لحم ودياي.. حرام!!

[عواشه القرقاشه]

" وطعام الذين أوتوا الكتاب حل لكم وطعامكم حل لهم "

لا تحرمون ما حلله القران
طعام اليهود والمسيح يجوز لنا أكله
من دجاج او بقر او خروف

أما الخنزير اهو اللي حرااام

 

[شموخ داري]

اي والله صاااااااااااجه اختي احنا شدراانه اذا حلال ولا مو حلااال
مشكوره على طرحج للموضوووووووووع

 

[دلوعة أبوهآ]

هالشي مختلفين عليه
ناس قالوا حلآل وناس قالو حرررام ..,


الله المستعان

 

[قلبي القرآن]

أول شي يا صاحبة الموضوع انتي فتحتي باب للإفتاء بهالموضوع اللي تقول حلال واللي حرام على أي أساس بالله تفتون
الإفتاء شي مو سهل عشان تسألين فيه البنات حلال ولا حرام كان سألتي شيخ دين بهالسالفة مؤ تقولين حرام وحلال
وتقولين آكل خنزير شدخل الدجاج واللحم بالخنزير ولا ماتعرفين ان أكل الخنزير أكله محرم يا شاطره وانتي اتشككين بهالشي
نرجع للدجاج وطريقة ذبحة ليش ماتشترين من مطاعم الكويت فرايديز وابل بيز وغيره المطاعم الأمريكية وغير الوجبات السريعة
كلها مصنعة من دول أجنبية وترى الكتابة حلاااال هل انتي متأكده انه حلال ؟؟؟ انتي كاتبة مو كل شي يكتبونه حلال يعني حلال
حتى بالكويت كل شي يكتبونه حلال يعني حلال الشركات وحده والدجاج واللحم واحد اللي بتاكلينه بمطاعم الدول الأجنبية بتاكلينه بديرتج
وبالنسبة لطريقة الذبح مسدس ولا مخنوقه ترى حتى الدجاج واللحم اللي يتصدر للكويت أغلبة بهالطريقة شوفي حلقة لنبيل العوضي
ببرنامج زوايا تكلم بحلقة كامله عن هالموضوع اتمنى أطالعينه وتثقفين
وانتي تكلمتي عن جانب يخصج بس ان انتي مسافره للسياحة انزين واللي يقعدون بالسنين بالغربة علاج ولا دراسة ولا شغل
بتحرمين ما أحله الله ترى اذا دوله يهودية ولا نصرانيه يجوز الأكل من هالدوله اللي يكون لها دين سماوي
وفي موضوع مثبت بالقسم وحده الله يجزاها خير حاطته للشيخ ابن عثيمين
http://www.q8yat.com/t620873.html
هذا الموضوع ولو سألتي فيها شيخ دين أحسن من ما تكتبين موضوع طويل عريض وتحللين وتحرمينه على كيفج وانتي مؤ مأهله للإفتاء
شيوخ الدين اذا بيفتون بشغلة سوو لجان وأبحاث عشان يحرمون ويحللون وانتي فاتحة موضوع من غير مصادر ولا شي ومخلية الموضوع
سبيل للإفتاء
أنا آسفة اذا كان ردي قاسي وطويل بس موضوع الحلال والحرام احنا مو مأهلين نتكلم فيه

 

[على الدنيا سلام]

انا اشوف الناس بماك لندن ياكلون رحنا قالت مو حلااااااااااااال ونذبحها بالكهربا في بعض المطاعم عندهم شهايد انها ذبح اسلامي انا عن نفسي ما اكل من ماك وكنتاكي وبرغر اخذ من البقالات العربيه واكل من المطاعم العربيه والقهاوي الانجليزيه ناكل منها كروسان وقهوه ومافن وهالسوالف في ناس تدري انه مو حلال وتاكل يقولون نسمي وناكل وهالمبدا غلط اذا متوفر شي بديل ليش نروح للحرام ...

 

[فديت ابوي 26]

الموضوع بسيط اهل السنه مشايخهم يفتون بحل اكل طعام اهل الكتاب اما شيوخ الشيعه يقولون حرام فا هنا تلقين الاختلاف بين البنات
وهالكلام قالته لي صديقتي شيعيه كنا في مطعم وكل طلبها فيجي وسالتها وقالتلي

 

[بانانا]

انا وحده عن نفسي مااكل
اذا مو مذبوح على الشريعه الاسلامية مااكل
اصلا وصاخه احس دم الحيوان مايتصفى من جسمه يظل اللحم نيس
بس مالي شغل بالناس
انا انام بقبري وهم بقبرهم
وعقلك براسك تعرف خلاصك

والسلام عليكم ورحمه الله وبركاته*

 

[.. ღ همس ღ ..]

حبيبتي حبيت اقولج ان لحم الخنزير حرم بالقران الكريم وفي ايات تنص علي هالكلام واستدليت فيها بكلامي
يقول الله العزيز الحكيم جل جلاله في محكم التنزيل : { يَا أَيُّهَا الَّذِينَ آَمَنُوا كُلُوا مِنْ طَيِّبَاتِ مَا رَزَقْنَاكُمْ وَاشْكُرُوا لِلَّهِ إِنْ كُنْتُمْ إِيَّاهُ تَعْبُدُونَ (172) إِنَّمَا حَرَّمَ عَلَيْكُمُ الْمَيْتَةَ وَالدَّمَ وَلَحْمَ الْخِنْزِيرِ وَمَا أُهِلَّ بِهِ لِغَيْرِ اللَّهِ فَمَنِ اضْطُرَّ غَيْرَ بَاغٍ وَلَا عَادٍ فَلَا إِثْمَ عَلَيْهِ إِنَّ اللَّهَ غَفُورٌ رَحِيمٌ (173)}( القرآن المجيد ، البقرة
وايات قرانيه تحرم شرب الخمر واستدليت فيها بكلامي
((يَسْأَلُونَكَ عَنِ الْخَمْرِ وَالْمَيْسِرِ قُلْ فِيهِمَا إِثْمٌ كَبِيرٌ وَمَنَافِعُ لِلنَّاسِ وَإِثْمُهُمَا أَكْبَرُ مِنْ نَفْعِهِمَا وَيَسْأَلُونَكَ مَاذَا يُنْفِقُونَ قُلِ الْعَفْوَ كَذَلِكَ يُبَيِّنُ اللَّهُ لَكُمُ الآيَاتِ لَعَلَّكُمْ تَتَفَكَّرُونَ)) البقرة الآية 219

غير الاحاديث النبويه الي تحرم هالامريين يعني هالموضوع مافيه نقاش
بس في اكل اللحم الحلال اختلفوا فيه علماء الدين لان في ايه قرانيه استدلت على هالكلام وفتوي بن باز
بس في علماء قالو انه طريقة ذبحهم النصاري واليهود اختلفت عن قديما ايام الرسول عليه الصلاة والسلام يعني قديما كانو نفس طريقه المسلمون يسيحون الدم بس اللحين تعتبر حرام انا شخصيا لما اسافر مااكل لحم او دجاج الا اذا كان المطعم اسلامي

:eh_s(15):