لحقووووني :(

[تبقى حبيبي..!]

مرحباا بنااات ..

انا سبق وكتبت مشكلتي هني
http://www.q8yat.com/t438976.html


المهم

بناات الحين كملنا ويا بعض تقريبا 4 سنوات ونص ..\\

ابي احل احس مو قادره افكر والله استوييت مينوووونه .. قبل كم يوم اخوي جكني اكلم (حبيبي)..< وحلف انه بيجتلني اذا عرف اني رجعت اكلمه والله موو قادره مااقدر اصبر عنه رجعت وكلمته
بس الحين خااايفه خاايفه يدري مو عارفه اناام ولا ااكل ولاا حتى ادرس .. من كثر ماافكر .. خاايفه يعرف ويبعدني حسسسسسوا فيني الله يخلييكم .. والله مااقدر مااقدر حاولت وماقدرت ..تعبانه جسديا ونفسيا وعقليا وكل شي كل شششي ..

ساعدوووني الله يخليكم سااااااااعدوني خايفه من اخوي ماابيه يبعدني عن حبيبي .عطوني حل قبل لااااااااا يصير فيني شي



واسفه ع الكلام ادري مخربط بس والله مو عارفه ارتب افكاري..:eh_s(2):

 

[إماراتية طر]

غلط اللي تسوينه اذا هو يحبج الريال يتقدملج
4سنين تكلمينه خاافي الله حراام خليه و من ترك شيئا لله عوضه الله خيرا

 

[Ƒɭσωȩʁ]

حبيبتي لآزم تشوفيلج حل
يآ آنه يتقدملج ،
آو بلآش تكلمينه ؟
قعد تضيعين مستقبلج ع الفآضي
قعدي مع نفسج شوفي الي قعد تسوينه صح ولآ غلط ؟
والله حرآم اربع سنين ،

ربي يوفقج
(f)

 

[مملوحه السهول]

فكري بعقلج مو بقلبج !!

دامه 4 سنوات ليش للحين ما تقدم لج !!

هديه ولو يحبج صج يجي يخطبج ليش تضيعين وقتج !!

يا حبيبتي ارجعي لربج والهي بشي ثآآني خلي طول وقتج لربج وذكره

خـــآآآفي ربج ،

\
/
\
/

والله يوفقج ​

 

[تبقى حبيبي..!]

يآ نآآآس ياعاالم تقدملي بس اهلي رفضوووه .. لانه بدوووووون ..

اهوا بعد مو ذنبه انه طلع بدووون ..حسسسو فيني والله بستوي مينوووونه ..

انا مااقدر اخليه .. بمووووت والله بمووووت .. وبعد خاايفه من اخوي يدري والله مب عارفه شسوي ..

 

[ޢޢޢإيمانޢޢޢะۣۨ>]

حبيبتي ليش الخوف !
موضوع الجنسية مو مشكلة
حطي النقط على الحروف وخليه يتقدم لج ويواجه الأهل ويشوف ردهم
صدقيني كل الأمور راح تتضح من بعد ما يتقدم لج
راح ترتاحين وتعرفين موقف الأهل
وتتأكدين من موقفه واشكثر هو شاريج
توكلي على الله واقدمي على هالخطوة وطمنينا عليج بأقرب وقت ​

 

[ޢޢޢإيمانޢޢޢะۣۨ>]

في ناس يتقدمون مرتين وثلاث وأكثر
ما في إلا هالحل
إذا هو شاريج ما راح ييأس ​

 

[قلبي محمد]

حبيبتي دام انه حبيبج بدون واهلج رافضينه
ليش مستمره بعلاقتج معاه ؟
خلاص خليج قويه وانهي كل علاقتج معاه ..لانج انتي عارفه من الحين ان نهاية علاقتج الفشل
وحبيبتي فكري بعقلج قبل قلبج ... اذا تزوجتيه شلون راح تكون حياتج ؟؟
اهلج يعرفون مصلحتج اكثر منج ... حبيبتي ادري انه صعبه خاصه انج ظليتي معاه 4 سنوات
بس كان المفروض انج اول ما عرفتي انه بدون تهدينه وما تستمرين معاه
بس عموما الحين ما ينفع هالكلام ... حبيبتي هدي حبيبج خلاص وانهي كل شي بينكم وان شاءالله ربي بيعوضج كل خير

 

[عاشقة-الكفيل]

ليش مايتزوجج ؟؟؟؟؟؟؟؟؟؟؟؟

 

[لاتكابر غلطتي]

اول شي
انتي فكرتي بحياتج معاه بعدين ؟
ولا نايمه عالرومانسيه اللي بينكم اللحين ؟
وماتحسين انه ممكن يستقلج بشي ؟
/
واول واخيرا مابني على باطل فهو باطل
دامج عصيتي ربج من اولها
كيف بتآمنين اخرتها معاه ؟؟
فكرتي ياحياتي فكري عدل وتعوذي من ابليس
واخوج ترا اذا اذبحج محد بيحاسبه لانه هذا شرفه وعرضه .ز

وعسى الله يهديج يستر عليج ..

 

[Pearl Qatar]

أممممم


ولله ماعرف شقـولج !
دايماً نشوف هالمواضيع تتكـر أحبه ومايقدر يتقدم لي لأنه بدون
شوفي حبوبه فهمي أهلج معني الحديث " أذا جاءكم من ترضون دينه وخلقه فزوجوه "
بعدين 4 سنوأت وانتي تخونين هلج ، أعرفي ان مافي شي مستور ودايما الغلط ينفضح وينكشف
دامه مافي نصيب وهلج مب راضيين عليه لأنه بدون المفروض على طول تقطعين العلاقه وتلجئين للخالق عزوجل ، صدقيني الريال لو من نصيبج بييييج ، كلن بياخذ نصيبه ، يمكن باجر هله يزوجونه وعقب انتي شبتسوين غير أنج بتتعذبين وبتنجرحين وهو جذي ولا جذاك بيفكر في حياته ومايبي يعلقج أو يعلق نفسه ، ويمكن اخوج يدري مره ثانيه ويسبب له مشاكل

الله يهديج ان شاء الله ويجعله من نصيبج ​

 

[يالبيه يا انا]

الله يعينج بس خلاص دام اهلج رافضينه شتسوين بعد ارضي بالامر الواقع

 

[فرقى ولايف ..]

أول شي :
وربي إني حاسة فيج وعارفة شنو معنى إنج تتعلقين بشي إنتي تدرين إنه مو ملكج وعمره ما راح يكون لج

ثاني شي :
صح قرار الترك بعد 4 سنين راح يكون صعب
وبتحسين إنه روحج تنشلع من مكانها ..

و مو بس نفسيتج تتعب حتى جسمج بيتعب،
لكن حطي فبالج كل دقيقة تقضينها زيادة معاه راح تزيد
من كم العذاب اللي بتجربينه لما تجين تتركينه أو هو يتركج

ثالث شي :
إنج تنهين علاقتج معاه على خير ..
أحسن مليون مرة من إنها تنتهي على شر

تخيلي أخوج يصيدج ويقلب دنيتج جحيم ؟
و هم يروح ينتقم منه .. إنتي ودج يصير جذي ؟

تخيلي اللي تحبينه يجي يوم ويملّ من إنه يعيشج مجرد وهـــــــم
مو قادر يخليج حلاله ويفكر يتزوج وحدة 2 .. عفواً حبيبتي بس مهما كان
ماكو إنسان طبيعي بيفضلّ حبيبة بعيدة عنه مو قادر يجيها بالحلااااال
على تكوين أسرة وعيال والعيشة باستقرار وراحة بال ..
ويمكن أهله يغصبونه مو هو يختار هالشي .!

رابع شي :
تقدرين تقررين إنتي وياه إنكم تبتعدون تدريجياً ..
قللوا الاتصالات والمسجات ولو ضايفته حذفيه
و حاولي تترسين حياتج بشي ثااااني ..
تطوعّي بمكان خيري أو دوري نادي لهواياتج عندج مليون فكرة وفكرة لسد الفراغ ..
وأهم شي تقررررربي من ربج كلما قربتي من ربي بتحسين براحة وغنى عن العالم كلللللله


خامس شي : " من ترك شيئاً للـــه عوّضه الله خيراً منه " .. جربي تسوينها لله وصدقيني ربي بيبهرج

 

[تبقى حبيبي..!]

شكرا لجميع البنات اللي ردوا علي .. وبانتظار البقيه

 

[نجاة80]

الله يهديج ... خافي من ربج ... ربج عالم باللي تسوينه

 

[هامتي]

حبيبتي دام انه حبيبج بدون واهلج رافضينه
ليش مستمره بعلاقتج معاه ؟
خلاص خليج قويه وانهي كل علاقتج معاه ..لانج انتي عارفه من الحين ان نهاية علاقتج الفشل
وحبيبتي فكري بعقلج قبل قلبج ... اذا تزوجتيه شلون راح تكون حياتج ؟؟
اهلج يعرفون مصلحتج اكثر منج ... حبيبتي ادري انه صعبه خاصه انج ظليتي معاه 4 سنوات
بس كان المفروض انج اول ما عرفتي انه بدون تهدينه وما تستمرين معاه
بس عموما الحين ما ينفع هالكلام ... حبيبتي هدي حبيبج خلاص وانهي كل شي بينكم وان شاءالله ربي بيعوضج كل خير

:eh_s(15):

 

[الريشة]

نصيحة :
ما دام أهلك رفضوه بسبب إنه بدون ............... خلاص سمعي كلام أهلك لأنهم يعرفون مصلحتك.
و صدقيني ترى راح تندمين إذا تزوجتيه و أهلك مو موافقين من داخل قلبهم حتى لو وافقوا بعدين بسبب إصرارك على رأيك,
و عيالك راح يحاسبونك بعدين و يقولون لك ليش احنا بدون؟
صدقيني ترى الحب قبل الزواج غير و بعد الزواج غير....
لأن الحب راح يتغير بعد الزواج و يصير عشرة عمر و روتين يومي و الرومانسية راح تقل بسبب كثرة المسئوليات.
و انتي الحين الشيطان لاعب براسك.
أول شيء صلي صلاة استخارة على زواجك من هالولد اللي تحبينه.... و إذا هو فيه الخيرة الله راح يخلي أهلك يوافقون بس إذا مو خيرة لك الله راح يبعده عنك.
و انتي اذا كلمتيه من ورى أهلك ترى راح تاخذين آثام و ذنوب.
إذا تزوجتي شخص يكونون أهلك راضين فيه و مستواه نفس مستواك راح تتوفقين و نفسيتك ترتاح أما إذا أقل منك راح تندمين و تحسين بالنقص بينك و بين بنات خالاتك و عماتك لأن أزواجهم أحسن من زوجك.
و مادام أهلك ما يبونه خلاص تركيه لأن العمر يركض و راح تكبرين و متى راح تتزوجين و تحملين.......
و يمكن اهو راح يمل من النطرة و يروح يتزوج وحدة ثانية و انتي تكونين كبرتي بالعمر و طافك قطار الزواج.

 

[Creativa،QTR]

وربي اني حاااااسه فييييييييييييج

أنا احب واحد من 4 سنوات ونص تقريبا وتقدم لي توه من جم شهر وانرررفض بسبة ان امه مو خليجيه تخيلي !!!!
شفتي السبب السخيييف

مع انه خوش ولد واهله ناس زينييين وطيبين واااايد :'(

أنا نفس مشكلتج وانا الوحيده اللي حاسه فيج بس ماااعرف شنو اسوي لانه يبي يتقدم لي مره 2 وأهلي وااايد شاكين بالموضوع خصوصا لأني أثريت عليه وقعدت ابجي بجيي .... افكر اصارح أمي بالموضوع يمكن تفهمني وتحس فيني

اذا عندج أخت كبيره صارحيها عشان تقنع امج وابوج

او صارحي امج



الله ييسر لكم هالموضوع ويسهله لكم ... وياااارب ينكتب نصيب بين بعضكم يارب امييييين


ادعييييلي وياج :'(

 

[Creativa،QTR]

وربي اني حاااااسه فييييييييييييج

أنا احب واحد من 4 سنوات ونص تقريبا وتقدم لي توه من جم شهر وانرررفض بسبة ان امه مو خليجيه تخيلي !!!!
شفتي السبب السخيييف

مع انه خوش ولد واهله ناس زينييين وطيبين واااايد :'(

أنا نفس مشكلتج وانا الوحيده اللي حاسه فيج بس ماااعرف شنو اسوي لانه يبي يتقدم لي مره 2 وأهلي وااايد شاكين بالموضوع خصوصا لأني أثريت عليه وقعدت ابجي بجيي .... افكر اصارح أمي بالموضوع يمكن تفهمني وتحس فيني

اذا عندج أخت كبيره صارحيها عشان تقنع امج وابوج

او صارحي امج



الله ييسر لكم هالموضوع ويسهله لكم ... وياااارب ينكتب نصيب بين بعضكم يارب امييييين


ادعييييلي وياج :'(

 

[unapproachable]

اخوج اهم منه .. خليه يولي كل الرياييل خونه ... اخذي مني نصيحه هالايام بالحلال الريال مايخاف ربه فمابالج الحرام صدقيني قاعد يقص عليج ويضيع وقتج ... لا تخلين رجل تعرفينه بالحرام يخرب علاقج انتي واخوج