لحقووووني :(

[الاحمدية]

قولى يارب ارينى طريق الصواب وكن دليلى دائما وابدا

 

[! هُوْ وِينِه !]

الله يعينج
بس بقولج شئ خليه مثل آلتجيه بآذن آخذي إلي يحبج ولآ تآخذين إلي تحبينه
ّ مآبني على بآطل فهو بآطل ّ

 

[النشبه]

حبيبتي اهوا ما كان ملك لج عشان تخافين تفقدينه انتي ما عشتي معاه ولاااا صار بينكم عشرة وشوفة يومية يعني علاقتكم عن بعد

لا تقولين ما اقدرر قوليي خلاص هالانسان مو موجود بمستقبلي دام شايفه انج مالج امل معاه ليش تكملين

صيري قوية لا تضعفين ... محد راح يكون بصفج اذا صرتي ضعيفه بيتخلون عنج .... لا تخسرين اخووووج

صلحي اغلاطج

انتي مو بروحج وايد اهل قضوا على احلامنا كبنات لما اثنين يبون بعض يوقفون الاهل بويههم مادري ليش

نضطر نستسلم للامر الواقع

 

[مـهـرة]

اولا اخوج من حقه في اللي يسويه لأن هذا شرفه

ثانيا تقولين مااقدر اهده ولا اخلي حبيبي صدقيني هذا ابليس صدقني يوسوس لج

ثالثا انتي خفتي من اخوج ولا خفتي من ربج اللي قادر يقبض روحج وانتي تعصينه
فكري ترا هذا اسمج وشرفج لاتخلينه لعبه بيد اي احد ولاتنسين ترا من ترك شيئا لله ابدله خيرا منه
لاتخسرين اخوج وثقته عشان خرابيط الحب يجي بعد الزواج
لاتزعلين مني انا انصحج مو اكثر

 

[Diva-Q8]

يعني شقولج ايب مطرقه واطق راسج عشان تستوعبين انه كل شي قاعد يصير لج علامات من ربج انه ماكو نصيب انتي نفسج وين قاعد توديج؟؟؟ شنو اللي بتوصلين له؟؟؟

البنات ماخلوا شي ماقالوه خل يتقدملج مره ومرتين وثلاث يمكن الله يحنن قلب اهلج عليه واذا ماصار

توكلي على الله وتركيه لاطولينها واهيها قصيره

واللي باط جبدي انج اتقولين ماعندي اغلا منه بالكون هذا وانتي اتصلين

يعني تحبينه اكثر من رظى ربج عليج

انتي دشيتي مرحلة الواحد مايقدر يقولج غير الله يستر عليج لانه ماتدرين شنو بيصير فيج تالي ربج يمهل ولا يهمل

واللي قاعده تسوينه قاعد يذل اهلج وانتي بكل الاحوال بطيحين من عين حبيبج عاجلا غير اجل لانه عرف انه مايمسكج حتى ريال

اللي اهوا اخوج.. ماقدر عليج ( بس سؤال محيرني انتي خايفه من اخوج يذبحج ومو زعلانه على رجولته اللي جرحتيها؟ )

كان من باب اولى تستحين تحطين عينج بعين اخوج واتوبين

بس ياحيف على قولت اللي يقولون ..طلعتي اتحبين الغريب اكثر من اخوج..!!

وشكرا انج فتحتي مجال نشاركج افكارج
والله الهادي

 

[ترانيم القصيم]

هلا أختي الكريمة ,,

بارك الله فيك و صان قلبك من كل سوء و سدد خُطاك و هدانا و إياكم إلى و صرف قلوبنا إلى الإشتغال بحب الله وحدهـ جلّ في علاهـ

أختي العزيزة ,, و لعل كلامي ثقيل عليك يعني أنـا ما راح أطبطب على رآسك ,, و أهوّن عليك مصابك ,, هذي الصراحة

بودّي و تقرين ردّي بعقلك قبل قلبك ,, و إنّي لكِ ناصحة ,, و أمر الأخذ بالنصيحة عائد إليك ..

حبيبتي .................................... ممكن سؤال ؟

لو كنتِ أنتِ البدون ,, و هو آللي عندهـ الجنسية ( هل كان يبي يطل بوجهك ) ؟ - عذرًا على العبارة -

يعني أنتِ وضعك أحسن من وضعه .. ( عندك جنسية ) , و هو ماهوب مغفّل عشان يرتبط بوحدة مثله ( ما عندها جنسية ) ,

ذكرتيني بسالفة صارت هنا بالقسم ,, وحدة من البنات تقول إن واحد معها في العمل أخلاقه عالية

و دايم يساعدها و يفزع معها و يخلّص لها معاملاتها بسرعة و يتوسط لها ,,

هذا الشاب ( بدون ) , ما معه جنسية ,, قام و تقدم لها , قامت رفضته بكل أدب و تهذيب قالت صعبة أوافق على آللي ما معه جنسية

هنـا عاد كشّر عن أنيابه و افتُضِح الوجه الحقيقي له , صار يعاملها أسوأ معاملة و يتنيذل معها و ما يمشي معاملاتها بسرعة

صارت السالفة إنوهـ متقدم لها عشان الجنسية على ما قالت العضوة .. ( و العلم عند الله )

أنا ما راح أدخل بنية آللي تكلميـنه و أقول لك والله عشان عندك جنسية فـ تلاقينه يركض وراك و يحاول الإرتباط فيك

و لكن أقول لك : افرضي لو كان العكس أنتِ آللي كنتِ بدون , و هو آللي معه الجنسية , هل كان يبي يفكر بالإرتباط فيك ؟

هل أهله يبون يرضون ؟ فكري بتعقّل لا تنسفين عقلك بعاطفتك !!

هذا شي , الشي الثاني آللي ودي تستوعبينه تمام يا بعد قلبي :

ما يصير شي بالحرام يمشي بالساهل !! , يا عزيزتي لا بد و تدفعيـن الثمن , إذا مهوب في الدنيا في الآخرة

ممكن يكون الشي آللي تمرّين فيه الآن عقاب من ربي و إنذار لك حتّى تتراجعين عن الذنب المهوّل آللي ارتكبتيـه بحق نفسكو دينك و أهلك ,
باكر لو انتشر خبرك بين الناس و إنك كنتِ تكلمين ( و نزّلتِ رآس أهلك بالأرض ) من آللي يبي يرضى نوهـ يتقدّم للأخواتك

و إلا يرضى إنوهـ يزوّج بناته لواحد من أخوانك ؟

تدرين وش مشكلة العلاقات الغراميّة ؟ إن أذاها ما يطولك أنتِ بس ؟ إنّما يطول أهلك كللللللللللللللهم و أوّلهم أمك و أبوك !

هل هذا جزاهم ؟

لو كانت كل أم و كل أب يدرون إن بنتهم آللي طلعت على الدنيا تبي تكبر ثم تنزّل روسهم بالأرض ( حين إقامتها لعلاقةٍ محرّمة )

صديقيني ما كانوا أنجبوها !!

تلاقينهم يتمنون ( العقم ) على إنجاب فتاة تكبر و تدوس عليهم في الحضيض , فالعقم خيرٌ لهم من إنجاب فتاة تسوّد وجيههم قدّام رب العالمين أولاً ثم قدّام الناس !!

أعجبتني الكلمة آللي قالتها وحدة من البنات تو في موضوعك ,,

( انهي العلاقة على خير ,, أحسن ما تنتهي على شر )

و خوفك يا عزيزتي خليه من رب العالميـن ,, مهوب من أخوك , ( لا تأمني مكر الله ) إنه لا يأمن مكر الله إلا القوم الخاسرون

الخوف يا عزيزتي "عبادة" ,, و العبادة هذي ( تدخل ضمن توحيد الألوهيّة ) , و العبادة لازم تُوجّه لله سبحانه و تعالى فقط

لكن أنتِ وجّهتِ هذي العبادة للأخوك بدلاً من الله سبحانه و تعالى ! ما قلتِ في موضوعك ( إنّك خايفة من أخوك ) ؟

خلاص أجل لا تتضايقين من كلامي ( فمن فمك أدنتك ) ,

فكري بعقلك ,, فكري بآخرتك , وش تسوى عليك لو متِ و أنتِ تكلمين هالشاب ؟

باكر يوم القيامة تعضّين على أصابع النّدم على إنّك تماديتِ في الحرام و أقمتِ علاقة ,

يقول تعالى :

( و يوم يعضّ الظالم على يديه يقول يا ليتني اتخذت مع الرسول سبيلاً ,, يا ويلتا ليتني لم أتخذ فلانًا خليلاً

لقد أضلّني عن الذكر بعد إذ جائني .. و كان الشّيطان للإنسان خذولاً )

و الأمر عائد لك ..

احترامي و تقديري

ترانيم القصيم

 

[الينبوعة]

يآ نآآآس ياعاالم تقدملي بس اهلي رفضوووه .. لانه بدوووووون ..

اهوا بعد مو ذنبه انه طلع بدووون ..حسسسو فيني والله بستوي مينوووونه ..

انا مااقدر اخليه .. بمووووت والله بمووووت .. وبعد خاايفه من اخوي يدري والله مب عارفه شسوي ..

وشبيهم البدون مو بشر اعوذ بالله من التفكير شكد اكو ناس قاسية يختي كولي لهلج واحجي وية امج ان انتي راضية هو بشر وبان ناس اكيد يعني الجنسية شراح تسوي بعدين هو الة اصل وفصل بس الظروف تعالي شوفو في المانيا ما شاء الله عليهم بس ناقصهم لا الة الا الله محمد رسول الله

احسن من العرب بهواية
زوجي واولادي مجنسين المان وانا جوازي عراقي وما في تفرقة بين احد واحد الله يهدي اهلج ​

 

[ام شووووق]

الله يهديج