لعنبـو قصـه غـرام كـل أبوهـا كلمتـيـن
أبتدينـا عنـد أحبـك وأنتهيناعـنـد بــاي
تونـا مابعـد مشينـا فالهـواى خطوتـيـن
وأنتهى الموضوع كله حتى ماأعرف وش خطاي
أنتهى الموضوع كذا بكـل سهولـه تحكميـن
وين أحبك؟وين أريدك؟وين ساكن فـي حشـاي
يمكن أنـك ماوفيتـي يـوم جيتـي تعشقيـن
ويمكن أنك تحسبينـي بتبعـك مـن دون راي
ويمكن أصلا ماعشقتـي بـس كنتـي تلعبيـن
ويمكن أنك ماوصلتي فـي هـواك لمستـواي
ويمكن أنـي ماعرفتـك فالحقيقـه وش تبيـن
ويمكن أني خنت نفسي يـوم أعطيتـك وفـاي
علمينـي فالهـوى ياجاهلـه وش تعرفـيـن
تعرفين أنك غديتي شـي يجـري فـي دمـاي
علمينـي فالعطاءوالتضحيـه وش تفهمـيـن
لعنبو حيـك عشانـك عفـت أقـرب أقربـاي
كنت أحطك في عيونـي تسرحيـن وتمرحيـن
كنـت أشيـل همـوم قلبـك وأرمــي وراي
كنت أطير من السعاده يوم أشوفـك تضحكيـن
كنت ذايب في هواك مثـل سكـر وسـط مـاي
كنت نايم فالعسل وأرسم مـن الفرحـه سنيـن
كنت أظنك قلب عاشق ماسكن وسطـه سـواي
ماوعيـت الا وأنتـي فـي خفوقـي تطعنيـن
ماوعيت الا وسيفـك بالحشـا رايـح وجـاي
ورده أي والله ورده بـس عرفتـي تجرحيـن
كل شـي فينـي جريـح الا فخامـة كبريـاي
ماتأثـرت بغيـابـك وش يعـنـي دمعتـيـن
بكره أنسى صدقينـي وأرجـع بكامـل قـواي
أدري ان حنا افترقنـا بـس أبفهـم حاجتيـن
علميني وش كسبتي؟ وعلميني وش خطـاي؟
أصـلا الموضـوع كلـه ماتعـدى كلمتـيـن
ألتقينا عند [أحبك]وأفترقنا عند [بـاي]....... !
