه انا اعرف واحد متزوج وحدة بس مو نظيفة كلش فكر ان يتزوج عليها بس اهله جنه قالوله لآ حرام عليك ومرت السنين و للحين قاعد معاها

 

[ريوومة 1982]

المثل يقول لاتعطي كثيرا فتندم كثيرا

و ياوخيتي من خلال خبرتي اقولج السنعه مالها حظ

لاحظي كل وحده خايسة ريحتها و العباة تخيس عليها تذوب و اسنانها برتقاليه يموت عليها زوجها

اما الحلوة اللي يشوفها يقول ريلها غرقان بالحب اللي تسوي كل شي لزوجها ما يحبها و لا يواطنها

 

[انجبر قلبي]

حبيبتي أول شي كل شي زايد عن حده ينقلب ضده
وانتي تقولين البنت على طول كاشخه وما تلبس الشغله مرتين
شدعوة يبا ترى ملل جذي والله .... ؟

و ترا البـيوت اسرار والناس لها الظاهر
ما تدرين شنو السبب اللي خله الريال يتزوج مو شرط عشان الشكل واللبس و و و ...
كل هذا مو أهم من المعامله و الادب أو يمكن فيه اسباب خاصه ..!

وبعدين الرياييل أنواع فيه اللي يحب الكشخه 24 ساعه وفيه اللي ما يحبها اوووفر
وفيه اللي يحب شكل البنت بسيط نفس الاجانب
وفيه اللي يحب اوفر نفس الخليجيات يعني مو مقياس عشان نعمم

وانا زوجي والله كلما اكشخ والبس ما يمدحني ويغازلني كثر ما احس اني شيفه ومهتمله!! والله مادري ليش مستغربة!
يعني مرات ما احط بويهي ولا نقطه ميك أب واحس اني ألوع الجبد فجأة الاقي هاللي يتغزل بويهي يقول شحلاتج! اقوله انت كلما احس اني مو بالعه عمري تمدحني.. يقول احب شكلج جذي طبيعي بدون ميك اب

والله انا كله أطلع بره بميك اب كامل مرة ما حطيت بس مسكره و لمسات بسيطه حيل حيل جان يقول واو شكلج جذي وايد احلى لا تحطين مكياج مرة ثانيه !! مع العلم ان ويهي فيه حبووووووب وايد مشوهه خدودي مادري شلون اعجبه بدون كريم اساس !!

بس لأن اهو ذوقه جذي لو انا 24 ساعه بحط مكياج .. واهو اساسا ما يحب المكياج بتلوع جبده مني بيمل

واشوة انا ريلي نوعه ينبهني بعد فيه رياييل مو عاجبهم شغله معينه ويسكتون ما يقولون حق حريمهم وهذيج وعليه ما تدري تكرر بهالشي اللي مو عاجبه لمه يزهق

 

[انجبر قلبي]

انزين واذا ماكشخت!!

ما بيروح حق وحده كشخه بالشارع؟؟؟




.

.


هنيه بالله شاسوي ؟

كشخي بس مو 24 ساعه كاشخه جنج يوميا عنج عرس !!

الاعتدال حلو مرة تكشخين ومرة لا ع الاقل تحسين انج لمه تكشخين شكلج قاعد يتغير

الريال يحب التغيير ما يحب الشي نفسه على طول حتى لو كان حلووو

صج خير الامور الوسط

 

[بنت شتره]

لانها سنعه ونظيفه وكشيخه
تزوج عليها ...

اما الوسخه الرفله اللي بجامتها ٣ ايام عليها هذي
يتعلق فيها ويغليها

بس الوحده لازم تلبس وتكشخ وتعيش لنفسها يعني عشان اعطيه طاف لازم اهتول وارقع بنفسي
عسى ماشر !!!!
ولا اطيير رجلها فوق ( وهو لو بيتزوج مراح يرده شي )

 

[فجر الجنوب]

كله نصيب وانا اختك
يسعدك

 

[Tom ♥ Jerry]

.،


مو كل الرياييل مثل ريال هاذي البنت الله يكون بعونهآ
في رياييل يبين بعينهمـ و يحب يشوف زوجته كآشخه بس فعلا مثل مآ قلتي
الي يتزوج و يحط في باله انه رآح يتزوج مره ثانيه و ثالثه
لو شنو تسوي الآولى مآ رآح يبين بعينه (=


الله يعين قلب الحريم على هالـ تعقد من الرياييل

 

[ديانا سبنسر]

اكشخ لنفسي ولنفسيتي واذا هو بباله شي الله وياه مايشوف شر من باعني بعته صج راااح انجرح بس ماراح اوقف حياتي عليه وبالعكس حتى بعد فرقاه راااح اهتم بنفسي وابالغ بالاهتمام والله يمسح على قلب رفيجتج ويهون عليها اللهم اميييين

 

[كتكوته غنوجه]

هههههههههههههههههه
حياتي هدي اعصابج محد يستاهل..

 

[pusy cat]

اصابع ايدج مو سوا

ليش نعطيهم عذر عشان باجر يلومني انتي ما تكشخينلي

بعدين الرسول عليه الصلاة والسلام وصا النساء انها تكشخ وتتزين لزوجها (اذا نظر اليها اسرّته)

فاحنا نسوي اللي علينا واذا طلع مو كفو شنسوي بعد اللي بأيدنا سويناه وبرينا ذمتنا

 

[زعنوفه]

اي بس ليش تخليله مقضب عليها؟؟؟؟؟؟
​

 

[كارلوفي فاري]

للاسف صار في خلط للامور بين المتزوجات
الوحده مننا لازم تكون مهتمة بنظافتها الشخصيه ورائحتها الزكيه ورتوش خفيييييييفه من المكياج مثل مسكره قلووس كريم تفتيح للبشره اذا احتاج الامرمع هندام حلو ورايق ونظيف سواء بجامه دراعه بدله وهالشي يكون بشكل مستمر
وفي بعض الاحيان مثل وانتي راجعه من اهلج زوجج له فتره عنج دق عليج وقال تضبطي طبعا بالحاله هذي الوحده تلبس قميص نوم او بيبي دول او بجامه مثيره
اما اذا كانت عندج مناسبه حفله عيد زواج عيد ميلاد هني كشخييييييييييله لانه مناسبه ولازم تكونين مميزه حطي مكياج صارخ او اثققل من المتعوده عليه مع عدسات تسريحه عطر قوي وبخور ويفضل تسريحه ناعمه ةمايكون مبالغ فيه
اما اذا كان الوضع يحتاج ليله حمره مثل الزوج راجع من السفر او طالعه من الاربعين هني يبيلج لبس جريئ وحركات

معناته يابنات هذا القصد من لاتكشخيله لان البنات حسبالهم لازم يوميا على سنقة عشر لاااااااااا والف لااااااااااااااااا
الرجال يهمه تفكير المراه وشلون طريقة تعاملها معاه وشلون تفهمه
اما الاشياء الثانيه تعتبر عنده مثل طبق التحليه
ةسلاااااااااامتكم ياكشيخات

 

[ماني من الناس]

وانا اقول لكل وحده انها تعيش حياتها

 

[رحيييييييييل]

خليها تستمر على اهتمامها ومصيره يعرف الفرق لانه ماراح يلاقي مثلها هذا يحسب الحريم كلهم كذا