"لا يسخر قوم من قوم عسى أن يكونوا خير منهم"

[jolie_q8]

ارجو من الجميع الالتزام بمحور الموضوع وهو عدم الاستهزاء

 

[غنادير]

استغربت من اللقاء وشنو الهدف طاح عبدالجليل من عيني كان اسلوبه استهزاء...

 

[BaiTotia]

والله كسرت خاطري

مبين إنها مي صاحية

 

[كرز أخضر]

ماذا تريدين ياسلوى

اولا ارجو من المشرفات عدم حذف الموضوع..اريد فقط ان اطلع على وجهات النظر من اخواتي وبنات ديرتي بخصوص اخت لنا في الله كويتية مثلنا...دون ان يكون هناك أي استهزاءبها او تجريح لشخصها وان نرقى بالردود عن الاساءة ..


بسم الله نبدأ

عرض تلفزيون الوطن مع الاستاذ خالد العبدالجليل لقاء مثير للجدل وللاستغراب ..ولقد حز في نفسي ان تظهر بنت من بنات الكويت في لقاء هدفه الاستهزاء بها وتعريضها للكثير من السخريه التي بدأت اولا" من مقدم البرنامج (هداه الله) ..اليس هناك احتمال ان ماقالته هذه المرأة صحيح وأن ماروته قد رأته فعلا"" لانعلم مايدور في نفسها.. وما بينها وبين الله؟؟
أنا شخصيا"" احترت ..لوكانت هذه البنت كما وصفها البعض(مجنونه) أين ذويها من ذلك؟؟ لماذا سمحوا بأن تظهرابنتهم كما ظهرت!!على الأقل سيمنعونها من تشويه صورتها اجتماعيا.. خصوصا" انها مرشحه سابقه وستترشح مستقبلا"حسب قولها...اليس من المحتمل ان ماقالته صحيحا"؟ لقد أقسمت بربها مرات ومرات ان ماتقوله صحيح...لدرجة جعلتني اقترب من تصديقها..ماهدفها ؟ وماذا تريدبالضبط؟؟

 

[crimson^rose]

رد: ماذا تريدين ياسلوى

والله مادري ما ودي أحط بذمتي.. بس كلامهه قوي أنه يتصدق.. و بالنسبه حق عبدالجليل أنا ما أحب برنامجه أصلا ولا ائيده كلش.. و تقبلي مروري..

 

[!! الواصليّـــــة !!]

رد: ماذا تريدين ياسلوى

خلي البنت
الشرهه ع الاعلام السخيف اللي كل هدفه جذب العقول الباحثه عن السخافات !!
،
سلوى ترشحت للمجلس .. وهذا اكبر دليل انها عاقله مليون بالميه ..

لكن كل المساله من جميع الاطراف انما هي { لغرض في نفس يعقوب ..
,,
ونصيحه اوجهها الى عبدالجليل ياليت توصل له .

انت مكانك بسكوب مو بالوطن !
.

 

[ميني كويتيه]

رد: ماذا تريدين ياسلوى

انا اايدج

واايد يتطنز و يهزء خالد يعني عيب
و المرة قاعدة تحلف يعني اكيد مو قاعدة تجذب ممكن تبالغ بس كيفها

و مشكووورة

 

[عهود الحب]

رد: ماذا تريدين ياسلوى

تبي معرس راهي بالعربي
يأست من المجلس
خلاص قررت تتزوج
بدليل قالت لو زوجي مايبيني اترشح اقعد بالبيت واطيعه
يعني تبي معرس راهي
من اول قالت شعر بمسلم البراك
والحين خلاص تبي رجل من الاسرة الحاكمة


مو قصدي اتطنز عليها
بس حسب ماعرفت عنها انه اهيا مالها والي فعشان جذي قاعدة تغلط بحق نفسها وبحق اهلها
والله يستر علينا وعليها عز الله مصختها

 

[monmoon85]

رد: ماذا تريدين ياسلوى

انا قاعده اطالع لقاءها الحين...
شي غريب انه اهيا الله يهديها تتكلم بكل ثقه ومومعقوله ان اهياا مو حااسه ان المحامي خالد قاعد يستهزء عليها,,,,
اللقاء بكبره ماله هدف غير استهزاء بعقليهتا واهيا الي سمحت حق المحامي والكل ينظر لها بهالنظره ...
وماتوقع ان وراها هدف غير انها بتشتهر بأي طريقه عاد ليش بتشتهر الله العالم...
واتوقع ان الناس مالها شغل بفلانه شنو حلمت ولا هذي منو تبي تتزوج يبا تنياااز اهياا وحلووومها ..
الحمدلله والشكر,,,
خلت روحها مسخره
الحشيمه لعايلتها وقبيلتها فقط.... وليس لها,,,,,,
الله يهديه ويعقله بس,,,ويستر عليها,,,,
وهذا رايي...

 

[هجير الريح]

رد: ماذا تريدين ياسلوى

والله من شفت اللقاء عورنى قلبى ولا ادرى شلون سمحو باللقاء هذا وشنو الهدف منه يعنى اى واحد عنده شى يدز رساله ويقولهم بطلع ويطلعونه ؟؟؟؟ شى غريب والله واللى زاد الطين بله موقف خالد طول الوقت يسخر منها والله كسرت خاطرى هى تتكلم من صجها وهو يتطنز عليها صج موقف يخرع والله من بداية الفقره ليما انتهت وانا مذهوله واسال روحى شنو الهدف من عرضه

 

[xtina-90]

رد: ماذا تريدين ياسلوى

اختي اصلا محد جذبها ولا خالد العبدالجليل جذبها
اوكي الي قالته كان رؤيتها وقالتها كل انسان يمكن اتمر عليه بحياته احلام غريبه بس اني مااسويها قضيه !! واقولها حق كل اهل ديرتي وااي فشله
بعدين يمكن اتكون هاذي اطغاث احلام شلون اجزمت انها رؤيه!!
حتا لو الي قالته حقيقه انا ماشوف له اي داعي للنشر ولا في اي فايده
بصراحه اههي الي سمحت لهم يستهزؤون فيها وهي موقعه على ورقه انها راح تتقبل كل شي اييها

 

[!! الواصليّـــــة !!]

رد: ماذا تريدين ياسلوى

تبي معرس راهي بالعربي
يأست من المجلس
خلاص قررت تتزوج
بدليل قالت لو زوجي مايبيني اترشح اقعد بالبيت واطيعه
يعني تبي معرس راهي
من اول قالت شعر بمسلم البراك
والحين خلاص تبي رجل من الاسرة الحاكمة

مو قصدي اتطنز عليها
بس حسب ماعرفت عنها انه اهيا مالها والي فعشان جذي قاعدة تغلط بحق نفسها وبحق اهلها
والله يستر علينا وعليها عز الله مصختها

يعني عقب كل اللي كتبتيه ولاخفتي رقيب وعتيد تقولين انا مابي اتطنز !!
عجبي !!!!!

 

[a7la tooota]

رد: ماذا تريدين ياسلوى

الله يهديها ,,

 

[حلوة ومملوحة الكويت]

رد: ماذا تريدين ياسلوى

السلام عليكم
اولاا يا حبيباتي احب اقول ان الله وحده هو اللي عالم بالقلووب ..ومايندرى يمكن هالانسانه اللي قاعده تتكلم قلبها نظيف
وعلى نياتها،،،وهذا الشي اعتقد واضح لدرجة انها مو حاسه ان المذيع قاعد يتطنز عليها الله يسامحه
وما في شي بعيد عن الله سبحااانه..يمكن سلوى المطيري فعلاا صادقه بكلامها..فاحنا ماندري بخفايا القلوب
هي انسانه بسيطه وعلى نياتها ومن وجهة نظرها شايفه ان ما فيها شي انها تقول كل اللي قالته
ومن راي المتواضع اقول انها ما كان مفروض تطلع وتخلى نفسها ماده للسخريه والاستهزاء من القناة
والمفروض خواتي اننا ما نستهزا ولا نتطنز على هالانسانه او غيرها..لاني آنا اميل اني اصدقها بللي شافته
والله وحده عالم السر وما يخفى ((وما اوتيتم من العلم إلا قليلا)...والله يهدي الجميع لسواء السبيل

 

[أميرة الورد]

رد: ماذا تريدين ياسلوى

أنا قلبي عورني عليها شلون سمحت لنفسها أنها تطلع بالتلفزيون وتنزل نفسها لهالمستوى وضاق خلقي على اسلوب العبدالجليل معاها يعني المفروص نحترم عقلية الضيف مهما كانت . الصراحة المقابلة كانت نقطة سودة في حق بنات الكويت

 

[jolie_q8]

تم دمج المواضيع المتشابهة

 

[بنت بابا جابر]

حرااااااام تكسر الخااااااااااااطر
الله يعين أهلها

 

[بدوره 22]

والله اني تابعت المقابله كامله ابي افهم شنو المغزى من هالمقابله مادري !!!!!!

مساكين بنات قسم تأخر الانجاب يبونه يتكطلم عن مشكلتهم وعن مشاكلهم في العلاج بالخارج ... هد موضوعهم وسوى هالمقابله البايخه !!!


البنت ترى مسكينه الحمدلله والشكر مادري حجيها مايدش العقل @@


يعني في وااااااااااااايد مواضيع اهم من جذي وانا مستغربه من هالمرشحه .... مسكينه هزأها ولا قالت شي !!!!

 

[رائعة]

الله يجزاك ألف خير عالموضوع
والنصيحة

 

[أميرة الورد]

اي والله كلامج صح شي يعور القلب الصراحة ربي يرفع عنها ويهديها ان شاء الله الصراحة انا منصدمة شلون يعرضون المقابلة لهالدرجةالاستخفاف بعقولنا