لكل بچريه أهديك هالموضوع وأبيج تدعيلي

[7laty]

تسلمين حبي والله انشاالله يخليج لزوجج ولعيالج بس بغيت اسألج الابره تأذي

جزاج الله خير

شوفي الإبره بس لما يقزها الدكتور بالظهر تعور شوي مثل الأبر بالجلد يعني تقدرين تتحملين الألم

ومكان الإبره يعور اول عشر ايام بعد الولادة بس

 

[حياتي كلها زوجي]

جزاج الله خير

شوفي الإبره بس لما يقزها الدكتور بالظهر تعور شوي مثل الأبر بالجلد يعني تقدرين تتحملين الألم

ومكان الإبره يعور اول عشر ايام بعد الولادة بس

الله اليستر هههههههه تسلمين روحي وجزاج الله خير خير خير الجزاء والله من كلبي ادعيلج ونننتظر مواضيعج
بنات ادعو لطفلي بأتمام الخلقه الحين انا حامل بعد 5 ايام اصير 2شهرين من اصير شهرين بروح للدكتوره للتحالليل البيبي انشالله سالم معاااااااااافه يااارب

 

[7laty]

حياتي كلها زوجي :

جزاج الله خير فديتج ، حبيبتي انتي ربي يقر عينج بشوفة البيبي بصحة وعافيه وكل حوامل كويتيات

 

[7laty]

صباح الخير حبيباتي

اليوم بإذن الله راح انقل لكم تجربتي في الثلاث شهور الأولى من الحمل ويا رب تستفيدون

 

[7laty]

من عرفت إني حامل اكثر بنات عطوووني نصايح وووووالخ

الشغلات اللي حسيت إنها صحيحه وفادتني :

١- النوم عالظهر اغلب اليوم ، واللي عزكم الله ينزل معاها دم او ظهرها يعورها تنام عالظهر+ ترفع ريولها وتحط مخدة تحتهم ،

(وحدة انصحتني باليوم انسدح ست مرات عالاقل حتى لو قاعده مع الأهل ، بنات ضروري هالفتره نومة الظهر او ع صوب)

٢- طبعا ما أشيل أشياء ثقيله

٣- امتنع عن الأدوية الا بوصفة الطبيب وبالذات المضاد

٤-الأذكاااااااااااااااار ( صباح ومساء)




حبيباتي حوامل ، الحرص عالاذكار وايد وايد مهم ،وهي كالآتي :

-أذكار الصباح والمساء
-بعد كل صلاة تدعون ( اللهم أسألك حسن الخلق ،وهون الطلق)
-كل يوم مرتين الصبح والمسا أحط ايدي ع رحمي وأقول (أعيذك بكلمات الله التامة من كل شيطان وهامة ومن كل عين لامة )٣مرات <<< هالدعاء كان الرسول صلى الله عليه وسلم يرقي فيه الحسن والحسين احفاده
-اسمع وايد قرآن غالبا بالسيارة اشغل الراديو اذاعه القرآن الكريم <<< هالشغله حاولي تكون روتين لج كل ما طلعتي مكان

يا بنات القرآن سماعه عالاقل فيه بركة وطمأنينه ،بالذات هالفتره بألواحااااام النفسيه والنساة تخلي الوحدة تتعب وايد .فاحرصي عالشغلات اللي فاتت عشان النفسيه شوي تصير أوكي


بالنسبه حق اللووووووووعه :

١- اكثر شي استعملته وريحني ( حبوب اوندا onda) وااااااااي صح غالين تقريبا ب٢٨ دينار بس تستااهل السعر ، كنت أخذ نص حبة الصبح ونص حبة المسا ،طبعا في بنات يحتاجون اكثر وانا مرات أخذ حبة كاملة مرة وحدة اذا حسيت بالوعة ،وهالشي ناقشي الدكتور فيه كم الجرعة ، بس جد ماااااكو أقوى منهم حق اللوعة

٢-فيه فوار بالجمعيه وبالصيدليه بعد رخيص اسمه (onu) بحلول انزل صورته ،واااايد مريح بعد الوجبات ، حلووووو وما يأثر عالبيبي

٣- فيه علك حق اللوعة خذيتها من بوتس<< بس للامانه بنات ما حسيت وايد انفعتني

٤-ههههههه مرات اشرب سلاش من العصاير او فرابتشينو من ستار بكس واااااااي البروووودة والثلج يريح وون بس ديروا بالكم عن البرد <<<< أنا صارلي احتقان هههههههه

هذي اكثر الاشياء اللي فادتني بفترة الوحام .....

الروائح :


لا تحاولين تشمين وايد وحاولي تتنفسين من حلجج اكثر ، يعني شتتي انتباهج ،ترا بنات تكرهين الريحة اذا ركزتي فيها ، فدايما بطلي الدرايش الصبح وخلي جو بيتج فرييش ، وابتعدي عن البخووور والعطور القوية .

كنت لما اطلع أشغل فواحتي واحط فيها (زيت اللافندر) من بودي شوب+ ماااي شوي عشان تصير خفيفه ولما ارجع اطفيها

معروف تأثير اللافندر كمهدئ وريحته هاديه.



مهما تعانين بها لفتره تصصصصصصصبرين ، وادعي ربج يصبرج ترا مرحلة وتعدي بإذن الله ...​

 

[7laty]

حبيباتي حوامل

راح انزل لكم بإذن الله دايت للحوامل خذيته من دكتورة وجدان الشمري<<<< لان وااايد متنت ):

ونفسيتي تتعب اذا متنت

طبعا بتقولين لا ما يصير دايت وانا حامل !!!




لااااا حياتي يصيييييييييير بس بشرووووووط :

١- يكون هدفج الاساسي تثبيت وزنج بحيث لو ما نزلتي عالاقل ما تزيدين

٢- الأكل صحي خضره وفاكهه وحليب وووووالخ
يعني اللي يقولون يضر >>> يقصدون الكميه بتكون شويه عالبيبي
لا إحنا ناكل الأكل الصحي واااايد والدهون والسكريات نقلل منها .....عرفتوا ؟؟!! يعني نسوي توازن بالموضوع

٣-الرياضه ممنوعه بالشهور الثلاث الاولى



ملاحظة : مؤ ضروري تلتزمين بالجدول لان أنا ما كنت التزم بالحذافير <<<<< الهدف مؤ نزووووول كثر ما يكون تثبيت

اهم شي تكون عندك فكرة بطريقه الأكل الصحي



وااااااايد عندي حجي بقوله بخصوص /

- الدايت
- معالجة هبوط الضغط
-المقاطع اللي فادتني بخصوص التغذيه من يوتيوب


بحاول ادخل اليوم واكمل بإذن الله


اللي عندها سؤال حاضر ومن عيوني



​

 

[الزيـــــ^^ـــــن]

ماشالله موضوع حيييييييل مفيد يزاج الله الف خييييييير

متابعينج يالغلاا كملي

 

[Sugar cube]

يزاج الله خير حبيبتي

خوش موضوع بميزان حسناتج ان شاء الله

 

[أمونيتا ~]

حبيبتي جزاااااااج الله خيــــــــر

صج محتاجين مثل هالمواضيع فديتج ماقصرتي

 

[گـحِـلْ |~]

جزاج الله خير

 

[غرام القمة]

مشكووووووورة

 

[mrs_ntfa]

mashkooooooooooora

 

[ككوته]

حبيبتي انا عندي سؤال عن دايت الحامل
المعروف ان الحامل لازم وزنها يزيد بالحمل لكن في زياده طبيعيه وفي زياده فووق الطبيعي اشلون الدايت الي بتحطينه ينزل الوزن او يثبته احسها صعبه الان البيبي وزنه يزيد وهذا غير الماي الي يخزنه الجسم حتى لو الحامل ماتاكل وايد ؟؟؟؟؟؟ يعطيج الف عافيه على الموضوع

 

[7laty]

صباح الخير حبيباتي ، أسأل الله سبحانه يهون على كل وحدة منكم ولادتها ويقر عينها بشوفة ضناها

مثل ما قلت لكم اليوم بإذن الله اليوم بتكلم عن الدايت للحوامل ، بس قبل كل شي أبيج تبطلين اليوتيوب وتحطين سيرج ع (تغذية الحامل) بتلقين اشكثر مقاطع مفيدة حاولي تخصصيين وقت تشوفينهم

 

[7laty]

حبيبتي انا عندي سؤال عن دايت الحامل
المعروف ان الحامل لازم وزنها يزيد بالحمل لكن في زياده طبيعيه وفي زياده فووق الطبيعي اشلون الدايت الي بتحطينه ينزل الوزن او يثبته احسها صعبه الان البيبي وزنه يزيد وهذا غير الماي الي يخزنه الجسم حتى لو الحامل ماتاكل وايد ؟؟؟؟؟؟ يعطيج الف عافيه على الموضوع

هلا حياتي

كلامج عدل حبيبتي

الحامل بالنهاية لازم يزيد وزنها ( البيبي+ المشيمة+الماي+ الخ) وأكيد ما تقل الزيادة عن 7 كغ

تابعي معاي وب تعرفين بإذن الله اللي اقصده

 

[7laty]

بالنسبة للدايت :
١-ينطبق بس على اللي لما حللت كانت متيييينه <<< يعني بوقت التحليل مو عقب الحمل
٢-الدايت ينزل الوزن بالأشهر الاولى من الشهر الاول لين الخامس
٣-بالليل قبل تنامين ممنوع الكربوهيدرات والسكريات لانها تنفخ بالليل
٤-مثل ما قلت الرياضه ممنوعه بالأشهر الثلاث الاولى وتكتفين بالحركة اليوميه في البيت او المشي الخفيف
٥-تكثريييين شرب مااااااااااااي ،وذكري نفسج بالماي


لما راجعت دكتورة وجدان الشمري عطتني هالملاحظات اللي اعتقد فادتني :
- لا تقولين حق احد انج تسوين دايت <<<<< وجهه نظر احترمها جداً
-الدايت بالأشهر الاولى ينزل عالاقل ٥كغ بالشهر بالالتزاااام <<<< طبعا البعض بيستغرب لان الحامل يزيد وزنها !!!

لكن لاحظي الدكتووووووورة قالت<<<< الأشهر الاولى تقصد من الشهر الاول لين الخامس لان البيبي بعده صغيروووون ويبتدي بالزيادة بعد الخامس ، يعني بنات نزول الوزن للي تبي تضعف يصيييير لكن بأكل صحي ومغذي للبيبي ولج اهم شي ما ينقص شي من المجموعات الغذائيه الاربعة

-كل اللي راح نسويه بالدايت :نمتنع عن الأكل الضار + الإكثار من الأكل الصحي
-للأسف الأكل الصحي صار اسمه دايت ،والمفروض نسميه نظام غذائي صحي ومغذي للحامل

​

الدايت :

١- دايت الألياف :
الريوق ( حليب قليل الدسم + خبز شعير المطاحن وحده كامله + ( جبن دايت او ملعقه فول او لبنة )+ خيار طماط خس)

الغدا ( (صدر دجاج او سمك او لحم مشوي او مطبوخ )+سلطة اي نوع بس بدون مايونيز او ذرة+ شوربه اي نوع بدون كريما ما عدا الجاهزة عادي مثل شوربه الفطر لماجي >>>يعني الكريمة اذا بالشوربه الجاهزة مثل كنور وماجي عادي بس بالمطاعم لا )
ويصير تضيفين عالدجاج خضار بالفرن

أنا كنت اييب سمك الهامور الفيليه ( بالجمعيات ومركز سلطان ) واتبل حبه منه بفلفل اسود وشوي بهارات عقب أحط قفشه زيت زيتون بمقله التيفال واقلب شريحه الفيليه لين تحمر واشيلها واحط ملح واااااايد لذيذه

العشا : يا اما نفس الريوق او من صب وأي تختارين اي صمونة بدون مايونيز او صلصات عاديه ( يعني تقولين له ابي صوص دايت )

بين الوجبات :
- شاي وقهوة بأنواعها
-عدد ملاعق السكر المسموحة باليوم ٣ملاعق سكر ابيض
-اي نوع فاكهه ما عدا الموز والمانجا
-روب
-ماي

بنات حابه اذكر :

-بالأشهر الثلاث الاولى ممنووووووووووع الأناناس ،وبصراحه أنا كللش ما كليته الا بنهايه التاسع عشان الولادة لانه محفزز
- بالأشهر الثلاث الاولى اصلا غالبا نفسيه الحامل مسدودة وترجع فالوزن جذي جذي راح ينزل فأنتي خلي أكلج سوفت وخفيف لان المعده ما تتحمل الأكل الثقيل والدهون فهالنظام مغذي وينفع



[/

 

[7laty]

بالنسبه لهبووووط الضغط : <<<<< أنصصصصصحكم وبشده ب (لبن شتورة)

تلاقونه بالجمعيات ،، وايد مالح وطعمه لذيذ ،واااايد نفعني بسالفه الهبووط كان راسي وايد يعورني ولما اروح المستشفى يطلع هبوط بالضغط انصحتني وحدة بلبن شتورة مالح ،وترا لبن الوفرة هم نفس طريقته وفي لبن بنعناع بعد ههههههههه

اسرع علاج للهبوط ، أنا تعودت اشرب كوب منه قبل اطلع اي مشوار والحمد لله لقيت الفايدة

 

[@@انجلينا جولي]

اختي مشكوره ع المعلومات والنصايح القيمه واتمني من كل البنات يسون نفسك وما يبخاون بالمعلومات اللي عندهم ويكون موضوعك مثبت وعندي لك سؤال انتي ولدتي عند ناهد ولاتدك البجريه ولا وشكرا

 

[أتقهوى عذابك]

اب اب

 

[أثير88]

مشكوووورة
ويعطيج الف عافية