لكل ارمله او وحده عندها خبره

[ارملة حبيبها]

السلام عليكم ورحمة الله وبركاته
...................................
وش اخباركم
انا كنت عضوه معكم وبينكم
بس انقطع فتره لوفااااة زوجي الله يرحمه
وايميلي تهكر فدخلت بمعرف ثاني
جايتكم وجايبه معي همومي واحزاني وضيقه بصدري
سبحان الله توفى فجاااااااااءه طلع ولارجع وعمره 29
الله يرحمه ويغفر له
وانا عندي بنتين توائم اعمارهم سنه واربع شهور وعمري22
الناس جننوني بالزواج وتعبت منهم يقولون لي بعدك صغيره وخلاص ماباقي شي ويتم زوجي الله يرحمه سنه :eh_s(16)::eh_s(16):
وانا مفكره اني مااتزوج طووووووووووول حياتي واجلس اربي بناتي
محد بيحن عليهن مثلي
بس الناس الله يهديهم على هالتفكير
مرات اقول ابتزوج ابي بناتي ينبسطون ويطلعون لاني لامرضن بناتي يالله القى احد يوديني للمستشفى
وهل ممكن لولولولولو اتزوج ممكن القى زوج يحن على بناتي ويعتبرهن بنااااااااااااته
وهل ممكن للارمله اذا تزوجت تعيش مبسوطه مع زوجها
ولاتقارن بينه وبين الاول
تعبت من التفكير ومن كلام الناس
ومن كل شــــــــــــــي يارب صبرني
شورو علي ..........والله محتااااجه رائيكم

 

[قطووه حلووه]

رد : لكل ارمله او وحده عندها خبره

حبيبتي انتي تزوج صغيره يعني فرصتج بالزواااج اكبر


واذا صاار في نصييب لا تضيعييييينه عشااان بناااتج شي طبيعي تخاافين علييهم من زوج المستقبل بس هذي فطرتج لااتتخليين عنها فطرة الاموومه شي وفطرة الحب والزوااج شي ثاااني وكلهم انتي محتاااجتهم لا تخلييين شي علىى حسااب شي


بشننوو بحجة خاايفه عليييهم


راااح يكوونووون جدااام عيينج اي تخاافين الله يهداااااج
\

وعلى فكره الله يسخر ناااااااااااس حق نااااااس بأنه يكوون حنوون علييهم واذا اذا طلع غير جذي مو لاازم يندمجوون معااه مو شرط ترىى



المهم ان احلىى عااطفتيين بالدنياا معاااااااج

امووومه وزووااااااااااااج لاتحرميين نفسج تدفنيين عمرج وانتي صغييره بااجر بنااتج يتزووجوون ويخلووونج محد يصفا على احد وبااجر تكبريين تحتااجين زوج جنبج انشاالله تكوونين فهمتي علي

 

[ارملة حبيبها]

رد : لكل ارمله او وحده عندها خبره

جزاك ربي كل خير كلامك صح بس
خايفه عليهم اني اهمل بتربيتهم وايضا ان زوجي الله يرحمه بقلبي مانسيته

 

[قطووه حلووه]

رد : لكل ارمله او وحده عندها خبره

لااتهمليين بتربيتهم هذيي وااقفه علييج سوااء تزووجتي او لاا.... المهمله مهمله لو ماتزوجتج


وزووجج الله يرحمه شي طبيعيي مانسيتيه ولا رااح تنسييينه الا اذااا تزوووجتي بس بشرررررط



اهم شي لاا تاخذيينها بدرااما وحززززن انج ماتقدريين تنسيينه محد قاالج انسيه بس حاولي تتنااسيينه والذكرياات الي بيينكم خليهاااا ذكرياات حلوه مو حزينه وهذي لمصلحتج....

تنسييينه وتحبييين غييره ادري تعووور.....بس....مع الوقت تلقيين نفسج والله نسيتي وتعودتيييي





تخيلي حاالتج بعد سنتين او 3 معقووله تقدريين تعيشين بدون زوااج وانتي بهالعمر؟؟تتوقعيين رااح تأثر فيج الساالفه وقتها مثل ماراح تأثر فيج بعديين مستحيييييييييييييل

وسوري ع الاطاااله بس حاسه فيج

 

[aṕriliå]

رد : لكل ارمله او وحده عندها خبره

توج صغيرة


اي والله اعرف وحدة زوجها يحن على بناتها بشكل مو طبيعي

الله ييسر امورج ويوفقج ..

 

[كنوشة 2009]

اذا لقيتي الانسان الصالح اللي يخاف ربه ليش لأ ما فيها شي تزوجي انت توج صغيرة
بس حطي شروطك واولهم بناتك ان ما تتنازلين عنهم
وبعدين بالنسبة حق اهل ابوهم اذا تزوجتي ما راح يطالبون فيهم ؟
والله يسهل امورج ويعوض عليج

 

[يبيلك قلب مايتعب]

رد : لكل ارمله او وحده عندها خبره

الله يصبر قلبج ويرزقج بواحد يخاف ربه يسعدج انتي وبناتج

حبيبتي وايد بنات تزوجوا ومرتاحين بحياتهم ؟؟

لا ياج واحد زين توكلي على ربج والله اعرف بنات وايد تزوجوا وريايلهم يعاملون عيالها نفس عياله

 

[reem83]

الله يصبر قلبج يارب ويرزقج بالزوج الصالح

انصحج تزوجي بس تركدي مو الحين اذا لقيتي ريال سنع , وغير هالشي تخافين تتزوجين واهل زوجج يطالبون بالبنات

لكن الزوج ستر لج وانتي توج صغيرة وبناتج صغار لو تزوجتي راح يتعودون على الريال الي بتتزوجينه مثل ابوهم لان مالحقو على ابوهم الله يرحمه ويغفر له

 

[فقـدتـك حيــل !]

رد : لكل ارمله او وحده عندها خبره

الله يرحمه يــارب ويغفر له ويجمعكم بالجنه يـاكريم ..
حـاسه فيج والله ..
آنـا بالعده توني ونفسج بأول حياتي صغيره بس ماعندي من المرحوم عيال ..
أدري شنو يعني الفراق !
شي يذبح والله ..
بس الشكوى لله ..

اذا ياج ريال زين مصلي ومسمي وخايف ربه ،
استخيري وشوفي نفسج !
والله ما ادري شقولج
أدري شي صعب حيــــــــــل !
بس لا تنسين بناتج أكيد يبون لهم ابو وسند ..

 

[Tom ♥ Jerry]

.


حبيبتي الله يهدآج الزوآج مو بالكلآم !
خو كل شي قسمه و نصيب و آنتي آن شاء الله
اذا يآلج ريال يخآف الله فيج و في بنآتج الثنتين
توكلي على الله .. آنتي بنت بروحج ليه متى بتظلين
عايشه مع بنآتج
الآم و الآبو و الخوآت و الأخوآن كلهم رآح يلهون بحيآتهم الخآصه ! :*
بس آنتي عآد لا تفكرين بهالمسأله وآيد !
و سكتي الناس بكلمه " قسمه و نصيب " و استخيري و الله
يكتب لج الي فيه الخير :*

.

 

[Flower20]

رد : لكل ارمله او وحده عندها خبره

يا بعد عمري الله يصبرج
اذا يالج واحد زين واخلاق وافقي عليه
اهم شي واحد يخاف الله وتسألون عنه عدل
الزواج برايي مهم لج
لان توج صغيرة واكيد تحتاجين سند وذرية
الله يرزقج بالزوج الصالح

 

[Ray.Bana =$]

رد : لكل ارمله او وحده عندها خبره

اللهـ يرحمهـ ويغمد روحهـ الجنهـ ويصبرج انشاللهـ

انا من رايي العمر طويل جدامج كملي حياتج تزوجي عشان بناتج يكبرون ويكون عندهم أم وأبو عشان مآيحسون بنقص لمآ يشوفون غيرهم وانشاللهـ اللهـ يرزقج بولد الحلال اللي يحن عليهم ويحبج ويقدرج

 

[نونه الزعفرانه]

الله يرحمه يارب ويعين كل الارامل ويرزقهم بزوج يحبهم ويعوضهم عن المرحوم

حبيبتي انا من رايي اذا ياج واحد زين توكلي على الله لأن مردج راح تحتاجين ريال راح تحتاجين ونيس خاصه انج مجربه الزواج من قبل ... وكل ما كان زواجج الثاني امبجر كل ماكان احسن لانه راح يشوف بناتج يكبرون جدام عينه وراح يحبهم ويدلعهم ويعتبرهم بناته وهم بنات نفس الشعور

لكن اذا اكبرو البنات اولا ريلج ما راح يتأقلم معاهم بسرعه وبناتج ما راح يتقبلونه لانهم يدرون انه مو ابوهم وراح ياخذون عنج فكره بقولون نست ابونا وخذت من بعده
:denya: :denya: :denya:
والله يكتب اللي فيه الخير

 

[ارملة حبيبها]

رد : لكل ارمله او وحده عندها خبره

الله يجزاكم كل خير
.............................

 

[صدى الذكرى ..!]

رد : لكل ارمله او وحده عندها خبره

الله يرحمه ويكتب لج اللي فيه الخير ..

 

[ارملة حبيبها]

الله يجزكم خير

 

[ضمى الوجدان]

حبيبتي مقدره حبك لزوجك والله يرحمه ويغفرله وبعدين هذي حال الدنيا ناس تجي وناس تروح
وانتي لسا صغيره ومحتاجه زوج يعينك على هالحياه وبعد تجبين اولاد يكنون سند لك وعون بس لازم تتختارين الزوج المناسب الي يحافظ عليك وعلى بناتك والله يحظهم لك يارب وعقبال ماتفرحين فيهم يآآرب

 

[غيابك حلم]

الله يرحمه
مآ أدري انا بالنسبه لي ماخذه زوجه أخوي قدوه
توفى وهي صغيره وجميله
واهي الان رافضه الزواج
ولاتفكر الا بأولادها وتربيتهم

 

[Beautiful soul]

حبيبتي انتي توج صغيره والله يرحم أبو بناتج ويجعل قبره روضه من رياض الجنه
والزواج قسمه ونصيب وعسى الله يرزقج بالزوج الصالح واللي يكون اب حنون لبناتج

 

[بنت الاحلام]

والله مادري اهو الزواج حلال بس لو تحبين زوجج صح وحيل ما اضن تفكرين بالزواج

والطبيب مو مشكله في شي اسمه سايق والاب ما يتعوض ولا تفكرين لو تزوجتي راح يحب بناتج او بناتج راح يحبونه

راح يكون ماخذ مكان ابوهم

وتري بناتج ايتام

ولو تربينهم تدخلين باجرهم الجنه باجر


وانتي حره انا ما جربت تجربتج بس لما تحبين شخص مستحيل تحطين احد مكانه تحت اي ضرف

في حريم ترمله واهي حامل باول شهر وصبرت وولدت وكبرت الولد وزوجته وعاشه معاه ومع زوجته

ولا فكرت تتزوج