لستتكم الخاصه بأطفالكم من الجمعيه ( ضروري تكفون )

[زهقآنه]

بسم الله الرحمن الرحيم

خواتي احب ابدي اعجابي اولا بالموقع وثانيا فيكم وبأفكاركم

ماشاء الله عليكم مبدعات

انا اليوم عندي طلب وياليت تفيدوني لانى صراحه تعبت

كل مره ابي اروح الجمعيه مادري شنو اجيب

خاصه ان عندي اطفال من جميع الاعمار وانا ساكنه مع حمولتي يعنى بس اجيب للثلاجه

اغراض خاصه لهم وما القى نفسي الا اجيب اشياء مالها فايده

الي عندها تجربه تخص هالموضوع تفيدني

والله تعبت احس انهم مايتغذون عدل يعنى عطوني آراء

او لستتكم شنو تشترون يمكن اقدر اسنفيد منكم ومن تجاربكم

والله اشكالهم ضعيفين وبشراتهم شاحبه وشعرهم مو صحي ابدا

ابي حلول تكفوون

يارب ما تطنشوني

 

[ريماس الحلوه]

لرفع

 

[ناتشوو]

على حسب اعمار عيالج
انا حاطة نوتة وقلم بالمطبخ
علشان اول مايخلص شي اسجله بقائمة الجمعية
وماانسى شي

انا بحط الشغلات اللي احتاجها
فاكهة يحبونها
بطاط عصير
هامبرجر
حفاظات
حليب
كريمات
شامبو
اممم هذا اللي فبالي

 

[بطاطس]

ياعمري يا زهقانه الله يفرج عليج كربتج وكربه كل عبد مسلم
بصراحه انا نفس مشكلتج وبس اكل توست وجبن
الله كريم
الله يوسع لنا ارزاقنا بالحلال ونستقل في مكان بروحنا وناخذ راحتنا ونحس نفسنا عايشين في مملكة المرة ماتبي قصر تعيش فيه تبي مكان يلمها هي وعيالها وتعيش مرتاحه وبسلام وبدون اي تدخل

 

[زهقآنه]

مشكورين ع المرور ياعسولات

بطاطس اللهم آمين الله يرزقنا الأستقلاليه عاجلا غير آجل يارب العالمين

مشكوره ياقلبي ع الدعوه

 

[ذكريات]

عصير
حليب كي دي دي اللي على فراولة و هالشغلات
بطاط
بسكوت
كيك
همبورجر
ناجتس
بطاط للقلي
فواكة .. يحب العرموط وااايد
دانيت
بريوش الصغار و صمون هوت دوق
كرواسون الصغار

هذا اللي اذكره << قلتي الجمعية كلها .. للحين في شي مو متذكرته !!

 

[عسلاتي]

اول شي اشتريه ,

شوفان حق الشوربة’’طبعا الشوفون صحي جدا ومفيد للبشرة والشعر بشكل كبير

الشي الثاني الحليب,,

طبعا على حسب ما يحبونه عيالج ((في بعضهم يفضلونه بالشكوكليت او الفراولة))

لا تنسين الفواكهة المهمة للاطفال,,,

طبعا اهم شي((التفاح , البرتقال, الافوكادو, الكرز, الرمان))

الخضار جدا ضرورية ,,((الكوسة , البروكلي ., البطاطس ,الفلفا البارد , الجزر , الطمام ))
((اذاعيالج ما يحبون الخضار وايد راح اعطيج وصفة تحببهم يها))

لا تنسين البيض والاجبان ((مهم جدا))

 

[dalal]

مممممممممم يعتمد اعمار عيالج الله يحفظهم بس بقولج الاشياء الظروريه بالثلاجه ومفيده:

الحليب والاجبان الفريش الي بالكيلو.. وحاولي تبتعدين من جبن القلاص والسلايس (صج انه لذيذ بس القيمه الغذائيه مو ذاك الزود)
الروب (وعندج انواع شوفي عيالج شنو يحبون بنكهات ولا ساده ).

الكورنفلكس (هاذي الوجبه لازم العصاري حليب وكورنفلكس والي يخلص يتكافأ بكاكاو ولا بطاط) يعني لا تخلين العصاري بس يخربطون حلويات واشياء مامنها فايده... عطيهم وجبه صغيره ومفيده


أو اذا شفتيهم مو حابين الحليب ويا الكورنفلكس ممكن ويا بسكوت أو
تحطين سلة فاكهه تفتح النفس
وفي طريقه حلوه اذا عيالج عسرين ومايحبون الفاكهه تشترين سكاكين بلاستيك وخليهم يقصصون وياج الفاكهه بسيتانسون وبياكلون صدقيني

وطبعا العشا يعتمد المنيووو
يا بيض يا همبرغر وبطاط يا حمسة تونه أو بيتزا وفطاير .. او خفايف يعني.. المهم التنويع بالاكل
مو كل يوم نوع واحد توست وجبن ولا كل يوم همبرغر ولا كرواسون وعصير!!

حرام مامنه فايده هالاكل وهما بسن نمو لازم اكلهم يكون متوازن وصحي ...
هم قصصي لهم خيار على اشكال ويا طماط وخس دخلي الخظروات ويا الاكل

وان شالله يكونون بصحه وعافيه ويخليهم لج ..

 

[إستبرق]

انا عندي بنوته وحده الله يخليها
اييب لها حليب كي دي دي فراوله وككاو بيض شي اساسي وشوفان شي اساسي واجبان وكوسه وقرع وبطاط وجزر وفواكه اييب افندي تحبه وموز
دناو وبطاط وعصير و نقتس وجكن فليه وتوست والله وايد اشياء يعني بس الي ذكرتهم الي تعتبر الاساسيات اذا مو ناسيه شي

 

[زهقآنه]

الله يخليلكم عيالكم وبناتكم ويخليكم لهم يارب

مشكورين وماقصرتوو على اضافتكم الرائعه للموضوع

((اذاعيالج ما يحبون الخضار وايد راح اعطيج وصفة تحببهم يها))

ياليت تعطيني الوصفه ياقمر ومشكوره وماقصرتي

 

[منوووووله]

البنات ماقصروو ماشاءالله قالو الجمعيه كلها ههههه

اهم شي الحليب ومشتقاته

 

[أم عبدالله Q8]

شوفي انا مطبخي ما يخلى من هالشغلات :
الفواكة ( كميات صغيرة علشان لا تخترب ) موز - تفاح - برتقال - عنب - فراولة
الخضار : بروكلي أقطعه وأجمده علشان لا يخترب - جزر - بطاط - كوسا هم أقطعها وأجمدها - بقدونس
بنتي اسمالله عليها تحب التبولة فمتى ما بقت أقول حق الشغالة تسويلها لأنها مفيدة
شوربة خضار حق اليهال
أشتريلها كياس الشوربة الجاهزة أسويلهم
حليب و كورن فليكس في نوع يصير ملون علبته حمرة على أرنب يموتون فيه اليهال
بسكوت حق الحليب ولا بقصم هم يغطونه بالحليب
توست و صمون صغار أحشيهم جبن ولا نقانق
ذرة مثلجة حق العصاري أفوحها لهم
تشكن ناغيتس و همبرغر و بطاط حق العشا مرات
حليب كاكاو وموز و فراولة وعصير سانكيست
كيك رول صغار
روب فواكة ولا كريم كراميل
أسوي عجينة الفطاير و أخبزهم نص خبزة و أجمدهم علشان أسويلهم بيتزا مرات
متبلتلهم دجاج شرايح بالبقسماط و دجاج كنتاكي ومجمدته حقهم حق العشا وحقنا اذا بقينا و ربيان بالبقسماط
شارية من مخبز امير الامرار بسكوت اصابع و غريبة حاطته على الطاوله مع الكرواسان لأن اليهال اذا شافو شي عالطاوله راح ياكلون حتى لو مو يواعة مادري هذا اللي اذكره

 

[dalal]

اييي وصج نسيت اظيف شغله.. اشتريلج مثل صحن مقسم وحطي فيه انواع المكسرات من الرفاعي .. عادي انتي شكلي حطي كذا نوع
كاززو وفستق وفول سوداني وجوز ... وحطيه بالصاله جدامهم على الطاوله على طول

ترى وايد مفيده المكسرات بشكل ماتتصورينه ..

 

[بشورة الأمورة]

ماشالله البنات ما قصروا

أهم شي الفواكة و الحليب ومشتقاته