لدعم مكافئة ربات البيوت الكل يشارك )فلو( بلتويتر

[Loloki]

متى راح ينزلونها ؟

 

[ام الحلوه والمزيون]

عادي استقيلي بس انا اتكلم عن الاكثريه الي معارضه كلهم يقولون اجل الكل بيقدم استقالته ومافي احد بيدرس بناتنا ؟طبعا كلام عشان ماينزل

 

[فـراوله]

يستاهلون أمهاتنا وأمهات المستقبل ان شاءالله








​

 

[جلكسيه اس 3]

أختي رحيل المرافئ ...ليش الحسد ؟؟؟؟؟

الله يرزقهم ان شالله ...حب لأخيك المسلم ماتحب لنفسك ....

والي بتقدم استقالتها وتقعد بالبيت عليها بالعافيه ...

بس هل فيه وحده بتخلي معاش 800 عشان 300 ؟؟؟؟

والا هذا الي يسمونه الحسد !!!!!!!​

يا قلبي لاتزعلين هذا الحسد بعينه و علمه
ما اقول الا حسبي الله و نعم الوكيل و الله يشفي قلوبهم من امراض القلوب
و يهديهم

 

[meera15]

أظن لو يحطون مكافئة ما راح تجاوز 200
بس الي محيرني بعض الي يقولون بيستقيلون إذا أقروا المكافئة
يعني الي معاشها 900 بتستقيل عشان 200 ؟!

معاك حق لما تستغربين من اللى تستقيل وتاخذ معاش ربات البيت

اسمحي لي اوضح لك شغله

عندنا موظفات بالوزاره مؤهلهم رابعه متوسط وعندهم عيال صغار
رواتبهم 500 دينار
انجازهم ضعييف استيعابهم قليل يشتغلون طباعات
كثيري الحصول على اجازات مرضيه والغيابات والاعذار الغير منتهيه بسبب الاولاد
باختصار عماله زايده

والحكومه جزاها الله خير وضعت قانون الاجازات المرضيه والخصم

صارت الفئه اللى تكلمت عنها ما تشوف معاشها بسبب الخصم

شنو الحل ؟


الاستقاله واخذ راتب ربات البيوت وترتاح الحكومه من العماله الغير فعاله وتخفف من البطاله المقنعه

 

[& ام خالد &]

ان شاء الله مايقرون هالقانون

هذا الي كنت اقصد من كلمتي ...ليش الحسد ؟؟؟

ما كنت أقصد ليش تستقيلون وتاخذون ال300...​

 

[مزاااج]

اتوقع الدوله بتحط قوانين صارمه لمستحقين هالقرار
اولها العمر انطريني ع مايصير عمرج٥٠ مثلا عشان تحصلين ع هال٢٠٠ او ال٣٠٠
وعموما اذا توافرت الشروط ع ربات البيوت اكيد يستاهلونها
والي الله يستر منها

وتصدقون اتوقع ان في كثير يحتاجونها مع اني ضد هالقرار


وشكرا

 

[**بدوور**]

متى راح ينزلونها اللي عنده علم يقول

 

[رحيل المرافيء]

ليش اعتبرتوا ردي حسد
هناك الكثير من الاعتبارات
اولا : ليش يمشون معاش اصلاا ؟؟؟
لاتقولون قايمين في البيت والعيال كل شي الاان على الخدم وهي الاخت تنام لي 1 ولا2 الظهر والعصاري هياتة واستقبالات وبليل انترنت متى بتجابل العيال ماتدري عن بيت ولاعيال ولاريل
ثانيا : الزوج بيشيل ايده اكثر ماهو شايلها بيقول لها الدولة موتعطيج 300 خلاص صرفي على نفسج وعيالج
يعني ماراح تستفيد شي
ثالثا : التلاعب اللي بيصير بهالموضوع مثل ماصار بالقطاع الخاص يسجلون بشركة وهمية ويمشي لهم معاش
رابعا:شدعوة لي عطوهم معاش بيقعدون بالبيوت بتهيت من مجمع لمجمع ولاتدري عن بيت وعيال
خامسا : زيادة استهلاك وبس اظن الكل معاشاته زينة ومحد يعاني من الفقر بالكويت
300 شتبي تسوي فيها تفسفسها شمال ويمين ماركات وخرابيط

سادسا : بتسبب مشاكل بين الزوجين على المصروف ومو بعيدة بعض الازواج يستولي على هالمعاش
وبيصير طلاق ومشاكل مثل ماصار بمنحة الالف مشاكل وصلت لي المخافر

ما اشوف منه هدف هالمعاش مو كل وحدة قايمة في بيتهااا يعطونها على شنو على كسلها هذا تشجيع على الكسل والربادة
هيتي بيتج وهيتي عيالج واحنا نعطيج 300

 

[BubbLe87]

اختي رحيل المرافىء
للاسف كلامج كله تعميم بتعميم و بنيتي وجهة نظرج على سالفة وحده مثل سالفة الالف
ترى مو كل ربات البيوت نايمين لي ٢ الظهر
كاني طالبة و دوامي ما يبدي الا الساعة ٢ بس قاعدة من فير الله اجابل ريلي
و اكيد اكو حريم وايد نفسي مو كل شي عالخدم و لا همنا الهياتة اربعة و عشرين ساعة مثل ما حضرتج تفضلتي
فالزبدة اذا بيسوون هالقرار فاحنا معاهم قلبا و قالبا
بالعكس هذا تشجيع للمرة انها تجابل نفسها و تهتم بعمرها و ابيتها و عيالها
مو مثل ما قلتي حق الكسل و الربادة
و القرار لو بيحطونه ابدا مو ظالم
يعني ال٢٠٠ او ٣٠٠ ما تقارن ب ٧٠٠ و ٩٠٠ الموظفة و اذا بتصير مشاكل بين الزوجين وسبة انه بياخذ فلوسها على قولتج فالاولى ياخذ معاشها لان اكثر
اللي اقصده اللي ريلها متسلط و ياكل عليها فلوسها هذا سوء تدبير منها و القرار ماراح يغير من هالموضوع شي
اخر شي اختي حبيبتي حبي لاخيج المسلم اللي تحبينه حق نفسج
مو كل البششر يشتركون بنفس الظروف و المشاكل و لا عندهم نفس الهموم
و بعدين يا حياتي لو اقروا هالقرار باذن الله الدولة بتعطيهم الله يعز الكويت و يرفع شانها بين الدول
و بالنهاية كلن له وجهة نظره لكن لازم تكون مبنية على منطق واضح و ليس تعميم

 

[_نوفه_]

يالييييييييييييت يقروووووون هالقرار وانا من باجر اقدم استقالتي واطلع واجابل اعيالي بدال لا كل يوم امقعده اعيالي الصبح وموديتهم الحضانة والسبة ان ماعندي احد يمسكهم ان شاء الله ربي يفررجهاااا يارب قادر على كل شي ولاتقولون لي حطي خدامة خل اتساعدج واتشيل عنج الخدم الحين مشاكلهم ماتخلص وما أثق فيهم وأخاف منهم الأغلبية طبعاً مو الكل بس الله كريم ربي يفرجها علينا ​

 

[ام حنونة]

بالنسبة لي اعتراضي على البعض الي تحط عينها على معاشج وانتي تشتغلين ....ما تقول ان الموظفة تقعد من الصبح وتروح الدوام وتسمع كلام من عوير وزوير ...وآخر شي تاخذ معاش بارده مبرده !!؟؟؟ وهي اللي عمرها مابجت من قهر الاهانة من رئيس معقد أو زميله حقودة ..وبس ....اما الباجي عليهم بالعافية ....

 

[ام حنونة]

اشلون تتقاعدين وتقعدين على 300 ماتدرين اشلون راح يشب السوق....