لحقوني انا ما اصلي

[قموووره]

شوفي حبيبتي مجرد احساسج بالذنب هذي نعمه من رب العالمين!

تذكري ان في ناس وايد تعصي ربها وما عندها اي احساس بالذنب ابدا وهذيل الي ربنا قال عنهم ونمدهم في طغيانهم يعمهون .. يعني الله يعطيهم على هواهم بالدنيا ويسهل لهم المعاصي وحسابهم عسير عند رب العالمين

بس كونج حسيتي بالذنب معناته الله يحبج ويبي يقربج منه وهذي تستاهل منج سجدة شكر لله

بعدين علشان انتي كنتي بعيده عن الله فكان قرينج متمكن منج ومستقوي وكل ما تفكرين بالصلاة يثقلج وما يخليج تصلين
بس ابيج تتذكرين ان الله سبحانه قال: ان كيد الشيطان كان ضعيفا

يعني انتي اقوى منه بقربج من الله
شوفي حبيبتي من هنيه ورايح لازم تجاهدين نفسج وتذكري ان اعظم الجهاد جهاد النفس
واستعيني برب العالمين
تحري دايما وقت الاذان وخلج على وضوء من قبل لا ياذن
واول ما تسمعين الاذان صلي على طول حتى لا تنطرينه يخلص من يكبر ويتشهد صلي
وقطي اي شي شاغلج وحطي في بالج ان لمه تسمعين الاذان ان الله قاعد يناديج

انتي لمه احب شخص على قلبج يناديج شتسوين؟؟؟؟ اكيد بتركضين له صح؟
فما بالج لمه رب العالمين الي يحبج الي يناديج؟؟؟؟
قطي اي شي شاغلج وصلي
وحاولي وانتبهي من الشيطان لانه راح يتربص لج اليوم بيقولج زين نطري خل يخلص الاذان زين خلصي الي بيدج وبعدين صلي
ديري بالج من تشوفين نفسج بديتي تاخرين الصلاة لو خمس دقايق ! عرفي انج باديه ترجعين لي ورى!! انتبهي ولا تخلين الشيطان يتغلب عليج
والله يصلحنا وياج يا رب​

 

[ديمــــــــــه]

انتي لازم تجاهدين نفسك ولاتستسلمين لوساوس الشيطان اللي جالس يوهمك انتس مريضه وفيك شي عشان تبررين لنفسك ترك الصلاه
اسأل الله لك ولي ولجميع المسلمين الهدايه وان يثبتنا على مايحبه ويرضى

 

[أنـــفال]

ماشاء الله الخوات كفو ووفوا
حبيبتي كل شيء الا صلاه هي عماد الدين وهي اول شيء تحاسبين عليه يوم القيامة
قومي اللحين توضي وصليلج ركعتين واستغفر ربج ولا تقولين بكره ترا الموت يجي الانسان بأي لحظه
الله يهديج ويهدي جميع شباب وبنات المسلمين امين