لحقو علي شي ما يتحمل الشهر الثامن

[sosowaty]

السلام عليكم

بنات انا ظهري خلاااص صايره ما اتحمل و ع جنب واحد اليسار عوار مو طبيعي

و لا اقدر اريحه اذا انسدحت ماكو فايده اذا قعدت هم ماكو فايده و اذا وقفت ماكو فايده اذا مشيت هم ماكو فايده

خلاااص بموووت استغفر الله

و غير جذي عظامي الي تحت مكان الولاده

سووري بنات بس عشان تعلموني

تعووور حيل حيل حيل

عوار مو طبيعي عظامي تتفجج

شنووو هذا بليز علمووني ؟؟


مع العلم انا لي اسبوعين من الثامن :eh_s(16): :eh_s(11):

 

[جــوريــه]

ي بعد عمري انااا نفسج بالثامن وموقادره حتي أنام من عوار عظامي وظهري يلااا هااااااااااانت اتحمل هالاسبووعين عسي الله يسهل علينااااا يارب

 

[sosowaty]

حياتي والله الجوريه عسالله يعينا و يواجرنا تعب مو طبيعي

 

[احلى ديما]

نفسي بالضبط بس انا عواري عاليمين مكان سير الستيان لو مهما سويت مايروح لا مراهم تفيد ولا مسكنات الله يعينا
بس حبيبتي توقيعج 31 اسبوع يعني بعدج بالسابع مادشيتي الثامن شلون حاسبه انج اسبوعين ماخذه من الثامن ؟

 

[sosowaty]

اي انتي نفسي مكاان سير الستيان بس ع جنبي اليسار مو اليمين

و قالولي من الاسبوع ٣٠ ادش الثااامن

 

[جوانا2010]

الله يخفف التعب و يسهل عليكم يارب

 

[بحور العنا]

السلام عليكم
سوسو كل اللي قلتيه من اعراض كلهااا طبيعيه ياقلبي
تصبري بالله وكل شي بأجره
عسى الله يهون عليش يالغاليه ويهون علينا جميع ياقادر ياكريم

 

[جـــواهر]

الله يسهل عليكم هذي ضريبة الحمل توقعي الغير متوقع من يبدا الثامن
تبدا التساليف او التجاديم عوار الظهر الثقل طقطة عظام الحوض النومه الصعبه

يااارب تأجرناااا ياااارب

 

[موت وميلاد]

بليز لاتخرعوني انا اول اسبوع بالسابع واحس خانقتني العبره يايني احساس ضيقه وتعب

 

[*ريمي*]

الله يعييييييينا الله يهونها ويسهل علينا يارب

 

[منونتي]

عادي ي قلبي كل الي قلتيه

و حسبتج غلط
32 اسبوع اهوا بدايه الثامن
عسى الله يسهل علينا

 

[zain-alq8]

نفسي بالضبط الله يعين الجميع

 

[شيخه عرب]

الله يهون عالجميييييييييع يا رب

 

[جمالي مو صج]

انا بالسابع وعظام الحوووض تعورني بشكل فضيع

 

[sosowaty]

مشكورين و ما قصرتوو حبيباتي يزاااكم الله خير

 

[شوارفسكيه حمره]

أنا بعد عوار ذابحني لمن اقعد من النوم ماقدر امشي عاادي هذا كله صار فيني بحوالي الاولي

 

[شوارفسكيه حمره]

بحمالي *

 

[بنت الاحلام]

انا نفسج بالضبط امس ما نمت من العوار تعبت حيل والله

 

[Noufina]

واي أنا باقيلي أيام وأدش الثامن و بلش ألم الظهر و الحارج
كلة بأجرة ان شاءالله

 

[Koka_alotaibi]

انا باول السابع وعلى قولة موت وميلاد بمووت من الضيقه والهم اكثر وفوق هذا هم الربط والنغزات الي احس فيها من تحت
يارب تصبرني وتاجرنا ياكريم