لحد يقولي سالفتج تافهه .. انا من باجر راجعه بيت ابوي يبيها خل يشبع فيها

[عيون ملكيه]

حرام والله كلها قطووه لا تسممينها ولا تقطينها لانها مو مثل قطاوت الشوارع تتاقلم
عطيني عنوانج وانا متكفله بتبنيهااا

اموووت على القطاوه احس اطفال بلبس تنكري

وزجج حده طيب ورحووم انا كل شخص يربي قطوه احبه احسسس حييل عاطفي وحنووون
صج الدنيا حظوظ

قلتله كل الحلول اللي البنات قالوها

خلها عند خواتك

عند امك
عند الصبي بالدوانيه
بالسرداب

بأي مكان بس ما ابيها عندي

يقولي انتي مو عافه غلاها عندي

والله هاللي تقولين انه حساس و طيب و عاطفي

انه اناني و مجرد من الاحاسيس و كيرلس حده

و ما تدرين اشكثر مهمل

يعني القطوه اللي تقولين يهتم فيها و يعتني فيها

خدامة خالتي تدخل تغير ترابها و تحط لها اكل و تحط ماي
و كل اسبوعين تسبحها

و انا بصراحه غير القطوه ما ابي كل دقيقه داخله علي هالخدامه مدام يبي يغير اكل مدام يبي يحط ماي

و اهو قاعد بالدوانيه
يتغدى و يتعشى بالدوانيه
و ياخذله غفوه بعد بالدوانيه

و انا اللي عالقه معاها

هذا و احنى باول حياتنا

تونا ما كملنا شهرين

و هاذي سوالفه
غير جذي
امه اللي تشتريلها التراب و الاكل
اهو ما يدري عن اكلها

بس يستانس يقعد ساعه يحذف كوره و لا يحط بالونه ولا يسحب حبل و القطوه تلحقه بس


بنات ساعات احس ان فيه تخلف عقلي !!!

قسما بالله تصرفاته مو طبيعيه

يعني كل البنات اللي قالو انه حساس و حنون و طيب و ما ادري شنو

والله هذا نظامه بدون مبالغه

 

[انا لحبيبي .]

رد : لحد يقولي سالفتج تافهه .. انا من باجر راجعه بيت ابوي يبيها خل يشبع فيها

:/

الله يعينك

 

[عيون ملكيه]

امبيييي وييييععععع والله لو انا من قبل لانسكن اسويله سالفه عشان يطلعها

ما اشيشج بس زين سويتي لان هذا الحل الوحيد يشوفله صرفه وياها هم وصاخه تخلونها بالشقه واذا يبتو ياهل بعد شلون بتخلونه وفي قطوه وااااي عادي تغار وتسوي بالياهل شي يمااا والله احذفها من الدريشة خل يبيعها يسوي فيها اي شي

اكره القطاوه حديييييي مااتحملهم ولا اتحمل اشوفهم

وصدقيني ماراح يفضل القطوه عليج وبيسوي الي يرضيج بس نطري عليه شوي لاتحكمين على تصرفاته بسرعه نطري وشوفي شيصير الله يعينج

بنااااااات
من ايام الملجه و انا المح له و اقوله و اتناقش معاه

و تاجل عرسنا شهرين
ونفس الحاله
اهو يحاول يحببني بالقطاوه و يقولي سوالف القطاوه و انهم مخلوقات حلوه و رقيقه و ما ادري شنو وانا ما ابي ما ابي اقتنع
يا ربي شي من الله ما احبهم يعني مو لازم احبهم

كل شي سويته و كل الطرق سويتها و الله بدون مبالغه


بطلت الباب و قعدت اراقبها

سويت نفسي قاعده اطالع التلفزيون و اشوفها تحوووم تحوووم

و اخر شي طلعت فرحت و استانست و الله حدي استانست

و سكرت الباب و الله من الفرحه قمت ارقص


اول ما رجع من الدوام و لا الاخ داخل الشقه و معاه كحه اسمها حتى مرض

يقول لقيتها تلعب بالحوووش


قلت هالمره عدت الثانيه تضبط

بدل ملابسه و نزل يتغدى تحت بالدوانيه

قلت خل انطر الوقت المناسب عشان اضيعها مره ثانيه

بعدها بكم يوم نفس الشي

كان معزوم على عرس

و ادري ما راح يرجع مبجر


قمت و بطلت الباب

الاخت ما طلعت


نطرت نطرت
لييييين طلعت

سكرت الباب
و قعدت بغرفتي

رجع زوجي وينها قلت طلعت ما ادري وينها

قال لا تسكرين الباب مره ثانيه اهي تعرف ترجع الشقه !!!!!!!! وقام يقولي اشلون تروح ليييييي القطع الثانيه و ترجع عادي !!!


عرفت اني مهما ضيعتها بترجع

 

[اسما87]

رد : لحد يقولي سالفتج تافهه .. انا من باجر راجعه بيت ابوي يبيها خل يشبع فيها

الله يعينك حبيبتى لاكن لازم يعرف انة القطط تسبب داء القطط ومرض يصيب رحم المراة او البنت وبعدين ماتقدر تحمل تسقط وهذى معروف حتى ممثلة مصرية مشهورة يسرا مصابة فية شوفى حبيبتى اهم شى صحتك لازم تخيرينة وبعديين القط كرية مادرى يذكرونى فى الجن اعوذ باالله ...انا اكرهم واكرة كل الحيوانات عندى فوبيا منهم

 

[كويتية بحتة]

الحل اللي بقولج ياه صعب بس تحمليه
بيني له لمدة شهر بس انج تحبينها ومهتمة فيها
عقب الشهر سوي نفسج بتطلعين وتودينها وياج
وحطيها تحت التاير ودوسيها

 

[عيون ملكيه]

حبيبتى انا بقول لج على شغله
اول شغله ريلج متعلق فيها اولا ويعاندج لانج تحنين
لاتحنين ولا شى وبينى وبينج ترا اللى يعاشر الحيوان صج يرتبط فيه بمشاعره
ولاتلومينه وفكري دام ريلج فيه خير للقطوه معناته انسان حساس وخايف الله فيها
ونصيحتى لاتقوينها ولا شى ترا للحيوان حوبه ولمعلوماتج القطوه اذا كانت متعلقه بصاحبها اذا ابتعدت عنه تموت
وراح تصير بذمتج !!! ويمكن تموت من اليوع اذا قويتيها وعلى فكره ترا على سبة قطوه مره ادخلت النار
هذا حيوان وروح لاحول لها ولا قوة انا من رايي انج تتكلمين مع زوجج بالهداوه
تقترحين عليه قفص من النوع الكبير ويكون عند اهله ويحط القطوه فيها او يخليها تتمشى عندهم كيفها متى ماوله عليها نزل تحت
وبعدين انتى تقربي منها شويه جاريه ولاتروحين بيت اهلج ولاتكبرين السالفة ترا الرياييل ماكو اعند منهم ​

متعلق فيها صح


اقترحت عليه كل هالاقتراحات

و مو راضي !



انا قعدت الصبح

و جهزتله ريوقه

و بخرت ملابسه

و بطلت الدرايش

و بدلت ملابسي

و اول ما تريقنا و خلصنا ( بنات انا طبيعتي دايما ابتسم بس هالمره رسمت على ويهي الساااد فيييس اللي يكسر الخاطر

قلتله



يافلان انا مو مرتاحه

قالي عسى ماشر

قلت له انا تعبانه و احس بضيقه شوي

قالي اشفيج في احد مضايقج

قتله اي
قالي منو
قتله : كحه

حيل تعبت من وجودها

عشان جذي بروح انام عند امي ابي ارتاح منها و من شوفتها

و انت فكر بطريقه

تطلعها من شقتنا تبيعها توديها ملجا تحطها عند واحد من ربعك تعطيها خواتك تحطها عند امك تحطها بالدوانيه بالسرداب بالملحق كيفك

بس ما تقعد عندي !!!

اهو بالمقابل

عصب

و قام ينافخ و يقولي انتي تبيني اقط بنتي اللي ربيتها
انا اعرفها اكثر منج و عاشت معاي عمر مو يوم و لا يومين و لا شهر او شهرين ( قصده ىنا )

اذا تخليت عنها عشانج
بيجي يوم و اتخلى عنج عشان مره ثانيه عادي عندج!صدمه و الله صدمني


قلت له :

انا تعبانه و بروح لبيت ابوي

و قلتله : توصلني

قالي : خلي السايق يوصلج




شوفو بنات
كل وحده ردت علي ردها على عيني و على راسي

لكن انا ما عندي استعداد اتنازل عن راحتي و هدوء نفسيتي عشان قطوه تافهه

مهما كان اذا عنده القطوه اهم مني اعتقد انه اهو وصل بالتفاهه لدرجه كبيره

لذلك انا ماابي ابدي حياتي على عناد تافه

 

[وصآااايف]

ريلج عقله صغير وتفكيره طفولي

لو تكلمين امه تقنعه يكون احسن​

 

[وعد2006]

رد: رد : لحد يقولي سالفتج تافهه .. انا من باجر راجعه بيت ابوي يبيها خل يشبع فيها

الله يعينج

 

[الأماكن]

...~


الله يعينج

هذا زوجج و انتي أدرى فيه ...

روحتج لبيت أهلج ... يمكن تكون تنبيه له ...

و القطاوة و الحيوانات الاليفة مثل الكاسكو و الحمام و العصافير ... تأثر عالانجاب ...تدرين!!!!

وان شاء الله يطيح اللي براسه ...

بس والله سالفتج ضحكتني ...


الله يعينج


....~​

 

[ام الوردة]

يماااااا قطوة فبيتي مستحييييييييييييييييييييييييييييييييييييل

انا بالشارع اخاف منها هالدور فبيتي لالالالالا صراحه ماااقدر وماتنلامين صراحه

اصلا الحيوانات كلهم وصصصصصصخ لالالالالالازم المكان اللي فيه يوصخونه

 

[هيا البرقاوي]

رد : لحد يقولي سالفتج تافهه .. انا من باجر راجعه بيت ابوي يبيها خل يشبع فيها

كل شيء ولا الحيوانات مااحبهم اخاف منهم بس مو معناته اأذيهم لااا ؟؟

 

[روزماري]

الله يعينج حبيبتي

 

[اشتياق]

والله مادري شقولج
بس اللي يحبون الحيوانات ويربونهم ترى لهم مشاعر خاصه من صج!
انا حوض سمج ماتحملته وكل شوي اقول ريحة الاكل زفره!!<<اكل السمج
وكل يومين اغير الماي مليييييييت
حتى زوجي يقولي شفيج ترى منظر حلو!
وانا اقول وييييع ماحب لا الحيوانات ولا النباتات
يعني الناس اذواق وميول
وصعبه تقنعينه
ماكو الا تحاولين تحبين القطوه!!
والله صج
اختي عندها قطوه وكل ماتمر يمي افز
عاد قلت حراام دام اختي تحبها خل احاول امسكها
وشوي شوي صارت تتنطط عادي وطنشت وجودها بمزاجي
خاصة انها نظيييييفه وتسمع الكلام تحسين شي حلوو
حاولي تقلبين الوضع ايجابي لصالحج..
تحياتي ياحياتي

 

[DooLy88]

عشان قطوة تتركين بيتج ؟
عاد فديت القطوة ودلع القطاوة
بالعكس خليها تأقلمي
وتوني ادري ان القطوة لها ريحة هههههههههههههه الظاهر قطوته فيها شي لول

خلوها عندكم تعلمي منها الدلع
اتغشمر
ههههههههههههههههه


مادري السالفة اللي انتي فيها
هل ان زوجج معاند يخلي القطوة
والا مطنشج ومو معاطج ويه ؟؟؟

عموما الحل مثل ماقالت غيرلونا انه يقتنع ويشيل القطوة ويضحي بحبه لها علشانج انتي اللي اهي زوجته



على فكرة تربية الحيوانات لها اجر
وممكن تدخلين الجنة بسبة انج عطيتي قطوة ماي
تخيلي

وانتو تبون تقوونها وتسممونها !!

وشفيها اذا الريال ربى قطوة؟ لازم يربي جلب والا نمر عشان يطلع ريال يعني؟
هاذي هواية ودليل على انه حنون وقلبه رهيف
هالميزة مو موجودة بكل الرياييل
الله يصلح حالكم

 

[DooLy88]

وبعد بقول لج

ترا القطوة اذا نطت مابتاكلج
اهي جذي رشيقة وتتنطط من مكان لي مكان
ههههههههههههههه

ومن طبعها ماتفتكر بأحد يعني لاتظنونها انها حاطة البال وبالكم
ترا ولا درت عنكم
زين واذا مشت وطالعتكم ؟ شفيها ؟ اخاف بس تغارين من قظوة
ههههههههههههههههه

لا بس الصج الصج
القطوة ماتاكل لحم البشر واذا اهو نظيف اكيد قطوته نظيفة

وفي فرق بين القطوة والحشرة


ومايسبب العقم فيها الا برازها وانتي بكرامة
اهلنا كلللللللهم مربين قطاوة ومسوين منتجع قطاوة بعد
وكلهم ماشالله عيالهم فوق 3 كسبي الاجر وتقبلي هالشي
او خلي القطوة تغلبج وروحيي بيت اهلج

 

[* بنت المطر *]

ديري بالج ونبهي زوجج ترا القطوه تنقل امراض تسبب عقم

مثل الممثله يسرا فيها مرض القطط وماخلفت الله يكافيج الشر

 

[عيون ملكيه]

خل اريح منه هالكم يوم

انا اساسا علي العاده و تعبااانه و مالي خلق سبحان الله نفسيتي تعبت من هالقطوه

و الله ادري ان وايد يحبون القطاااوه بس انا ما احبهم من الله مو عيب يحبونها و مو عيب اكرهها


بنات شنو يعني قوويها ؟؟؟؟؟

 

[ام^تبوله]

انا اكره كل الحيوااااانات انا طيور وكاسكو منعته هالدور قطاوه والله الله يعينج
بس تفاهمي معاه بالهداوه والله يهديه​

 

[موجة ~ بحر]

ويييع شلون. قطوة تتمشى داخل البيت وتقعد عالغنفات و الفراش الصراحه مالومج. *

 

[صمت المرافئ]

رد : لحد يقولي سالفتج تافهه .. انا من باجر راجعه بيت ابوي يبيها خل يشبع فيها

الله يعينج ...
ما ألومج آنا مثلج ما أتحمل وجود حيوان في البيت
طير بقفص ما أتحمله
اشلون قطوة تتمشى على راحتها في البيت
ما دام السالفة وصلت لهالدرجة
خلي أبوج يكلمه يمكن يستحي منه
حتى خالتج خلي أمج تكلمها
من ناحية انها خطر عليج صحيا لو صار حمل
وامرج لله ... عسى الله يهدي ريلج
اللي يسوي مقارنه بينج وبين هالقطوه
عاد هذا حجي الله يهديه !!!​