للاسف زوجي يعشقني !

[Athwaq]

هذا شي تملين منه؟؟؟ الله يهديج بس

غيرج يتمنون ربع اللي عندج

الله يزيده حب لج و يزيد حبج له يارب

 

[رجآآوي]

آآقري ع نفسسك وروحي لاهلك كم يوم ..

 

[" ذوق "]

حرام عليج الوحده تتمني ان زوجها كلا عندها وانتي تبينه يطلع تعوذي من الشيطاان اذا استمريتي علي هل حال راح تندمين

 

[modern]

ممكن عين و صابتكم او تكوني حامل او حتى تغيرات هورمونية بجسمك لفترة محدودة

 

[أعشقه]

ياشيخه والله بكرى تندمين
شوفي انا اول ماتزوجت زوجي بس يبي جالس يمي طبعا انا كنت ساكنه في بيت اهله
وقام عمي يقولي ذا مهوب اجتماعي ومدري ايش لانه كله يمي وصدقت عمي وصرت اكره انه يجلس يمي
وقمت اهاوشه ابيه يطلع واقوله انت ماعندك ربع اصحاب اطلع لهم روح زور الناس كله في وجهي مارتاح لاني بس غرفه مو شقه ولا بيت
المهم وهو مسكين يقولي ابي اجلس يمك وانا اقوله لا اطلع مابيك تجلس يمي انت مهوب اجتماعي ومن هالكلام
لين خربت ع نفسي
الحين اتهاوش معه ابيه يجلس يمي
ذكري ربك بس ولا تقولين له هالكلام

 

[miss.unique]

يمكن عشان توه ماصارلكم فترة متزوجين

ماكو شي رح يبقى عليه صدقيني .. تذكري كلامي

 

[Perfect J]

صراحة تنرفزت من الموضوع
وحسيتج بطرانة
والله يديم عليج تصرفات زوجج غيرج مو لاقي
حتى لو مليتي منه او حسيتيه 24 مجابلج

بس مو معقولة يعني سافر 5 ايام ما اشتقتيله ؟؟

يا رب تكوني حامل عشان يكون لج عذر
او اخااااف وحدة صكتج عيييييين
لأن كل يوم والثاني وحدة تشتكي اللي زوجها يسبها ولا يخونها
واللي يضربها واللي بخيل وغيره

ولا تكرري هالموضوع احتفظي فيه لنفسج عشان الحسسسسسد

والله يهديج