لحد يقولي سالفتج تافهه .. انا من باجر راجعه بيت ابوي يبيها خل يشبع فيها

[Sarooii]

ذبحيها/سمميها/ضيعيها!

جذي بترتاحين؟
سوري بس يعني بعرف .. انتي مفكره ان هالقطوة النتفة بتنط عليج و تاكلج؟
اهيا جذي تتمشى و تنطط تهبل شحلاتها مافيها شي

و اللي تقول ريحتها خايسة
قريت برد من ردودج ان الخدامه تسبحها مره كل اسبوعين!!!
حرام عليكم! و تبونها ماتخيس بعد؟
سبحوها عدل - يعني مرتين او ثلاث بالاسبوع
اشترولها شامبو طبي للقطاوه يقضي على الريحة و ينظف،،

و على سالفه انها تسوي عقم
اول شي وصخها اهوا المضر مو اهيا ،، يعني بمجرد ماتتخلصون منه خلاص كل شي اوكي
و على خطرها على الحامل و انها تطيح البيبي
في نسبة من القطاوه يحملون هالفايروس ،، انتو ودوها الطبيب البيطري و جيكو عليها!

و اذا انتي متضايقة من شعرها اتوقع انها شيرازية؟
اقترحي على ريلج انكم تحلقونها ،، وايد من صديقاتي حلقوا قطاوتهم و يقولون وايد اريح

<<على فكره محد بالدنيا يخاف من القطاوة و الحيوانات كثري انا
بس والله العظيم من تعودت على قطوة بنت عمتي خلااص عشقتها
بالبداية كنت من بعيد لي بعيد و اتصروع لي تحركت ولا ركضت
عقبها قمت امسح عليها و اخليها تلحقني لمن امشي
الحيين عااااادي اشيلها و العبها و حياتي سعيدة

انتي فكري بالقطوه انها ياهل عامليها جنها بيبي
و راح تموتين عليها ،، ترى الواحد مايقدر يحقق شي اهوا مايبيه
يعني اذا انتي ماتبين تحبين القطوه اكيد مابتحبينها .. انتي متبريه من السالفه و تبين الفكه منها
بس انا اقولج حاااولي و صدقيني ما بتندمين و حتى ريلج بيستانس
و دشي مواقع عن تربية القطط و اقري عنهم و استفيدي منهم،،
و سؤال اهيا ماعندها قفص؟ على ما تتعودين عليها و تحبينها
عالاقل لمن ريلج يطلع حطيها بقفصها عشان ما تحوس و تنرفزج،،
​

 

[Tutti-Frutti]

قوليله القطوة تكلمت و قالت انا جني ههههههههههههههههههه

:krkrkr: :krkrkr:

مت من الضحككككككك على ردج لوووووول

 

[المكسيكيه]

الله يعيينج

 

[the note book]

انتي لا تسويينها زعله كلميه بالمنطق

قوليله فرضا طلعت حامل!! القطوه خطر وجودها على الجنين

و اصلا انا سامعه انها تسبب عقم و الله اعلم

الله يهدي سركم ان شاءالله

 

[F.DIAMOND_Q8]

رد : لحد يقولي سالفتج تافهه .. انا من باجر راجعه بيت ابوي يبيها خل يشبع فيها

اتردين بيت ابوج علشان قطوه !!!!!

هذا مو حل حبوبه​

 

[خفايا قلب]

رهبيه وقوليله ان القطوة اساسا تسبب امراض للمراة (اتكلم صج مو غشمرة ) خاصة المراة احامل وتاثر عالبيبي ونزلي تقارير من النت ووريه ياه وبس

 

[قلبي عبدالله]

شوفي حبيبتي

لاتطلعي من بيتك لان كثر الدق يفك للحام على قولتهم:eh_s(4):

سوي مثلي السنه اللي فاتت سكنت بيتي الجديد وبعد اسبوع فاجأني زوجي بقطوه جايبها فرو وجميله في نظرهم بس في نظري قبيحه وقذره جدا وحطها في الحديقه وانا عندي فوبياوخوف مو طبيعي من لقطاوه يكش بدني من اشوفهم من بعيد مابالك في بيتي ولما سكنا كان الجو حلو وزوجي مدمن شوي فكنت اعاند مااطلع الحديقه واعايره بأن القطوه صارت احسن مني ونفسيتي تعبت حيل واشرط عليه ادا قعدت في الحديقه انه يحبسها في قفص لاني مااتحملها ماتخاف من الانسان اذا مريت تنط علي والله اني تمنيتها قطوه من الشارع على الاقل اذا مريت مابتقرب صوبي وبتخاف مني وخفت على بنتي من الامراض عمرها 3 سنوات وتحب لقطاوه بشكل مو طبيعي وهددته اني راح اسممها وطبعا مستحيل اسوي هالشي بس هو خاف من تهديدي واعطاها جيرانا هديه لانهم كانوا ميتين عليها

وعاشت عندهم وخلفت صبيان وبنات ولازال زوجي متحسف عليها والحمد لله انتصرت عليها وطلعتها من بيتي ماباقي الا قطوه تحط راسها براسي:rgewrg:

 

[آثار حمده]

أختي العزيزة عليج بلالدعاء والدعاء والدعاء وخاصة بالثلث الأخير من الليل اسألي الله الهدى والسداد في كل وقت هو الي راح يسددج وراح تجدين الحل بإذن الله إذا تعلقتي بالله وحده​

 

[zain-alq8]

واااي الله يعيينج ....اقوولج فكره مينوونه من صجي بس استحملي ايلي بيصير ييبييلج جلب صغيروونو يشوووق ترا القطاوه مايحبوون الجلاب عزكم الله راح يصير مثل توم وجيري بالبييت ..عشان زوجج يكره الحيوانات كلها لوووول

 

[ana mo ana]

الله يعينش ما احب حيوانات داخل البيت اخااااااااااف وما ارتاح احسها تراقبني وتسمعني
يماااامي قوليله ياقلبي انا اخاف وما ارتاح
وحسسيه انش تحبين القطوه بس ماتبينها عندكم قوليله ترا اتجيب امراض

انا مره جابلي كتكوت يبي يونسني قعدت اصارخ وابكي هههههههااي اخترع الرجال


الله يهدي رجلش*

 

[بنات حواء2]

لازم يحترم رغبتج

 

[موله الكويت]

الله يعينج​

 

[sweet heart]

هههههههههه عطوني اياهاااااااااااا انا اتكفل فيهااااا

انتي لا تنزلين مستواج لي القطوه مهما كانت هذي حيوان وترفعي..
ولا تقولين له يا انا يا القطوووه ..لان اذا انتي هانت عليج روحج وقارنتي
عمرج فيهااااا ليش تبين اهواااااا يفضلج عليهاااااااااا يعني..

لووووووول صح؟

 

[واثقة بجمالها]

يعين الله بس بالهدواه كل شئ يصير

وصج قوليله ترا تسبب عقم واكيد انه بيخااف عليج وبيطلعها

هونيها وتهوون

 

[LeeMa q8]

وااااااااااي والله مالومج قطوه وياي بيبتي ويع مالومج

 

[بوغاتي88]

حطيها بخيشة وقطيها بالبحر هههههههههههههههاي ولايحط راسج براس القطوة جليل الحيا

 

[Pinky -cat]

رد : لحد يقولي سالفتج تافهه .. انا من باجر راجعه بيت ابوي يبيها خل يشبع فيها

حبيبتي لا تضايقين روحج اللي عليج انج تطلعينها برا ولا تحطينها بمكان منفصل عنكم ووخلاص

ولا من صجج تبين تحطين عقلج بعقل قطوة ، لا تهدمين بيتج وتسوين مشكلة على سبه قطوة

وصدقني انتي اكبر من جذي وانشالة تفكيرين بعقلج وسوي الفكرة هاذى وراح ترتاحين

 

[macintosh]

رد : لحد يقولي سالفتج تافهه .. انا من باجر راجعه بيت ابوي يبيها خل يشبع فيها

انتي عكسنا .. انا أقوله أبي قطوة وهو مو راضي

مع اني ما اعرف أربي قطاوة بس احسهم يونسون

لازم تتفاهمين معاه خصوصا اذا مأزمتج لهدرجه

كلمي خالتج(أمه) .. وممكن جذبه بيضه قوليله فيني ربو وما اتحملها

وكحكحي شوي

مو معقولة تهدمين حياتج عشان قطوة

 

[q8y-moon]

ذكرتج انتي من اول ما خطبج تدرين انه يحب القطاوه وقالج اشكره وحاول يحببج فيهم صح؟؟
حياتي حاولي تتاقلمين كلش كلش خل يحلها غرفه كيربي بالحوش ويخليها هناك موشرط عندكم بالغرفه

 

[سحر الشرق@]

الله يعينج
موسهله سالفتج