لا دورة ولا حمل

[ماي الورد]

اخواتي الاعزاء

امس كان موعد تحليلي ولمن سويت تحليل طلع النتيجة سلبية يعني مافي حمل وفيني افرازات بنية ولليوم ما نزل مني شي دم كله دم بني هل هذا يدل على فشل العملية ام اني اعيد التحليل مرة ثانية فيدوني الله يخليكم

 

[Amory]

اختي ما سألتي الطبيب؟

والتحليل اللي سويتيه تحليل دم هرموني والا شنو؟؟

 

[كويتيه مذهله 87]

ما أعتقد فشل
نطري جم يوم وحللي هرموني راح يبين
وإن شالله حامل

 

[ماي الورد]

لا اخواتي عمليتي فشلت لان الحين نزلت مني الدورة الحمدللة على كل حال كلمت دكتوري قال لي فشلت سويت تحليل دم الحمدللة على كل حال ربي لا تذرني فردا وانت خير الوارثين

 

[كويتيه مذهله 87]

حبيبتي
كل شي له حكمته وخيرا
إن شالله أخر دوره لج يارب

 

[Amory]

الحمدلله على كل حال

حتى انا سويت عمليه بالفتره اللي طافت وافشلت والحمدلله على كل حال والله يعوضنا ان شاء الله.

 

[بعيدة الدار]

ان شاء الله تحملين الشهر الياي

 

[مبدعة]

شوي الدورة تتاخر من الحبوب و المثبتات و بدايتها تكون بنية

الله يعوضج خير يارب

كثري من الاستغفار في هالفترة

عندج اجنة مجمدة؟

 

[ماي الورد]

اي عندي بس حق محاولة وحدة الله يعلم كيف مر علي امس كنت في ضيقة ما يعلم بها الا رب العباد حسيت الدنيا صاكه فيني لكن ما باليد حيلة انزين خواتي متى الحين يقدر الواحد يعيد العملية يعني عقب كم شهر

 

[bnt_kwt]

حبيبتي الله يعوضج خير يارب
والخيره فيما اختاره الله وتفائلي خير
ان شاء الله خير يارب المره اليايه تنجح

 

[كويتيه مذهله 87]

ريحي شهرين ورجعي المجمده وإن شالله الله راح يكتبلج حمل هالمره بس بعطيج نصيحه وراح تحملين قولي أمين
أبيج لمن تغتسلين من الدوره تقرين سوره البقره كامله وسوره يس
وأوائل سوره مريم والمعوذتين

 

[ماي الورد]

مشكورة يالقلب انشاء الله اعمل بنصيحتج والله فرحت وايد بنصيحتج

 

[Amory]

ماي الورد

عادي اختي اول يوم اشوي تتضايقين لأنج تعبتي وخسرتي على العمليه بس الحمدلله على نعمة الصحه والعافيه والدنيا ماشيه وما انتهت والفرصه موجوده تقدرين اتعيدينها وكل ما عدتيها اتزيد نسبة النجاح.

و وايد ناس قاعده اتحمل على الأجنة المجمده وبالنسبه حق سؤالج متى تقدرين اتعيدينها انا حسب خبرتي عادي الدوره اللي وراها تقدرين اتعيدينها على طول بس اذا كانت نفسيتج تعبانه ارتاحي اشوي وعيديها بعدين.

الله يرزقج ان شاء الله بالمره اليايه.

 

[ماي الورد]

تسلمون يالغاليات
بس سؤالي الحين وقت الترجيع اعيد كل الفحوصات يعني كاني اول مرة راح ارجعهم او اي وقت ابي ارجعهم ارجعهم على طول ياريت تفيدوني بهالموضوع مالي خلق ابر وهالسوالف

 

[-Bello-]

حبيبتي ربي يعوضج خير يارب

 

[Coffee-Girl]

الله يعوضج حبيبتي

 

[ريحانة_14]

لأ حبيبتي ماتعيدين كل الفحوصات

المجمد بس وقت تبويضج العادي يحقنونج في البويضات إللي عندج مع شوية مثبتات

بس يا ماي الورد .. الحقن المجهري والترجيع بعد ماتسوينهم لازم كلش كلش كلش ما تتحركين تنامين على ظهرج

عمتي سوتها يمكن 15 مرة مسكينة .. حتى روحة الحمام عزج الله لازم تراعي فيها وماتضغط حيل و24 ساعه تكون نايمه

 

[كويتيه مذهله 87]

حبيبتي لأ ماراح يعطونج أبر سيدا يحطون المجمدين بس أرتاحي وأستمري بالأدويه من إلحين
إن شالله رمضان الياي بيدج أحلي توأم

 

[Amory]

مثل ما قالوا البنات ما فيها أبر إلا بس ابره وحده آنا مره جربتها ابمستشفى لندن وعطوني ابره وحده ويرجعون الأجنة ونصيحه اختي آنا افضل انج اتنامين بالمستشفى وما تتحركين وشربي وايد ماي بعد الترجيع ولا تحاتين بالنسبه لروحة الحمام عادي.

توكلي على الله وان شاء الله اتكون هالمره ناجحه.

 

[ni3ssani]

الله يعوضج خير يارب