صح غلط اللبس الي يلبسونه و اكيد يخالف الدين وحرام ..
لكن جريمتهم مو كبر جريمة الي تقذفهم بالعهر والفساد الأخلاقي ..
ماكو انسان معصوم عن الغلط .. والغلطان ما بيدنا الا ننصحه وندعيله بالهدايه ..
لانه الدين اولا نصيحه .. وماكو احد يعلم الغيب وحرام اساسا تتكلمين بالغيبيات وتقولين هاذي بالنار وهذيك بالجنه ..
محد ضامن الجنه حتى لو كان اتقى التقاة ..
سيدنا آدم نزل من الجنه بسبب تفاحه .. وانسان اخر فاز بالجنه بسبب كلب سقاه بالصحراء ..
عمل واحد طيب عملتيه ارضى ربج ممكن يدخلج الجنه لو كانت سيئاتج كبر البحر ..
وعمل واحد خبيث عملتيه اغضب ربج ممكن يدخلج جهنم لو كانت حسناتج كبر الجبال ..
دخول الجنه والنار امر الله سبحانه وتعالى اهو يقرره مو انا ولا انتي ولا غيرنا ..
=)
الواحد لي بغى يعرض سلبيه موجوده بالمجتمع خل يحاول يعرضها بصوره ما يكون فيها قذف وسب ..
لانه راح ينفر كل الي قاعد يقراه وما راح يكون للموضوع هدف ..
لكن لي الواحد يه تكلم بكل احترام و بطريقه النصح الصحيحه صدقيني راح ينقلب الموضوع من مجرد موضوع ..
الى هدايه لشخص معين حب الاسلوب ودخل قلبه لانه ياله من باب الاحترام والذوق بالاسلوب ..
ومشكوره على الموضوع ..
