لكل غاضبه من جريمه حريق الجهراء

[HeR HiGHNeSs 90]

بنات انا صج تسرعت يوم حطيت بطاقتها المدنيه بس كنت حاسه انه اكيد في بنات هني مثلي ودهم يعرفون والي خرعونيي الله يهداهم والي تقولي هاذي مو اهي عز الله رحتي فيها واليوم بجريدة الوطن حاطين صورة البطاقه الي انا حطيتها امس الحين الديره كلها تدري منو اهي

 

[جـــواهر]

اقول جواهر حريتيني بمافية الكفاية بس عاد تنازلين لو امج موجوده شنويعني طيبه هذي موطيبه ولا إيمان لان الكلام لي تقولينه موصحيح ولا كان ادين ما فرضت القصاص لاتقولين جذيه علشان الله ما يبليج

الله يبلاني ؟؟؟ ليش ؟؟ شالسبب انا تشمت فيهم ؟؟؟
لا ياقلبي لاتحرين رحج ولا شي ..... كلنا فانين هذي الدنيا مامنها فايده محطه بحياة كل مسلم ... حبيبتي مهاوي الله خلقهم والله خذاهم ... وانا مرتاحه انهم شهداء صحيح موبهين فراق الاحبه بس هم عند الله ليش نزعل ...؟؟
تدرين ان الملائكه اذا قبضت الروح تجي لاالله ويسالها قبضتي ثمرة فؤاده ؟؟؟ يقولون نعم يالله قبضنا ثمرة فؤاده ويسالهم وماحال عبدي ؟؟ يقولون يحمدك يالله ويقول الحمدلله ...الله قال ياملائكتي ابنو لعبدي بيت الحمد بالجنه ...

شنو تبين غير جذي ... بيت بالجنه... التعب والبجي والحره مااااااااااايجيب فايده ولا راح يرد اموتى ..
(وبشر الصابرين الذين اذا اتتهم مصيبة قالو انا لله وانا اليه راجعون )

هدي اعصابج حبيبتي وانا والله ماهمتني هي حسابها عند الله انا بس اللي يضايقني ان مشاكل اسره راحت ضحيتها ناس ابرياء ليش يعمون ع الناس اذا هم دارين بالتهديدات ... الحمدلله والشكر الحين الكلام مايفيد اللهم ترحمهم برحمتك ...
وترا البنت مصيبتها اعظم لانها ازهقت ارواح مالها ذنب ...

والقصاص انفرض عشان الحق عشان كل واحد ياخذ حقه ... وكلن له حق بالعفو ..بالعكس انا بتنازل عشان الله ياجرني ع مغفرتي ويكون حسابها عند الله ..الله حسيبها
والحمدلله الحمدلله

 

[كويتيه وافتخر]

لاخول ولاقوة الا بالله

ياختي انا حبيت اوصل رساله فضل كظم الغيظ والعفو
ماقلت انها موغلطاته غلطانه الف بالميه
بس مو احنا اللي نحاسبها الله يحاسب
حوا
واللي راحوا مورخاص علينا بس غالين على ربي اللي كتب لهم الشهاده بالحريق

انا ما طلبت شيء
قلت استغفروا واكظموا الغيظ

يا اخوات الواحد لازم يطبق حديث السنه فليقل خيرا او ليصمت

 

[princess89]

لاحول ولاقوة الابالله
الله يرحمهم ويغفرلهم

 

[**الثريــــا**]

بقول شي

الحكم هي في الجنة ولا في النار شي ما نملكه




اذا رفعة أداة القتل على المسللم فيها لعن الملائكة


وكلنا يعلم ( وَمَنْ يَقْتُلْ مُؤْمِنًا مُتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا (93) يَا أَيُّهَا الَّذِينَ آمَنُوا إِذَا ضَرَبْتُمْ فِي سَبِيلِ اللَّهِ فَتَبَيَّنُوا وَلَا تَقُولُوا لِمَنْ أَلْقَى إِلَيْكُمُ السَّلَامَ لَسْتَ مُؤْمِنًا تَبْتَغُونَ عَرَضَ الْحَيَاةِ الدُّنْيَا فَعِنْدَ اللَّهِ مَغَانِمُ كَثِيرَةٌ كَذَلِكَ كُنْتُمْ مِنْ قَبْلُ فَمَنَّ اللَّهُ عَلَيْكُمْ فَتَبَيَّنُوا إِنَّ اللَّهَ كَانَ بِمَا تَعْمَلُونَ خَبِيرًا (94)


المسألة ماهي سهلة قتل بالنااااااااااااااااااااااار يعني أستغرب من التهدئة وقول هذا بلاء


ومن قال هذا ابتلاء هذا ذننننننب بل من كبائر الذنوووب

لزوال الدنيا بأسرها أهون عند الله من قتل امرئ مسلم




ذ

 

[بـريـق الـمـاس]

جزاج الله خير ..

 

[**الثريــــا**]

يعني وكظم الغيظ هل نطالب به الناس وهم في شدة بلائهم وحسرتهم


ومثل ما قالت بعض الأخوات رب العزة والجلال جعل من حق أولياء المقتول أن يقتلوا القاتل


تأتين تطاليبن بكظم الغيظ عجبي والناس في ألم وشدة

 

[ام _خلودي]

يزاج الله الف خير

كلااامج سليم

ياناس دعوا الخلق للخاااااااااااااااااااااالق

هو اعدل العادلين واحكم الحاكمين

 

[AL-BaNDry]

ماراح اقول الا
حسبي الله ونعم الوكيل فيها

اتمنى اللي تتكلم واتدافع عنها تحضر العزا اللي حضرناه امس وتشوف القهر والحزن
والله لو فقدتو عزيز او غالي على قلبكم انكم تتمنون اكثر من موته عليها وحده من البنات اللي تيتمت على ايد هالمجرمه تقول جيبوها لي بس
حاسه بقهرها والله

الجهراا امس غارقه بحزنهاااااا

حسبي الله ونعم الوكيل

 

[كثيريه وافتخر]

الله يرحم موتى المسلمين ويصبر اهاليهم

 

[pink-ice]

الله كريم وجزاج الله خير اختي انه معاج والله يرحم شهدائنا حسبي الله ونعم الوكيل

 

[دراهــم]

بنات انا صج تسرعت يوم حطيت بطاقتها المدنيه بس كنت حاسه انه اكيد في بنات هني مثلي ودهم يعرفون والي خرعونيي الله يهداهم والي تقولي هاذي مو اهي عز الله رحتي فيها واليوم بجريدة الوطن حاطين صورة البطاقه الي انا حطيتها امس الحين الديره كلها تدري منو اهي

يا حبيبتي .. تسربت صورة البطاقة المدنية كانت منتشرة قبل لا تنشرها الجريدة .. من شخص بالداخلية ..

والحين في تحقيق مع الافراد اللي كانوا موجودين ..

الجرايد غلطانة .. لانها تعتاش على فضايح الناس ..

لما توصل لي عندج .. وقفي الفضيحة ومسحيها من جهازج ..

لانج لما تسترين على شخص مهما كان مجرم .. الله بيستر عليج دنيا وآخره

لانج قاعدة تعاملين الناس بأخلاقج ومو بأخلاقهم

وانا متأكدة أن أخلاقج عالية .. دام كتبتي هـ الرد

وترى ردي مو دفاعا عنها .. لكنها ما تسوى اني اشيل ذنوبها

والله يسترنا بثيابنا ثم بـ ترابنا

 

[nice-girl]

صح كلامج والله وعين العقل احنا مو اللي انحاسبها او حكم عليها له رب يحسبها
والله سامحها ان شاء الله

 

[حنين الروح*]

عين العقل

كلامج صحيح 100 %


انا لله وانا اليه راجعون

اللهم ارحم الموتى واشفي المصابات

 

[دراهــم]

ماراح اقول الا
حسبي الله ونعم الوكيل فيها

اتمنى اللي تتكلم واتدافع عنها تحضر العزا اللي حضرناه امس وتشوف القهر والحزن
والله لو فقدتو عزيز او غالي على قلبكم انكم تتمنون اكثر من موته عليها وحده من البنات اللي تيتمت على ايد هالمجرمه تقول جيبوها لي بس
حاسه بقهرها والله

الجهراا امس غارقه بحزنهاااااا

حسبي الله ونعم الوكيل

يا حبيبتي محد دافع عنها .. بس نبي نترك سيرتها عشان ما ناخذ ذنوبها

اما اللي فقدوا عزيز .. انا ما راح اقول اني حاسة بشعورها .. لان شعورها مستحيل احد يحس فيه الا اللي جربه ..

لكن والله انا من دريت بالسالفة واقرى المواضيع هني ... ما غمض لي جفن .. واتابع الاخبار والجرايد وابجي ..

هذول اهلنا .. وفاجعتهم من فاجعتنا .. والله يرحم اللي ماتوا .. ويشافي المرضى .. ويبرد على قلوب اهاليهم ..

لكن هـ الانسانة .. بشيلها من مخي .. بيحاسبها اللي احسن مني ومنج .. وهو رب الجلال .. ترضين بحكمه ..؟؟ واكيد بترضين ..

فـ قولي

حسبي الله ونعم الوكيل عليها


::

هذا اللي صاحبة الموضوع تبي توصل له

 

[[[ عيون جابر ]]]

كاااااااااااااااااااااااااااااافي أعذااااااااااااااااااار لهالمجرمه كااااااااااااااااااااافي
ترا الي راحووو بناتنا الي راحو امهاتنا
حسوو حسووو شفيكم وين احساسكم شنو هالمثاليه الزايده الي راحوووو بشررررررررررر لحم ودم احترقووووووو
عساني اشوفها تحترق مثل ما حرقت قلوينا​

 

[tota kim]

حسبي الله عليها بس هذا اللي اقدر اقوله

 

[ماكينتـ*زينة*ـوشة]

حسبي الله ونعم الوكيل ..

الله يرحمهم ..

 

[طعم الشهد]

مرحبا خواتي تدرون انا الحين ما افكر بشي الا باهل الضحايا المساكين انتو تعرفون ان وااااااايد بيوت صارو من غير امهات وواييييييييييد اخوان صارو من غير خوات شلون را يتاقلمون مع الوضع الجانيه راح تاخذ جزاها واحنا كلنا مع السنين راح ننسى بس هالعوايل الي فقدت اهلها شلون راح ينسون ادعو الله يعينهم ويوسع عليهم

 

[@ام ضاري@]

أنا لو في مكانها أموت أقولهم موتوني جم روح برقبتها