لكل من ظلم البنت الكويتيه غزززل....

[دانة الخير]

احنا ما نقول الكويت معصومه من الخطا بس السالفه احس مركبينها انتي شفتي النهايه السعيده اللي صارت في يوم واحد امها ردت واختها خلت رفيجها وواحد دفع فلوس حق ابوها معقوله هذا صار في لحظه البنت مانقول فيها شي سوت الفيلم اترزق الله يمكن يعطونها جم دينار احنا انتكلم على القناه عفيه خطوط ماتنشغل كل مادقت فتح الخط معاها حدث العاقل بما يعقل احنا عايشين بواقع مو مثاليات

 

[" أضـــــوى "]

شوووفي اختي لغض النظر عن مشكله غزل الله يعينها ويفرج همها





1/ لو القناة هدفها انساني ..شلووون يستغلون مأسأه هالبنت(اذا كانت حقيقيه ) ويضخمونها وتصير حديث البرامج لمده يوم كامل !!! اذا بتساعد ساعد بالخفاء بالسر ..لاتشجع البنيه تفضح اهلها مثل ماسوا بوعيده ..يستدرجها ويسألها امج شتسوي بحوولي !! <<هذا اسلوب !!
ويقولها تكلمي تكلمي قوليلنا عن امج ..امج شتسوي بحولي تشتغل خدامه !! <<يعني يستعبط يبي البنت تتكلم اكثر
وين الستر وين الرحمه ..اذا قلبكم عالكويت ليش تفضحون شعبها بقناة فضائيه يشوفونها الاف الناس
جان قطعت المكالمه مع البنت ودقيتو عليها تحت الهوا وساعدتوها بدون محد يدري وحليتو مشكلتها اذا كان فعلن فيكم خير

2/ هذي قناة التناقض وقناة فاشله وهي سبب الفتنه بالكويت
يوم ناصرالصانع راح لحفله مسوينها حدس بسبب زوال الحصار الاسرائيلي (مع اني مااتفق مع حدس ) ياسكوب سويتو البلاوي وطلعتو الريال مجرم ومده اربع وعشرين ساعه تسبوون فيه وتقولون شلون يحتفل مع الفلسطينين واحنا مانسينا الغزو واللي سووه
الفلسطينين والعراقيين
في حين نشوووف قمه التناقض انكم عارضين مسلسل عراقي برمضان وتجاهلتو مطالب مشاهدين القناة بتوقيفه وقلتو هذي سياسه القناه وكيفنا << الله ياسلاااااااااام حلال عليكم وحرام على غيركم ..يعني متى مابغيتو تنسوون الغزو تنسونه ومتى مابغيتو تذكرون تذكرونه


3/والله يابناااااااااااااااات قبل يومين كانو حاطين برنامج نفس ديوانيه ويتكلم انور مال الله وواحد من شلة العقد مذيع مدري من وين جاي ..ألمهم حطو عن الجليب وطلعو مناظر خاااااااااااااااااااااااااااااااااااااااااااااااااايسه لاقصى حد
وطلعو كأن الكويت اقذر دوله بالعالم حسبي الله عليهم
والمصيبه اللي ذبحتني ..اشتغلت المسجات من السعوديه ومن الامارات علا مااعتقد اللي يقول ( هذي الكويت ماتوقعتها كذا) واللي يقول (وع المناظر مرررره بشعه ) والله احتريت الحين الناس يطلعون احلا شي بدولهم ويشجعون السياحه وانتو تطلعون الكويت بهالصوووره

اذا قصدكم المساعده ..تحركو بدوون فضايح وفتن
وين طلال السعيد يوم كان نائب ماصار جونغر وقضا عالفساد والبطاله والتلوث والقروووض ؟؟؟؟؟؟؟؟والا كان لاهي

 

[رايدة وقايدة]

استغفر الله الله يستر علينا يارب ويحمينا
بس اسفه انا ماكنت ادري شالسالفة وشنو الموضوع
شفت اليوتيوب واعذروني ماني قادرة اصدق.......احنا ندري ان هالمشاكل منتشرة واجد
وبكل مكان بالعالم وعدنا بديرتنا واجد.... بس اللي شفته مو صج.......مادري مادش عقلي.........
انزين ليش جذي الاسامي غزل.......البرق.......شالسالفة نيك نيمات تفنتق...... انزين قضيتكم انسانية وتبون الناس تتفاعل معاكم حطوا اسامي محترمة........شنو هذا.........استغفر الله

 

[انصاريه قمره]

قطييييييييييييييييه في ناس عندهم الحجي بعراض الناس زي شربة الماااي

 

[إكليل الحب]

الله يكون بعونها بمشكلتها ويصبرهم


انا ماقتنعت بكلام البنات بس في شي ماقنعني !!!

لهجة غزل !! .

وشلون ادافع البرق عن ام غزل وحطت البلوى والمشاكل على المسؤولين

الله يهديهم يارب

 

[معصبه وايد]

حبيباتي انا قريت الردرو الي مع وضد غززل انا مايهمني اذا كنتو مصدقين او مو مصدقين انا بس حبيت اقولكم الي يدري يدري والي مايدري احسله ينام بدري لان هالشي موجود بكل ديره مو عيب يعني هالشغلات مو موجوده وبعدين البنت كافي انها شجاعه وتكلمت عن اهلها لان صكت فيها الدنيا والشغله واضحه اشكره ماعندهم ريال يوقف معاهم قالت الجا للتلفزيون والكل يدري ان قناة سكووب صايره حلالة مشااكل هذا الشي ممكن البنت حطته بباله والي مو مصدقه ماله داعي تكلف على عمرها وتخب روحها وتنقهر وتقول لا الكويت ولا احنا مو جذي يابنت الحلال تكلمي عن نفسج سؤال لكل بنت عاقله بس وتفهم؟؟؟

اذا انتي موظفه بوزاره وتحرش فيج مسؤولج؟ وماعطيته وويه ماراح يصمم يكتب فيج تقرير علشان يطيح فيج الارض؟؟؟ طبعا اي اذا كنتي حيل لافته نظره!!

سؤال ثاني؟؟

اذا كنتي مسؤووله وتحرش فيج مديرج ماراح يبهدل فيج الدنيا علشان بس تكرهين نفسج وتطلعين من الدوام؟ وماخفيا كان اعظم عن بعض البنات


سؤال ثالث؟؟؟

اذا كنتي موظفه بقطاع خاص ماراح يتحرش فيج صاحب الحلال؟؟ راح تكرهين نفسج لان اذا ماعطيتيه ويه بتنطردين وانتي اجباري ماراح تعطينه ويه؟؟!!!

هذا قصد البرق من الي تقوله عن الخمه الي مايحترمون البنت الكويتيه بشكل عام
فالي عندها شي تحتفظ فيه لنفسه احنا ناس نشووف مو مثل النعامه نشوف ونخش رووسنا ونصنا طالع لا نواجه ونواجه ونواجه لان مثل ماقالت الرشيد مافي رياييل بالديره بس ذكوور ... وفعلا الرياييل ينعدون ع الاصابع بس

 

[الآنسة الشحرورة]

لاحول ولاقوة الا بالله

 

[hello.kitty_85]

والله انج على راسي ومعاج حق بكل كلمة قلتيها وانا وايد ملاحظه البنات اهني كل ما شافوا غلطه من بنيه قالوا مو كويتيه ياناس ماكو انسان ما يغلط وبالعكس وايد انغلط اهني لانه الدنيا غير وحتى الياهل بو سنتين شوفوا كلامه شلون صار يعني عندنا يهال 6 و 7 سنين والله احس يعرفون كل شي ويسوون كل شي بس احنا نحب انغطي على روحنا والاعتراف بالحق فضيله

يا بنات ستروا على بنات خلق الله علشان الله يستر علينا وعلى بناتنا وخواتنا الدنيا يوم لك ويوم عليك وكما تدين تدان

 

[كويتية و لكن]

لاحولة ولا قوة الا بالله

ولا تغذفوا المؤمنات الغافلات

الله يسامح الجميع ويستر علي البنت غزل وعلي كل من يدور علي الستر

 

[معصبه وايد]

امييييين مشكوووره اختي hello.kitty_85

 

[إنسانه وأكثر]

لاتعليييييييييييييق

 

[ليمونه حلوه]

من صجكم مصدقين سكوووب !!!

جذب اشكررررررررررة .. يسوون افلام بس للاسف باااااااااااايخة

 

[ghalaty]

انا لقول حق الي مو مصدقين ان فيه مثل غزل وااااااايد كل وحده تسأل عمرها تدري عن اختها اخوها يواعه شباعه كل وحده تسأل نفسها عن اعيالها عن اهلها فيه وحده مره قالت لزوجها شوف اختك اخوك محتاجين شي وال اهم شي السفرات والتسوق والشاليه ياما وياما ناس افلوسهم اشكثرها واقرب الناس محتاجين الفلس

 

[كريستال ليدي]

الله يعينها و يعين الجميع

 

[اسوووره]

انا معاج انه في مئات غزل و ام غزل في الكويت و معاناتهم اكبر و اعظم من معانات غزل و امها و هالشي انا واثقه ومتأكده منه 100% ....

بس اتصال غزل و اسلوبها بالبجي و بالكلام و سرد القصه و التناقضات و تنهيداتها و طريقة لفظها للاحرف و الكلمات اهو اللي خله بعض البنات يشككون بمصداقيتها ...

 

[معصبه وايد]

انا معاج بالشغله هاذي يااسوووره بس الي مايصدق لايعلق ويقول ماكو شي بالديره جذي لا اكو مو بكيفهم كل وحده مبطله لابتوبها ماتدري شيصير بالديره حبايبي دشوو اليوتيوب ولا قوقل شوفو البلاوي الي تصير بالديره ولا تقولون مو كويتين كلنا نغلط كل الدول شعبها يغلط هذا مو كفر