لا تموين للخليجيين و«البدون» في شهر مارس

[قمر2009]

الله يرزقهم ان شاء الله

 

[منوووووله]

1. زين يسوون والله يحطون حد حق الي يلعب بهالأمور ...

 

[G!RLooNa]

رد : لا تموين للخليجيين و«البدون» في شهر مارس

توني ادري ان التموين يعطونه حق الغير كويتيين

عموما اذا قطعوه عنهم لانهم يايين هني ياخذون التموين و يمشون زين يسوون انهم قطعوه خل يعدلون امورهم و يعطون اللي يستاهل عاد منو اللي يستاهل مادري لكن اييون ياخذون و يمشون ما يصير و اللي تقول ماراح اييون عشان شكر و عيش يعني تموين سنه كامله نتكلم عنه مو يوم ولا يومين جيس العيش والشكر بيفرق

 

[أحبه موت]

الله يعينهم بس ميخالف خل يدبرون نفسهم بس هالشهر مجرد تحديث بيانات عشان الكل ياخذ حقه​

 

[دآنة آلرشآيده]

الله يديم على الكويت الخير

 

[غلا بنت الكويت]

شفيكم إنتو تدرون منو الخليجيين اللي تتكلمون عنهم

من زمان عايشين بالكويت حتى بعضهم قبل قانون التجنيس اللي كان سنة 1959

آنا أعرف واحد من معارفنا تدرون من سنة 1955 وإهو بالكويت وكان من مواليد الكويت بس أهله من البادية فبطبيعة

أهل البادية إنهم يتنقلون من نجد إلى الخليج والعكس صحيح بس إهو رد الكويت سنة 1955 فسبحان الله ماكان يهتم بالإثباتات

أو الاوراق أو جنسية لأن كان جاهل في ذاك الوقت ماكان متعلم إشتغل في أكثر من دائرة حكومية بعدين إلتحق بالجيش

مع العلم في ذاك الوقت أي واحد كان يقدر يأخذ الجنسية ووايد ناس أخذوا الجنسية لما فتح الشيخ عبدالله السالم الصباح باب

التجنيس في أوائل الستينات وناس وايد جو للكويت عقبه من أكثر من مكان وأخذوا الجنسية حتى في السبعينات

ومرت السنين وتعلم وراح الحروب العربية بس تصكر باب التجنيس وصار من فئة البدون وكانوا يعاملونه معاملة الكويتي

يعني كان كويتي بالتكريم لأنه له خدمات جليلة وكان مقدم على الجنسية ومعاه ورقة شهود موقعة من شخصيات كبيرة تثبت

أحقيته بالحصول على الجنسية بس لما جاء الغزو إنباقت الأوراق وعلى فكرة كان مسجل بالمقاومة إهو وولده

وبعدين طلع بالغزو لما شاف الوضع صعب لعائلته وعياله الصغار وسبحان الله صارت طلعته بالغزو خيرة لأن عقب ماطلع جو العراقيين كانوا بيأخذونه إهو وولد مع العلم إنه كان رافض يطلع من الكويت بس علشان حنة الأهل لما تجمعوا وقالوا لازم تطلع وراحو للدولة الخليجية وبعد التحرير ردوا ودرسو عياله وبناته بس لما وصلوا عياله الكبار حق آخر سنة بالثانوية وإهو يدري إن البدون ماكان لهم مستقبل ومايقدرون يدشون الجامعة في
أوائل التسعينات راح و أخذ الجنسية الخليجية له ولمرته ولعياله وسبحان الله أول ما أخذ الجنسية الخليجية ثاني يوم طلع إسم

مرته بجريدة الكويت اليوم طالبينها للتجنيس بس سبحان الله ما خلاها تروح قال أكيد راح يعرفون إنج أخذتي الخليجية

بس والله إهم صج ماخذين الجنسية الخليجية كإثبات بس إهم كلهم مواليد الكويت ومايعرفون غير الكويت وإهي ديرتهم

وأزيديج من الشعر بيت إهو كان من ربع الشهيد الشيخ فهد الأحمد بالجيش بس عمره مافاتحه بموضوع الجنسية علشان يتوسطله حتى يمكن الشهيد ماكان يدري إنه موكويتي رديت عليج هالرد العريض لأني حبيت أوضح فئة معينة وصغيرة من هالخليجيين اللي قاعدين تتكلمون عنهم لأن بعض ردود البنات إستفزتني

وإذا كان في أحد يستاهل الجنسية على بند الخدمات الجليلة فإهو هالشخص وفيه مثله وايد

إهوا اللحين كبر والله يعافيه ويطول بعمره ويرزقه إهو وأهله لأن حيل تعب في حياته ومو راضي يخلي الكويت لأنها ديرته ويحبها إهو وأهله

والله يطول في عمر سمو الأمير الشيخ صباح الأحمد الجابر الصباح ويحفظه ماقصر لما أمر بأن المنحة تكون لكل حاملي البطاقة التموينية ومن ضمنهم الخليجيين والبدون اللي في الجيش.


تحياتي

وسوري على الإطالة بس حبيت أوضح أشياء غالبية الناس غافلين عنها

 

[قـمـر..دنـيـاي]

رد : لا تموين للخليجيين و«البدون» في شهر مارس

لآن في ناس تبيعه ,.

 

[Hello_kitty]

رد: رد : لا تموين للخليجيين و«البدون» في شهر مارس

لاتنسوووووووووووووون
هم اللي ضفونا يوم الغزو


ولاتنسون هم اللي دافعو عن الكويت

عفوا بس شنوووو علاقه ضفووووونا الحين بموضوع التموووووين؟؟

ولا ما تصدقون بكل سالفه لازم تتمنون وطايحين معاير بأهل الكووووويت

لعلملج اخر دوله يعايرونها بالطيب الكوويت لأن طيبها وفضلها وخيرها سابق ومغطي الكل

ومحد يقدر ينكر افضال الكويت على الخليج قبل ما تطلع وتتأسس منو بنى المدارس والمستشفيات وعمر ديارهم؟؟ من عمرها الكويت كانت سابقه الكل بكل المجالات محد يطولها ولايوصل مواصيلها

ومحد ساعد الكويت ببلاش الأزمه كلها سبع شهووووور واحنا لي الحين ندفع دم قلبنا كافي بس منتجاتهم اللي انفرضت

علينا باسواقنا وجمعياتنا واحنا مومحتاجين لها وعندنا منتجات كويتيه احسن منها مع العلم ما نشوف اي منتج كويتي

بأسواقهم..كافي اعيالهم وبناتهم اللي انفرضوا علينا يشتغلووووون ومشاركين اعيالنا بلقمتهم ووظايفهم ..لوكانت الكويت فقره وما تملك ش تهقين في دوله كانت بتوقف معانا؟؟

وترى الغزو كله سبع شهووور وكنا عايشين بخير وعز ديرتنا وتمشيلنا رواتب ومؤؤنه شهريه حق الكويتين بالداخل والخارج من استثمارت الكويت بالخارج ماقعدنا عاله على الغير مثل غيرنا

والكويت ترى اهي كبش الفدا ولا صدام كان ناوي يكمل على الخليج كله الكويت اهي اللي دفعت ثمن اطماعه وجنونه!!

واذا انتي وغيرج طلعتي برا الكويت ترى اللي قعدوا بالكويت وتمسكوا بارضهم اضعاف اللي طلعوا بره والحمدلله اعدادالشهداء والأسرى والمفقودين تشهد

ووايد كويتين يملكون عقارت وبيوت وحلال بره الكويت راحوا اسكنوا بحلالهم ولا منه احد

عيب ترى هالكلام ومالاداعي واحنا لو بنصير اردى منهم ونعايرهم والله يبجوون دم بس مومن اخلاقنا احنا نسوي
الطيب ونبي الأجر من الله وطيب الكويت وخير اهلها اهو اللي حافظها ومبطط عيون الحساد

وما لاعلاقه سالفه الغزو نوزع عليهم تمووووين بعدما يبون بيوت وسيارات ومعاشات؟؟؟

 

[نآعِمْ آلعُود]

رد : لا تموين للخليجيين و«البدون» في شهر مارس


الله يحفظ آلكويييت :eh_s(17):

 

[أحلى عيون]

رد : لا تموين للخليجيين و«البدون» في شهر مارس

والله زين يسووون بصراحه لو كويتي في دوله خليجيه يمكن مايسون معاه مثل ماقاعد تسوي الكويت وياه

والبدون بعضهم يبيعونه والله اني اعرف وحده نص التموين عندها تبيعه علي ربعها استغفر الله


الله يعزج ياكويت ويعز حكومتنا ولا يغير علينا يارب

 

[حكستار]

من حقها الدوله تتأكد تصرف لوسها وين
والكويت ما قصرت مع احد

 

[وردة المحرق]

الله يزيدكم كم خيره يااااارب تستاهلون ............... لازم يشددون شوي ولابتصير سايبه

 

[ReeM ^ Style]

رد : لا تموين للخليجيين و«البدون» في شهر مارس

هلا حبايبي اللي فهمته البطاقه التموينيه مو اي احد يستحقها
يعني موكل خليجي او بدون يستحق البطاقه التموينيه
ويابنات اللي فهمته تحديث البيانات بالنسبه للبدون تاخذ وقت
يمتد لشهور
لاتكونوا انانيين وتفكرون بس بانفسكم
ترى في ناس بس عايشين على هالتموين
وفي ناس مو لاقيه تاكل
وانتوا بكلامكم هذا تجرحونهم
" مالنا شغل فيهم " " شكو فيهم " بغض النظر على جنسيتهم
تراهم مسلمين ومن حقنا انحاتي اخوانا المسلمين
ونوقف بجانبهم جذي علمنا رسول الله
اما الانانيه والحسد ماتقتل الا صحابها
يمكن هالشي بالنسبه لنا هين
اما بالنسبه لغيرنا مصيبه
وعلى فكره التموين دولتنا تصرفه
ماعتقد اي وحده فيكم تصرفه من جيبه
عشان كل هالتوتر والعصبيه
واميرنا يعرف اكثر مني ومنكم فضل بعض الخليجين والبدون بالكويت
ولا ماعطاهم البطاقه التموينيه

اتمنى تحسنون نيتكم عشان الله يرزقكم
ولاتنسون انما الاعمال بالنيات وكل امرى مانوى
وتبقى وجهة نظر
والله يعينهم ويرزقهم اخوانا الخليجين والبدون
وعلى فكره هالشي مجرد تحديث
يعني ماراح يقطعون عنهم التموين

 

[العجوزوعيالها]

والله اعرف ناس عايشه بالسعوديه كلهم ابوهم ياخذ التموين ويوديه لهم
مافيها منه كل واحد بياخذ حقه :eh_s(8):

 

[*الأثــــــــير*]

والله لامنه ولاشي ديرتي ديرة خييير من يومها ولا احد يشكك بهالشي

واصلا اول مرة ادري ان يوزعوون على البدوون والخليجيين

 

[الــــغاليـــه]

رد : لا تموين للخليجيين و«البدون» في شهر مارس

اهااااا>>>وانا اقول مو معقوله الشهر اللي طاف ان الكويتين يسووون زحمه بالتموين!!!! طلعوا البدون اهم اللي مسويين الزحمه!!!
واخوي يقول ان البدون يبيعون التموين وانا اقول شلووووون؟؟؟؟ اللحين فهمت :eh_s(4):

 

[marimor]

انا أأيد هالقرار

 

[dob106]

يا رب احفظ الكويت وديار المسلميين

 

[ريم الخليج]

رد : لا تموين للخليجيين و«البدون» في شهر مارس

حب لاخيك المسلم كما تحب لنفسك

وماله اي داااعي تجريح الاخرين علاشان كيس عيش وسكر لان النعمه زواله والحمد الله الكل عايش بخير قبل التموين وماحد مااااات من الجوع

 

[Miss.6Mo7]

آلله آلمستعـآن ..