!!!!!! لــــاـــ تــــــــاخذيـــــــــن ابــــــرة الـــــــظـــــهــــــر !!!!!!

[توتة جيان]

رد : !!!!!! لــــاـــ تــــــــاخذيـــــــــن ابــــــرة الـــــــظـــــهــــــر !!!

الله يقومج بالسلامة وترجعين مثل اول واحسن واحتسبي الأجر ومشكورة عالنصيحة وراجعي دكتور لا تهملين وربي يسهل امورج

 

[بدووورة]

الله يسهل علينا والله شلون الي قبل يولدون بالبيت انا انشالله ع الكمام اخاف من هالابرة

 

[مارغريتا]

انا ما احبها ولا ائيد اللي ياخذونها ومشكوره ع النصيحه

 

[Om-7soOoN]

تسلمون بنات ما قصرتو

 

[&رعبوووبه&]

اشدعوه بنات ما فيها شي الابره انا ما خذتها مرتين والحمد لله

وحالات نادره يصاحبها الصداع ويروح

معقوله بقارة امريكا الشماليه واوروبا ما يستخدمون غيرها حتى بالقيصريه ومافيهم شي اشزينهم

خالي يقول ممنوع منع بات استخدام اي طريقه مخدره غيرها اثناء الولاده بهالقارتين

ما تصير البلاوي الا عندنا

 

[_ظل الياسمين _]

انا ماخذتها مرتيييييين بس بعد توبه اخذها..

اليوم الثانى صرت مشلوله شلل كامل ماااقدر اتحرك..

غير النغزات اللى ذبحتنى..والله من يومها ماشفت الخير خلاص حيلى انتهى..

الله يعوضنا خير..ومشكوره عالنصيحه.

 

[أمـونة]

رد : !!!!!! لــــاـــ تــــــــاخذيـــــــــن ابــــــرة الـــــــظـــــهــــــر !!!

ولادتي بولدي البجر مااخذتها
بس ولادتي بالتوأم أخذتها بالصباح دكتور وايد شاطر
بس اول يومين حسيت بصداع و دوخه ولمدة اسبوع عوار ظهر
بعدين عادي
وولادتي الاخيره الي ماتت فيه بنتي ماطلبتها


اللي تتحمل لا تاخذها

 

[احلى ـآ وحده]

الحمدلله على سلامتج
ماتشوفين شر ان شاء الله

 

[الباسمه]

انا اعرف اكثر من وحده جربتها والحمدلله يمدحونها
واكيد حسب الجسم
الله يسهل امورج

 

[فروحه روح امها]

رد : !!!!!! لــــاـــ تــــــــاخذيـــــــــن ابــــــرة الـــــــظـــــهــــــر !!!

الحمدلله على سلامتج ومبروك ما يبتي والله انا اخذتها بعد طلق يومين من العوار وبعدها ما حسيت بشي يمكن الدكتور الي اعطاج اياها مو شاطر او نسبه البنج كانت زياده؟؟ انشالله تقومين بالسلامه

 

[$حبيبة عبودي$]

انا خذيتها بعد مستشفى لندن بغيت اموت وحسيت بالام ..
وحاشني صداع طوووووول فترة نفاتسي وتعب مو طبيعي وكله منسدحه
وفوق هذا ظهري وبطني ذبحوني ولا اللي صج ابجي منه الخياط تعبني معني خياط عادي مو تجميلي ..
بس توبه اخذها يامعوده اتعذب يوم ولا اتعذب شهر

 

[$حبيبة عبودي$]

اي ونسيت اقول شي رجولي تنمل ولا احس فيها ولا اقدر احركها ..
اصلا انا كنت اقول اللي تاخذها مجنونه بس بولادتي جاني الموت وقلت ابي ابره ولا ماكنت مفكره فيها ابدااااا

 

[Om-7soOoN]

اي صاجه اخياطهم يذبح انا بعد ما ولدت خذيت ابرتين مسكن من العواارغير هذا الصداع و التعب
استغفر الله ما تسوا علي خذيت هالابره بس الحمدالله على كل حال