لقافة ريلي

[لعنبؤؤكـ مغلآكـ]

شوفي اذا شفتيه لهى فـ الببي هم انتي الهي معاهـ بـ الببي واذا ماعندج قولي بـشتري واذا قال لأ قولي ليش فيه شي موزين اذا موزين لي هم موزين لك .. واذا ما عندج وكنتوا طالعين ولقيتيه لاهي فيه دقي على اي وحده وسولفي وياها ..

واذا قال شي قولي انت مو موصوبي وبالك مو معاي زهقت شتبيني اسوي كل شي سويته


هيك طبقي كلامي

 

[nooorrrsss]

حبيبتي اذا كلمتيه ومافاد سوي نفس مايسوي يودي البيبي 24 ساعه نفس علشان يعرف انه هالشي ينرفز وصراحه هالشي ينرفز والله يعينج ويهديه انشاءالله

 

[سمراء كالخمري]

انا اشوف انها كلش مو مشكله اذا قام ريلج قومي ويااه واذا قالج ليش قمتي قولي في وحده تبي تقعد مكاني فشله اخليها واقفه قهريه لا تخلينه يقهرج يبيلج قلب قوووي معه الريال مايبيله وحده حساااسه وايد انا مااوزج على الشر بس هذا الي ينفع معاهم العياره وبسسسسس

وسالفه البي بي عادي بسيطه حطيلج بي بي وقعدي سولفي فيه مو مشكله كبيره حبيبتي

 

[ام دودو المزيونه]

سؤال البيبي ولدج؟؟زين منه ماسكه عنج...والله ماتنعرفون يالحريم
وبعدين يتراوالي تصرفه في قمة الذوق يوم قام

لول حلوه هي تقصد البلاك بيري مو بيبي بالنسبه لي ريلج ما سوه شئ غلط بالعكس ذرب بس تري اغلب رياييلنا دقشين بالتصرفات مع حريمهم وذربين مع غيرهم نفس الي عندي
بس تدرين هم مره جذي تهاوشت معاه وزعلت وطنقرت لأنه يوم شاف بنت خالته اهي مره عوده وبناتها هم متزوجات الضحكه شاقه الحلج وطق سوالف ويستضرف دمه ومعانا بالبيت بس يصارخ علي اعياله اهم اثنين الله يخليهم ومو متحملهم والكلام معاي بالحسره وكله امقلدم ونفس خايسه والله لاعج جبدي منه يومها وفعلا زعلت بس تدري اكتشفت انه حركاته مو مقصوده يعني عفويه وان يبى يبين للناس انه دمه خفيف وتري نفس الحركه يسويها مع اي وحده تاخذ معاه بالسوالف وهو علي نياته حتي بالمستشفي مع ولدي المعاق جم مره اشوفه يسولف عادي مع الحريم بس تبين الصراحه اكتشف ان الحريم اهم قليلات ادب ويبدون بالحوار علي ابو انه عندي ولد معاق ويبيون يساعدونه او يستفسرون وتاخذ معاه بالسوالف :rgewrg:
والله لو اكتب مذكرات بالمواقف الى مرة علي بتنصدمين وريلي عادي جدا مو دون جوان و دفش بسوالفه بس يلفت نظرهم ليش قايم بالولد ويراعيه
حريم مالهم امان مو الرياييل وحطي تحت الف خط

 

[+بسبوسة+]

تبين الصج.......

لو استمريتي على هالطريقة بتلاحظين نفسج بعد فترة ماتطلعين معاه ابدا

وان طلبتي يطلعج بيعتذر

حمدي ربج شوفي بنات المنتدى الي ريلها كاشت ومايطلعها..والحجر الي يمنع من الطلعة

اذا طلع البيبي دقي على اختج سولفي بحتر وبيسكر ويسولف

طلعي الواتس اب واقري مسجات وضحكي بروحج

طاف

اهو الخسران!