لكل من فقدت الأمل بالرشاقة حيااااااااج

[Mryosh]

ماعندج إرادة ...
حدج كسولة...
مافيج حماس تسوين رجيم ..
فقدتي الأمل من نفسح ...
وزنج تعدى 100كيلو..
كل اللي حوالينج يحبطونج ..
عمرج كبير والحرق عندج بطيء ...
الوزن حرمج من حلم الأمومة ...


احب اقولج تقدرين تصيرين مثل ماتمنين

والدليل هالرابط

DR.OZ 400 حلقة و قصص النجاح في خسارة الوزن - YouTube


دعواتكم لي بتحقيق أمنياتي

 

[Laidy n3ooma]

رووووعه

 

[عنيّد]

ررررررررحم الله وااااالديييييج

عجييييييييييييييبه الحلقه عجيييييييييييييييبه

ياربي الله يرزق كل وحده بالصحه والعافيه


جد جد يعطيج العافيه

هالدكتور انساااااااااااان محتررررم بكل معنى الكلمه
صاحب رساله وهدف

الله يعطيه العافيه


كان ودي احط صور لضيوف الحلقه ، بس قلت ما احرق ع البنات المفاجآآآآآآآت

 

[[ N O R A H ]]

صج اني مانقصت مثلهم ماشاء الله (اوزانهم جداً كبيره)

بس اكتشفت انه مو صعب الوصول للهدف بس يبغاله (صبر -استمرار )

والي علينا شويه حركه ونبتعد عن الحلويات والدهون.

وان شاء الله :d

 

[Mryosh]

ليدي نعومه
عنيد
نوره

نورتوا الموضوع.
وانا حطيت هالفيديو لأني أشوف الإحباط اللي بالبنات شي موطبيعي
يجيبون لج الكآبة كل ماقلتي يبيله رجيم ... قالوا بنخربه
يبيله نادي قالوا مافي امل
البنات صاروا يطلبون عمليات التحويل والتدبيس والقص وهم ما تعدوا 100 كيلو
لييييييييييييييييييييييييش!

شوية شغل والأمور بتصير فله شمعة. منوره:d

 

[عنيّد]

وانتي الصاجه البنات صاروا يمتون عشان يكون وزنهم مؤهل للعملية !!!

الحمدلله والشكر

 

[sweet alone]

الاااااااي الحلقة رووووعة
وفيها تحفيز كبير
طالعتها من البدااية للنهااية

 

[كويت الاناقه]

مشكووره


يارب حقق لج مرادج وامنياتج يارب

 

[Mryosh]

وانتي الصاجه البنات صاروا يمتون عشان يكون وزنهم مؤهل للعملية !!!

الحمدلله والشكر

ياااااااااااااااااااااااكثرهم
لو لاحظتي ان اول وحده بالحلقة كانت تقول ما كنت اقدر اقوم من السرير والأطباء شايفين الحل بالجراحة وهي ماتبي التدخل الجراحي على قولتها و على فكره هي ممرضة يعني عارفة خفايا الامور وشنو مشاكل هالعمليات

انا اللي يكسرون خاطري البنات الصغار اللي يطلبون هالعمليات ومو عارفين أضرارها بعدين على أجسامهم الله يوم خلق الاعضاء خلقها لحكمة وسبب وبشكل معين ليش نتدخل ونخربط الامور واحنا بغنى عن هالسالفة
انا بنت خالتي نزلت تقريبا 60 كيلو بأقل من سنة بس بالدايت والرياضة
وفي وحده من قريباتنا حاشها نزيف كانت مسويه تحويل مدري تدبيس وماتابت تقول أمها ناوية تسوي بعد عملية جديدة وهي مايبيلها اكثر من 30 كيلو بس شنقول الله يهدي الجميع

 

[Mryosh]

سويت آلون
هذا المطلوب ويالله شدو الهمة


الأناقة
مشكورة يا قلبي. ويارب يحقق أمنيات الجميع

 

[متجر جنات عدن]

للررررررررررفع

 

[متجر جنات عدن]

للررررررررررفع

 

[Madrideya ~]

الله كلامج عسل والله رفعتي معنوياتي انا مبلشة بالدايت شهرين والنزول عندي ممتاز والكل ملاحظ التغير في جسمي وان شاء الله مكملة لحد المثالي بسعى لها بكل جهدي وبوصلها بإذن الله ؛(

 

[q8rashaqa]

السلام عليكم

الهمة والصبر والاصرار هم السبل التي نستطيع من خلالها تحقيق أحلامنا وأهدافنا ونجاحنا ... وخاصة في عملية تخفيف الوزن والرجيم أهم شئ الاصرار والمواظبة وارتفاع الهمة والا نصاب بخيبة الامل ... والمرأة بوجه خاص قد تعاقب جسمها من غير ما تشعر وخاصة وان لديها وزن زائد كثير وتلاحظ أن تصرفاتها مع من حولها وعلاقتها الاجتماعية مضطربة لشعورها بالاحراج ... أحب اقولها أن الثقة بالنفس هي الوسيلة الحقيقة للوصول الى النجاح والى تتبعي رجيم قاسي يضر في صحتك في النهاية

 

[أم ركووووووو]

مشكورة حبيبتي عالموضوع
بس انزين الي الحين جسمها اوك وعاجبها وعاجب ريلها واهيا مهدده بالمتن والسبب













الغده
شتوي >>>>انا

حدي خايفه لان احتمال فيني وكله اوسوس واصير بطه ومعروف الغده ماتخليج اتضعفين بسرعه شنو الحل جاااوبوني لان والله قاعده احاتي
وعلئ قولتهم ازهب الدوا قبل الفلعه
بس بعهم بيتاكدون ومابديت علاج وخااايفه ممن المتن وجسمي راح يخترب امانه شسوي قولولي

 

[أم ركووووووو]

سوري البدليه شسوي قصدي

 

[Mryosh]

متجر جنات عدن
رفع الله قدرج

مدريدية
والله انت العسل وعقبال ماتوصلين للوزن المثالي يااااارب بصحة وعافية

q8rashaqa
كلامج صح

ام ركود
لا تحاتين ياقلبي اذا كان فيج غدة بيعطونج علاج بيضبطها ومع تخفيف الأكل والرياضة بتصيرين أحلى وان شاء الله ما تحتاجين علاج يارب
وبالنسبة للغده الدرقية شربي بردقوش ينظم الهرمونات وااكلي أناناس. وايد وسمك وأي شي فيه يود وبأذن الله امورج تمام

 

[أم ركووووووو]

حبيبتي مريوش الله يجزيج خير علئ هالدعوه والله يحقق لج الي تبينه يارب
وبالنسبه البردقوش اهو نفسه المرقدوش صح الي بطل زجاج نفس ماي اللقاح اهوا الي اشربه والا مطحون والا شنو بالضبط حبيبتي
وبالنسبه للاناناس يعني زين للغده شيسوي اول مرة اعرف هالمعلومه عن الاناناس وهل اشرب العصير عادي مال كي دي دي والا لازم اناناس اكله طازج
انا الحين قاعده اكل سمج بس موكل يوم حسب الي موجود وفيليه سمج اليوم اكلته وقاعده التزم بالقسط الهندي همن زين للهرمونات والماي الزمزم مرتين باليوم مره عالريج ومره قبل النوم
والف شكر لج حبيبيتي

 

[mrmr zmany]

موفقه حبيبتي والله يعطيج كل اللي ببالج انتي والبنات كلهم ويحقق امانيهم

 

[Mryosh]

حياتي ام ركود اهو نفسه ان كان الماي اللي يجي نفس ماء اللقاح بالجمعية او شاي البردقوش مثل الليبتون تلقينه عند العطارين وبالجمعيات صوب الشاي
تشربين ٣ أكواب باليوم وزياده ممكن تشربين ربع كوب من ماء المردقوش ٣ مرات وهذي الوصفة سمعتها من دكتور وصفها للبنات اللي عندهم لخبطة بالهرمونات والأناناس. الأحسن الفاكهة نفسها ( وراح تضعفج ) بس ترى هي ممكن تسوي لج تنظيف بطن فلا تخافين أحسن عشان ماتتراكم السموم بالجسم
اكلي منها النص حزة المغرب أوباي وقت تحبين والعصير بعد مفيد اضيفيه وها لمعلومة سمعتها من مدربة كانت تكلم بنت عندها مشكلة بالغدة الدرقية وفعلا القسط الهندي رااااااااائع بس أضيفي له الحجامة ولا تنسين ٧ حبات سوداء +٧ تمرات كل صبح يعني بعد الشروق قبل طلعتج للدوام وبعد صلاة الفجر م عسل على كوب ماء دافئ اقري علية الفاتحة ٧ مرات وآية الكرسي والمعوذات ٣ مرات وادعي وسمي بالله وشربي والصلاة لاااااازم بوقتها والله تنظم الهرمونات والجسم يشتغل صح والأذكار والقران لاتنسينهم ابد وكل ماتذكرتي باي وقت أقري الفاتحة سبع مرات وامسحي على جسمج وعلى ركودي بعد ولا تحاتين ابد امورج بإذن الله تمام التمام