لحم ودياي.. حرام!!

[منال القلب]

مرحبا بنات..
ودي اتكلم عن قضية مهمة
وهو لما بعض الناس يسافرون حق الدول الاجنبية
أشوفهم ياكلون لحوم عادي!! انزين ممكن أعرف انتوا شلون عرفتوا ان اللحم حلال؟

يعني انا أكثر من مرة اسافر مع اهلي. ويكون ويانا ناس بالقروب، أشوف بعضهم يروحون
ماكدونالدز مال باريس أو النمسا أو لندن وياكلون لحم ودياي. انزين شلون جذي!!

اللحم والدياي أكيد مذبوح عن طريق المسدس او الخنق أو الذبح بدون ذكر الله وبالتالي
يعتبر اكله حرام.. انا قاعدة أشوفه ناس وايد ياكلون وعادي جدًا.. والي يروح ياخذ من كنتاكي
مال بانكوك سطل بو 20 قطعة امبي بنات ليش جذي..

ترا الله مانع بكتابه هالامور، عيل دام جذي خلاص لا تقولون الخنزير حرام ومادري شنو دامكم ما تصبرون على اكل اللحم.. لا وفي ناس شنو يسوون يسمون على الأكل وياكلون على أساس ان اذا سما على الاكل وقال " بسم الله الرحمن الرحيم " خلاص صار حلال..

وفي بعض المطاعم الاوربية جلاب وانتوا بكرامة يكتبون على المحل من برا بالعربي أو الانجليزي كلمة " حلال - halal " علشان المسلم المسكين بروح وياكل عدددل ويدفع لهم وهو لا هو حلال ولا يحزنون..

مو اي مكتوب هناك حلال معناه حلال!!!

لازم نصبر ونطقطق بأي شي لان احنا مو قاعدين العمر كله في هالدولة. كلها أسبوع أو اثنين او شهر ما فيها شي لي كلينا جبن وطماط وزيتون وشبس وصمون او حتى سمج.. احسن من اني اكل اكل حرام..


وبس حبيت أتناقش وياكم بهالسالفة.. شرايكم؟

 

[قانونية]

انا يوم سافرت كنت معتمده علي السي فود

اللهم جم مطعم هندي اكلنا فيه لحم لان نعرف صاحبه

وفعلا كلامج صح شكثر يسمون وياكلون ماادري شلون جذي

 

[دنيتى انا]

صباح الخير اختي

يجوز حبيبتي الاكل من اهل الكتاب والله اباحه وفي فتوة مثبت بالقسم اقريها

يجووووز الاكل من اهل الكتاب بس البوذة وغيرهم لامايزوج ....

بعدين انتي اول ماتبدين تسمين ونيتج اهم شي ان هذا لله سبحانه.

 

[White Musk]

ماناكل لأن ماراح نموت من اليوع

 

[White Musk]

انا اعذروني ما مشيت عالفتوة الاكل الي مو مذبوح ذبح اسلامي لحم ميته انا بالكويت ما اكل الا محلي ومضمون الحمدلله الخيارات والبدائل متوفرة

 

[marimor]

اي والله صااااجه

انا جم مره اشوف كذا وحده بقسم السياحه رايحه دوله اجنبييه

و اشوفها طالبه لحم ودياي وعاااادي الحياه السعيده @@!!!

 

[دنيتى انا]

حلااااااااااااااااااال وين المشكلة

شيوخ دين يقولون حلال سنه والقران يقولون حلال

 

[منال القلب]

حياكم بنات
عيل اذا لحم اهل الكتاب حلال هل معناه راح ناكل هوت دوغ خنزير ونسمي عليه وخلاص يروح ببطنا!!
مادري انا اختلف الصراحة مع هالرأي.. اذا على كل شي نسمي وناكل عيل خلاص انا من باجر اخذلي بطل خمر واسمي عليه واشربه

 

[عبير-الشرق]

حياكم بنات
عيل اذا لحم اهل الكتاب حلال هل معناه راح ناكل هوت دوغ خنزير ونسمي عليه وخلاص يروح ببطنا!!
مادري انا اختلف الصراحة مع هالرأي.. اذا على كل شي نسمي وناكل عيل خلاص انا من باجر اخذلي بطل خمر واسمي عليه واشربه

حبيبتي حبيت اقولج ان لحم الخنزير حرم بالقران الكريم وفي ايات تنص علي هالكلام واستدليت فيها بكلامي
يقول الله العزيز الحكيم جل جلاله في محكم التنزيل : { يَا أَيُّهَا الَّذِينَ آَمَنُوا كُلُوا مِنْ طَيِّبَاتِ مَا رَزَقْنَاكُمْ وَاشْكُرُوا لِلَّهِ إِنْ كُنْتُمْ إِيَّاهُ تَعْبُدُونَ (172) إِنَّمَا حَرَّمَ عَلَيْكُمُ الْمَيْتَةَ وَالدَّمَ وَلَحْمَ الْخِنْزِيرِ وَمَا أُهِلَّ بِهِ لِغَيْرِ اللَّهِ فَمَنِ اضْطُرَّ غَيْرَ بَاغٍ وَلَا عَادٍ فَلَا إِثْمَ عَلَيْهِ إِنَّ اللَّهَ غَفُورٌ رَحِيمٌ (173)}( القرآن المجيد ، البقرة
وايات قرانيه تحرم شرب الخمر واستدليت فيها بكلامي
((يَسْأَلُونَكَ عَنِ الْخَمْرِ وَالْمَيْسِرِ قُلْ فِيهِمَا إِثْمٌ كَبِيرٌ وَمَنَافِعُ لِلنَّاسِ وَإِثْمُهُمَا أَكْبَرُ مِنْ نَفْعِهِمَا وَيَسْأَلُونَكَ مَاذَا يُنْفِقُونَ قُلِ الْعَفْوَ كَذَلِكَ يُبَيِّنُ اللَّهُ لَكُمُ الآيَاتِ لَعَلَّكُمْ تَتَفَكَّرُونَ)) البقرة الآية 219

غير الاحاديث النبويه الي تحرم هالامريين يعني هالموضوع مافيه نقاش
بس في اكل اللحم الحلال اختلفوا فيه علماء الدين لان في ايه قرانيه استدلت على هالكلام وفتوي بن باز
بس في علماء قالو انه طريقة ذبحهم النصاري واليهود اختلفت عن قديما ايام الرسول عليه الصلاة والسلام يعني قديما كانو نفس طريقه المسلمون يسيحون الدم بس اللحين تعتبر حرام انا شخصيا لما اسافر مااكل لحم او دجاج الا اذا كان المطعم اسلامي

 

[دنيتى انا]

حياكم بنات
عيل اذا لحم اهل الكتاب حلال هل معناه راح ناكل هوت دوغ خنزير ونسمي عليه وخلاص يروح ببطنا!!
مادري انا اختلف الصراحة مع هالرأي.. اذا على كل شي نسمي وناكل عيل خلاص انا من باجر اخذلي بطل خمر واسمي عليه واشربه

حبيبتي عيل تشوفين اللي لابسة القصير وبعض عاداتهم اللي بالنسبة لنا حرام علنا مثل القبلات والمايوهات او اللبس الوووفر عادي لاتروحين


نفس الشي اهل الكتاب حللة رب العالمين بس ماحلل الخنزير

لحم الخنزير موضوع ثاني ؟؟

حرااام لحم الخنزير تحريم مطلق
انتي تتكلمي عن طريقة الذبح
لو في ديرتنا ومسلميين حراااام
اما هناك ومضطرة حللة رب العالمين
وبعدين اللي يدرسون هناك شبيسوون ؟
ماياكلون لحم ولا دياي ؟

 

[White Musk]

مو كل الشيوخ حللو ليش تعممون

 

[رويلتي]

السلام عليكم

انا الحمدلله ما اكل الا سي فووود واذا لحم لازززززززززززززم المطعم ثققققققققققققققققققققققه ونادر هالشي

 

[عيون&الريم]

عادي جدا انا اكل شنو يعني اجوع مثلاا اسمي واكل ولا مايصير نذبح ولا يبعون لحم حلال ومادامني مغربه باكل اما بالكويت اكيد حلال

وبس وحبيبتي ماله شغل لحم البقر ودجاج بالخنزير والخمر خلي كلامج واضح

الحرام امبين والكل يعرف اما اللحم بقر ودجاج عاادي اذا بديره مايعرفن شي اسمع حلال

 

[law love]

شيوخ الدين اجازوها

و ياما اختلفو شيوخ الدين في امور و الناس اختلفت فمنو اتبعت منهم

و فيه فيديو حاطينه البنات بالفتوى المثبته بالقسم يبينلج انه مو لازم تسئلين دامج تدرين انه من اهل الكتاب

بنات الله يخليكم لا تغلطون شيوخ الدين اهم اعلم منكم و انتو مو ماهلين لهالشي

 

[law love]

وبعدين اذا انتي مو مقتنعه انه اللي مكتوب عليه حلال اهو فعلا حلال عيل حتى عندنا لا تقتنعين بلحوم المطاعم

 

[اميرة زوجي]

انا زوجي راح المانيا وحكالي انو مطعم مكدونالد عندو لحوم مذبوحة عالشريعة الاسلامية خاصة للمسلمين والله اعلم
بس لافضل نجتنب الشبهات ونصبر عن اللحوم حتى نرد من السفر

 

[أم أنور]

الحين اذا شيوخ الدين اجازوا اكل اهل الكتاب انتوا ليش اتجادلون

الحمدالله دينه يسر مو عسر

 

[White Musk]

انا حتى هني ما اكل اي لحم ودياي لا اثق باس شي مكتوب عليه حلال والحمدلله ولا ميته من اليوع وهذا رايي الشخصي

 

[Dreamer]

المشكلة بالنسبة لي مو بس في طريقة الذبح في نقطة مهمة يا بنات لازم تنتبهون لها إنهم أحيانا أكرر أحيانا تكون طريقة طبخ اللحم والدجاج تحتوي على كحول(خمر و نبيذ ) علشان يكسبه طعم مميز وهذا شفته وايد في برامج الطبخ في الشو تايم وغيره وحتى الإستيك العادي لما يشوووونه يصبون عليه كحول أو يكونو ناقعينه في خلطة تحتوي على الكحول فشلون تاكلون منهم وإنتو ما تدرون هل يحتوي علآ الكحول أو لا ؟؟

أنا عن نفسي لما أسافر أصير نباتيه وآكل سي فوود وهمن أتنتبه لأنهم مو أوادم يحطون الكحول حتى في بعض العصاير و بعض سوس السلطات وأسئل الجرسون طلبي يحتوي على كحول أولا ويروح يسئل الطباخ ويرد علي

 

[ryoonah]

حرام حرام حرام بس ناس بطرانه جنها بتموت من غير لحم ودياي