لشد الجسم

[بس على شانه]

بسم الله الرحمن الرحيم


شوفوا حبيباتي انا سويت رجيم التمر ونزلت بشهر 13 كيلو

بس المشكله ان جسمي صار حدث ولا حرج ، تخيلو لو ضاله على متني قبل ارحم

على الاقل مااختض وانا امشي


المشكله جسمي صار جلي جلي


تكفون تكفووون تكفووووون


ابي الاشياء اللي تشد الجسم
كل الاشياء


وراح ادعيلكم بس عفيه شاعدوني !!​

 

[بطاطا]

انا نزلت بعد وايد و ترهل جسمي نص و نص و الحل اني اسجل نادي و اسوي رياضة تشده

 

[anoore]

رياضه
مساج
كريمات السلولايت
حزام وشورت حراري من الصيدليه
على طول كورسيه تحت الملابس
تلبسين جينز ضيج بالبيت يساعدعلى الشد

وبس

 

[بس على شانه]

بطاطا

انا خاطري بنادي بس وقتي كلش مايسمح

وشاكره مرورك يالغلا

 

[بس على شانه]

رياضه
مساج
كريمات السلولايت
حزام وشورت حراري من الصيدليه
على طول كورسيه تحت الملابس
تلبسين جينز ضيج بالبيت يساعدعلى الشد

وبس

مشكوره حبيبتي

نصائح مفيدة راح اطبقها
بس شنو الكريمات مثل شنو اسمها وماركتها وجذي؟

 

[anoore]

في كريم روك اللي عليه بنطلون جينز هذا انا استعملته حلو ويبين بعد فتره قصيره بس لازم تلبسين فوقه كورسيه اذا عالبطن او شورت حراري اذا الفخذ انا سويت جذي يعطي نتايج بسرعه

 

[بس على شانه]

في كريم روك اللي عليه بنطلون جينز هذا انا استعملته حلو ويبين بعد فتره قصيره بس لازم تلبسين فوقه كورسيه اذا عالبطن او شورت حراري اذا الفخذ انا سويت جذي يعطي نتايج بسرعه

مشكوره ياقلبي
تفاعلك مع مشكلتي اسعدني

 

[فـرفـر]

المسااج يمكن ينفعج


جربيه

 

[بس على شانه]

المسااج يمكن ينفعج


جربيه

اي بس غالي ..

10 جلسات ب 150دينار

 

[smailey]

جهاز الغزال الطائر يشد الجسم شد رووعه .....

 

[لطيفة]

المشي ثم المشي ثم المشي <<< أحسن علاج

 

[الشيهانه83]

والله انا اعاني من نفس المشكلة ضعفت وصار جسمي جلي لاعت جبدي منة واستحي البس قصير او حفر وعيزت ادور عن حلول جربت كريم روك ماسوالي شي وجربت الرياضة شهرين هم مانفعني وخفت ازيد لان اذا وقفتها راح يترهل الجسم اكثر ويصير شحوم وجربت مساج بالاجهزه عند وحدة اللة يسامحها قالتلي ان المساج راح يعطي نتيجة روعة ومن هالكلام وسويت عندها 450دينار بجهاز الكوربو والديرمو والبطانية الحرارية والطحالب وخرابيط وايد وماشفت نتيجة بس الخساير والحين قاعدة افكر بالجراحة لكن خايفة بصراحة مع ان اكثر شي عندي ترهل الفخذ والذراع ومع الملابس مايبين علي الا لما اتفصخ وانا احاتي عمري لاني مو متزوجة ,,اذا لقيتي حل عفية فيدينا معاج

 

[yam_yam]

المشي و بسسسسسسسسسسسسسسسسسسسسسسسسسسسسسسسسس

 

[كلي دلع!]

أكيد لما سويتي الرجيم ماكنتي تمشين

صح

 

[محبة الاستغفار]

يا ليت نلقى حل لمشكلتنا المشتركه

 

[نفنوفه]

يمدحون خل التفاح مع ماي الورد او خل التفاح مع زيت زيتون


انا الحين صارلي 3 ايام مجربه خل التفاح مع ماي ورد و اذا خلصت العلبه بستخدمة مع زيت زيتون


و انشالله اوافيكم بالنتايج بعد شهر

ادعولي عسى الله يثبتني و استمر عليه عشان اعرف اذا صج كان يشد و الا خرابيط

و بحاول معاه اسوي رياضه انشالله

 

[التجارة شطارة]

اختي مالج غير الرياضة

بنات ابي رجيم التمر مو يكتبة لنا

 

[زوغــــه]

الرياضة على قد ماتقدرين والمشي

انا والله كنت اكل حبوب زين الاتات وكنت مسجلة بنادي

ونزلت يمكن 4 او 5 كيلو بس ماترهل جسمي بس منطقة الفخوذ والخلفية اهم الي معقديني

وحاولي ترطبين جسمج على قد ماتقدرين قبل الرياضة وبعد الدش وسوي سونا وبعدين دخلي بماي بارد

مادري اسمه جاكوزي ؟؟؟ المهم الماي البارد ترى يقلص الجلد ويشده

 

[فيافي]

المشي والممشى الهوائي وطبعا الرياضة والرفص الشرقي يخصر الجسم ويشد

 

[@شمس الضحى@]

هذا عيبكم تتبعون رجيم وتنسون الرياضه
ماااالج الا المشي