"لا يسخر قوم من قوم عسى أن يكونوا خير منهم"

[دمعة يراع]

لاحول ولاقوة الا بالله ........ خالد عبدالجليل مايخاف الله .........

المفروض مايعرض ناس مبتليه وتعبانه ... مايخاف من الحوبه ...

ياويله من الله .... مالقى مواضيع يطلعها .. قام يضحك على الناس ...

المقابله مالها اي هدف .. الانساااانه مريضــه واضح عليها هالشي ..

ولا في مره سليمه وعقلها كامل تتكلم عن احلامها .. !!!

كسرت خاطري يوم جعمها اخر شي وقالها يالله عاد الحلم الثاني بعدين !!!!!!!!:0bee2e8d89:

ليييييش جذيه ... كرهــتك ياخالد عبدالجليـــــــــــــل .....:eh_s(14):

 

[أفرض هيبتي]

رد: سلوى المطيري والعبدالجليل

اي والله الحمدالله ع العقل

 

[زلابيا]

مادري شالهدف من استضافتها

معني ماشفت الحلقه لأني مو من متابعينه

بس حرام عليه شيش الناس عليها

لأن من الحين بدت اتهل علينا المسجات طنازه بالمره

الحمدالله والشكر

 

[هنـــد]

لاحول ولاقوه الا بالله

الله يشفيها والله على قولتها هذا ابتلاء الله يعينها على مابلاها

ومشكوره اختي على الموضوع احنا ابد ما نستهزى فيها والله كاسره خاطره مو لهدرجه والمشكله انسانه طبيعيه ومرشحه سابقه وكامله الاهليه مو سفيه ولا مينونه عشان مانحاسبها على كلامهاا الله يهديها

وفعلا خالد عبدالجليل وصل لمرحله مو طبيعيه من عدم مراعاة الشعور المشاهدين مال امه داعي لقاءه معها الا فضايح وتهزأ بخلق الله !!

 

[C'est La Vie]

شسالفة؟
الكويت كلها شافت هالمقابلة الا انا
متى يعيدونها؟

 

[JODA]

الله يسشفيهاا ويرفع عنها يا رب...


قناة الوطن اهي مسئووله عن هالشئ.. شنووو بيستفيدوون ابي اعرف؟؟ الله يهديهم ..

 

[blue diamond]

الله يهدي الجميع
بس انا مستغربه من اكثر من شغله
اذا اهيا فعلا مريضه نفسيه وين اهلها مو المفروض يكون عليها قيم او وصي ؟؟
اشلون الناس صوت لها في الانتخابات واهيا بهالحاله ؟؟

 

[رهوف]

انا طول اللقاء اقول شنو الهدف ... ما لقيت اي هدف الا بيضحكون الناس عليها

واضح انها مو صاحية الله يشافيها والمفروض اهلها ما يسمحون لها بهالظهور الاعلامي اللي يحرجها ويحرجهم

 

[fajer-85]

لحظه لحظه لحظه


ليش تقطون اللوم على قناة الوطن وعلى عبدالجليل


المرا اتوقع مارشحت نفسها الا وهيه بكامل قواها العقليه


يعني لمن يات حق عبدالجليل بكامل قواها العقليه


ماتوقع جبرها يعني مرشحه بوزنها بتجرأ تطلع وتقول هالكلام


ترا صراحه فشلتنا وقصة ويهنا والله والله والله عيب الكلام الي قالته


xxxxxxxxxx

لالا عقلها سليم 100%


المرا تبي اتسوي حق روحها دعايه بس مهيه عارفه شلون


xxxxxxxxxxx

انا ماتشمت فيها بس اصراحه فشلتنا عيب عيب والله عيب


لا لبس ولا منطق ولا اسلوب بس فالحتلي بالحلوم
​

تم التعديل من الإدارة

 

[cute-q8cat]

والله اهي الي يابت الكلام حق روحها
واذا بليتم فستتروا
واهي ما خلت ولا بقت على قوله خالد عبدالجليل
بس اذا اهي مريضه
الله يرفع عنها والله لا يبلانا

كلامج صح... اهيا اللي يابت الكلام حق نفسها,,
من قالكم مريضه!!!! المريضه ما تتمكيج وتحط بف على راسها وصبغ أحمر ...
وفوق كل هذا وكل هالكلام اللي قالته رافعه راسها ومغروره...
اهيا اللي حطت نفسها بهذا الموقف
اهيا تبي تنشهر وتبي الناس تعرفها..
مو كل واحد تقولون عنه موصاحي...
الخدم يذبحون عيالنا تقولون مريضه نفسيا وياخذونها الطب النفسي
أبو يذبح عياله يقولون عنه مريض ويحولونه الطب النفسي (ويمكن اهوا يكون شارب او ماخذ مخدرات)
والحين الأخت سلوى اطلعت وقالت لها جم كلمه من وحي الخيال قلتوا عنها مريضه..
وبعدين اهيا اللي تبي مقابلتها تنعرض..
محد طقها على إيدها..
الحمد الله الذي عافانا

 

[bambena]

صااااااااااااااااااااجه بارك الله فيج

انا مت قهر

المره ترى البرنامج يا في صالحها قبل انا كنت الومها لكن البرنامج بينلي انها مو صاحيه


الشرهه على القناة اللي عطته هالمساحه وخلته يستهزا بالناس ويفضحنا جدام العالم


شنو الهدف ودي اعرف

شنو هالتفاهه مقابل المره وتستهزا فيها وتتطنز !!

يتفرض انك اعقل منها على الاقل !! والمصيبه انه محامي



شنو ذنب اهلها

والله حرام

صج صج تصرف غلط و ماينوصف الا بكلمه وحده ماقدر اقولها هني

الله يهدي الجميع

 

[*أم*خالد*]

صج اهيه مو طبيعيه

يارب نحمدك ونشكرك

يارب تشفيها .. انا اول شي توقعت وحده تستهبل بس عقب ما سمعت كلامها اشكره مريضة

 

[بنت الأصايل]

استغفر الله

انا هالمحامي مايعجبني ابد دايما يستهزأ على الناس

شلون يرضى على بنت ديرته يطلعها على الهواء مباشرة والعالم كله تشوفها ويستهزأ فيها

عشان بس يبي يسوي جووووووو ..... يبي يضحك الناس ........... يبي بكل مكان الناس يتكلمون عن موضوعه

والحمد الله اني مو من متابعينه اطلااااااااااااااااااااقاااااااااااااااااا

 

[ليالي نجد]

الحمدلله اني ماشفتها كنت مانمت من القهر

مووووتي واسلوب التطنز واستغلال العقول الضعيفه واللي على قدها !!

لله الحمد والمنه على كل شي بس المفروض الاعلامي والمحامي خالد عبدالجليل يكون قدوة بالانسانية !! هذا اللي على قد فهمي للموضوع من كلامكم بس الله المستعان على الاعلام الانتهازي والاستغلالي !!

 

[C'est La Vie]

انزين بنات وضحو للبنات اللي ما شافو المقابلة
اهي شقالت؟؟؟ شصاير؟؟؟

 

[الكرملين]

اللي قهرني طريقة خالد معاها واضح انه يستهزئ

مهما كان هذي بنت ديرتك والعالم كله يتابع ليش تطلعها بهالمظهر الؤسف وشنو الفايده


هذا دليل انه فلس اعلاميا مولاقي شي

 

[bambena]

للاسف اخت ليالي

الاخلاق قلت عند الرياييل

ولا اكو انسان محترم يتصرف هالتصرف !!! والله فشله وعيب

لاحول ولا قوه الا بالله

 

[softlady]

اللي قهرني طريقة خالد معاها واضح انه يستهزئ

مهما كان هذي بنت ديرتك والعالم كله يتابع ليش تطلعها بهالمظهر الؤسف وشنو الفايده


هذا دليل انه فلس اعلاميا مولاقي شي

برنامج خالد يحصل مسجات واتصالات لا عدد لها ولا حصر

ماكو اكثر من هموم الناس الي تارسه الادراج والملفات

بس اهي تبي ومصممه ومطرشه كتاب رسمي وموقعه عليه


وهو حط الكتاب واخلى مسؤوليته

 

[شووكولاته]

صراحه فشلونا تونا عن الغزو وقلبوه الحين شيقولون عنا

لا وبعد خريطه من شمال ايران بتصير الكويت ؟؟؟ الحين يقولون طمعانين بالعراق وايران عاد احنا ناقصين حجي

 

[bambena]

اخلى مسئوليته

لكنه اختار انه يوافق ويقابلها ويفشلنا جدام العالم اللي يشوف ويسمع

شنو معناة اني احط انسان مو صاحي مختل واقعد اتطنز عليه جنه ياهل !!

ياريت بس لو فيه رقم مباشر الواحد يكلمه بالبرنامج عالهوا !! لكن للاسف مافيه