لعل فيكم من لها دعوة مستجابة \ ساعدوني بكلمتين فقط !

[دلوعة أبوهآ]

آلله يرزقك الزوج الصآلح ويفرج همك ..,

 

[همس بحار]

الله يفرج همك ياااااارب ويحقق اللي تتمنيه ياقلبي
حبيبتي طمنينا شو بصير معك

 

[Beautiful soul]

الله يوفقج يابعدي ويرزقج بالزوج الصالح

 

[لمى الهاجري]

سبحان الله والحمد لله ولا اله الله والله اكبر بالتوفيق

 

[روانتي 12]

وعليكم سلام و رحمة الله و بركاته . . هلا حبوبه . . أنا أحس كل إللي قاعدهه تسوينه بس عششـآن تأخذين إللي تبينه . . حبيبتي ترآ مو كل من تزوجت أستانست . . يمكن تتزوجين و تكون حياتج أردى من الي انتي فيه الحين وكل شي قسمه و نصيب . . ونصيبج مكتوب من قبل لا تولدين . . و أرضي باللي ربج كاتبه لج . . و مو شرط تتزوجين إللي انتي تبينه يمكن ربي يرزقج بواحد احسن منه . . عيشي حياتج اطلعي روحي تعالي استانسي لا تحطين شي براسج و تقعدين تفكرين لا ليلج ليل ولا نهارج نهار امشي سيده لا تقولين ماراح اتزوج لا شوفي حياتج واللي ربج كاتبه بيصير . . لاتعقدين الامور ببعضها و ارد و اقول . . كل شي قسمه ونصيب . . نصيبج راح يصيبج . . وعسسسى الله يرزقج زوج صالح الي يحبج و يخاف عليج و يسعدج و يرزقج و يوفقج دنيا و أخره . . آمين

 

[khawla&tito]

مالج الا صلاة الليل

 

[مولي؛]

الله يرزقك كل خير وكل ماتتمنين

 

[مولي؛]

الله يرزقك كل خير وكل ماتتمنين

 

[قمر بيت أبوها]

الله يرزقك الزوج الصالح اللي يعينك علي امور دينك ودنياك

 

[بيلسسان]

نصيبج بتاخذينه اذا مو اليوم باجر واذا مو باجر السنه الجايه
كل وحده وشنو ربي كاتب لها
الله يكتب لج اللي فيه الخير لج ان شاء الله

 

[سيكلوجيه]

آخر ساعه من يوم الجمعه الدعوه مستجابة بإذن الله راح ادعيلج ويارب دعوتي ماتخيب سواء بهذا الريال او بغيره المهم الله يرزقج بالنصيب الزين، بس انتي بعد لاتنسيني بدعوه .

 

[عسل سل]

شكو امج حاكرتج كلميها اقنعيها سوي اي شي ..!
عجبني حيييييل تفاءلج وكلامج بس الي ماعجبني انج حاطه امل بالشخص الي ذكرتيه لاتحطين امل عشان ماتتفاجءين خلج عن هالشخص لاتفكرين فيه احسن والي فيه النصيب راح يجي سواء فكرتي او لا

 

[غراوي]

بعد عمري مالومج انتي وصلتي لمرحله تعيشين علي الاحلام
وهذا غلط
انا قبلج سويت جذي كنت منمنيه واحد من اهلنا وكنت اترزز عن اخته وبعروسهم وابين السنعه ويوم جاني خبر ملجته جاني اكتئاب وبجي
وكنت ادعيان ربي يخليه من نصيبي واني ابي الحلال
لكن ربي ماقسم
وهذا اكبر غلط تعلقين عمرج بشي انتي ماتدرين هو من نصيبج او لا

اذا دعيتي ادعي بدون لاتخددين عشان باجر اذا سمعتي خبر زواجه ماتتعبين ووقتها يمكن تصيبجحاله نفسيه وماتدعين العياذبالله

انا حاسه فيج لان الحال من بعضه بس انتي زود امج حابستج وهذا غلط ليشما تحاولينفيها تخليج تزوين الناس معاها وتروحين العروس؟؟؟شلي يمنع

تدرين شقولك حطي حرتج بصلاة اليل قولي عالاقل دام ربي ماكتب لي الزواج خل انتهزها فرصه واعبده
احلي وقت بليل تصلين واقري سورة الرحمن زينه للي يبون الزواج هذي مطوعه قالت لي

وجهزي غراض عرسج ليش لا مافيها شي
اشتري الداخليه والشغلات اللي مالها موضه وماتخرب اذا في مكياج مايخرب
والله اعرف وحده تقول حطيت جنه كل مارحت السوق وعجبني شي شريته وقطيته بهالجنطه والحين مشالله متزوجه ووفرت علي عمرها مصاريف ومشاوير




*

 

[گـحِـلْ |~]

الله يوفقج

ما يندرى يمكن بقد تشفقج على هالشخص على قد ما راح تتعذبين معاه لوو صار من نصيبج

الحين نجي للاهم
حطي في بالج احتمال كبيييير والوارد انهم مايخطبونج عشان لا تحطمين واللي خلقه خلق غيره

ويمكن ربي مسخر لج اللي احسن منه بس مو الحين ولا بعد سنه ولا سنتين

ارضي بما كتبه وراح يكتبه ربج ولا تعلقين بسراب



وصدقيييييييني غلطان من يظن المتزوجين في راحه والحمد لله على كل حال

 

[نوره 99]

حبيبتي الله يكتب لك الخير
بس لا تزعلين لو خطبوا غيرك وحطي في بالك أن ربي كاتب لك اللي أحسن منه

 

[. . بنفسج !]

عووودة بااك

السلام عليكم
صراحة ما أنكر أن ردود بعض البنات أحبطتني
أنل والله يا بنات ظني بالله كبييييييير والله قال أنا عند حسن ظن عبدي بي
طيب هذا ظني بربي شسوي ؟؟؟؟؟؟؟؟
أنا ما عرفته إلا كريم ورحمته توسع كل شيء
فيه أحد بهالصفاات وأتوقع إنه يرد مسألتي ؟
إذا هو قادر يجيبه فأكيد قادر يخط الخير والبركة فيه
للحين ما خطبوا أحد ��
وملاحظة أغلب عجايزنا يدورن لعيالهن وأنا جدامهم ويطوفوني
تعبت أشوف الناس تأخذ مني ومناك وأنا معطيني طاف
مع أني ملكة جمااال بنظرهم لدرجة يقولون ما شفنا مثل جمالج
طيب وين العيب يومني بنت ناس وجميلة ومدرسة
ليه ما يبون يأخذوني لعيالهم ؟
مليت من قعدة البيت لا وظيفة لا زواج محبوسة وأخر مره شفت فيها الشمس شهر ٨ اللي فات
أبي أكمل ماجستير ممنوع أبي أصل أرحامي ممنوع أبي أتوظف عندي بكالريوس تربية بعد ممنوع
شسوي ؟ أطق راسي بالطووف ؟
تقولين لي سعادتج مو بالزواج ومن قال أبي السعاده ؟
الدنيا دار شقاء لكن كل اللي أبيه يزيح الله علي هالبلاء
أبي أخذ فرصتي بالزواج ما يحق لي ؟
بعد تراني أنسان حاجتي للزواج كأي شخص عشان أعف نفسي وأغض بصري وأحس روحي ساكنه
وأقبل ع الطاعات أكثر ، مو ألحين مذابح أنا وأبليس يبي يجيب راسي وما قدر وانا صراحه خايفه أضعف بعد أحنا أبناء أدم
وكل ابن أدم خطاء
وحتى لو ما خطبني اللي تعشمت من حالي فيه بالله
بأظل أنتظر اللي أفضل منه لأن أنا لحوحه وما أقبل الإستلام
بس ودي الله يفرجها علي عاجل عاجل
مابي أمر بأيام سوده أكثر والله تعبت شاب راسي وانطحن قلبي من الهم والغم والحزن
وانتظر على أحر من جمر فرج الله

 

[Pink.Barbie]

بنفسج

حياتي في الردود كل وحده تتكلم من تجربتها او رايها الشخصي او خبرتها بالحياه

اقرأي كل الردود بتمعن و خذي منها الي يرتاح لو قلبك و تصدقيه

وانا من رايي تدعي انو لو هالرجل لكي معاه سعادة و راحة و استقرار انو الله يجعلو من نصيبك و اذا لا فالله يبعدو عنك و يرزقك بالي افضل منو

وربي كريم

لا تفقدي الامل

لكي مني دعاد ان شالله بصلاتي

والله يفرج همك و يرزقك بالزوج الصالح الي في كل المواصفات الي تتمنيه و مناسبة لكي عاجلا غير اجل يارب العالمين

اللهم امين

 

[بكيزة هانم]

الله يكتب اللي تتمنينه .. أو يبدلج احسن منه
ولا اوصيج ببر الوالدين وخاصة الام عشان تحوشج بركتها

 

[dalo0oa121]

والله اني حااسة فيج بكل كلمة قلتيها
انتي حالج بعد احسن من حالي بس وضعنا قريب شووي من وضعج
والله يرزقج بزوج يسعدج امييين وبتبشريناااا

 

[حنان الحربيه]

يارب ان كان فيه خير لك يكون من نصيبك

انتي مثل حالي في خاطري واحد ماشالله علم ودين واخلاق
ان شالله يكون من نصيبي
مع اني ولا مره بحياتي شفته بس اسمع عنه


الله يكتب لنا الخير