لخبيرات الفرش للفاونديشن اي احسن ماك او فور ايفر او بوبى براون

[زهرة الفردوس]

السلام عليكم ورحمة الله

بنات اللى مجربين بالفرش نبى فرشه لتوزيع الفاونديشن وتكون ممتازه

شنو ترشحون لنا ماك او فور ايفر او بوبى براون او سيفورا او ماركه معينه جربتيها وعجبتج بالتوزيع

اهم شى ماتبين خطوط من بعدها وكم رقمها وبجم سعرها ومن وين ؟؟؟

وكيف طريقتج بتوزيع الفاونديشن بالفرشه ؟ هل ترطبين فرشتج قبل الاستعمال وبشنو ترطبينها ؟

اسمحولى على الاطاله

شكرا

 

[L A T T E]

الفرشة تتنظف مرة بالاسبوع.. و ماتترطب.. و افضل فرشة فاونديشن ميك اب فور ايفر

 

[وصوف]

جير لان افضل شي استخدمته
وانا مااستخدم الفرشه احب الاسفنجه
احلى تشرب الزايد لان بشرتي دهنيه

 

[زهرة الفردوس]

حياكم

 

[law love]

ما عندي فرشة فاونديشن الا مالت سيفورا ٤٣ و لحد الحين الحين ما جربتها

لكن بالنسبه لي احلى فرش ملوت بوبي براون احسهم كوالتي

ميكب فور ايفر عندي فرشه وحده منهم مالت بلشر من بعد اول غسيل صارت خشنه و لها ريحة بلاستيك

و ماك يطيح شعرهم لكن غيري وايد احبونهم

 

[بدويـة للنخاع]

اب اب
اب

 

[ام حمادنه]

سييييييييييييفورااا اللي قالت عنها ام علي رهيبه روعه كنت شاريتها عبط واستخدمها للبودره واقول وي مالت عليهم موشي

لما علمتنا ام علي انها حلوه لتوزيع الفاونديشن صج رهيبه

وطريقتها انقط الفاونديشن على وجهي وااوزعه بالفرشه ع ذ ا ب

 

[جوانا2010]

ام علي مدحة فرشاة سيفورا رقم 43

 

[زهرة الفردوس]

مشكورين
أشوف الكل يمدح مالت سيفورا شكلي بجربها

 

[زهرة الفردوس]

أمبيه بنات اليوم رحت الافنيوز لسيفورا انصدمت

تخيلوا رحت صوب الفرش وقعت ادور فرشة ام على هههههههه سميتها ام على أقصد فرشة ٤٣ جان تطل على وحده ومن غير ماأسألها قالت لى

تدورين فرشة الفاونديشن ٤٣ انا انصدمت منها جان اقول ايه شدراج

قالت البنات هجموا عليها وخذوا كل الكميه الموجوده وهم بعضهم جو يبون لقوها خالصه وصار عليها ازعاج بالتلفون كل شوى داقين عليها يسألون وصلت

دفعه جديده الظاهر ام على اثرت على شريحه كبيره من البنات خخخخخخخ

 

[مريانا ام ماريا]

حبيبتي احسن شي ماك 187
بس عيب ماك الشعر يحت كل ما نضفتيها وفي ماركه بوبا الامريكيه اهو طقم كامل اي 31 فرشه ومالت الفنديشن روعه بس ما تنباع بالكويت
طبعا تدرين الفرشه تستخدم بس حق الفنديشن اللكود اما الكريمي تحطينه باسفنجه
والطريقه تحطين بحركه دائريه بخفه
وانا انظف الفرشه بعد كل استخدام بسائل التنضيف من ماك

 

[زهرة الفردوس]

حبيبتي احسن شي ماك 187
بس عيب ماك الشعر يحت كل ما نضفتيها وفي ماركه بوبا الامريكيه اهو طقم كامل اي 31 فرشه ومالت الفنديشن روعه بس ما تنباع بالكويت
طبعا تدرين الفرشه تستخدم بس حق الفنديشن اللكود اما الكريمي تحطينه باسفنجه
والطريقه تحطين بحركه دائريه بخفه
وانا انظف الفرشه بعد كل استخدام بسائل التنضيف من ماك

يعطيج العافيه مريانا

 

[أخت أخواني]

اب
اب
اب

 

[Mrs_Orchidia]

انا احب ماك اكثر شي !

و عندي منهم 187 .. تينن
و 109 .. هم تينن بس الاولى احسن

و الحين هابين بالاسفجنة الوردية بيوتي بليندر .. شوفي الـBlog بتوقيعي انا متكلمة عنها بالتفصيل
و كاتبة وين تنباع و حاطة ريفيو كااااااااااامل عنها

شرفيني بالـBlog .. راح ينووور بمرورج حبيبتي
و ان شاءالله بتستفيديين

 

[زهرة الفردوس]

انا احب ماك اكثر شي !

و عندي منهم 187 .. تينن
و 109 .. هم تينن بس الاولى احسن

و الحين هابين بالاسفجنة الوردية بيوتي بليندر .. شوفي الـblog بتوقيعي انا متكلمة عنها بالتفصيل
و كاتبة وين تنباع و حاطة ريفيو كااااااااااامل عنها

شرفيني بالـblog .. راح ينووور بمرورج حبيبتي
و ان شاءالله بتستفيديين

مشكوره ياقلبي حيل استفدت من موضوعج
يعطيج العافيه

 

[AL-7Oo0b]

ماك جودتهم 85% روعة
فور ايفر 65 % لا باس لانه احس فراشيهم تصير خشنه انغشيت فيهم
بوبي بروان ما جربتهم
فراشاي سيغما 80% روعة نفس جودة ماك

 

[زوجة عزيز]

ماجربت ماك ولاسيفورا جربت انجلوت

 

[ToOTOoWa]

حبيبتي عندج فرشةماك 187 اهي تقريبا ب19 دينار
وعندج فرشه 43 من سيفورا انا قبل استخدمها حق البلاشر بس ام علي انصحتني استخدمها حق الفاونديشن
وعندج فرش سيقما بس من النت
وعندي كذا فرشه بس للاسف مو من الكويت

 

[زهرة الفردوس]

مشكورين ماقصرتوا

 

[KOKO_284I]

صراحه داشه موضوعج عشان استفيد لان حدي غشيمه بالميك اب انشالله البنات يفيدونا


اب لعيونج