لقيته مع زوجي وما .......ايش السواة؟؟؟

[بدوني تتضايقون]

مادام واقي وبمكان سري فاستغفر الله
هو على حسب الزوجه لو صار فيني بعيد الشر فمستحيل اعيش معاه ثانيه بس مو كل زوجه تقدر تهد زوجها من ناحيه مالها ظهر ولا مكان ووو
من رايي بانج تكملين تفتشين وﻻاه وتلاحظينه لين تحصلين ادله ثانيه في هالحاله يعتمد عليج
اذا كان وراج ظهر وماتبينه
اذا وراج ظهر وتبينه فبتواجهينه لازم يوقف عند حده
اذا ما وراج ظهر هني يكون عندج تحدي بينج وبين نفسج شلون تمتلكينه
بالتوفيق يارب

 

[Tom ♥ Jerry]

,


استغرب من الي يقولون ليش تفتشين !
يعني تخيلي ريلج يقولج لا تفتحين هاذا الدرج كلش :/
آكيد بتقولين وراه سالفه !!!
و تخيلي العكس لو آنتي قلتي حق ريلج لا تفتح هالدرج كلش ..
تتوقعين رآح يسكت و يقول حآظر ؟

 

[اذوب بكلامه]

شوفي ياقلبي ذكرتيني بنفس الي صار معاي وأتذكر أني كتبت موضوعي
بمنتدى ثاني والأخوات بالمنتدى ما قصر الله يجزاهم ألف خير
نصحوني أني اصبر وما استعجل واواجه واني أحاول أحسن الضن
وخصوصا ان زوجي إنسان صاحب دين وخلق
بس تعرفين الشيطان شاطر قام يوسوس لي بأشياء أعوذ بالله منها وكنت كل يوم افتح الدرج و أتأكد
اذا استخدم الواقي اولا وكنت الاقيه مثل ماهو والشك كان بيذبحني وقررت أني اواجهه بس قبل ما أواجهه
صليت استخاره وسبحان الله حسيت براحه عجيبه وقررت اني ما أواجهه ولا افتش بأغراضه أبدا وأحسن الضن
وتناسيت الموضوع وانشغلت بحملي وبعدين بالولاده وبعد الاربعين قلت لزوجي يجيبلي حبوب منع الحمل بس
قال لا وطلع الواقي وسألته عنه قال ان اخوه الي كان متزوج معانا سأله عن الواقي لأنه هو وزوجته مايبون عيال
اول سنه وزوجي قاله انه مايدري عنه لأنه ماقد استخدمه فزوجي جاه فضول وحب يجربه وبس
فنصحه يا أختي لا تفتشين ور زوجك مره ثانيه وبالنسبة للواقي فأحسني الضن خصوصا اذا
كانت أخلاق زوجك زينه ولا تواجهينه وادعي ربك انه اذا كان راعي خرابيط انه يكشفه قدامك ويفضحه
وربي يريح قلبك

 

[شــــــــــــــوقــــه]

,


استغرب من الي يقولون ليش تفتشين !
يعني تخيلي ريلج يقولج لا تفتحين هاذا الدرج كلش :/
آكيد بتقولين وراه سالفه !!!
و تخيلي العكس لو آنتي قلتي حق ريلج لا تفتح هالدرج كلش ..
تتوقعين رآح يسكت و يقول حآظر ؟

صح يعني على اساس ما تشوف شي يعور قلبها تظل قطوة مغمضه واهو يسرح و يمرح على كيفه !!

من قال هالطريقة تريح البال و القلب ؟

العن شي احد يستغفلج وانتي سيده معاه

 

[Miss Basma ..}]

صارحيه و لا تسكتين
معاه واقي و ما استعمله معاج
إذا كان يزني فهذه مصيبة لأنه كما تدين تدان
ما تدرين إذا أنتي راح يصيرلج شي سبته
إذا بتسكتين و تسوين نفسج ما عرفتي شي راح تتفاقم الأمور و تندمين مستقبلا

 

[قَلبڪْ صًخرْ]

ناتشو صح


وبعدين شفيكم صايرين
بس ترددون لاتفتشين
خير ان شالله
المره حاسه
واحساسها مايخيب
بسكم ادعاء المثاليات

 

[زوجة عزيز]

وليش حاطه بالبيت؟؟؟ حطي بالج وراقيبه اكثر خاصه اذا طلعتي من البيت خوفج يدخل احد من وراج لا سمح الله

 

[Patcholli]

يمكنً قديم او يمكن خاشه حق الظروره
العلبه كانت يديده ولا مستعمله ؟
ويمكن احد من ربعه معطيه

 

[قلب الزعابي]

ليش ماتفتشين وانتي ماغلطتي هو وجه الأنظار صوبه لما قال ما احب حد يفتش باغراضي معاناته أكيد عنده سوالف مااريد ازيدج بس هذا الصدق
مااحيد بين الحرمه والريال أسرار
وصلت لدرجة ماتفتشين الكبت ماله ويقفله
مثل ماقالو لا انج تقدرين توجهينه ولا شي
الله يعينج

 

[ام خليففه]

عادي انا زوجي شراه اول زواجنا بعدين مااعجبه وحطيتاه عندنا جذي واخر شي قطيناه
يمكن بعدين يبي يستخدمه معاج او شراه جذي بسس لا تشكين فيه علي طول الا اذا عنده هالسوالف

 

[غبنة عشق]

ياربي أحس كأني داخله حرب بس امشي واهوجس
جزاكم الله خير جميعا الحمد لله أني اشتركت معكم بالمنتدى مالي خوات وكلامكم طبطب علي كثييييير
الى الآن ماني مصدقه ومو قادره أواجهه يارب ساعدني واجبر قلبي

 

[انسام الكويت]

يالله يزني يوم انه متوفر هالشي بالحلال ليش يزني استغفرالله الله يهديه حبوبه الله يعينج

السالفة فيها زنى وأمراض الله لايبلانا .. والله مادري شنهو الحل معاه اذا واجهتيه بقلب الموضوع

عليج وبيقول ليش فتشتي اغراضي وعقب يصير الموضوع عادي عنده اذا عرفتي ..انتي بالأول تأكدي

هالواقي حق شنو واذا فعلا ثبت انه يزني حوتها استعيني بـ شيخ دين تثقين فيه قوليله السالفة

عشان يتصل فيه وينصح ويخرعه شوي والشيخ طبعا يقدر يحبكها بحيث انه زوج مايدري انه انتي ورأ موضوع الشيخ

والله يهدي ويهدي الجميع

 

[aloooya]

يمكن قديم

 

[في قلب البحرين]

استغفر الله يارب
استغفر الله

الله يعينج يارب ويهديه
ويهدي شباب المسلمين ​

 

[ريتاج_90]

لاتظلمين
ان بعض الظن اثم

وانا مَ‘ـَُِع اذوب بكلامه وام خليفه
بنااات لـيــ�ـش ..؟! التشيش
سيده حكمتوا بالزنا ومادري شَـّنـّـّ�ـّـّوَ استغفر الله
يمكن مايبي عيال ومنحرج مايدري شلون يقول
ودام حاطه بالبيت فماله داعي الظلم

وااالله يسهل الامور بينكم

 

[ام الحلوااات]

اللـــــه يــكــــووون بـــعــــوونــــج

 

[nectar12]

الله اكبر

 

[شادن33]

يمكن شاريه بجربه معاج !!!!

وانتي ادرى بزوجج واخلاقه !!!!

 

[PuPa^^SWeeT]

والله مادري



بس هذا شي جايد


يعني لازم اتواجهين



و درسي الموضوع


وعرفي انه شلون اتكلمييينه و تلفين الموضوع قبل لا يلفه عليج

 

[ليان ليون]

على فكرة انت مو شاكة في شي انت متأكدة انو في شي زوجج مخبيه عنك بس انت مش قادرة تتوصليله عشان هيك انت بتنبشي في اغراض زوجك نا بنصحك نو ما تفتحي الموضوع مع زوجك بس اول شي حاولي تغيري في نفسك من ناحية زوجك بعرف انك مو مقصرة معاه بس كل واحدة فينا بحاجة للتجديد اهتمي بزوجك اكثر حتى يحبك اكثر وحسسيه انوه كل حيانك انك مستعدة للتضحية يعني اعملي اجواء رومنسية حتى يتعلق فيك وينسى غيرك