لقينا ريايل وقلنا لاء!

[UK_Girl]

مساء الخير ..
بمبه المفترسه انا دايما اشوفج قويه بالردود وشجاعه وعاقله وتقريبا99% من ردودك تعجبني..
بس هالمره انصدمت من ردج ..وحاشني احباط لان انتي قدوتي خلف الشاشه ومتابعتج بصمت وبمنتهى الاعجاب

الله يطول بعمر الوالد ان شاءالله ..وخطاج السو قلبي

 

[زهر الرمان]

الحال من بعضه
اذا ماسويت شغلي بروحي محد يسوي لي اياه
هذيك اليووم سويت حادث والله بروحي رحت المخفر
حتى الابوو مافيه خير
خليها على الله
الله ياخذني وافتك من هالدنيااا

ياقلبي يعل عمرج عمر الشعيب النبي انشاءالله
ويفتحها عليج ويرزقج ويسر امرج يارب
وشكلج كتبتي الرد وانتي منغثه من موقف نفسي
انا من انغثيت سيدا كتبت الموضوع افضفض عشان ما انفجر

 

[المكسيكيه]

اي والله صدقتي ,, حالتج نفس حالتي
تدرين عندي ثلاث اخوان والله ولا واحد فيهم خير .. تخيلي يوم ابوي يوم سافره بره علاج ما وقفوا معانا تخيلي ابوي سافر مع منو مع ولد خالتي يعني مو مع اخواني حتى ..وتخيلي كنا نروح كل مكان ونسويها بروحنا حنا البنات ولا عمي وعياله وخوالي يطلون علينا جنه يتامى ونكسر الخاطر ..
الحمدالله ايام عدت على خير

 

[غيآبڪ عذآبي]

جبتيهآآآ ع الوتر الحسسسسآس خخخخ

والله الحين الحريم صصصآرو ريآجيل ، لآ بعد الرجآل يقعد بالبيت والمررره تحوووولف بشششغل البيت والسسسيآره وغيره !

دنيآآآ شوبنعمل بعد

 

[زهر الرمان]

اي والله دنيا معكوسه
ويالمكسيكية ياقلبي الله يخلي لكم ابوكم
وعسى ربي مايحوجكم وله يحوجنا حق احد يارب

 

[ترف 111]

حبوبه ماكو ريياييل الحين عمر المختار ومات اخاف صج فيه رياييل

 

[red rosa]

ياحليلكم ياكويتيات:aha: والله امنيتي اسووووق سياره انشالله ابومتعب يسمح لنا ونسوق سيارات

افضل مو كل يوم نرز وجيهنا انا وخواتي عند اخواني تكفى بروح تكفى ابوس ايدك طلعني الله يخلي لك ولدك

خذني المكان الفلاني والله فشله مانطلع الابعد الترجي
ولا مجتمعناااااا غريب لابعد الحدود واتحداكم تعيشون فيه بس ساعه وحده
البنت عيب كل شي تسوي لو اقول لكم شنو الاشياء اللي عيب تضحكون علي:016::016:

الله لايحدنا على احد

انا ما اقول الا الله يخلي مولى نصر الدين و رياض و اولي و كومار و كل السواق..!!
الا قوليلنا شنو هالاشياء خل نضحك ونفرفش؟؟:ggdw:

 

[@البتووول@]

على قولتهم


راحو رياييل الدروازة وبقو رياييل العازة



الحين ما في أحد ينفعج إلا نفسج

هذا إهو الواقع بس هم إحنا اللي خربناهم ...

 

[Queena_85]

اي والله .. صااجه

 

[قطوه ورديه]

هاي بنوتات شخباركم؟

ذاك اليوم بالدوام رفيجتي اتقولي بودي سيارتي الفحص الفني وله ينط واحد من الموظفين يقولنا انتوا كل مكان اتروحون؟
بالقراجات نلقاكم وبالفحص الفني شنو ماكو شغل؟

جان ارد عليه قلتله لقينا ريايل يودون سييايرنا وقلنا لاء؟ خنت حيلي رفيجتي ابوها ريال كبير واخوها لاهي مع مرتة
يعني شتسوي البنية؟

وهم انا صارلي موقف من يومين تخيلوا ضغطي كل يوم ينزل اكثر كليت ملح لين صار فيني حارج وموراضي يرتفع
قلت اروح الطبيب وراسي يفتر بالغصب اثبتة وصداع
قلت حق اخوي ودني الطبيب طبعا لام المخدة وبالغصب يتكلم يقولي روحي بروحج دلوعة مافيج شي وامي كانت طالعة
ما ابي اخرعها وابوي مسافر
قلت بالطقاق بروحي بروحي اللي الله كاتبة بيصير
ورحت المستشفى وحطولي ادرب
وقلت حق امي انا بالمستشفى ودقت على التحفة اخوي طبعا ياي يتحلطم واذيتنا ومادري شنو وانتي كله تستمرضين
قلتله دام مو مشتهي شكو ياي ؟
المهم الغرفة اللي يمي طاح عندهم شي وصوتة قوي الدكتور ماشاف اخوي لما ياني
خنت حيلي ياي ركض يطل علي عباله طحت ليش حالتي كانت تعيسه
شوفوا الغريب اشلون والقريب اشلون
وعقب السانهم اشطوله انتوا صرتوا ريايل وحريم؟ مو منكم صرنا جذي؟
اتصدقون رفيجتي قالتلي عن وحدة تعلمت اتسوي البنجر بروحها وله عازت احد
بس شنقول الله يصلح الحال وحسبي الله ونعم الوكيل
بعض ريايل العازة لو رفيجتة وله رفيجة داق عليه يركض بس اهله لاء مادري شبيفيدونة باجر
:0bee2e8d89:

زهر الرمان انا منج افشله
واقوله اشرايك انت اتروح بدالي

 

[كويتيهx5]

والله هالحجي من زمان قلته حق امي وابوي

اخواني ما منهم فايده يومهم عن سنه انا اسوي سيارتي وايبها واوديها وجاااري تعلم البنجر.

وامي تعتمد على انا مو الشباب انا رياله البيت ههه

 

[الريادة]

لا حول و لا قوة الا بالله ..

 

[عبااير]

خلييييييييييييييييييييييييهااااااااااااااااااااا على الله بس

 

[زهر الرمان]

لووووول اي والله ريالة البيت
كلنا ريالات البيت
الله يسخر لنا عيال الحلال انشاءالله وله تحوجنا حق احد يارب وله تخلينا تحت رحمة احد غيرك

 

[كهرمانة]

سبحان الله ما توقعت فيه احد مثلي

كل مكان اروح له بروحي

الجمعية السوق المستوصف المستشفى

حتى السيارة يقولون لي انتي وديها

الله يعين على هالدنيا الله يعين

 

[Pippa]

’
​

• هذي الدنيآ .......... الحين النآس تتمنى البنت مو الولد ..,,!! ​

 

[مـعـجـبـة]

مثلي بالضبط والله / للأســف

اخواني ابد مافيهم خير ، لين صادني شي حتى مافكر اتصل اقولهم
آدري محد بيفزع لي .. وياما طنشوني .. كلش مافيهم حميّة ولا غارية
عادي اختهم تتبهدل وتدش وسط رياييل .. ابد لا عزوة ولا سند كلش

الحين ماكو ريال شهم وغيور هالأيام .. وينهم ليش جذي انقرضوا ؟؟
راحت رجال ترفع الدروازة ، وجتنا رجال المطنزة والعازة

الحمدلله آنا شايلة روحي ، والله يديم هالنعمة علي ولا يعوزني لأحد غيره

 

[كهرمانة]

المشكلة انج شايله عمرج بكل شي لكن فيه اشياء تحتاج لريال ماتقدرين بروحج تسوينها
ولما تطلبينهم لهالشي الضروري اللي بالنادر ما تطلبينهم يتعذرون مو فاضيين
وعادي تروحين مكان كله رياييل
ولو مرته لااااااااااااااااااااااااااااااااااا يمكن يخليها تروح يعني الزوجه بس اللي ينغار عليها وما يصير نروح والاخت بالطقاق
ولما تقولين عيب البنت تروح هالاماكن
يردون عليج: الحريم الحين صارو شرطيات !!
لا حول ولا قوة الا بالله
يارب يرزقني بزوج صالح يقوم فيني وما يحوجني لاحد
لانه الحاجه للناس مذله حتى لو كانو اقرب الناس لج