لا يفوتكم حصري لمنتدى كويتيات ريجيمي لرمضان من تأليفي على أساس نظام النقاط

[LUXURY]

السلام عليكم ورحمة الله وبركاته

أشلونكم يا حلوين

اليوم قلت بس مليت وراح أروح لدكتور تغذيه أخذ ريجيم حق رمضان :eh_s(14):

بس توني أفرفر بين الأنظمه يا أما اشوف النظام فيه وايد أكل أو نتفة اكل وانا بحالتي اذا انعطيت ويه خربتها واذا صار تقشف هم خربتها <<<<ماتقولين عيل شنسويلج :krkrkr:

المهم التفت يمي والا الاقي جدول نظام النقاط واذكر مره سويته بوقت عادي مو رمضان ضعفت قريب ال5 كيلو باسبوعين
ومعروف هالنظام ممتاز للكل لانه يعتمد على حسبة النقاط اللي مو بس مبينه عالسعرات الحراريه !! لا بالعكس حسبة النقاط داخله فيها كمية الالياف والدهون والسعرات ومن جذي تنحط النقاط :rerrerek:

فقعدت جابلته ومخمت <<<<بنتي صاحيه تغرد حدي ماكو شغل

المهم قعدت افكر وافكرر وافكرررررررر لين ما طلعتلي نظام يعجبني ويمشي مع نظام الأكل ببيتنا

وانا النقاط المسموحه لي 20 نقطه بس نظامي اقل بين 22 الى 24 نقطه (حسب اختياراتي للأكل) لكن الرياضه تحرق النقاط :ggdw:

وهذا النظام مو منقووووووووول هذا انا سويته على اساس جدول نظام النقاط واجتهادي ومو من عند دكتور

ووزني الحالي 76

وهذا اهو النظام عليكم بالف عافيه واللي بتطبقه معاي حياها الله
بس تذكري لاااااااااااااازم رياضه


القواعد الأساسيه:
شرب بين 2-3 لتر ماي باليوم (بس بالفطور تشربون ماي اثناء الوجبه لكن باجي اليوم الماي قبل او بعد الاكل بنص ساعه)
لعب الرياضه أقل شئ 20دقيقه
ممكن للي حابه (انا باسوي هالشي) أخذ حبة فيتامينات يوميا احتياط علشان الواحد مايدوخ
وهم للي حابه (انا باخذهم) في حبوب اسمهم كروميوم مافيها اي مكون مضر بالمره وعملها تحرق النشويات من الاكل (يعني اخذ حبه بعد التشريبه)
مسموح شرب الاعشاب والشاي والقهوه بدون حليب مع سكر دايت
ممنووووووووووع شرب المشروبات الغازيه حتى الدايت لانها تسبب تفخه بالبطن ويطلع كرشج
عند الجوع اكل كمية مفتوحه خس أو علبة زبادي اكتيفيا المخفوق


الريجيم:

عند الأذان:
3 تمرات + كوب لبن أكتيفيا او خالي الدسم + كوب صغير شوربة خضار

نقوم للصلاة تالي نكمل فطورنا

بعد الصلاة:
8ملعقه تشريب + قطعة لحم حجم نص كف اليد
اللي تبي تاخذ معجنات او كبب لكل حبه تحذف 2ملعقة تشريب
واذا حذفتي اللحم تزيدين 4 ملعقه تشريب أو 2 معجنات

بعد الفطور بنص ساعه (عصير كيوي بالاناناس أو كيوي بالبرتقال)


الساعه 9-10:
ماعون صغير محلبيه (عاديه من الحليب والسكر العاديين مو شرط خالي الدسم)
أو
1 حبة معجنات
أو
1 حبة بقلاوه صغيره
أو
حبة كبه
أو
1قطايف


السحور :
أحد الخيارات التاليه:

(1)
كوب حليب خالي الدسم + 2 توست + طماط + خيار + شريحة جبن

(2)
كوب حليب خالي الدسم + 9 ملاعق كورنفليكس فتنس \أو سبيشل

(3)
كوب حليب خالي الدسم + ربع خبزه + بيضه مفيوحه + طماط وخيار وخس مع ملح وفلفل اسود


بالنسبه للعصير : مناسب لانه يمشي البطن وحيييييل يريحني ويضعف
وطريقته :
كوب عصير برتقال + 1 كيوي بالخلاط
أو
شريحتين اناناس فريش +1كيوي + 3\4 كوب ماي بالخلاط


*****


وهذا نظامي أن شاء الله يعجبكم وان شاء الله نشوف نتايج حلوه
وتذكرو يابنات ننقص لو كيلو او حتى يثبت وزننا أحسن مليون مره من أن يزيد :ggdw:
وتذكرو حكمة الله بالصيام وفرضه عليننا بان نحس بالفقارى وقليلين الأكل ولما ننهد وناكل بشفاحه يروح مننا هالاحساس ونخسر غرض الصيام :eh_s(2):
وكثرو العباده والصلاة تره الصلاة وراح تنسون الأكل والصلاة رياضه من الله سبحانه وتعالي وصحة للمسلم تخليننا فيننا لياقه ونشاط ولو تشوفون حركات الصلاة بتكتشفون أنها افضل انواع الرياضات وكلها حركات تشد الجسم وتلين العضلات سبحان الله :eh_s(2):

الله يعوده عليننا وعليكم بالصحه والعافيه يارب

 

[مسك وطيب]

يعطيج العافيه

 

[أوركيدااا]

ماشاء الله واااايد مريح ةاحسه يضعف

ومشكوووووووره ماقصرتي

 

[سعودية عسل]

بصراحه ماقصرتي ومجهود متعوب عليه

حفظته عندي وان شاء الله اطبقه في رمضان

وعساكم من عواده

 

[ياشايل الظبى]

مشكوره على هالنظام الحلوووو

 

[MayOumii~]

وآآآآآآآآآآآآآآآآي فديتج يعطييج ألف ألف عآفية
رجيمج حييييييييئيل قريب من رجيم المطوع
يعني صرتي سآحرة مثله p=
ما شاء الله عليج..

 

[~✿ ارتـِوآآآء روح !]

يعطيييج العاااااافيه
وان شاء الله نضعف بصحةةة وعااافيةةة :eh_s(17):

 

[كيكه توفي]

مشكوره

 

[LUXURY]

lمسك وطيب
الله يعافيج حبوبه

اوركيدا
والله انا نفسيا مرتاحه عليه ويارب نضعف بصحه وعافيه

سعوديه عسل
صج انج وتستاهلون التعب حياتي
وان شاء الله نشوفج بالعيد سمبتيييييييك

ياشايل الظبي
عيونج الحلوه ياحلوه

ميوما
وااااااااي الله يسمع منج ويصير سحر بحر واصير سمبتيكه وعصقوله هههههههه
انا شفت نظامه صاجه شوي قريب بس انا لما ييت اضبط ما أجذب عليج خذيت فكره عن طريقة تقسيمة الاكل لكن حطيت اللي اكله واحبه
وعقبالنا نضعف كلنا ياااااااااارب

سدن
الله يعافيج والله يسمع منج يارب


توفي
العفو حبيبتي ماسوينا شئ

واشكر كل اللي مرو حبيباتي موضوعي وحياكم الله كلكم

 

[الإسراء]

يعطيج العافية

 

[LUXURY]

الله يعافيج حياتي

 

[تسمح لي آحبكـَ]

يعطيج الف عافيه حبيبتي

بس جم ينقص وجربتيه قبل ولالا؟

 

[pink blossom]

ما شاء الله حلو يعطيج العافيه
بس بسألج اذا وزني ۸۷ تمشي هل النقاط...........
ويليت تنوعين لنا بالفطور .اذا عيش مثلا نفس الكميه وشكرا مقدما

 

[غير كل الناس]

عساكم تعودونه

 

[درر2008]

ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااه

 

[LUXURY]

تسمح لي احبك

حبيبتي انا ماجربت الريجيم نفسه بس مجربه نظام النقاط اللي مطلعه عليه الريجيم ضعفني كيلوين بالاسبوع


pink
حبيبتي انا وزني اقل من وزنج مسموحلج تاكلين اكثر
ومقابل التشريبه اللي انا حاطتها 8 ملاعق عيش مع 2 ملعقة دقوس او مرق + قطعة لحم بحجم نص الكف
او 12 ملعقة معكرونيا فيها لحم وخضار (بدون بطاط)
بس انتي تقدرين توصلينهم اكثر
جربي وشوفي اذا ارتحتي مايعتي ولا دختي كملي والا زيديلج شوي اكليعني اخذي قطعة حلو او معجنات او كبه مع الفطور غير السناك عرفتي
والا بالسحور بدال ربع خبزه اخذي نص

اي سؤال من عيوني اضبطلج النظام على وزنج وحياج حبيبتي

 

[krkooora]

والله حلو برافو عليج

 

[^^ROSE^^]

هالريجيم جم نقطه فيه؟

قوة بنات
شلونكم؟؟

من زمان عنكم صراحة وحشتوني



رفيجتي خذت من الدكتور بدر رجيم رمضان فقلت احطه لكم علشان تستفيدون ، انا راح اخذ منه بعد رجيم لرمضان ورجيم التثبيت هم لرمضان وبنزلهم لكم بعد

الرجيم كالتالي:
كل يوم بعد الاذان 3 تمرات + شوربة
عقيها تقومون للصلاة وتقعدون 35 دقيقة ما تاكلون

عقبها:
سلطة + مشوي
او سلطة مع 5 ملاعق عيش او هريس او يريش او تشريب

بعد التراويح:
فاكهة او 3 تمرات مع قهوة

السحور:
1- شوربة + روب
2- سلطة + روب
3- روب + خيار + توست + جبن
4- تفاحة + عصير جريب فروت
5- 1 توست + جبن + خس + خيار + حليب

(يوم واحد بالاسبوع يكون اما الفطور او السحو free بدون حلويات)
طبعا هذا يوم الـ free

ملاحظة:
الرجاء شرب 1/2 لتر ماء اثناء وبعد الفطور

بالتوفيق ومبارك عليكم الشهر مقدما

​

 

[LUXURY]

كركوره
منوره حبيبتي

روز
أنا احطلج النقاط وحسبي على حسب نوعية أكلج

3 تمرات (نقطه)+ شوربة (اذا عدس او بطاط كل 5 قفاش كبار نقطتين \ اذا شوربة دياي بالذره او فطر 3 نقاط الكوب الصغير)

سلطة(الخضار كلها صفر , الصلصه حسبي:1م زيت زيتون = نقطه , 1 م مايونيز = نقطه) + مشوي (ربع دجاجه بدون جلد 5 نقاط , 120جم سمك او ربيان = نقطتين , شريحة بفتيك = 2.5 نقطه , همبرجر لحم مشوي = 3 نقاط)

5 ملاعق عيش او هريس او يريش او تشريب (نقطتين بس التشريبه محسوبه بدون لحم)

فاكهة (15حبة عنب \موزه \نص مانجا \ برتقاله \ تفاحه = نقطه) او 3 تمرات (نقطه) مع قهوة (كابتشينو من حليب خالي الدسم نقطه , لاتيه او موكا حليب خالي الدسم 3نقاط) طبعا سكر دايت

- شوربة (ذكرتها فوق ) + روب (اكتيفيا المخفوق نقطه , الروب الحجم العادي خالي الدسم نقطه , نصف الدسم نقطتين)
2- سلطة (ذكرتها فوق ) + روب(ذكرتها فوق)
3- روب + خيار + توست (كل شريحه نقطه) + جبن (ملعقه وسط جبن سائل =نقطه , شريحه جبن قليل الدسم = نقطه , جبن مثلثات للمثلث = نقطتين )
4- تفاحة نقطه + عصير جريب فروت نقطه
5- 1 توست + جبن + خس + خيار + حليب(كامل الدسم 2 نقطه , قليل او خالي الدسم نقطه )

وبس
كل شئ يعتمد على اختياراتج
كل الدايت صفر , شاي صفر , سكر دايت صفر

 

[^^ROSE^^]

تقريبا 15 نقطه
حلوين
ميرسي جدا