لحقوا علي

[f6oma 1991]

بنات انا داشه السابع بس احس بتغيير وايد بجسمي يعني كان عندي بطن و احسه مشدوود حييل جنه صخر و كنت احس بالبيبي عدل من يتحرك و يقلب و جذي و رفساته قويه بس الحين ما احس بهاذا و هالشي مخرعني هل هالشي عادي ولا انا اوسوس اول شي احس ان بطني خقق مو مثل قبل و ما احس برفسات و الله فاقدته حيييل

اسفه بنات قاعد اكتب و دموعي بعيني سوري مو مرتبه افكاري

 

[sbee7a]

حبيبتي روحي راجعي بسرعه وتطمنيي على البيبي ان شالله ماكو الا العافية

 

[تبطي عظم!]

اذا جذي مخترعه احسن لج تراجعين الطوارئ باي مستشفى ترتاحين له وتتطمنين ع البيبي

انا كان يصير معاي جذي عادي

وكنت اشرب منجا او اكل ككاو ويتحرك البيبي

الله يطمن قلبج ياارب

 

[ام_ركون و دندون]

ربي يطمن قلبج يا حياتي وطمنينا عليج

 

[عضـــــوه]

حبيبتي روحي طورااااائ وجيكون لج علي نبض البيبي

لازم بالسابع حركته تكون واضحه وتابعينها لازم

اشربي سوائل ونامي على ظهرج وحطي ايدج علي بطنج وراقبي الحركه

طمنينا عليج

وان شاءالله خير يارب 

 

[tbola]

ان شاء الله مافيج الا العافياا

 

[أعشقه]

اذا تحسين حتى لو بحركه بسيطه اهم شي يتحرك
اذا تحسين ان حركته بسيطه وشبه مو موجوده لازم تراجعين دكتوره باسرع وقت
اصلا المفروض تحسبين حركة الجنين كل يوم اذا فوق 10 حركات يعني انه بخير وسليم
اذا اقل من 10 يعني انه فيه شي حتى لو يتحرك
ضروري تراجعين دكتوره تطمنك عليه

 

[لعبير]

حبيبتي راجعي دكتورج أنشاءالله ماكو اللي لعافيه​

 

[المـــــها]

بسم الله عليج
إن شاء الله مافيج الا العافيه
اتوقع ماتحسين لان البيبي يتحرك و انتي نايمه
ترى له فترات نشاط و فترات راحه
بس اذا بتتأكدين براحتج

 

[Eng.Kokoro]

http://www.q8yat.com/t961193.html هذا موضوع حوامل يحسون بتحجر واهمه بالثامن اذا تقصدين نفسهم
والله انا بجر بس حبيت ارد عليج وان شاءالله البيبي مااافيه شي والله حافظه يمكن كبر وضاج المكان عليه
بس روحي للدكتوره وتطمنييي

 

[ناني سيكرتس]

حبيبتي روحي الطواري خل يسوون لج تخطيط حق البيبي وان شاء الله ماكو الا العافيه ...

 

[f6oma 1991]

مشكوريين حبايب قلبي رحت الطبيب و قالوا ماكو شي و عسى ربي يلبسكن ثوب الصحة و العافيه و يقر عينكم بعييلكم

 

[OM 7SO0ON]

الحمدلله
اهم شي انج تطمنتي