السلام عليكم ورحمة الله وبركاته ..
كنت ذاك اليوم أتصفح مجله من المجلات .. ولفت انتباهي هالموضوع ..
وهو عباره عن بعض الردود الحلوه اللي تستخدمها مع الناس .. في حياتك اليوميّه..
طبعاً الموضوع يخص البنات بالدرجه الأولى ..
والملاحظ أن (( الجيل التالي )) على قولة أمي مايعرف أبدن سلوم العرب ..
وأنا أولهم -071-
بصراحه اعجبني الموضوع .. وحبيت انقل لكم بعضه وبعضه إضافات مني ..
اجتهدت فيها . . << يعني اشكروني ههههههههههه
..
أول شي يا بنات يا حلوين ..
فيه رد حلو .. ودايماً نستخدمه .. وهو يصلح لكل العبارات ..
(( الله يسلمك )) .. وكذلك (( جزاك الله خير ))
لكن اليوم راح نتعرف على ردود حلوه وهي أصلاً معروفه
لكن أحياناً (( تطقنا أم الركب )) -071-
وننسى كل شي .. !!
يالله كل وحده من البنات السنعات ..
تجيب ورقه وقلم وتكتب وتحفظ وتسمّع
علشان لا جت عزيمه والا موقف ألا هي بلبل في الأسلوب والكلام السنع .. -009-
(( أقول يا معلّم الناس علّم نفسك ))
نجي للعبارات ..
في رجعة المسافر .. يقال لأهله .. (( هناكم العقلان )) أي عقله الله عليكم بالخير وتهنيتوا به ..
عقله (( رجعّه لكم )) موب عقله مخه يعني .. -003-
طبعاً اذا أنتي من أهل هالمسافر ووجهت لك هذي العباره .. يكون الرد عليها (( هناك الخير ))
لما يشوفك أحد من زمان عنه .. طبعاً راح يقول لك (( عاش من شافك ))
يكون الرد (( عاشت أيامك ))
لما تتعرفين على شخص جديد بحياتك ... ويعطيك اسمه .. حلو انك تقولين له (( عاشت الأسامي ))ويكون الرد (( عاشت ايامك ))
لما تعطين أحد أي شي .. فرضاً بيالة شاهي ..أي شي.. والشخص مانتبه لك ..
حلو تنبهينه بكلمة (( سمّ ,, سمّي ))
ويكون الرد (( سمّ الله عدوك ))
وكلمة سمّي لها مواضع كثيره بكلامنا ..
مثل ..
لما أحد يناديك .. تردين بها
لما تقاطعين أحد في سالفه .. بعدين تطلبين منه يكمل السالفه تكون البدايه بها ..
وهكذا ..
طبعاً الوالدين والأعمام والأخوال .. وعموماً كل شخص كبير وله إحترامه ..
إذا ناداك أي شخص منهم ..وش تقولين؟؟
البعض منا متعود يرد بـ (( نعم ,, والا .. هااه ,, والا .. ايوه ))
الأفضل انك .. تقولين (( لبيــــــّه ))
ويكون الرد عليها .. (( لبيّتي في الحرم إن شاء الله ))
لما تزورين .. أحد في بيت جديد ..
مهوب تدرعمين وبس ..
حلو انك تاخذين هدية بسيطه .. مهما كانت ..
وتقولين .. (( منزل مبارك ان شاء الله ))
وكثري من ذكر الله ..
الرد راح يكون (( الله يبارك فيك ))
لما تقلطين على عشاء .. عند ناس .. بعد ما تقومين من العشاء .. ماتروحين مدرعمه للغساله
حلو انك تقولين موجّهه الكلام لصاحبة البيت .. (( جعل ذا من طبعك وحنا من ربعك ))
أو تقولين .. (( أكرمكم الله ..كثر الله خيركم ..))
راح ترد عليك بـ (( حياكم الله ,,, أو ,,, صحة وعافيــه ))
لما يجي أحد تعبان .. أو مسوي شغله معينه .. حلو رفع معنوياته بكلمة (( لا تعبت ))
الرد عليها (( لا ندمت ))
و (( تفضّل )) تنقال لما تقدمين أي ضيافه لضيفك .. من قهوه أو شاي .. أو لما تقدمينه للعشاء ..
و يكون الرد (( زاد فضلك ))
نعرف ان زيارة المريض.. أو مكالمته .. تعطيه عافيه ..
خاصة لما يكون شخص يعزّك ويغليك ..
طبعاً راح تقولين له (( سلامات ما تشوف شر ان شاء الله )) أو (( طهور أن شاء الله ))
وراح يكون الرد (( الله يسلمك // الشر ما يجيك ))
في العزاء ..
(( أحسن الله عزاكم )) أو (( عظم الله أجركم ))
الرد طبعاً .. (( جزاكم الله خير ))
كثير لما تعطين احد اسمك أو اسم ابوك أو اسم بلدك وديرتك .. يبادرك بكلمة (( والنعــم ))
فيكون ردك .. (( الله ينعم بحالك )) أو (( ماعليك زود ))
فيه بعض العبارات اللي تعطي كلامك ولسانك حلاوه .. وتنقال في كل حين ..
مثل ..
(( تسلمين حبيبتي .. يا جعلني فداك .. يامال الخير .. يا مال العافيه ..الله يديم المحبه ..
كلك ذوق .. والله يسعدك ..وغيرها وغيرهااا ))
هذاااااا كل اللي قدرت عليه ..
واعذروني اذا غلطت في شي.. أو قصرت في شي..
بصراحه عصرت مخي .. ولا سألت أحد ..يعني اجتهاد شخصي.. -009-
اللي خلاني انزل الموضوع .. هو اني مره قلت لوحده من اعضاء هتان في المسنجر
لما قالت لي اسمها .. (( عاشت الأسامي )) ردت علي وقالت .. (( وش أقول ))؟؟ -022-
ههههههههههههههههههههههههههه
من جد ضحكتني .. وقلت لها ان عندي موضوع يصلح لتس انتي والبنات اللي مهوب سنعات!
والستر زين
ههههههههههههههههههههههههههههههههه
كنت ذاك اليوم أتصفح مجله من المجلات .. ولفت انتباهي هالموضوع ..
وهو عباره عن بعض الردود الحلوه اللي تستخدمها مع الناس .. في حياتك اليوميّه..
طبعاً الموضوع يخص البنات بالدرجه الأولى ..
والملاحظ أن (( الجيل التالي )) على قولة أمي مايعرف أبدن سلوم العرب ..
وأنا أولهم -071-
بصراحه اعجبني الموضوع .. وحبيت انقل لكم بعضه وبعضه إضافات مني ..
اجتهدت فيها . . << يعني اشكروني ههههههههههه
..
أول شي يا بنات يا حلوين ..
فيه رد حلو .. ودايماً نستخدمه .. وهو يصلح لكل العبارات ..
(( الله يسلمك )) .. وكذلك (( جزاك الله خير ))
لكن اليوم راح نتعرف على ردود حلوه وهي أصلاً معروفه
لكن أحياناً (( تطقنا أم الركب )) -071-
وننسى كل شي .. !!
يالله كل وحده من البنات السنعات ..
تجيب ورقه وقلم وتكتب وتحفظ وتسمّع
علشان لا جت عزيمه والا موقف ألا هي بلبل في الأسلوب والكلام السنع .. -009-
(( أقول يا معلّم الناس علّم نفسك ))
نجي للعبارات ..
في رجعة المسافر .. يقال لأهله .. (( هناكم العقلان )) أي عقله الله عليكم بالخير وتهنيتوا به ..
عقله (( رجعّه لكم )) موب عقله مخه يعني .. -003-
طبعاً اذا أنتي من أهل هالمسافر ووجهت لك هذي العباره .. يكون الرد عليها (( هناك الخير ))
لما يشوفك أحد من زمان عنه .. طبعاً راح يقول لك (( عاش من شافك ))
يكون الرد (( عاشت أيامك ))
لما تتعرفين على شخص جديد بحياتك ... ويعطيك اسمه .. حلو انك تقولين له (( عاشت الأسامي ))ويكون الرد (( عاشت ايامك ))
لما تعطين أحد أي شي .. فرضاً بيالة شاهي ..أي شي.. والشخص مانتبه لك ..
حلو تنبهينه بكلمة (( سمّ ,, سمّي ))
ويكون الرد (( سمّ الله عدوك ))
وكلمة سمّي لها مواضع كثيره بكلامنا ..
مثل ..
لما أحد يناديك .. تردين بها
لما تقاطعين أحد في سالفه .. بعدين تطلبين منه يكمل السالفه تكون البدايه بها ..
وهكذا ..
طبعاً الوالدين والأعمام والأخوال .. وعموماً كل شخص كبير وله إحترامه ..
إذا ناداك أي شخص منهم ..وش تقولين؟؟
البعض منا متعود يرد بـ (( نعم ,, والا .. هااه ,, والا .. ايوه ))
الأفضل انك .. تقولين (( لبيــــــّه ))
ويكون الرد عليها .. (( لبيّتي في الحرم إن شاء الله ))
لما تزورين .. أحد في بيت جديد ..
مهوب تدرعمين وبس ..
حلو انك تاخذين هدية بسيطه .. مهما كانت ..
وتقولين .. (( منزل مبارك ان شاء الله ))
وكثري من ذكر الله ..
الرد راح يكون (( الله يبارك فيك ))
لما تقلطين على عشاء .. عند ناس .. بعد ما تقومين من العشاء .. ماتروحين مدرعمه للغساله
حلو انك تقولين موجّهه الكلام لصاحبة البيت .. (( جعل ذا من طبعك وحنا من ربعك ))
أو تقولين .. (( أكرمكم الله ..كثر الله خيركم ..))
راح ترد عليك بـ (( حياكم الله ,,, أو ,,, صحة وعافيــه ))
لما يجي أحد تعبان .. أو مسوي شغله معينه .. حلو رفع معنوياته بكلمة (( لا تعبت ))
الرد عليها (( لا ندمت ))
و (( تفضّل )) تنقال لما تقدمين أي ضيافه لضيفك .. من قهوه أو شاي .. أو لما تقدمينه للعشاء ..
و يكون الرد (( زاد فضلك ))
نعرف ان زيارة المريض.. أو مكالمته .. تعطيه عافيه ..
خاصة لما يكون شخص يعزّك ويغليك ..
طبعاً راح تقولين له (( سلامات ما تشوف شر ان شاء الله )) أو (( طهور أن شاء الله ))
وراح يكون الرد (( الله يسلمك // الشر ما يجيك ))
في العزاء ..
(( أحسن الله عزاكم )) أو (( عظم الله أجركم ))
الرد طبعاً .. (( جزاكم الله خير ))
كثير لما تعطين احد اسمك أو اسم ابوك أو اسم بلدك وديرتك .. يبادرك بكلمة (( والنعــم ))
فيكون ردك .. (( الله ينعم بحالك )) أو (( ماعليك زود ))
فيه بعض العبارات اللي تعطي كلامك ولسانك حلاوه .. وتنقال في كل حين ..
مثل ..
(( تسلمين حبيبتي .. يا جعلني فداك .. يامال الخير .. يا مال العافيه ..الله يديم المحبه ..
كلك ذوق .. والله يسعدك ..وغيرها وغيرهااا ))
هذاااااا كل اللي قدرت عليه ..
واعذروني اذا غلطت في شي.. أو قصرت في شي..
بصراحه عصرت مخي .. ولا سألت أحد ..يعني اجتهاد شخصي.. -009-
اللي خلاني انزل الموضوع .. هو اني مره قلت لوحده من اعضاء هتان في المسنجر
لما قالت لي اسمها .. (( عاشت الأسامي )) ردت علي وقالت .. (( وش أقول ))؟؟ -022-
ههههههههههههههههههههههههههه
من جد ضحكتني .. وقلت لها ان عندي موضوع يصلح لتس انتي والبنات اللي مهوب سنعات!
والستر زين
ههههههههههههههههههههههههههههههههه
