لحد يقولي سالفتج تافهه .. انا من باجر راجعه بيت ابوي يبيها خل يشبع فيها

[لبـى قلبـي]

والله لو أنى مكآنك أتوقع بسوي نفس الشي ..


الله يعينك ..

 

[بنت الفوزان]

رد : لحد يقولي سالفتج تافهه .. انا من باجر راجعه بيت ابوي يبيها خل يشبع فيها

امبيه تدرين لو انا جان اطق واموت لأن انا فيني فوبيا من القطاوه انا لو اشوفها بالشارع اناقز من مكان لي مكان من الخوف وانسى عمري هالمره معاي في البيت ولا اتطلق ولا اني اقعد وفي شقتي قطوه

 

[احساس السعوديه]

الللللله يعييييييييييينك
استغفر الله جد والله مانلومك عالقطوة بصراحجه تخرع تمشي ممعاي وتعيش معاي
بس لاتفكرين بالطلاق بس تأديب
مايجوز تسممها بنات

 

[FeShinGoOo]

حرااااااااااااااام ..

مسكين قطوته شيسوي فيها :< انا ابوي كان مربي طير كنا انحس انه يحبه اكثر منا ورب الكعبه يوم مات الطير ابوي ظايق خلقه جنه واحد من اهله متوفي وحتى ربعه عزوه عليه لوول كان مشهور طير ابوي ومعاه قبل لايتزوج امي وشهر رمضان الي طاف مات ..

حرام لاتعورين قلب ريلج ومو مشكله يحطلها غرفه ويخليها فيها واذا اشتهي يلعب معاها يطلعها ولا يخليلها تتمشى وانتي موجوده

 

[فوشية]

اخترعت عبالى رفيجته


الحمدلله وقفت على قطووووووووووووه

انا ماراح افيدج بالموضوع لانى اموت عالقطاوه بس زوجى مايبي :_(

 

[ღ TőOőma ღ]

امبيييي وييييععععع والله لو انا من قبل لانسكن اسويله سالفه عشان يطلعها

ما اشيشج بس زين سويتي لان هذا الحل الوحيد يشوفله صرفه وياها هم وصاخه تخلونها بالشقه واذا يبتو ياهل بعد شلون بتخلونه وفي قطوه وااااي عادي تغار وتسوي بالياهل شي يمااا والله احذفها من الدريشة خل يبيعها يسوي فيها اي شي

اكره القطاوه حديييييي مااتحملهم ولا اتحمل اشوفهم

وصدقيني ماراح يفضل القطوه عليج وبيسوي الي يرضيج بس نطري عليه شوي لاتحكمين على تصرفاته بسرعه نطري وشوفي شيصير الله يعينج

 

[سارووونه22]

حبوبة لازم بسرع وقت اطلعين القطوه ترى تسبب عقم حق الحريم وبرها مضر وايد

 

[Tutti-Frutti]

ييييييييييييييع
بروحي اكره القطاوه خلقه واموت خوف منهم لو اشوفهم من بعد 10 امتار تلقيني انحاش الصوب الثاني :RoadRunner:

ما الومج
ولو انا منج اصلا ما اصبر ولا اتحمل .. من اول شي اقوله يا انا يا القطوه


غير سالفه بعد
والله الرياييل فناتق :\

 

[ام دليار]

رد : لحد يقولي سالفتج تافهه .. انا من باجر راجعه بيت ابوي يبيها خل يشبع فيها

الله يعينك وسخره لج

 

[النشبه88]

الله يكون بعووونج قريت موضوعج قبل اعرف شكثر امأزمتج ...وانا نفسج مو ذاك الزود مع القطااوه
بس حرام شنو تسممها وتقويها ...

حتى لو عاقده النيه تروحين بيت اهلج لا تكبرينها لانه يمكن يحنج ما تدرين .. مو لانها اهم منج .. بس عشان ما يمشي رايج انتي بتسوين هالحركه بتشوفين يطردها والا لأ ... خوفج ما يطردها وتتعب نفسيتج

ليش ما تحاولين تتعايشين معاها تلعبينها تلطفين الجو معاها عشان ما تعطيج النظرات والتخريعاااات ...ادرررري صعب عليج بس حااااولي ...قوليله بحاول عشانك ....قبل لا تسوين اللي براسج وتروحين

 

[++MesK++]

؛



؛


يمكن القطوه هذي ينّيه(جنيه) و انتي ما تدرين؟!


و تغار منج



؛


؛

​

 

[صمــت_ALsHfaaH]

استغفر الله ويقولون الحريم ناقصات عقل

اذا احنا ناقصات عقل اهم شيطلعووون؟؟؟؟؟؟؟؟؟؟

 

[هيبهـ ملكيهـ]

رد : لحد يقولي سالفتج تافهه .. انا من باجر راجعه بيت ابوي يبيها خل يشبع فيها

انا مع اختي كويتيه زوغه بكل شي قالته يبيلج شوي تفكير وتقدرين باسلوبج وبذكائج كاانثى وبكيدج انج انتي تكرهينه فيها وبطريقه تريحن نفسج منها وتريحينها وهم ماتاخذين ذنبها وتروحين النار بسبتها
قوليله اول شي تسبب عقم مومعقوله ننحرم من العيال عشانها ؟؟؟

وقوليله انت موملاحظ ان من دخلت ومشاكلنا زايده غير سالفة طلعها عن الشقه ؟؟؟

هو طبعا راح يحس ومراح يقول اي يأأيدج بيسكت قوليله تدري ان القطاوه من السهل تدخل فيهم الشياطين وتخرب حياتنا وواكثر المشاكل اللي تصيب الناس من القطاوه وبلاويهم وطلعي كل القصص الشينه اللي سببتها القطاوه من امراض وشياطين اعوذبالله ((وتكون متلبسها جني ومسلطه علينا ))

وبلاوي منها وقوليله بحوار عقلاني وخوفيه ااهم شي من الامراض وتلبس الشياطين وقولي مانبي نستاثم فيها بهدوء طلعها وشوف حياتنا شلون بتصير

او ودها بقفص بعيد المهم اي مكان بعيد عن الشقه قوليله مثلا لو احمل انا اخاف راح يطيح الحمال لان معروف الخرعه تطيح اللي بالبطن

حااولي وحاولي وعلى قولتج (( معقوله قطوه تغلبج ))

وخلي اخر حلج طلعتج من البيت اتمنى افدتج فكري مليون مره وجربي وصدقيني لاحسيتي ان كل الحلول خلصت انا اقولج روحي \
موفقه يارب

 

[الشمعه اللمعه]

ويع شلون متحملتها شكلها يخوف ويقولون ان الجن يسكن القطاوة وهذا اكثر شي يخوفني منها

 

[om-s3oodi]

رد : لحد يقولي سالفتج تافهه .. انا من باجر راجعه بيت ابوي يبيها خل يشبع فيها

لوووول

الله يعينج يا بنت الحلال

آنا لايعة جبدي من الكناري اللي فالشقة كلللللله أموصخ المكان وطاح من الدريشة وأكلته القطوة وخلصنا منه

تالي الله وكيلج 3 بلابل في الشقة وتعالي جوف الوسخ

مو رااضي إلا يبي طيور فالشقة ..

صج شي ينرفز ..

ما ألومج والله .

 

[مجنونة حمد]

رد : لحد يقولي سالفتج تافهه .. انا من باجر راجعه بيت ابوي يبيها خل يشبع فيها

وربي اخاف من القطوه وما ادانيها ويييييييييع
اذا طلع من البيت اخذيها واحذفيها برا وقوليله اهيا طلعت وييييييع وربي حاسه فيج

 

[pusy cat]

هههههههههههه نفس حالتي مع قطوته بس بالاخير استسلمت وصرت انا اللي احبها

انا اقول تعوذي من الشيطان واستخيري قبل لا تطلعين

ترى اهو نفس الشي راح يقول باعتني عشان قطوه

لاتاخذين السالفه بالهواش تدلعي عليه ترجيه بدلع انه يوديها بعيد عن الشقه قوليله اذا تحبني شيلها

قوليله انا اغار منها انا قطوتك وبس ومن هالكلام دام انه يحب القطاوه معناته انه يحب الدلع والتقلقس والتمسح

لاتخربين بيتج اصبري على زوجج ترى توكم معاريس وماعرفتو بعض عدل يبيلكم فتره طويله لا تنسين ان اول سنه زواج اهي اخطر سنه واغلب الطلاقات تصير بهالفتره

 

[الملكة كوكو]

انا عشت 3 سنين في بيت اهل زوجي برعب مستمر بسبب تربية حماتي حق قطوة و المشكلة البيت كلة وصخ متروس شعر و تلوع جبدي من القعدة و الاكل و اي مكان تحوس فيه من اشوفها انحاش ما اقرب صوبها كلش و مو زين ترى حق الحمال و الدكتور قالي بعد يأثر على الحامل و بنفس الوقت انا سامعه ان ما يجوز تصلين بمكان فيه شعر حيوان تكون صلاتج باطلة , فــ انا وايد عانيت كلة انخش في غرفتي و لمن ولدت و يبت بنتي زادت المعاناة مابيها تحوشها او تجيس شعرها لانة تسوي حساسية حق بشرة البيبي , بس بعدين لمن سافرت حماتي اشوة اقتنعوا اهلها انهم يودون قطوتها محمية حيوانات و بعدها فرجت علي و ارتحت نفسيا
بس انتي سالفتج العن هذي قطوة زوجج و قاعدين بمكان واحد و مو مرتاحة فيه و تقعدين على اعصابج ! يعني صج الله يعينج ...​

 

[امووووما]

بالنسبه لي لو اعرف ان زوجي يزبي قظوة بدون مبالغه جد جد جد ماافكر ارتبط فيه كللللللللللش والله يعينج استغفر الله اكرهاااااااااااااااااااااااااااااا

 

[[[ عيون جابر ]]]

انا اقول اخذيه بالسياسه قوليله انا بحمل والقطوه مو زينه وتسبب عقم سوي افلام عاد انتي مسكيه من الايد الي تعوره قوليله تأثر علي وعليك ترا شعرها يضر ومن هالكلام وقوليله قصص عن الناس الي لما شالو القطو من بيتهم صار في انجاب احسن من النجره والحنه والهواش صدقيني