لا حضرية ولا بدوية .. لا شيعية ولا سنية .. كلنا عيال الكويت وهذا الاهم

[hello.kitty_85]

صح كلامج وانا معاج.. وربي يوفقج ويحققج اللي في بالج

حبيبتي مشكورة وايد على هالدعوة الطيبة ادمعت عيني عسى الله يحفظج ويخليج حق حبايبج يارب

 

[hello.kitty_85]

امبيه مثل تفكيري بالضبط !

كل النقاط اللي قلتيهـآا صح !!

1. الفرق بين البدو والحضر لنه كل واحد تربى غيـر !! يعني عاداتنا وتقاليدنا مو مثلـهم يعني نحبهم ويحبـووناا بس مرات هالشي يسبب مشـآاكل بين بعـض .. يعني اهم متعودين على شغله واحنا نطالع حق هالشغله بنظرة ثانيـة وان شالله فهمتـي قصـدي ^^

2. أيـآأم أول هالشي ما كان يسبب مشـآأكل !! ماكو فرق سنه وشيعـه بس بسبـب الاعـلآام والجـرآايد لو تلاحظـوون بدت التفرقــه !! والله اذكر لما كنت بالمتوسطه والثنووية ما كنا نقوول هذي شيعيه .. هذي سنية ؟ كلنا على قلب واحد بس الحين وايد اشياء تغيـرت ليش مـآادري ;s يعني احنا مو مثل العرااق عشان يصير بين السنه والشيعه حزازيات ..! بس الله الهـآادي .. والله مادري الناس اللي يسوون فتن شنو بيستفيــدووون

3. أذكر لما كنا بالثنـوية أبـلـة الاجتماعيات تقول من الاسباب اللي تخلي الكويتي شايف روحه لنه احنا اقليه يعني احنا جالية الكويت في الكوويت فهالشي وايد مأثر عليناا ونبي نثبت روحنا للعاالم ونبين لهم انه احناا كويتيين !! ولما نقول حق الناس انه احنا نقدم تبرعات لنه في ناس من دول ثانية يشوفون انه لكويت ما سوت شي يذكر فـ احنا لنا حق انه نفتخر بشنو ديرتنا الحبيبة سووت وبصراحة في دوول ما تستاااهل هالتبرعات اللي نعطيهاا يعني بالغزو ما اوقفوا ويانا وصاروا ضدنا والحييين نساعدهم !! يعني الكويت تبرعاتها أولى حق عيال ديرتهـآا ..!

4. والله هالشي يقهرني يعني الوحده لي كتبت فلانه سوت وعلان سوا شنو بتستفيد ؟؟ صج انه في ناس راح يتعلمون انه هالشغله عيب وحرااام بس البنت اللي كتبت عنهاا ماراح تعدل من روحهاا واللي يدخلون المنتدى ويقروون هالشي بيكون إبالهم انه الكويتيين كلهم جذي !! يعني شوهواا سمعتنـآاا والله يعني كافي المسلسلات اللي يحطونها اللي تشوه سمعتنا هالدور يتكلمون عنااا بالنت جدام اللي يسوا واللي ما يسوااا :/

ذاك اليوم واحد في منتدى خلط ومعروووف هالمنتدى حيييييل كااتب في قسم القضايا انه البنات صاروا خفاف طبعا البنات الكويتيات وانه جم بنت تحرشت فيه مادري مهند على غفله ؟! المووهم هالمنتدى وااايد ناس مو كويتين يدخلونه يعني شبيقولون عنـآأ !!!!

ومشكوورة حبيبتي ع الموضوع ^^

حبيبتي القلوب عند بعضها وهذا دليل خوفنا وحرصنا على ديرتنا وغير جذي الله سبحانه زارع الحب بقلوبنا وانشالله كلنا بنكون ايد وحده وفعلا فعلا البنات يمكن مايدرون اثر وخطورة لما نكتب عن بعض او عن مجمعاتنا بس احنا قاعدين نخرب سمعتنا بإيدنا .. الله يهدينا للي فيه الخير ومشكورة وايد على مشاركتج الحلوة ويعطيج العافيه

 

[Miss.6Mo7]

كلآمج عين العقل !

 

[hello.kitty_85]

Miss.6Mo7
بعد عمري انتي .. نورتي الموضوع

 

[سارونه87]

مشكورة حبي
والحمدلله علاقتي مع رفيجاتي
من سنه او شيعه
او بدو او حضر
مافيهاااااا اي مشاكل

 

[حـــ~ـــور...!]

حبووبــه .. شفتي الجآاهـل .. هو اللي يفكر هآلتفكير ... بعرف ليش هآلعنصريـه .. ؟؟

وصج حيييل زايد هالشي....

آلله يحفظ كويتنآا ....

وبـس ..

^^ أنتظر جدييييييدج حبو ..

 

[سمسمة كويتية]

صح لسانج تسلمين على الموضوع الروعه

 

[حدى عنيده]

كل شخص حسب تربيتهت ونشأته انا تربي انا كويتيه وماعرفت حضرى وبدوى وشيعى وسنى الا اللحين وعند حالات نادره واللحين اعيالى قاعده اربيهم انت كويتي لاتقول سنى شيعى حضري بدوي 0

 

[hello.kitty_85]

سارونه87
بعد عمري مشكورة عالمرور

حـــ~ـــور...!
اي والله ياقلبي صدقتي الجهل ومايسوي .. يسلمو عالمرور حبوبه

سمسمة كويتية
الله يسلمج ياقلبي .. نورتي الموضوع

حدى عنيده
هذا الصح فديتج .. والله واحنا تربينه جذي بس قمت استغرب من ردود البنات والعنصريه الزايدة


اختي الصغيره برابعة ابتدائي تسولفلي دايما عن المدرسه والبنات .. طبعا لا تشوفون السوالف كله شيعه سنه بدو حضر ويهال يسبون بعض ويعيبون على بعض وهالحجي من العام يعني بنات 3 ابتدائي تخيلوا !!
غير جذي العام بصفهم كان فيه بنيه مصريه بنت الابله اختي تقولي البنيه نظيفه وحلوة شقرا وعيونها ملونه غير جذي شاطره ووايد مؤدبه والبنات كل يوم يسبونها يالمصريه يالمصريه روحي ديرتج شكو تيين عندنا الكويت وانتي خايسه مصريه ومن هالحجي كل يوم واهيا ماترد عليهم حتى بالفرصه تروح فوق عند امها تقعد وماعندها رفيجات .. طبعا اختي تسولفلي وانا مصدومه اقولها يهال جذي يتكلمون اتقوللي اي
بالله عليكم هالشي مو حرام ؟

 

[طنش تعش تنتعش]

شيعه مره وحده
الله يكفينا شرهم

 

[hello.kitty_85]

شيعه مره وحده
الله يكفينا شرهم

لا حول ولا قوة الا بالله من هالفتن

( اللهم صلي على محمد وآل محمد )

 

[sereen]

اى نعم وعسى الله يكثر من امثالج احنا للى يوحدنا كلمة لا اله الا الله ومحمد رسول الله واذا صار فى اختلاف على فرعيات الدين مايعنى فى ضغينه وحقد على المذهب الاخر ,
واكبر دليل وانا على النت شفت منظمه اول مرة اسمع فيها وشى يثلج الصدر بصراحه اسمها المجمع العالمى للتقريب بين المذاهب الاسلاميه فى ناس فعلا نفس ما انتى قاعدة تفكرين تبى تبث السلام والامن بين المذاهب وياريت يكون نفس الفكر هذا المتسامح عندنا فى الخليج العربى لمكافحة شر الطائفيه
خوووش موووضع عساج على القوة

 

[hello.kitty_85]

اى نعم وعسى الله يكثر من امثالج احنا للى يوحدنا كلمة لا اله الا الله ومحمد رسول الله واذا صار فى اختلاف على فرعيات الدين مايعنى فى ضغينه وحقد على المذهب الاخر ,
واكبر دليل وانا على النت شفت منظمه اول مرة اسمع فيها وشى يثلج الصدر بصراحه اسمها المجمع العالمى للتقريب بين المذاهب الاسلاميه فى ناس فعلا نفس ما انتى قاعدة تفكرين تبى تبث السلام والامن بين المذاهب وياريت يكون نفس الفكر هذا المتسامح عندنا فى الخليج العربى لمكافحة شر الطائفيه
خوووش موووضع عساج على القوة

حبيبتي عسى الله يوحدنا وكلامج صح اذا كان فيه اختلافات بالمذاهب ما يعني في ضغينه بقلوبنا على بعض واللي يعرف عدل بالدين المسيحي اكيد يدري انه عندهم اختلاف بالمذاهب نفسنا بس ما اشوف عندهم ضغينه على بعض ولا حروب اهليه او مشاكل بينهم بسبب اختلاف المذهب
بس فيه ناس جاهله وقلوبهم سوده يحاولون يزرعون فتنه بيننا بأي شكل ( اقرب مثال : سالفة الحوثيين والحرب مع السعوديه طلعت الابيض والاسود ووايد ناس طلعوا حاقدين وجنه ماصدقوا خبر علشان يسبون ويدعون على بعض ) الله يكافينه شر هالناس ويبعد عننا الفتن

نورتي الموضوع يالغالية

 

[Tutti-Frutti]

يـــــــــــــــــــــــــــــــــــــــــــارب تـخـتـفـي هـالـتـفـرقـه بـيـن الاجـنـاس .. وبـيـن الـمـذاهـب :yaaaaaarb:

كـلـنـا مـن آدم وآدم مـن تـراب

تـرى الـغـرب يـحـاولـون يـشـتـتـون وحـدتـنـا بـهـالـحـجـي .. شـوفـوهـم مـع اخـتـلاف ديـانـاتـهـم ومـذاهـبـهـم .. هـذا كـاثـولـيـك وهـذا بـروتـسـتـانـت وهـذا يـعـبـد بـقـرة وذاك الـشـمـس .. بـس مـا عـنـدهـم هـالـتـفـرقـه .. ويـحـتـرمـون راي الـكـل

واحـنـا الـلـي ربـنـا واحـد .. نـبـيـنـا واحـد .. قـبـلـتـنـا وحـده .. قـرآنـا واحـد .. شـوفـوا الوضـع الـمـزري الـلـي عـنـدنـا

تـرى والله فـشـلـه شـبـنـقـول حـق ربـنـا بـاجـر؟

كـلـنـا مـسـلـمـيـن والله حـرام هـالـتـفـرقـه

 

[hello.kitty_85]

يـــــــــــــــــــــــــــــــــــــــــــارب تـخـتـفـي هـالـتـفـرقـه بـيـن الاجـنـاس .. وبـيـن الـمـذاهـب :yaaaaaarb:

كـلـنـا مـن آدم وآدم مـن تـراب

تـرى الـغـرب يـحـاولـون يـشـتـتـون وحـدتـنـا بـهـالـحـجـي .. شـوفـوهـم مـع اخـتـلاف ديـانـاتـهـم ومـذاهـبـهـم .. هـذا كـاثـولـيـك وهـذا بـروتـسـتـانـت وهـذا يـعـبـد بـقـرة وذاك الـشـمـس .. بـس مـا عـنـدهـم هـالـتـفـرقـه .. ويـحـتـرمـون راي الـكـل

واحـنـا الـلـي ربـنـا واحـد .. نـبـيـنـا واحـد .. قـبـلـتـنـا وحـده .. قـرآنـا واحـد .. شـوفـوا الوضـع الـمـزري الـلـي عـنـدنـا

تـرى والله فـشـلـه شـبـنـقـول حـق ربـنـا بـاجـر؟

كـلـنـا مـسـلـمـيـن والله حـرام هـالـتـفـرقـه

صح لسانج توتي فروتي .. كل يوم يطلعون لنا بشغله والقصد منها التفرقه .. يبا الناس مايفكرون يتكلمون وبس .. عيل ناس يسوون روحهم دينين وتعالي كلميهم تفكيرهم مافيه الا العنصرية سواء بالاصول بالجناسي بالمذاهب وارد اقولها نحترم الاجانب والمسيح ونخاف نزعلهم بكلمه وبيننا وبين بعض نغلط على باجي الدول العربية وعلى المذاهب الثانية ليش ؟ اهوا خوف انه الاجانب ياخذون عنا فكره خايسه ؟ انزين ما تخافون من رب العالمين اللي حرم العنصرية ؟ ماتخاف على مشاعر اخوك المسلم بس لأنه يختلف عن مذهبك ؟ مايصلي ؟ مايصوم ؟ مايقول اشهد ان لا إله الا الله وان محمدا رسول الله ؟